Երեկ Ազգային ժողովի Արտաքին հարաբերությունների մշտական հանձնաժողովը դրական եզրակացություն տվեց լիագումար նիստերի օրակարգում «Հայաստանի Հանրապետության և Ռուսաստանի Դաշնության միջև Հավաքական անվտանգության կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին» համաձայնագիրն ընդգրկելու մասին հարցին:

Առաջիկայում համաձայնագիրը, անկասկած, կընդունվի, նաև Ազգային ժողովի կողմից: Եթե վերանանք իրավական ու մասնագիտական ձևակերպումներից, այս համաձայնագրով հակաօդային պաշտպանության բնագավառում ստեղծվելու է միասնական տարածք` միասնական համակարգող մարմնով, և այդ միասնական տարածքում որոշումների կայացման լիազորությունը, բնականաբար, տրվելու է Ռուսաստանին:

«Հավաքական անվտանգության կովկասյան տարածաշրջանում հակաօդային պաշտպանության միավորված համակարգի զորքերի և հակաօդային պաշտպանության այլ տարածաշրջանային համակարգերի կազմի մեջ մտնող զորքերի համատեղ գործողությունների համակարգումն իրականացնում է ՌԴ զինված ուժերի օդատիեզերական ուժերի գլխավոր հրամանատարը, իսկ ընդհանուր ղեկավարումը՝ ՌԴ Հարավային զինվորական օկրուգի զորքերի հրամանատարը»,- ներկայացնելով համաձայնագիրը՝ երեկ ասել է ՀՀ պաշտպանության նախարարի տեղակալ Արա Նազարյանը` ավելացնելով, որ Հայաստանի համապատասխան մարմինները որոշումների կայացման լիազորություն են ունենալու միայն տեղական նշանակության հարցերում. «Ինչ վերաբերում է հավաքական անվտանգության առանձին շրջանի հակաօդային պաշտպանության միավորված համակարգի զորքերի համատեղ գործողությունների կառավարմանը, ապա այն իրականացնում է Հայաստանի Զինված ուժերի հակաօդային պաշտպանության զորքերի պետը»:

Այս երկարաշունչ ձևակերպումների տակ թաքնված է այն իրողությունը, որ համաձայնագրի գործողությունից հետո հակաօդային պաշտպանության հարցերում որոշումների կայացման ժամանակ Հայաստանի համապատասխան մարմինները համակարգվելու են Ռուաստանի` վերը նշված ռազմական գերատեսչությունների կողմից: Իսկ դա նշանակում է, որ փոխնախարարի ասածի երկրորդ հատվածը` «հավաքական անվտանգության առանձին շրջանի» վերաբերյալ, ընդամենն իրականությունը լղոզելու փորձ է, քանի որ, կրկնում ենք, այդ ուժերի ընդհանուր համակարգումն իրականացվելու է ռուսական բանակի կողմից:

Այսպիսով, մինչ հասարակությունը շարունակում է հարցեր բարձրացնել անվտանգության ոլորտում Ռուսաստանի կողմից Հայաստանի նկատմամբ ցուցաբերվող, մեղմ ասած, ոչ դաշնակցային վարքագծի, ապրիլյան պատերազմում պրոադրբեջանական պահվածքի և ընդհանրապես հայ-ռուսական հարաբերությունների վասալային բնույթի մասին, Հայաստանի իշխանությունը, առայժմ՝ միայն խորհրդարանական հանձնաժողովի մակարդակով, իհարկե, հավանություն է տալիս Հայաստանի «օդային ինքնիշխանությունը» Ռուսաստանին զիջելու մասին համաձայնագրին:

Ռուսաստանը, որ մինչև այսօր համարյա ամբողջությամբ տնօրինում է Հայաստանում գտնվող գրեթե բոլոր ռազմավարական ու ոչ ռազմավարական օբյեկտներն ու ենթակառուցվածքները, այսպիսով, առաջիկայում իրավունք է ստանալու տնօրինել նաև Հայաստանի «օդը» կամ օդային պաշտպանությունը:

Իսկ Ռուսաստանին հանձնել Հայաստանի պաշտպանությանը վերաբերող որևէ իրավունք, նշանակում է՝ Ռուսաստանին օրինական հնարավորություն տալ՝ ըստ քաղաքական նպատակահարմարության, ոչ միայն՝ պաշտպանել, այլև անհրաժեշտության դեպքում՝ սպառնալ Հայաստանի օդային պաշտպանությանը: Ապրիլյան քառօրյա պատերազմը դրա վառ օրինակն է:

«168 Ժամ»

Մանրամասները` թերթի այսօրվա հմարում:

«Ժողովուրդ»-ի տեղեկություններով՝ ՀՀ պաշտպանության նախարար Սեյրան Օհանյանը, աշխատակիցների հետ շփումներում հաճախակի է ափերից դուրս գալիս՝ դրսևորելով ակնհայտ նյարդային վարքագիծ, ինչը նախկինում նրա մոտ չի նկատվել: Ներկայումս դժվար է ասել, թե Սեյրան Օհանյանի վարքի պատճառը որն է: Արդյոք նա գիտակցում է, որ ՊՆ-ում բացահայտված չարաշահումների համար կոռումպացված պաշտոնյաներից հետո ամենաշատ պատասխանատվություն կրող անձը հենց ինքն է:

Բացառված չէ նաև, որ իշխանական վերնախավում նրան արդեն իսկ տեղեկացրել են, որ ինքը լավագույն դեպքում մինչև եկող գարնանը կայանալիք ԱԺ ընտրությունները կպաշտոնավարի, դրանից հետո իր քաղաքական կարիերան ավարտված է:

Եթե այդպիսի բան տեղի է ունեցել, ապա նա իսկապես նյարդայնանալու առիթ ունի: Ի վերջո, մի պահ նրա գործերն այնքան «լավ» էին, որ հենց Օհանյանին էին համարում Սերժ Սարգսյանի ժառանգորդը: Իսկ այսօր, շնորհիվ նրա ծաղկասեր տիկնոջ ու պաշտոնավարման մեթոդների, նախարարի պաշտոնում մնալն անգամ արդեն անընդունելի է դարձել:

«Ժողովուրդ»

Ամբողջական տեքստը՝ թերթի այսօրվա համարում։

Հայ հանրության, այդ թվում՝ վերին օղակներում առկա հակառուսական տրամադրությունները, ինչպես նաև Սերժ Սարգսյանի` «Բլումբերգին» տված հարցազրույցի այն թեզը, որ ռուս խաղաղապահներ չեն կարող տեղակայվել շփման գծում, ռուսական որոշ, այդ թվում՝ գեներալիտետի շրջանում դժգոհություն են առաջացրել:

Վերջիններս իրենց խողովակներով հայկական կողմին «պարտք» են համարել զգուշացնել, որ Ռուսաստանը պատասխանատու է միայն հայ-թուրքական սահմանում տեղի ունեցածի համար և պարտավորություններ չունի Ղարաբաղում տեղի ունեցածի համար, ԼՂՀ-ում պարտավոր լինելու համար այնտեղ պետք էր տեղակայել ռուս խաղաղապահներ: Ինչ վերաբերում է ՀԱՊԿ-ին, ապա` «մենք ՀԱՊԿ ենք, սակայն չենք կարող պատասխան տալ Ղազախստանի և Բելառուսի փոխարեն»,- ասել են նրանք»:

«Հրապարակ»

Մանրամասները՝ թերթի այսօրվա համարում

Հիսուս ասում է.

— Եկե՛ք ինձ մոտ դուք բոլո՛րդ, հոգնածնե՛ր և բեռնավորվածնե՛ր, և ես պիտի հանգիստ տամ ձեզ։ Վերցրե՛ք իմ լուծը ձեզ վրա և սովորեցե՛ք ինձնից, որովհետև հեզ եմ ու սրտով խոնարհ, և դուք ձեր հոգեկան հանգստությունը պիտի գտնեք, քանի որ իմ լուծը տանելի է, և իմ բեռը՝ թեթև։
(Մատթեոսի ավետարան 11:28-30)

Ադրբեջանի նախագահ Իլհամ Ալիևը Թուրքիայի վարչապետ Բինալի Յըլդըրըմի հետ հանդիպման ժամանակ հայտարարել է, որ Ադրբեջանն անմիջապես դատապարտել է Գերմանիայի խորհրդարանի կողմից Հայոց ցեղասպանությունը ճանաչելու մասին «անարդար, կողմնակալ, պատմական ստի վրա հիմնված» բանաձևի ընդունումը, տեղեկացնում է Trend գործակալությունը:

Ալիևի ենթադրությամբ` ։:

«Այդ հարցն ունի քաղաքական կողմ: Հավանաբար, նրանք ցանկանում են Թուրքիային ստիպել ինչ-որ բան անել, ազդել նրա անկախ քաղաքականության վրա: Հայկական հարցը սոսկ պատրվակ է, որը դարձել է գործիք մեծ պետությունների ձեռքին: Եվ Ադրբեջանը նույնպես նման իրավիճակի հետ է բախվել»,- նեղսրտել է Ադրբեջանի նախագահը։

APA լրատվական գործակալության փոխանցմամբ՝ Թուրքիայի վարչապետ Բինալի Յըլդըրըմն այսօր Բաքվում հանդիպել է Ադրբեջանի նախագահ Իլհամ Ալիևի հետ, որից հետո կազմակերպվել է համատեղ մամուլի ասուլիս:

Մամլո ասուլիսում Յըլդըրըմը հայտարարել է. «Ադրբեջանի ընկերը մեր ընկերն է, նրա թշնամին՝ մեր թշնամին: Մենք ԼՂ հարցում մշտապես կաջակցենք Ադրբեջանին: Եկել է Հայաստանին կանգնեցնելու ժամանակը:

ԵԱՀԿ Մինսկի խումբը մե՛րթ հավաքվում է, մե՛րթ ցրվում: Անցել են խոսքի ժամանակները, պետք է գործ անել: Րոպեական վճիռներ կայացնողները վարվում են հակառակ կերպ, երբ գործը հասնում է Թուրքիային ու Ադրբեջանին: Եկել է աշխարհի կողմից երկակի ստանդարտների մասին մոռանալու ժամանակը»,- հայտարարել է Թուրքիայի վարչապետը:

Աժ պատգամավոր Նիկոլ Փաշինյանը դեմ է հայ ժողովրդին զենքի և զինամթերքի թանկացումներով «լացացնելուն» ու Արտաշես Գեղամյանին առաջարկում է` «Մի հատ ձեր խմբակցության և հարակից մարդկանց մի հատ լավ թափ» տալ, կարող է լիքը սմերչներ և Ս 300-ներ թափվեն նրանց հետևի և կողքի գրպաններից:

Այս մասին այսօր Ն. Փաշինյանը հայտարարեց ԱԺ արտաքին հարաբերությունների նիստում` ԵՏՄ-ից դուրս գալու Խաչատուր Քոքոբելյանի նախագծի քննարկման ժամանակ, երբ այդ հանձնաժողովի անդամ Արտաշես Գեղամյանն ասաց, թե ՀՀ ՊՆ-ի մեկ տարվա բյուջեով հնարավոր է ռուսական ընդամենը 1 ժամանակակից զինտեխնիկա ձեռք բերել:

«Անընդհատ տարվում է այն միտքը՝ վայ, բա մենք փող չունենք, բա մեր բյուջեում փող չկա, մեր մի տարվա ՊՆ-ի բյուջեն մի հատ «Սմերչ»- ի գին արժի, Ս- 300-ին, կապ չունի» ու ավելացրեց. «Ի՞նչ արժի Միհրան Պողոսյանի ունեցվածքը: Էտ քանի՞ հատ Սմերչի գնով է թալանվել ՀՀ-ն բոլոր իշխանությունների կողմից, արդյոք կա որևէ նախկին պաշտոնյա, որի անձնական կապիտալն ավելի մեծ չէ քան ՀՀ-ի պետական բյուջեն»: Այս մասին այսօր` ԱԺ-ի արտաքին հարաբերությունների մշտական հանձնաժողովի նիստում, երբ քննարկվում է ԵՏՄ-ից դուրս գալու՝ ԱԺ պատգամավոր Խաչատուր Քոքոբելյանի հեղինակած նախագիծը, հայտարարեց պատգամավոր Ն. Փաշինյանը։

Անդրադառնալով պատգամավոր Արտաշես Գեղամյանի այն դիտարկմանը, թե Ուկրաինան չանդամակցեց ԵՏՄ-ին՝ ու հիմա այնտեղից արյուն է ծորում, Մոլդովան չանդամակցեց՝ արյուն է ծորում, Վրաստանը չանդամակցեց՝ արյուն է ծորում, հարցրեց, թե ՀՀ-ի արյունը չի՞ նկատու՞մ, որ սկսել է ուրիշների արյան դարդը լացել:

Haqqin.az-ը գրում է, որ բացառությամբ ձյուդոիստների և չորս ծանրորդների, որոնց անունները կհրապարակվեն ավելի ուշ, Սպորտի նախարարությունը հայտարարել է Ռիո դե Ժանեյրո մեկնող մարզիկների անունները: Նրանք ադրբեջանցիներ չեն: Մարզիկներից ութը Ռուսաստանից են, 12-ն ուկրաինացի, երկուսը` բելառուս, երկուսը` պարսիկ, երկուսը` բուլղարացի, մյուսները` Կուբայից, Եթովպիայից, Սլովենիայից, Մոլդովայից, Եգիպտոսից: Փաստում են նաև, թե նրանցից ոչ ոք ադրբեջաներեն չգիտի:

Ըստ ադրբեջանական մամուլի, մարզիկների անունները, որ դեռ նոր պետք է ընդգրկվեն ցուցակներում, դարձյալ ոչ ադրբեջանական են լինելու` հիմնականում  լինելու են վրացիներ:

Բնության մեջ կան երևույթներ, որոնցից խուսափելն անհնար է: Այդպիսին է մահը: Մահը հաղթահարելու ձգտումը արդեն մի քանի հարյուրամյակ է, ինչ հանգիստ չի տալիս մարդկությանը: Այնուամենայնիվ, մինչև օրս գտնված չէ հավերժ կյանքի էլիքսիրը, և մինչև այժմ էլ մարդիկ ապրում են ընդամենը մի քանի տասնամյակ: Ինչպես ասում են` մահը ոչ տարիք է հարցնում, ոչ սեռ, ոչ էլ պաշտոն: Նա գալիս է առանց դուռը թակելու` անցանկալի հյուրի պես, որին հետևելը պարտադի չէ, քանի որ, նա ինքն է հետևում մեզ` անկախ ամեն ինչից: Եվ այսպես, փաստերով. Մահացածներին թաղելու ավանդույթը ձևավորվել է դեռևս 350 հազար տարի առաջ: Դրա վկայությունն է Իսպանիայում հայտնաբերված 14 մետր խորությամբ մեծ փոսը` 27 նախամարդկանց կմախքներով:

Ամբողջ աշխարհում գոյություն ունի մահ բառի համարժեք մոտ 200 արտահայտություն: Դրանցից շատերը օգտագործվում են նաև մեզ մոտ, օրինակ` գրողի ծոցը գնաս, սև պատան հագնես, երեսդ կարեն արտահայտությունները:

Ոչ մի ամերիկացի 1951 թվականին չի մահացել ծերությունից: Իսկ Նյու Յորքում ինքնասպանություն գործոծների թիվը ավելին է, քան սպանվածներինը:

Վերջերս Ամերիկայի կառավարության որոշմամբ հանվել է մահվան վկայականների դասակարգումը: Որի համաձայն` մահվան վկայականում չեն նշվում մահացածի մահվան պատճառները:

Մահը «գործի դնող կոճակը» համարում է թթվածնային անբավարարությունը, ինչից կարող են առաջանալ մկանային ջղաձգություններ:

Մահանալուց հետո երեք օրվա ընթացքում, մարդու օրգանիզմում առկա ֆերմենտները, որոնք մարդու կենդանության օրոք ապահովել են մարսողության պրոցեսը, սկսում են «ուտել» նրան: Մահացած բջիջները դառնում են սնունդ` մարդու որովայնում առկա բակտերիաների համար:

Յուրաքանչյուր տարի Ամերիկայում հուղարկավորության ժամանակ հող են ուղարկվում 827 600 գալոն (1 գալոն` 4,5 լիտր) զմռսված հեղուկ ֆորմալդեգիդ, մեթանոլ և էթանոլ: Իսկ դիակիզման արդյունքնում օդը լցվում է դիոքսինով (ուժեղ թույն), աղաթթվով և ածխաթթու գազով: Որպես այլընտրանք, շվեդական Promessa կազմակերպությունը, պատրաստվում է սառեցնել մահացածների դիակները հեղուկ ազոտի միջոցով, մանրեցնել և ստացված փոշին փակել եգիպտացորենից պատրաստված դագաղում: Նրանց պնդմամբ, այսպիսի «էկոլոգիապես մաքուր» թաղման արդյունքում, մարմինը շուտ է քայքայվում:

Հնդկաստանում Զրադաշտի հետևորդները մահացածների մարմինները թաղում են հողի վրա` գիշատիչ թռչուններին կեր:

Գիշատիչ թռչունները մահանում են սատկած անասուններ ուտելուց: Պատճառը վերջիններիս օրգանիզմում դիկլոֆենի առկայությունն է, ինչը օգնում է ընտանի կենդանիներին հեշտ հաղթահարել հիվանդությունները:

Վիկտորիա թագուհին պատվիրել էր, որպեսզի իրեն թաղեն իր ամուսնու` Ալբերտ արքայի լոգանքի խալաթով և նրա ձեռքի գիպսե վիրակապով:

Մադագասկարում ընտանիքները հանում են իրենց մահացած հարազատի ոսկորները և ի ցույց են դնում գյուղում անցկացվող արարողության ժամանակ, որը անվանում են «Famadihana», ինչից հետո հանգուցյալների ոսկորները փաթաթում են նոր սավանով և կրկին թաղում: Հին սավանը տալիս են զավակ չունեցող զույգի, որպեսզի դրանով ծածկեն իրենց անկողինը:

Եգիպտոսում 19-րդ դարում երկաթուղին ընդլայնելու ժամանակ, շինարարները հանել են մեծ քանակությամբ մումիաներ` լոկոմոտիվների համար որպես վառելիք օգտագործելու նպատակով:

Անգլիացի փիլիսոփա, գիտական մեթոդի հիմնադիր Ֆրենսիս Բեկոնը 1626 թվականին մահացավ թոքերի բորբոքումից: Մեծ փիլիսոփայի մահվան պատճառը ձյունով լցոնած հավն էր, ինչը թևի տակ դրած շրջում էր: Նա ուզում էր ապացուցել, որ թարմ հավը այդ կերպ սառեցնելով կարելի է պահել մեկ շաբաթ, և այն չի փչանա: Արդյունքում` սառեցրեց թոքերը և որոշ ժամանակ անց մահացավ թոքաբորբից: Որպեսզի սաղմի օրգանները ճիշտ ձևավորվեն, որոշ բջիջներ պետք է «ինքնասպան» լինեն: Հակառակ դեպքում մարդիկ կծնվեն բադի ոտնաթաթերով:

Մասաչուսեթս նահանգից 1907 թվականին մի բժիշկ կատարեց փորձաքննություն, ինչի արդյունքում պարզվեց, որ մահանալուց հետո, մարդու մարմինը 21 գրամով պակասում է: Հետագայում դա ընդունվեց որպես փաստ: Եվ նույնիսկ վարկած կա, որ հենց այդքան է կշռում մարդու հոգին: Այդ փաստի հիման վրա նույնիսկ ֆիլմ է նկարահանվել՝ «21 գրամ»:

Եվրոպայում 19-րդ դարում շատ էին այն դեպքերը, երբ կենդանի մարդկանց սխալմամբ ընդգրկում էին մահացածների ցուցակում:

Ամերիակյի ազգաբնակչության 80%-ը մահանում է հիվանդանոցներում: Մարդու աշխարհ գալու օրից ի վեր մահացել է մոտ 100 միլիարդ մարդ:

Մահը այնքան բնական է, որքան կյանքը: Եվ վաղ թե ուշ մեզանից յուրաքանչյուրը բախվելու է դրա հետ: Իսկ մինչ այդ, ապրենք լիարժեք կյանքով և գնահատենք յուրաքանչյուր օրն ու վայրկյանը:

Սկզբնաղբյուր` lorinews.am