«Նոր Մոսկվա»-ում ողբերգական ավտովթարի առնչությամբ մեղադրվող Հրաչյա Հարությունյանի գործում ներկայումս ներգրավված է Մոսկվայի ամենահայտնի ը` փաստաբանական իր խմբով, այս մասին «Արմենպրես»-ի հետ զրույցում ասել է Հրաչյա Հարությունյանի պաշտպանությամբ զբաղվող փաստաբան Ալեքսանդր Մալցևը:

Գործով մանրամասները պարզելու, ինչպես նաև Հարությունյանի առողջական և բարոյահոգեբանական վիճակի մասին տեղեկանալու համար գործակալությունը դիմել է Ռուսաստանում Հայաստանի դեսպանատուն:

«Դեսպանությունն «անում է ամեն ինչ, որպեսզի Հրաչյա Հարությունյանի իրավունքները պաշտպանվեն և իրականցվի օբյեկտիվ հետաքննություն: Գործում այժմ ներգրավված է շատ փորձառու փաստաբան: Շատ շնորհակալություն այն փաստաբաններին, ովքեր առաջին օրվանից աշխատել են այս գործով»,- պատասխանել է դեսպանատան խորհրդական Էդուարդ Ջամբազյանը:

Հրաչյա Հարությունյանի վիճակն այժմ համեմատաբար լավ է. նա դուրս է եկել շոկային վիճակից: Հարությունյանը ներկայում «Մատրոսկայա տիշինա» մեկուսարանում է` բժիշկների հսկողության տակ:

Նյութն ամբողջությամբ՝ կարդացեք այստեղ։

Այսօր «Վարկած» մամուլի ակումբը հյուրընկալեց Երևանի ավագանու «Բարև Երևան» խմբակցության քարտուղար Դավիթ Սանասարյանին:

Ասուլիսի թեման՝ քաղաքային տրանսպորտի ուղեվարձի շուրջ ծավալված իրադարձություններն էին:

Օրվա բանախոսը՝ շնորհավորելով մեր քաղաքացիներին հաղթանակի կապակցությամբ ասաց, որ ինքը Երևանում երեկ  ականատես է եղել` ինչպես են մեր երիտասարդները նշում և տոնում իրենց այս հաղթանակը: «Սա մեր քաղաքացիների հաղթանակն է, որն աննախադեպ էր մեզ համար: Այս անանուն շարժումը պետք է նոր թափ ստանա»,- նկատեց Սանասարյանը:

Դավիթ Սանասարյանը համաձայն չէ այն դիտարկման հետ, որ իշխանության նահանջը պայմանավորված էր՝ շարժումը վերահսկելի դարձնելու նպատակով:

«Կարծում եմ` սրանից հետո իշխանության  ներկայացուցիչները այսպիսի լուրջ արձագանքներ կստանան այնտեղից, որտեղից ամենաքիչն են սպասում: Այն, որ Տարոն Մարգարյանը չէր սպասում, որ հասարակությունը կընդվզի, դա լավ է և միշտ պետք է այդպես լինի: Ավելին ասեմ ձեզ` Տարոն Մարգարյանն անգամ աջակցություն չստացավ իր կուսակիցներից, որոնք նրան ավելի շատ  հարվածեցին (ինձ դա իհարկե քիչ է հետաքրքրում): Վառ ապացույցը մեր երեկվա հանդիպումն է, երբ  անգամ այսքան բողոքի ակցիաներից հետո քաղաքապետն ասաց, որ ինքը հպարտանում է մեր քաղաքացիներով»,- նկատեց Դավիթ Սանասարյանը:

Ի դեպ, «Ժառանգություն» կուսակցության ներկայացուցիչն իրատեսական է համարում Տարոն Մարգարյանի և քաղաքապետարանի մյուս պատասխանատուների հրաժարականների պահանջն, որովհետև նրանք, ըստ մեր բանախոսի, արդյունավետ կառավարում չեն իրականացնում:

Այսօր՝ հուլիսի 26-ին, Էրեբունու բժշկական կենտրոնի վերակենդանացման բաժանմունքում մահացավ Երևանի բնակիչ, 64-ամյա Ցոլակ Թանգամյանը:

Ինչպես ավելի վաղ հայտնել էր ֆոտոլրագրող Գագիկ Շամշյանը, հուլիսի 23-ին՝ ժամը 14:30-ի սահմաններում, Միքայելյանի անվան վիրաբուժական ինստիտուտից ոստիկանության Արաբկիրի բաժին հայտնել էին, որ կրծքավանդակի մասում ստացած հրազենային վնասվածքով իրենց մոտ է տեղափոխվել մի տղամարդ: Ֆոտոլրագրողի տեղեկություններով, հիվանդանոց մեկնած ոստիկանության Արաբկիրի բաժնի օպերատիվ-քննչական խումբը՝ բաժնի պետ Գրիշա Ամիրխանյանի և քննիչ Խաչատրյանի գլխավորությամբ, պարզել էին, որ հիվանդանոց տեղափոխված անձը 64-ամյա Ցոլակ Թանգամյանն էր, ով, ըստ տեղեկությունների, Ղափանցյան փողոցի իր տան հյուրասենյակում ինքնասպանություն գործելու նպատակով իրեն պատկանող Сайга М/К տեսակի 7.62 մմ տրամաչափի հրազենով կրակել էր իր կրծքավանդակին:

Օպերատիվ-քննչական խումբը տանը հայտնաբերել էր հրազենը, 7.62 տրամաչափի պարկուճն ու փամփուշտը: Ֆոտոլրագրողի տեղեկություններով, Թանգամյանը ոստիկանության «Զվարթնոց» օդանավակայանի բաժնի պետ, ոստիկանության գնդապետ Վանիկ Թանգամյանի եղբայրն է :

shamshyan.com

Օրեր առաջ երգիչ Գուրգեն Դաբաղյանը  ֆեյսբուքյան իր էջում գրել է.

«Աստված հոգի՛դ լուսավորի, Արշա՛կ ջան (Արշակ Դաբաղյան), իմ ախպեր, իմ միակ, ես մեկա չեմ հավատում, չեմ էլ ուզում…: Չի ստացվում հավատալ, որ Արշակս 18 տարեկանում արդեն չկա… Կարոտում ենք քեզ Արշոս, մեզ մի թող առանց քեզ»:

Նշենք, որ Արշակ Դաբաղյանն երգիչ Գուրգեն Դաբաղյանի հորեղբոր՝ դուդուկահար Գևորգ Դաբաղյանի որդին է:

Գուրգեն Դաբաղյանի պատմելով, Արշակ Դաբաղյանը, որը գնացել էր Ռուսաստան՝ հանգստանալու, արդեն Նովոսիբիրսկից պետք է հետ  վերադառնար: Երբ զանգահարել և տեղեկացրել են, որ տաքսին տեղում է, 9-րդ հարկի պատուհանից նայել է ներքև՝ կորցնելով հավասարակշռությունը՝ վայր է ընկել և մահացել:
Ներկայացնում են Արշակ Դաբաղյանի հիշատակին նվիրված ֆիլմ.
http://www.youtube.com/watch?v=14ZDDg4yffA&feature=player_embedded

«Հայաստանի Ձայն» հեռուստանախագծի հաղթող երգչուհի Մերի Մնջոյանը և Էրիկը «Նոր ալիք 2013» 12-րդ միջազգային մրցույթի շրջանակներում հրաշալի զուգերգ կատարեցին.

 
http://www.youtube.com/watch?v=0KLtOTt3sAs

Պետեկամուտների կոմիտեն հրապարակել է 2013թ. հունվար–հունիս ամիսների արդյունքներով առաջին 1000 խոշոր հարկ վճարողների և նրանց կողմից վճարված հարկերի և տուրքերի ցանկը։

Ցանկը գլխավորում է «ՀայՌուսգազարդը» ընկերությունը, որն այս տարվա առաջին 6 ամիսների ընթացքում վճարել է ավելի քան 19.4 մլրդ դրամի հարկեր և տուրքեր։

Երկրորդ հորիզիոնականում Զանգեզուրի պղնձամոլիբդենային կոմբինատն է՝ ավելի քան 12.8 մլրդ դրամի ընդհանուր հարկային մուտքերով։
Երրորդ  տեղում` «Ղ Տելեկոմը» (մոտ 11.2 մլրդ դրամ),  չորրորդում՝ «Արմենիա Տելեֆոն Կոմպանին» (7.5 մլրդ դրամ), որոնց հաջորդում է «Ալեքսգրիգը»՝ 6.74 մլրդ դրամ։

Ամբողջական ցանկին կարող եք ծանոթանալ այստեղ։

Հուլիսի 25-ին, ժամը 01.50-ին,  հիվանդանոցից  ոստիկանության Կենտրոնականի բաժնում հաղորդում է ստացվել, որ «կոմա անհայտ Էթիոլոգիա» ախտորոշմամբ շտապօգնության խումբը Մաշտոցի պողոտայի և Թումանյան փողոցի խաչմերուկից  բուժօգնության է տեղափոխել 1980 թ. ծնված Վահան  Հովհաննիսյանին:

Նույն օրը, ժամը 02.45-ի սահմաններում, Վ. Հովհաննիսյանը, գիտակցության չգալով,  հիվանդանոցում մահացել է:

Նշանակվել է դատաբժշկական փորձաքննություն:

Ոստիկանության լրատվական ծառայությունից հայտնում են, որ փաստի առթիվ  ՀՀ քրեական օրենսգրքի 104 հոդվածի 1-ին  մասի հատկանիշներով հարուցվել է քրեական գործ:

Կատարվում է նախաքննություն:

Վրաստանի էկոնոմիկայի նախարար Գեորգի Կվիրիկաշվիլին այսուհետ կզբաղեցնի առաջին փոխվարչապետի պաշտոնը, այս մասին հայտնում է Trend գործակալությունը:

Այսօր նրա թեկնածությունը ներկայացրել է երկրի վարչապետ Բիձինա Իվանիշվիլին:

Հիշեցնենք, որ Գեորգի Մարգվելաշվիլիին, առաջին փոխվարչապետի պաշտոնը լքել է այն բանից հետո, երբ «Վրացական երազանք» կոալիցիան նրա թեկնածությունն առաջադրեց Վրաստանի նախագահական ընտրություններին:

Երևան քաղաքի ամենամաքուր համայքներից մեկում՝ Ավանում, որն, ինչպես բոլորը գիտեն, գտնվում է քաղաքապետի հատուկ հովանավորության ներքո, ամեն ինչ չէ, որ կարգին է: Քաղաքապետի աներձագը՝ Ռոբերտ Սարգսյանն իր ղեկավարած համայնքում արդեն մոտ երկու շաբաթ է չի նկատում գարշահոտ ջրի արտահոսքը:

Բանն այն է, որ Ավան-Առինջ թաղամասի փողոցներից մեկում տևական ժամանակ է աղտոտված ջրի արտահոսքի պատճառով գարշահոտություն է տիրում: Պարզ չէ՝ կոյուղու վնասման հետևանքո՞վ է, թե մեկ այլ պատճառով, սակայն, որ վթարն անուշադրության է մատնված, փաստ է:

«Հայկական Վարկած»-ը շարունակում է բազմաթիվ ահազանգեր ստանալ խնդրի հետ կապված, ուստի սպասում ենք պատկան մարմինների արձագանքին:

Ներկայացված լուսանկարներն առավել ամբողջացնում են վերն ասվածը: