Ադր­բե­ջա­նա­կան տխրահռ­չակ Haqqin.az լրատ­վա­կան կայ­քը նույն­պես նո­րույթ­ներ է սի­րում և ­կա­րող է հոգ­նել ան­վերջ նույն դեպ­քե­րից: Բ­նա­կան է, որ կայ­քը ­Տիգ­րան Խզ­մալ­յա­նով հա­վերժ հիա­նալ չէր կա­րող, անհ­րա­ժեշտ էին հիաց­մուն­քի նոր ա­ռար­կա­ներ, նոր «հե­րոս­ներ», և­ այդ «հե­րո­սը» գտնվեց` ­Ժի­րայր ­Սե­ֆիլ­յա­նը: Կար­ևո­րը մեկ­նարկն էր, և ­Սե­ֆիլ­յա­նը հայտն­վեց Haqqin.az-ի է­ջե­րում, իսկ դա նշա­նա­կում է, որ հե­տա­գա­յում ար­դեն հա­ճախ կտես­նենք ­Սե­ֆիլ­յա­նին նույն տխրահռ­չակ կայ­քի է­ջե­րում:

Այդ է­ջե­րում հայտն­վե­լու հա­մար ­Սե­ֆիլ­յա­նը բա­վա­կա­նին հա­ջող «գործ ա­րեց», նա կա­րո­ղա­ցավ աչ­քի ընկ­նել ան­բո­վան­դակ, բայց ար­տա­քուստ սկան­դա­լա­յին թվա­ցող հայ­տա­րա­րութ­յամբ` ա­սե­լով, թե քա­ռօր­յա պա­տե­րազ­մի ըն­թաց­քում մենք 7 մի­լիոն քա­ռա­կու­սի մետր տա­րածք ենք կորց­րել: Ի­հար­կե, հայտ­նի չէ, թե որ­տե­ղից ­Սե­ֆիլ­յա­նին նման տվյալ­ներ, ո­րով­հետև քա­ռօր­յա պա­տե­րազ­մի օ­րե­րին նա իր տա­նը ծպտված է ե­ղել, և­ ընդ­հան­րա­պես վեր­ջին մի ամ­սում որ­ևէ ան­գամ սահ­մա­նա­գիծ չի այ­ցե­լել, այլ միայն ռե­ժի­մին հե­ռաց­նե­լու մա­սին իր զա­վեշ­տա­լի գրա­ռում­ներն է ա­րել Facebook-ում: Հետ­ևա­բար, որ­պես ի՞նչ մենք պետք է հա­վա­տանք ­Սե­ֆիլ­յա­նին և չ­հա­վա­տանք պաշ­տո­նա­կան աղբ­յուր­նե­րին: Կա՞ որ­ևէ պատ­ճառ ­Սե­ֆիլ­յա­նին վստա­հե­լու. Բ­նա­կա­նա­բար` չկա, իսկ նրան չվստա­հե­լու պատ­ճառ­նե­րը բազ­մա­թիվ են, քա­նի որ ­Սե­ֆիլ­յա­նը սո­վո­րա­կան սադ­րիչ է և ­դա նո­րից հաս­տատ­վեց:

Տե­սեք` ­Սե­ֆիլ­յանն ա­սում է 7 մի­լիոն քա­ռա­կու­սի մետր դա 7 քա­ռա­կու­սի կի­լո­մետրն է: Նույն տա­րածքն է, բայց հնչո­ղութ­յու­նը տար­բեր է, այս դեպ­քում մի­լիոն է ա­սում և ­մի­լիո­նը սկան­դա­լա­յին է հնչում: Կա­րող էր նաև ոչ թե մետ­րե­րով, այլ մի­լի­մետ­րե­րով չա­փել և­ այդ ժա­մա­նակ կստաց­վեր 7 մի­լիարդ, ա­վե­լի սկան­դա­լա­յին: Սե­ֆիլ­յա­նից ա­մեն ինչ սպա­սե­լի է… Ի դեպ, հի­շեց­նեմ, որ «գրանտ տվող­նե­րը» որ­պես կա­նոն հենց սկան­դալ­ներ են սի­րում, դե իսկ ադր­բե­ջա­նա­կան կայ­քերն էլ սկան­դալ­նե­րը շուտ են նկա­տում: Այն­պես որ ­Սե­ֆիլ­յա­նը, կա­րե­լի է ա­սել, հա­սավ իր նպա­տա­կին. նա հեր­թա­կան ան­գամ գո­հաց­րեց իր պատ­վի­րա­տու­նե­րին և ­նույ­նիսկ «փիառ­վեց» ադր­բե­ջա­նա­կան մա­մու­լում: Ինչ­պես աս­ված է հայտ­նի «Ոս­կե ցլի­կը» վե­պում` «Сбылась мечта идиота»:

«100-ամ­յա­կը ա­ռանց ­Ժի­րայր ­Սե­ֆիլ­յա­նի» ֆեյս­բուք­յան էջ

«Ասում են, թե գործադիր մարմինն իր խոստացած երեք շաբաթների ընթացքում եթե չկարողանա կատարել այն քայլերը, որոնց մասին խոսեց կառավարության ղեկավարը, ապա սպասվում են արմատական փոփոխություններ՝ պաշտոնանկությունների տեսքով։ Ընդ որում, այս պահին բոլորն– են համոզված, որ գործադիրին առանձնապես չի հաջողվելու անել այն, ինչ խոստացավ, և որ էն գլխից Դավիթ Հարությունյանի գրած «տրանսֆորմացիոն» փոփոխությունների մասին ելույթը դատապարտված է ձախողման, պարզապես ոմանց այդ ելույթի «ներքո» պետք էր ևս մեկ անգամ ցուցանել՝ պաշտոնանկությունները սահուն դարձնելու կառավարության անկարողությունը, մյուս կողմից՝ զսպելու «հեղափոխականորեն անհաղթահարելի դարձած», հերթական անգամ «խաղեր տալու» ոմանց ախորժակը»,–գրում է թերթը։

«Իրատես de facto»

«Հատկապես ապրիլյան սրացումներից հետո, երբ հայկական կողմից ասիմետրիկ հարվածներ հասցնելու, այդ թվում՝ Մինգեչաուրի ջրամբարը կամ Բաքու-Ջեյհան նավթատարը խոցելու հնարավորության մասին հայտարարություններ հնչեցին, Ադրբեջանի և Թուրքիայի ռազմաքաղաքական ղեկավարությունը Աղրբեջանի տարածքից Վրաստանով և Թուրքիայով անցնող նավթագազային հաղորդակցուղիների անվտանգության հարցը դարձրեցին օրակարգային քննարկման առարկա։ Նախօրեին՝ Ադրբեջանի Գաբալա քաղաքում անցկացված չորրորդ գագաթնաժողովի ընթացքում, Թուրքիայի, Վրաստանի և Ադրբեջանի պաշտպանության նախարարները քննարկել են այդ խնդրի լուծման ուղղությամբ երեք երկրների ուժերի համատեղման հարցը։ Թուրքիայի պաշտպանության նախարար Իսմեթ Յըլմազն այդ կապակցությամբ ասել է «Երեք Երկրների նախարարները քննարկել են նավթամուդերի անվտանգության ապահովման հարցը, և այդ հաշվով համաձայնության հասել»։

«Երեք երկրների նախարարները քննարկել են նավթամուղերի անվտանգության ապահովման հարցը, և այդ հաշվով համաձայնության հասել»։

Սա ուշագրավ հայտարարություն է այն առումով, որ առնվազն Բաքու-ՋԵյհան նավթատարի դեպքում նման համաձայնությունն արդեն իսկ առկա էր դեռևս 2003 թ-ից, երբ այդ երկրների հատուկ ծառայությունների միջև փոխգործակցության արձանագրություն ստորագրվեց։

Հետևաբար այն, որ այժմ Վրաստանի, Թուրքիայի և Ադրբեջանի պաշտպանության նախարարները որոշել են թարմացնել այդ համաձայնությունը և վերստին հայտարարել, որ Ադրբեջանից Թուրքիա ձգվող նավթագազամուղները իրենց համատեղ ռազմական վերահսկողության տակ են, ցույց է տալիս, որ Բաքվում լրջորեն անհանգստացած են հայկական կողմի սպառնալիքներից՝ պատերազմի հնարավորության դեպքում այդ կարևորագույն օբյեկտները խոցելու շուրջ։

Սա, իհարկե, բարդացնելով նման հեռանկարի իրագործումն, այնուհանդերձ, որւէ կերպ չի բացառում այն։ Ուստի հայկական կողմից հենց այդ ուղղությամբ հայտարարությունները, կարծում ենք, ադրբեջանական նոր սադրանքների սանձազերծման դեպքում պետք է առավել կոշտ և վճռական բնույթ ստանան։ Այդ մասին պետք է հայտարարկհ արդեն ոչ թե երկրի նախկին պաշտպանության նախարարի մակարդակով ինչը որ արվեց այս օրերին, այլև հենց ներկայիս՝ գործող ռազմական հրամանատարության կողմից։

Հատկապես առկա տնտեսական ճգնաժամի պայմաններում նման հայտարարությունները նաև լրջորեն կվտանգեն Ադրբեջանի առաջիկա ծրագրերը՝մասնավորի կասպիական Շահ Դենիզ հանքավայրից սկիզբ առնող Տրանսատլանտյան գազամուղի (7/ա^Բ) կառուցումը, որը նախատեսված է ավարտին հասցնել 2019 թ-ին։ Ի վերջո, ապրիլյան քառօրյա պատերազմից հետո ադրբեջանական կողմի պահվածքը հերթական անգամ ցույց տվեց, որ այդ երկիրը, բացի ուժի լեզվից, որևէ այլ՝ դիվանագիտական կամ հումանիտար լեզու չի հասկանում:

Ժողովուրդ

«Երեկ ԵԱՀԿ Մինսկի խմբի համանախագահների, համանախագահ երկրների արտգործնախարարների, Եվրամիության բարձր ներկայացուցիչ Ֆեդերիկա Մոգերինիի, եվրոպական այլ բարձրաստիճան պաշտոնյաների մասնակցությամբ Վիեննայում կայացել են մի շարք հանդիպումներ Հայաստանի և Ադրբեջանի նախագահների հետ։ Եվ միայն ուշ երեկոյան ԵԱՀԿ Մինսկի խմբի համանախագահ երկրների արտգործնախարարների մասնակցությամբ կայացավ Սերժ Սարգսյանի և Իլհամ Ալիևի հանդիպումը, թեև ի սկզբանե քննարկվում էր երկու երկրների նախագահների տետ-ա-տետ հանդիպման հնարավորությունը։ Հանդիպումն ավարտվեց Երևանի ժամանակով կեսգիշերն անց։ Սակայն միայն այն հանգամանքը, որ Սարգսյան-Ալիև հանդիպումը կայացավ կեսգիշերին մոտ միայն, դրան նախորդած ինտենսիվ բանակցություններից հետո, վկայում է, որ անգամ այդ՝ միջնորդավորված հանդիպումը հնարավոր Է դարձել բավական մեծ ջանքերի գնով։

Թե կողմերից որ մեկն է մերժել մյուս կողմի պահանջները, դժվար է ասել։ Սակայն, դատելով նրանից, որ Ալիևի հետ հանդիպմանը նախորդած բոլոր հանդիպումներում Սերժ Սարգսյանը տարբեր ձևակերպումներով կրկնել Է բանակցությունների վերսկսման համար առաջադրած հայտնի պայմանները՝ հիմնական շեշտադրումը կատարելով շփման գծում հետաքննող մեխանիզմի ներդրման անհրաժեշտության վրա, կարելի է եզրակացնել, որ հայկական կողմը պնդել Է այդ նախապայմանները՝ հնարավոր Է՝ դրանց չընդունման դեպքում հրաժարվելով Ալիևի հետ հանդիպումից ընդհանրապես։

Ի՞նչ Է իրականում տեղի ունեցել երեկ Վիեննայում, հայտնի կդառնա այսօր, առաջիկա օրերին։ Ոչ միայն դիվանագիտական հայտարարություններից, այլև ղարաբաղաադրբեջանական սահմանագծի իրադրությունից:

«168 ժամ»

Մայիսի 16-ի լույս 17-ի գիշերը ղարաբաղաադրբեջանական հակամարտ զորքերի շփման գծում հակառակորդը տաբեր տրամաչափի հրաձգային զինատեսակներից ու հետևակի մարտական մեքենայից (30 արկ), 60 միլիմետրանոց ականանետերից (16 արկ) և հաստոցավոր ավտոմատ նռնականետերից (32 արկ) խախտել է կրակի դադարեցման պայմանավորվածությունը. տեղեկացնում է ԼՂՀ ՊԲ-ն։
Առավել ինտենսիվ խախտումներ են արձանագրվել շփման գոտու հարավարևելյան (Հադրութ) և արևելյան (Մարտունու) ուղղություններով:
Հատկանշական է, որ ադրբեջանական զինուժը առաջնագծում իրադրության ապակայունացման և սադրիչ գործողությունների էր դիմում Վիեննայում ԵԱՀԿ Մինսկի խմբի համանախագահների ջանքերով կազմակերպված Հայաստանի և Ադրբեջանի Հանրապետությունների նախագահների հանդիպման ընթացքում, ինչի արդյունքում հարավային ուղղությամբ տեղակայված ՊԲ դիրքերից մեկում մայիսի 17-ին` ժամը 00:50-ի սահմաններում, հրազենային մահացու վիրավորում է ստացել ժամկետային զինծառայող, 1996թ. ծնված Խաչատուր Վարդանի Հարությունյանը:
Դեպքի մանրամասները պարզելու համար կատարվում է քննություն:
ԼՂՀ պաշտպանության նախարարությունը կիսում է կորստյան ծանր վիշտը և իր զորակցությունը հայտնում զոհված զինծառայողի ընտանիքի անդամներին, հարազատներին և ծառայակիցներին:
ԼՂՀ պաշտպանության նախարարությունը հայտարարում է, որ առաջնագծում ստեղծված լարվածության հետևանքների ողջ պատասխանատվությունն ընկնում է ադրբեջանական կողմի վրա:

Քիչ առաջ ավարտվեց Սերժ Սարգսյան-Ալիև հանդիպումը:

Ներկայացնում ենք հանդիպումից հետո տարածված առաջին տեսանյութը, որն արվել է մինչ հանդիպման մեկնարկը:

Տեսանյութում ակնհայտ նկատելի է Սերժ Սարգսյանի և ՌԴ արտգործնախարար Սերգեյ Լավրովի ջերմ զրույցը: Նույն ֆոնին երևում է նաև Ալիևի դժգոհ դեմքի արտահատությունը:

Մանրամաները` PanoramaamTV-ի հրապարակած տեսանյութում:

Վիեննայում մայիսի 16-ի երեկոյան Հայաստանի Հանրապետության նախագահ Սերժ Սարգսյանը եւ Ադրբեջանի Հանրապետության նախագահ Իլհամ Ալիեւը մասնակցել են ԵԱՀԿ Մինսկի խմբի համանախագահող երկրների արտաքին գործերի նախարարների նախաձեռնությամբ եւ ԱՄՆ պետքարտուղար Ջոն Քերիի, ՌԴ արտգործնախարար Սերգեյ Լավրովի, Ֆրանսիայի եվրոպական հարցերով պետքարտուղար Արլեմ Դեզիրի մասնակցությամբ տեղի ունեցած քննարկմանը: Հանդիպմանը մասնակցել են երկու երկրների արտաքին գործերի նախարարներ Էդվարդ Նալբանդյանը եւ Էլմար Մամեդյարովը, դեսպաններ Իգոր Պոպովը (Ռուսաստան), Ջեյմս Ուորլիքը (ԱՄՆ), Պիեռ Անդրիոն (Ֆրանսիա) եւ ԵԱՀԿ գործող նախագահի անձնական ներկայացուցիչ Անջեյ Կասպրշիկը:

Քննարկվել են ԼՂ հակամարտության գոտում ս.թ. ապրիլի սկզբին զինադադարի կոպիտ խախտման հետեւանքով ստեղծված լարված իրավիճակը եւ դրանից դուրս գալու ուղիները: Համանախագահող երկրների ներկայացուցիչները պնդել են 1994թ. զինադադարի եւ 1995թ. զինադադարի ամրապնդման մասին համաձայնագրերի անշեղ իրագործման անհրաժեշտությունը:

Համաձայնություն է ձեռք բերվել քայլեր ձեռնարկելու դրանց իրականացման մշտադիտարկման եւ միջադեպերի հետաքննության մեխանիզմի ներդրման, ԵԱՀԿ գործող նախագահի անձնական ներկայացուցչի թիմի կարողությունների ավելացման, հակամարտության կարգավորման բանակցային գործընթացի հնարավոր վերսկսման ուղղությամբ:

Ես՝ Պողոսս, ծառան եմ Հիսուս Քրիստոսի, որը կանչեց ինձ՝ դառնալու իր առաքյալը և պաշտոն տվեց ինձ՝ քարոզելու Աստծու Ավետարանը։ Սուրբ գրքերում արձանագրված է, որ Աստված նախապես իր մարգարեների միջոցով խոստացավ տալ այս ավետիսը, որ վերաբերում է իր Որդուն՝ մեր Տեր Հիսուս Քրիստոսին, որը, իբրև մարդ, ծնվեց Դավթի սերնդից, բայց հայտնվեց իբրև Աստծու Որդի, երբ իր Սուրբ Հոգու զորությամբ հարություն առավ մեռելներից։ Նրա միջոցով Աստված տվեց ինձ առաքյալ լինելու շնորհը, որպեսզի Քրիստոսի անվանը հավատալու և հնազանդվելու առաջնորդեմ բոլոր ազգերին, որոնց թվում դուք էլ կանչվեցիք՝ Հիսուս Քրիստոսին պատկանելու համար։ Ողջո՜ւյն բոլորիդ, որ բնակվում եք Հռոմում, ձեզ, որոնց Աստված սիրեց և կանչեց՝ լինելու իր սուրբ ժողովուրդը։ Թող Աստված՝ մեր Հայրը, և Տեր Հիսուս Քրիստոսը ձեզ պարգևեն շնորհ և խաղաղություն։

Միջազգային իրավապաշտպան Human Rights Watch (HRW) կազմակերպությունը հայտարել է, որ ապօրինաբար թմրանյութեր պահելու մեղադրանքով Բաքվում Հեյդար Ալիեւի արձանը պղծած ակտվիստներ Բայրամ Մամեդովը եւ Գիյաս Իբրահիմովն Ադրբեջանում ձերբակալվել են քաղաքական դրդապատճառներով եւ կոչ է արել անհապաղ ազատ արձակել նրանց:

«Ադրբեջանը երիտասարդ ակտվիստների դեմ թմրանյութերի հետ կապված կեղծ մեղադրանքներ առաջադրելու տխուր պատմություն ունի», -ասել է Հարավային Կովկասի գծով HRW-ի տնօրեն Գեորգի Գոգիան: 

Այս մասին, ինչպես հաղորդում է «Արմենպրես»–ը, հայտնում է «Թուրան» լրատվական գործակալությունը` նշելով, որ Բայրամ Մամեդովը հանդիսանում է NIDA երիտասարդական շարժման, իսկ Գիյաս Իբրահիմովը` ձախամետ «Ձախ ճակատ» երիտասարդական խմբի անդամ: Երկու ակտվիստներն էլ Բաքվի սլավոնական համալսարանի ուսանողներ են:

HRW-ին հիշեցնում է, որ մայիսի 10-ին` Հեյդար Ալիեւի ծննդյան օրը, Բաքվում Ադրբեջանի կենտրոնական բանկի դիմացի այգում գտնվող նրա արձանի պատվանդանի կողերին ադրբեջաներենով եւ անգլերենով Qul Bayramınız MՖbarək (Շնորհավորում ենք ստրուկի օրվա առթիվ), իսկ առաջնակողմում` Fuck the system (Կորչի հասարակարգը) գրություններ են արվել: Այդ գրություններով արձանի լուսանկարը հայտնվել էր Facebook սոցցանցում, ինչը մեծ արձագանք էր առաջացրել Ադրբեջանում: Ոստիկանությունը տեսախցիկների արձանագրությունների միջոցով պարզել է, որ արձանի պատվանդանին գրություններն արել է Իբրահմովը, իսկ Մամեդովն այն լուսանկարել եւ անանուն տեղադրել է սոցիալական մամուլում:

«Իբրահիմովն ու Մամեդովն ինձ ասացին, որ ոստիկանությունն իրենցից պահանջել է, որպեսզի հրապարակորեն ներողություն խնդրեն արձանից տեսախցիկի առաջ, եթե ուզում են ազատ արձակվել», -լրագրողներին պատմել է նրանց փաստաբան Էլչին Սադըգովը` նշելով, որ երիտասարդ ակտվիստները հրաժարվել այդ առաջարկությունից:

Դրանից հետո երիտասարդներին սպառնացել են կատարելագործված մեթոդներով խոշտանգումներով, եթե նրանք չխոստովանեն իրենցից թմրանյութեր առգրավելը, ինչից հարկադրված նրանք խոստովանական ցուցմունքներ են տվել, իսկ հետո դատարանում հրաժարվել դրանցից:

Ոստիկանությունում երիտասարդներին նվաստացրել եւ ստիպել են ավլել հատակը: Մամեդովն ու Իբրահիմովը փաստաբանին հայտնել են իրենց դեմ խոշտանգումներ իրագործվելու մասին: HRW-ն կոչ է արել անհապաղ հանել ակտվիստների վրայից թմրանյութերի գծով մեղադրանքները:

«Դա քաղաքական դրդապատճառներով թմրանյութերի հետ կապված քրեական մեղադրանքների կեղծման աղաղակող դեպք է: Իշխանություններն ակնհայտ փորձում են ուղերձ հայտնել, որ եթե մասնակցում եք չհամաձայնեցված քաղաքական գործունեության մեջ, ապա կբախվեք ամենադաժան հետապնդումների», -ասվում է HRW-ի հայտարարության մեջ, որում նշվում է նաև, որ եթե ադրբեջանական իշխանությունները ցանկանում են երիտասարդներին պատժել Ալիեւի արձանին գրություններ կատարելու համար, ապա դրա համար Ադրբեջանի վարչական օրենսգրքով տուգանք է հասնում:

Ադրբեջանի ներքին գործերի նախարարությունը միջադեպի հետ կապված հայտարարության մեջ նշել է, որ Բայրամ Մամեդովի մոտից 2,904 գ հերոին տեսակի թմրանյութ է հայտնաբերվել, իսկ նրա տանից` 1 կ 150 գ հերոին: Գիյաս Իբրահիմովի մոտից` 2,607 գ հերոին, իսկ նրա տանից` 1 կգ 10 գ հերոին:

«Խոշոր չափերի» թմրանյութեր պահելու մեղադրանքով երիտասարդներին 12-ական տարվա ազատազրկում է սպասվում:

Ադրբեջանում ավանդույթ է դարձել իշխանություններին, կառավարությանը քննադատող ակտիվիստներին, ընդդիմադիրներին եւ քաղաքական-հասարակական,  անգամ կրոնական գործիչներին թմրանյութերի հետ կապված հոդվածներով մեղադրանքներ ներկայացնելն ու բանտեր նետելը:

Միջազգային եւ ադրբեջանական իրավապաշտպան կազմակերպությունների տվյալներով` Ադրբեջանում ներկայում մոտ 100 քաղաքական բանտարկյալներ կան, որոնցից 28-ը ճանաչվել է խղճի բանտարկյալ: