Բնապահպանական պետական տեսչության կողմից հուլիսի 22-ից 27-ն ընկած ժամանակահատվածում իրականացված ստուգումների,  շրջայցերի ընթացքում հայտնաբերված խախտումների, տեսչության վարույթին հանձնված գործերի քննության, բնապահպանական և բնօգտագործման վճարների  եռամսյակային հաշվետվությունների ընդունման գործընթացում  հայտնաբերված  խախտումների արդյունքում կայացվել է 1.96 մլն դրամ ընդհանուր գումարով վարչական տուգանքի 22 որոշում և հաշվարկվել է 2.98 մլն դրամ ընդհանուր գումարի շրջակա միջավայրին հասցված վնաս:

Մասնավորապես`

Բուսական աշխարհի պահպանության ոլորտ

Երևանի տարածքային բաժնի աշխատակիցների կողմից շրջայցերի ընթացքում հայտնաբերված  խախտման համար  մեկ ֆիզիկական անձի նկատմամբ կայացվել է 100 հազար դրամ գումարի վարչական տուգանքի  որոշում և հաշվարկվել է 100 հազար դրամ գումարի  շրջակա միջավայրին հասցված վնաս:

Արագածոտնի տարածքային բաժնի աշխատակիցների շրջայցերի ընթացքում հայտնաբերված  խախտման համար  մեկ ֆիզիկական անձի նկատմամբ կայացվել է 100 հազար դրամ գումարի վարչական տուգանքի  որոշում և հաշվարկվել է 27 հազար դրամ գումարի  շրջակա միջավայրին հասցված վնաս:

Լոռու տարածքային բաժնի  վարույթին հանձնված ապօրինի ծառահատման  երկու դեպքի քննության արդյունքում կայացվել է 60 հազար դրամ գումարի վարչական տուգանքի մեկ որոշում և հաշվարկվել է 120.5 հազար դրամ ընդհանուր գումարի  շրջակա միջավայրին հասցված վնաս:

Տավուշի տարածքային բաժնի  վարույթին հանձնված ապօրինի ծառահատման  երկու դեպքերով հաշվարկվել է 1.82 մլն դրամ ընդհանուր գումարի  շրջակա միջավայրին հասցված վնաս:

Հողերի պահպանության ոլորտ

Սյունիքի տարածքային բաժնի կողմից  երկու տնտեսվարողների մոտ իրականացված  ստուգումների արդյունքում հայտնաբերված խախտումների  համար  կայացվել է 200 հազար դրամ ընդհանուր գումարի վարչական տուգանքի երկու որոշում և հաշվարկվել է 780 հազար դրամ ընդհանուր գումարի շրջակա միջավայրին հասցված վնաս:

Մթնոլորտային օդի պահպանության ոլորտ

Լոռու տարածքային  բաժնի կողմից մեկ կազմակերպությունում իրականացված ստուգման  ընթացքում  հայտնաբերված  խախտման համար  կայացվել է  100 հազար դրամ   գումարի վարչական տուգանքի  որոշում և հաշվարկվել է 114.36 հազար դրամ գումարի շրջակա միջավայրին հասցված վնաս:

Հանքանյութի ապօրինի տեղափոխում

Շիրակի  տարածքային բաժնի աշխատակիցների շրջայցերի ընթացքում հայտնաբերված  խախտման համար  մեկ ֆիզիկական անձի նկատմամբ կայացվել է 50 հազար դրամ գումարի վարչական տուգանքի  որոշում:

Բնապահպանական և բնօգտագործման վճարի եռամսյակային հաշվետվություն սահմանված ժամկետում չներկայացնելու համար

Կենսառեսուրսների, հողերի, թափոնների, վտանգավոր նյութերի վերահսկողության բաժնի կողմից  մեկ տնտեսվարողի նկատմամբ կայացվել է 150 հազար դրամ գումարի վարչական տուգանքի որոշում:

Շիրակի տարածքային բաժնի կողմից մեկ տնտեսվարողի նկատմամբ  կայացվել է 50 հազար դրամ գումարի վարչական տուգանքի որոշում:

Սյունիքի  տարածքային բաժնի կողմից մեկ տնտեսվարողի նկատմամբ  կայացվել է 50 հազար դրամ գումարի վարչական տուգանքի որոշում:

Փայտանյութի ապօրինի տեղափոխում

Տավուշի տարածքային բաժնի վարույթին հանձնված իրավախախտման տաս դեպքերի համար ֆիզիկական անձանց նկատմամբ կայացվել է 1 մլն դրամ ընդհանուր գումարի վարչական տուգանքի տաս որոշում:

Ապօրինի որս

Գեղարքունիքի տարածքային բաժնի, ՀՀ ոստիկանության  Գեղարքունիքի և Մարտունու   բաժինների աշխատակիցների  համատեղ իրականացրած շրջայցերի ընթացքում հայտնաբերված խախտումների համար երկու ֆիզիկական անձանց նկատմամբ կայացվել է 100 հազար դրամ ընդհանուր գումարի վարչական տուգանքի երկու որոշում և հաշվարկվել է 25 հազար դրամ գումարի վնաս:   Առգրավված  34,5 կգ կենդանի խեցգետինը սահմանված կարգով բաց է թողնվել Սևանա լիճ, իսկ 5 հատ /2կգ./ սիգ տեսակի ձուկը  ինչպես նաև «Սևան ԱՊ» ՊՈԱԿ-ի հետ համատեղ իրականացված շրջայցերի ընթացքում հայտնաբերված տիրազուրկ 220 հատ /22կգ/ կարաս տեսակի  ձկները սահմանված կարգով հանձնվել են «Գավառի մանկատուն» ՊՈԱԿ:

Ընդհանուր առմամբ Բնապահպանական պետական տեսչության կողմից կիրառված պատժամիջոցներից ՀՀ պետբյուջե նշված ժամանակահատվածում մուտք է եղել 1.17 մլն դրամ գումար:

Իտալիայի հարավում տեղի ունեցած ավտոբուսի վթարի հետևանքով զոհվել է 36 մարդ. Lenta.ru-ն՝ վկայակոչելով  France Presse գործակալությանը, հայտնում է, որ ավտոբուսը կիրակի երեկոյան Նեապոլ-Բարի ճանապարհին հարվածելով տասնյակ մեքենաների, ընկել է 30 մետր բարձրությունից։
Ավտոբուսում ուխտավորներ են եղել, որոնք վերադառնալիս են եղել Նեապոլից՝ Պադրե Պիոյի վանք այցելությունից հետո։

Դեպքի վայրից մոտակա հիվանդանոցներ են տեղափոխվել 11 վիրավորներ, որոնց վիճակը ծայրահեղ ծանր է:

Իտալիայի իրավապահ մարմինները ավտովթարի հնարավոր որևէ պատճառ չեն մատնանշում։

Այսօր` հուլիսի 27-ին, ՀՀ Ոստիկանության պետ, գեներալ-լեյտենանտ Վլադիմիր Գասպարյանի հրամանով՝ աշխատանքից ազատվել և կադրերի ռեզերվ է ուղարկվել Ոստիկանության Երևան քաղաքի վարչության Կենտրոնական բաժնի ոստիկանապետ, ոստիկանության գնդապետ Սերոբ Հարությունյանը:

ՀՀ Ոստիկանապետի մեկ այլ հրամանով՝ Ոստիկանության Կենտրոնի բաժնի պետի ժամանակավոր պաշտոնակատար է նշանակվել նույն ոստիկանության բաժնի պետի օպեր. գծով տեղակալ Արթուր Հովհաննիսյանը:

«Կոտայքի մարզի Պռոշյան գյուղի գյուղապետարանի բոլոր աշխատակիցները երկուշաբթի օրը աշխատանքից ազատման դիմում են ներկայացնելու, բացի այդ պատրաստվում են բողոքի ակցիա կազմակերպել:

Իհարկե գյուղացիների վրդովմունքը կապված է գյուղապետ Հրաչ Մուրադյանի սպանության ու այդ սպանության մինչ օրս չբացահայտված լինելու հետ:

Խռովությունները կապված են նաև վերջրես գյուղում տեղի ունեցած ընտրությունների արդյունքի հետ»։

Արաքսյա Գրիգորյանի ֆեյսբուքյան էջից

ՀՀ ԱԺ նախկին պատգամավոր Հակոբ Հակոբյանի՝  «Լեդի Հակոբ»,  եղբորորդի Վարդան Հակոբյանի բնակության վայրում և աշխատավայրում կատարված խուզարկությունները, ըստ «Փաստինֆո»-ի  տեղեկությունների, անուղղակիորեն առնչվում են Մալաթիայի նախկին թաղապետի որդու՝ Անդրանիկ Զատիկյանի հանկարծակի մահվան հետ: Ինչպես հայտնի է, բուն մահվան փաստով հարուցված գործը կարճվել էր, սակայն փոխարենը գործ էր հարուցվել Անդրանիկ Զատիկյանին թմրամիջոցներ իրացնող անձին հայտնաբերելու համար:   Այդ գործի շրջանակներում էլ, ըստ գործակալության ունեցած տեղեկությունների, վարկածներից մեկը եղել է այն, որ   թմրամիջոցներից մահացած Ա.Զատիկյանին  թմրամիջոցներ է իրացրել Վ.Հակոբյանը:  Ի դեպ, Վարդան Հակոբյանի մյուս եղբայրը` Ստեփան Հակոբյանը մեղադրվում է Անդրանիկ Զատիկյանի մյուս եղբոր` Սեդրակ Զատիկյանի սպանությունը պատվիրելու մեջ:

Այսօր խուզարկություններ են կատարվել Վ.Հակոբյանի հորը՝ Սիմոն Հակոբյանին,պատկանող տարածքում, Վ.Հակոբյանի տանն ու աշխատավայրում: Գործակալության  ունեցած տեղեկություններով,  թմրամիջոցներ չեն հայտնաբերվել, փոխարենը հայտնաբերվել են ՏՕԶ տեսակի փամփուշտներ և  մեծ քանակությամբ գումար` մի քանի միլիոն դոլար և   դրամ:

Այսօր կտրվի Արաքս գետի ջուրը ջրամբարների միջոցով Ուրմիա լիճ և Մարանդի դաշտավայր տեղափոխելու նախագծի մեկնարկը, այս մասին հայտնում է ադրբեջանական Trend.az կայքը՝ վկայակոչելով իրանական Fars գործակալությանը:

Հանդիսավոր արարողությանը մասնակցելու են Իրանի նախագահի առաջին տեղակալ Մոհամմեդռեզա Ռահիմին և էներգետիկայիայի նախարար Մեջիդ Նամջուն:

Նախագծի իրականացման արդյունքում լուծվելու է 8 քաղաքի և 81 գյուղի ջրօգտագործման խնդիրը: Trend.az-ի հաղորդմամբ՝ նախագծի ընդհանուր արժեքը 875 մլն եվրո է. այն կյանքի են կոչելու իրանական և օտարերկրյա ընկերությունները:

Հալեպից արևմուտք գտնվող Հան Ասալ քաղաքի համար մղվող մարտերի ընթացքում գերի ընկած 51 զինծառայողներ մահապատժի են ենթարկվել  սիրիացի ապստամբների կողմից:

Ինչպես  հաղորդում է Lenta.ru-ն՝ հղում կատարելով Reuters-ին, կռիվը ընթանում էր վերջին մի քանի օրերի ընթացքում և ավարտվել է ապստամբական զորքերի հաղթանակով: Կառավարական ուժերը՝ կորցնելով մոտ 150 զինվոր և սպա, դուրս են մղվել քաղաքից:

Սիրիական ընդդիմության փոխանցմամբ, անցյալ շաբաթ մի շարք առանձնացված բանակային կայաններ և փոքրիկ բազաներ են ոչնչացվել:

Հյուսիսային բևեռը սովորաբար ասոցացվում է սառույցի հետ, սակայն այսօր այն այդպիսին չէ:
Երկու շաբաթ տևած տաք եղանակի հետևանքով Հյուսիսային բևեռը հուլիսի 13-ից սկսած՝ վերածվել է իսկական լճի:

Ինչպես  հայտնում է The Daily Mail-ը՝ վկայակոչելով ձյան և սառույցի ուսումնասիրության ազգային կենտրոնին, հուլիսի սկզբին ձերմաստիճանը 1-3 աստիճան ավելի բարձր է եղել տարվա ընթացքում Հյուսիսային սառուցյալ օվկիանոսի մեծ մասի համար միջին ջերմաստիճանից:

Հնարավոր է, ձևավորման փուլում գտնվող Արկտիկական ցիկլոնի շնորհիվ շուտով  ջուրը նորից վերածվի սառույցի:
http://www.youtube.com/watch?v=0WzdMDNVTb4&feature=player_embedded

Հայաստանի գրողների միության 16-րդ արտահերթ համագումարում ընդունվել է նոր կանոնադրություն, իսկ ՀԳՄ նախագահ է վերընտրվել Լևոն Անանյանը։

Համաձայն ՊԲ օպերատիվ տվյալների, հուլիսի 21-ից 27-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 220 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 1000 կրակոց:

ՊԲ առաջապահ զորամասերը համարժեք պատասխան են տվել հակառակորդի նախահարձակ գործողություններին և անհրաժեշտ քայլեր ձեռնարկել մարտական դիրքերի պաշտպանությունը հուսալիորեն կազմակերպելու համար: