Ալիևի գրպանային կայքերից մեկը՝ haqqin.az-ը իբրև թե հղում անելով հայաստանյան ԶԼՄ-ներին տեղեկություն էր տարածել,ըստ որի՝ Համաշխարհային Բանկը Մարտունի-Վարդենիս-Սոթք ճանապարհի 6,5 – 11,1 կիլոմետրի վերականգնման համար գումար է հատկացրել ՀՀ տրանսպորտի նախարարությանը,որի մի մասը,ըստ անգրագետ haqqin.az-ցիների անցնելու էր Քարվաճառի (Քելբաջարի) շրջանով…Ու սկսվեց “Կիկոսի մահը”…

Իր հակահայ կեցվածքով հայտնի այս կայքն առանց որևէ բան ճշգրտելու հայտարարել էր,որ շուտով կներկայացնի Ադրբեջանի ԱԳՆ-ի պարզաբանումներն այս հարցի շուրջ,իսկ մինչ այդ էլ մեկնաբանություններ էր վերցրել հայտնի ազերի քաղաքագետներից՝Արաստուն Օրուջլուից և Զարդուշտ Ալիզադեից,որոնք առանց տեղեկության իսկությունը ճշտելու մեկնաբանել էին haqqin.az-ի այս ապուշությունը…
Ադրբեջանի ԱԳՆ-ի պատասխանը բավական կոշտ էր…”Ոչ ոք կայքին թույլ չի տվել խոսել մեր անունից…Առանց որևէ պաշտոնական կազմակերպության դիրքորոշումը ճշտելու խոսել նրա անունից՝դա պրոֆեսիոնալ լրագրության կանոններից դուրս է և ԶԼՄ-ների մասին օրենքի կոպիտ խախտում է…

Առիթից օգտվելով կոչ ենք անում տպագիր որոշ ԶԼՄ-ների այս զգայուն ժամանակաշրջանում չդառնալ քարոզչության գործիք հայերի ձեռքում”,-բարբաջել է Մամեդյարովի գերատեսչության մամլո ծառայությունը…

Այն,որ haqqin.az-ը հայտնի է իր ոչ պրոֆեսիոնալիզմով՝փաստ է.կարող է հոդված կամ տեղեկություն տպագրել,իսկ մի քանի ժամ անց հանել այն…Սա ապացուցում է,որ կայքն անլուրջ է…Սակայն հետաքրիր է,թե այս ապատեղեկատվության տարածումը սույն կայքի կողմից ի՞նչ կապ ունի “հայերի ձեռքում գործիք դառնալու” հետ…Աշխարհագրություն չիմանալն,ըստ Ադրբեջանի ԱԳՆ-ի՝հայամետություն է… —

Գագիկ Համբարյան 

Բաքվի Հեյդար Ալիևի անվան օդանավակայանում փորձել են արտաքսել 8-ամյա երեխային ՝ վերջինիս հայկական ազգանվան պատճառով:

Երեխայի մայրը Instagram-ի իր միկրոբլոգում հրապարակել է արտասվող երեխայի լուսանկարները, ով Ադրբեջանի հայատյացության հերթական անմեղ զոհն է դարձել: Նա նշել է, որ ինքը և երեխայի հայրը ազգությամբ ռուս են, սակայն հայկական ազգանուն ունեն, ինչն էլ խոչընդոտ է դարձել Ադրբեջանում երեխայի ազատ տեղաշարժման համար:

life.panorama.am

«Հիմա ես չեմ ուզում անդրադառնամ 11 ամիսներին, ինչպես ասում են արդարությունը հիվանդանում է, բայց չի մահանում, ուրախ եմ որոշման համար, վստահ էի, որ պետք է արդարությունը հաղթի»,- դատախազ Արամ Արամյանի՝ մեղադրանքից հրաժարվելուց հետո ասաց Դուքենդոյի եւ «Ֆուլ կոնտակտ» կարատեի ֆեդերացիայի նախագահ, դերասան Գոռ Վարդանյանը:

Իսկ դատախազը մեղադրանքից հրաժարվելու իր քայլը հիմնավորեց այսպես. «Ամբաստանյալի հարցաքննության եւ մյուս ապացույցների հետազոտման արդյունքում ի հայտ են եկել հանցագործության առարկա ռազմամթերք ձեռք բերելու եւ պահելու համար տեղեկություններ, որոնք մինչ այդ հայտնի չեն եղել մինչդատական վարույթի ընթացքում: Ինչպես դատաքննության արդյունքում հետազոտված ապացույցներով, այնպես էլ դատավարական գործողություններով հնարավոր չի եղել հայտնաբերված ռազմամթերքը եւ պայթուցիկ նյութերը նույնացնել ֆիլմեր նկարահանելու նպատակով Արմեն Վարդանյանին տրամադրված սպառազինության հետ, միեւնույն ժամանակ առկա փաստական տվյալներով հնարավոր չէ հերքել Արմեն Վարդանյանի կողմից ներկայացված պատճառաբանությունները, ելնելով վերոգրյալից՝ հրաժարվում եմ մեղադրանքից եւ Արմեն Վարդանյանի նկատմամբ քրեական հետապնդում իրականացնելուց»:

Հիշեցնենք, որ Կենտրոն եւ Նորք Մարաշ վարչական շրջանների ընդհանուր իրավասության դատարանում մի քանի անգամ մեղադրողի միջնորդությամբ հետաձգվել էր ապօրինի զենք, զինամթերք պահելու մեջ մեղադրվող դերասան Գոռ Վարդանյանի գործով դատական նիստը: Իսկ արդեն այսօր, անակնկալ նա հրաժարվեց մեղադրանքից:

aravot.am

Ապրիլյան քառօրյա պատերազմի ժամանակ զոհված ազգությամբ եզդի զինծառայող Քյարամ Սլոյանի ընտանիքի անդամները, «Սինջար եզդիների ազգային միավորումը», «Իրավունքների պաշտպանություն՝ առանց սահմանների» կազմակերպությունն ապրիլի կեսերին հայց են ներկայացրել Մարդու իրավունքների եվրոպական դատարան, որով պահանջում են ռազմական հանցագործություն որակել Սլոյանի նկատմամբ տեղի ունեցածը: Այս մասին մեզ պատմեց «Սինջարի» նախագահ Բորիս Մուրազին․ «Սկզբից դատարանը պետք է քննի հայցի հիմքերը, ինչից հետո տեղի կունենա հետագա պրոցեսը»:

Նրա խոսքով՝ հայցին կցվել են բոլոր անհրաժեշտ փաստերը՝ հրապարակումներ, լուսանկարներ, ինչպես նաեւ մի սահմռկեցուցիչ տեսագրություն, որտեղ երեւում է, թե ինչպես են ադրբեջանական մի գյուղում Սլոյանի՝ փաթաթանի մեջ դրված գլուխը մեքենայից հանում եւ ցույց տալիս այդտեղ հավաքված մարդկանց: Մուրազին կարծում է, որ ՄԻԵԴ-ը գուցե քաղաքական որոշում կայացնի այս գործով: «Եթե ՄԻԵԴ-ն ընդունի, որ Ադրբեջանի ղեկավարությունը ռազմական հանցագործություն է իրականացրել, դա, ըստ իս, էապես կազդի Արցախի խնդրի վրա: Այդ պատճառով կարծում եմ, որ խիստ որոշում չի լինի, միանշանակ, ինչ-որ գնահատական կտրվի այդ հանցագործությանը, գուցե դաժանություն որակեն, չեմ կարող ասել: Ինչպես Հայոց ցեղասպանության դեպքում է՝ ամեն բառ գործածում են, բացի «ցեղասպանությունից»»:

Եզդի հանրությունը, ըստ Մուրազիի, նույնպես խիստ դատապարտում է զինվորի հետ տեղի ունեցածը, որը հիշեցնում է «Իսլամական պետության» բարբարոս ձեռագիրը: «Եվ այն, որ Ադրբեջանի նախագահը պարգեւատրում է Սլոյանին գլխատած զինծառայողին, դա քաղաքակիրթ աշխարհի համար եւս մեկ առիթ է Ադրբեջանի դիմակը պատռելու հարցում: Բոլորի համար էլ պարզ է, որ Ադրբեջանը մարդակեր համակարգ է, որը որեւէ իրավունք չի ճանաչում»,-նկատեց «Սինջարի» նախագահը:

Քյարամ Սլոյանը թերեւս միակ զոհված զինծառայողն է, որի նկատմամբ տեղի ունեցածն ապացուցող լուսանկարներ եւ տեսագրություն կան: Մինչդեռ ադրբեջանական կողմը, ըստ Մուրազիի, փորձում էր հերքել, որ լուսանկարներում եւ տեսագրության մեջ երեւացող գլուխը եզդի զինծառայողինն է՝ նման հրապարակումները որակելով բեմականացում: «Իրենք ասում էին, թե դա տեղի է ունեցել Սիրիայում, իսկ երբ նույն այդ «բեմականացման» մասնակից զինվորականին Ադրբեջանի նախագահը պարգեւատրում է, դա լավագույն ապացույցն է, որ Ադրբեջանը նաեւ ստախոս է: Երբ արդեն հայցը դատարան էր ներկայացվել, եվրոպական կառույցների կողմից ճնշում եղավ ադրբեջանական կողմի նկատմամբ, ինչից հետո միայն ադրբեջանցիները վերադարձրին Քյարամի գլուխը: Սրանք անհերքելի փաստեր են, որոնց մասին չի կարելի կասկածով խոսել»,-նկատեց Մուրազին: Նշենք, որ Քյարամ Սլոյանից բացի, անարգանքի են ենթարկվել քառօրյա պատերազմում զոհված մի քանի այլ զինվորներ եւս:

Ապրիլյան դեպքերից հետո ստեղծված իրավաբան-իրավապաշտպանների խումբը, ինչպես հայտնի է, գլխատված, անդամահատված զինծառայողների ընտանիքների անդամների անունից ընդդեմ Ադրբեջանի գանգատներ է ներկայացրել ՄԻԵԴ՝ զոհվածների նկատմամբ միջամտության հետեւանքով իրենց հանդեպ դրսեւորված անմարդկային վերաբերմունքի, զոհվածների անձնական կյանքի նկատմամբ հարգանքի, իրավական պաշտպանության միջոցների, ինչպես նաեւ ազգային հիմքով խտրականության չենթարկվելու իրավունքների խախտումները ճանաչելու խնդրով: Դատարանը սեփական նախաձեռնությամբ գանգատներին տվել է անանունություն՝ սահմանափակելով այդ վարույթների շրջանակում ընդունվող որոշումների եւ այլ փաստաթղթերի հանրային հասանելիությունը: Առաջիկայում վերոնշյալ խմբի ներկայացուցիչները, ինչպես մեզ հետ զրույցում ասաց խմբի անդամ Արտակ Զեյնալյանը, հանդես կգա ասուլիսով եւ տեղեկատվություն կներկայացնի գանգատների ընթացքի վերաբերյալ:

https://www.youtube.com/watch?v=TgSEDX7dqBQ&app=desktop

ՀՀ ֆինանսների նախարարության հրապարակած վերջին տվյալների համաձյան՝ 2016 թվականի ապրիլի 30-ի դրությամբ կազմվել է Հայաստանի տարածքում լիցենզավորված խաղատների ցանկը: Դրանք են՝ «Օնիրա Քլաբ» ՍՊԸ, «Ռոյալ Ինտերթեյնմենտ» ՍՊԸ, «Սենատոր Սպորտ» ՍՊԸ եւ «Լիմոն Գեյմս» ՍՊԸ: «Օնիրա Քլաբ»-ն իր գործունեությունն իրականացնում է Կոտայքի մարզի Վերին Պտղնի գյուղում, Երևան-Աբովյան խճուղիում, «Ռոյալ Ինտերթեյնմենտ» ՍՊԸ-ն՝ Կոտայքի մարզի Ծաղկաձոր քաղաքում, «Սենատոր Սպորտ» ՍՊԸ-ն՝ նույնպես Ծաղկաձորում, իսկ «Լիմոն Գեյմս» ՍՊԸ-ն՝ Սյունիքի մարզի Մեղրի քաղաքում:

Համաձայն «Պետական տուրքի մասին» օրենքի` շահումով խաղերի կազմակերպման համար տարեկան պետական տուրքը Ծաղկաձոր քաղաքում կազմում է 150 000 000 ՀՀ դրամ, Սևան քաղաքում` 120 000 000 ՀՀ դրամ, Ջերմուկ քաղաքում` 80 000 000 ՀՀ դրամ, Մեղրի քաղաքում` 30 000 000 ՀՀ դրամ, այլ վայրում` 4 500 000 000ՀՀդրամ:

Վերը նշված ընկերություններից միայն «Օնիրա Քլաբ» ՍՊԸ-ն է, որ լիցենզիա է ստացել այլ վայրում՝ Կոտայքի մարզի Պտղնի գյուղում, իսկ ավելի պատկերավոր եթե ասենք՝ Երեւանի հարակից տարածքում, Աբովյան քաղաքի ճանապարհին:

Հիշեցնենք, 2013թ. հունվարի 1-ից ուժի մեջ մտավ «Շահումով խաղերի եւ խաղատների մասին» օրենքում կատարված փոփոխությունը, որի համաձայն՝ խաղատուն կամ շահումով խաղ կարող է կազմակերպվել Ծաղկաձոր, Ջերմուկ, Սևան քաղաքներում եւ «Զվարթնոց» օդանավակայանի ու «Երևան» ազատ տնտեսական գոտու» տարածքներում: Իսկ Երևանից դուրս գտնվող հարակից տարածքներում կարող են խաղատներ բացել և շահումով խաղեր կազմակերպել միայն այն գործարարները, ովքեր կներդնեն 40 մլրդ դրամ կամ մոտ 100 մլն դոլար և կունենան կառավարության աջակցությունը: Այս փոփոխությունը նշված օրենքում կատարվել է 2010թ. ապրիլին:

Որքան հարկ են վճարում խաղատները:

ՀՀ պետական եկամուտների կոմիտեն (ՊԵԿ) յուրաքանչյուր տարի եւ տվյալ տարվա եռամսյակներին հրապարակում է Հայաստանի հազար խոշոր հարկատուների ցանկը: Ամենաթարմը 2016 թվականի առաջին եռամսյակի տվյալներն են: Ըստ այդմ՝ խաղատները հունվար-մարտ ամիսների խոշոր հարկատուների ցանկում զբաղեցրել են հետեւյալ տեղերը՝

Ում է պատկանում «Օնիրա Քլաբ» ՍՊԸ-ն

ՀՀ արդարադատության նախարարության իրավաբանական անձանց պետական ռեգիստրի գրանցամատյանի տվյալների համաձայն՝ «Օնիրա Քլաբ» ՍՊԸ-ն հիմնադրվել է 2010 թվականին: Հիմնադիրներն են՝ «Մուլտի գրուպ կոնցեռնը», Գագիկ Ծառուկյանը, Ջավահիր Ծառուկյանը (Գագիկ Ծառուկյանի կինը):

Ինչպես խաղատների մենաշնորհը տրվեց Գագիկ Ծառուկյանին

«Օնիրա Քլաբը» հիմնադրվել է 2010 թվականի դեկտեմբերի 29-ին, իսկ «Շահումով խաղերի և խաղատների մասին» ՀՀ օրենքում փոփոխություններ է կատարվել այս ընկերությունը գրանցելուց 8 ամիս առաջ: Օրենքը ուժի մեջ է մտել 2013 թվականի հունվարի 1-ին: ՀՀ կառավարությունը 2013 թվականի դեկտեմբերի 26-ին որոշում է ընդունել, որով հավանություն է տվել «Oնիրա Քլաբ» ՍՊԸ-ին ժամանցի եւ հանգստի կենտրոնի կառուցելուներդրումային ծրագրին: «Օնիրա Քլաբ»-ն իր մեջ ներառում է «Փարավոն» հանգստի եւ ժամանցի կենտրոնը, «Շանգրի լա» խաղատունը:

Այս ընկերությունն իր գործունեության ընդամենը 3 տարիների արդյունքում ռեկորդային ցուցանիշ է գրանցել: Ինչպես վերը նշեցին՝ «Օնիրա Քլաբ»-ը հայտնվել է 1000 խոշոր հարկատուների ցանկի 19-րդ հորիզոնականում, առաջ անցնելով այնպիսի ընկերություներից ինչպիսիք են՝ «Ռոսնեֆթ Արմենիա»-ն, «Ակբա կրեդիտ ագրիկոլ բանկ»-ը, «Արդշինբանկ»-ը, «ՎՏԲ Հայաստան բանկ»-ը, «Ամերիաբանկ»-ը:

Հ.Գ. Խաղատների մենաշնորհն այն բազում արհեստական մենաշնորհներից մեկն է, որը գոյություն ունի Հայաստանում: Հիշեցնենք, վարչապետ Հովիկ Աբրահամյանը բոլորովին վերջերս հայտարարել է, որ պայքար է սկսում մենաշնորհների դեմ: Հույս ունենք, որ Գագիկ Ծառուկյանին տրված այս մենաշնորհի մասին Հովիկ Աբրահամյանը չի մոռանա՝ հաշվի առնելով նաեւ խնամիական կապը:

armtimes.com

Ես աչքերիս չեմ հավատում՝ հայ կանայք ցավում են ադրբեջանցի փոխգնդապետի զոհվելու համար, դուք հասկանում ե՞ք, ինձ ամոթանք են տալիս, որ ես ադրբեջանցի փոխգնդապետի մահվան մասին եմ գրել, թե բա ՝ մի ուրախացեք ախր նրանք էլ են մարդ, նրանք էլ են երեխա… Ինչ կարճա քո հիշողությունը հայ մարդ, ինչ զզվելիա քո անցողիկ ապրումները, մեկ ամիս առաջ թուրքը քո ծեր հայրենակցին , տան մեջ մոռթել էր, հիմա դու նորից մարդասիրություն ես ցուցաբերում, մի ամիս առաջ ազերին քո զինվորի գլուխը կտրել ու նկարները տարածում էր, իսկ հիմա թշնամու զինվորի մահը քո համար ցավա դարձել…ԶԶվելիա

Աշոտ Ասատրյանի ֆեյսբուքյան էջից:

Մայիսի 29-ին` ժամը 22:00-ի սահմաններում, ՊԲ հարավարևելյան ուղղությամբ տեղակայված զորամասերից մեկի կրակային դիրքում հանկարծամահ է եղել զինծառայող, 1997թ. ծնված Սուրեն Արմենի Մոսիյանը: Այս մասին հայտնում է ԼՂՀ ՊՆ-ն:

Զինծառայողի մահվան հանգամանքները պարզելու համար կատարվում է քննություն:

ԼՂՀ պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին:

Պակիստանի Իսլամական գաղափարախոսության խորհուրդը, որի ղեկավարն է Մուհամմադ Հան Շիրանը, երկրի իշխանություններին առաջարկել է հատուկ օրենք ընդունել, համաձայն որի` որոշ դեպքերում տղամարդը կարող է կնոջը ծեծի ենթարկել:
Ինչպես տեղեկացնում է «Daily Mail»-ը, առաջարկված նախագծով տղամարդը պետք է իրավունք ունենա թեթևակի ծեծել կնոջը, եթե նա հրաժարվում է սեքսից, դաշտանից և սեռական ակտից հետո չի լողանում, հրաժարվում է հիջաբ կրելուց, այնքան բարձր է խոսում, որ նրան կարող են լսել անծանոթները:
Բացի այդ, օրինագծի համաձայն` կնոջը պետք է արգելել մասնակցել ռազմական գործողությունների, բարձրագույն կրթություն ստանալ, նկարահանվել գովազդներում և մասնակցել օտարերկրյա պատվիրակությունների ընդունմանը: Կին բուժքույրերը պետք է զերծ մնան տղամարդկանց խնամելուց, իսկ 120 օրից հետո արված հղիության արհեստական ընդհատումը պետք է սպանություն ճանաչել:
Այնուամենայնիվ, կինն իրավունք ունի մասնակցելու քաղաքական գործընթացներին, իսկ նա, ով ստիպում է կնոջն ամուսնանալ, պետք է դատապարտվի 10 տարվա ազատազրկման:
Նշվում է, սակայն, որ Խորհրդի առաջարկությունները խորհրդատվական բնույթ են կրում, և պարտադիր չեն կիրառման կամ ընդունման համար: