«Երեխեքիս արև՝ թարմ հավ ա» հոդվածում մեկ շաբաթ առաջ գրել էինք, որ Երևանի սուպերմարկետներից մեկում, առանց համապատասխան մակնշման, վաճառվում է «Հավիցա» ֆիրմայի սառեցված հավ, և նշել էինք, որ թռչնամսի արտադրությամբ զբաղվող տեղական ընկերությունները, ինչպես նաև նրանց արտադրանքն իրացնող խանութները մի շարք խարդախությունների են դիմում՝ ժամկետանց արտադրանքն իրացնելու նպատակով։ Գրել էինք նաև,   որ   տեղական   հավերը  կերակրվում են հակաբիոտիկներով ու գանագան հորմոններով, և այդ տեսակ արտադրանքի օգտագործումը վնասակար ազդեցություն Է ունենում մարդու օրգանիզմի վրա։ Եվ, ահա, Բաղրամյանի թռչնաֆաբրիկայի (որն էլ արտադրում է «Հավիցա» լոգոյի ապրանքատեսականին) հիմնադիր տնօրեն Արմենակ Խաչատրյանը, արձագանքելով մեր հրապարակմանը, տարակուսանք հայտնեց, թե նույնիսկ չգիտի այն խանութի տեղը, որտեղ վաճառվում են իր հիմնած ֆաբրիկայի հավերը։

Ապաև չբացառեց, որ թռչնամսի շուկայում իրացվում է նաև առանց մակնշման արտադրանք։ Նա ասաց, որ «Հավիցա»–ն նույնպես ունի այդ տեսքով շուկա հանվող արտադրանք։ «Հայկական շուկան ունի նաև առանց մակնշման հավի պահանջարկ։ Դուք կարող Եք 1000 խանութ մտնել և 999-ում կտեսնեք նման ձևի հավ։ Բայց կարող է այդտեղ գրված չլինի «Հավիցա», այլև այլ ֆիրմայի անուն։ Բրազիլական, ամերիկյան արտադրության հավի բուդն էլ ունի նման արտադրանք, կարող եք մտնել շուկա և տեսնել։ Տեղական թռչնի միսը տարեկան արտադրվում է 9 հազար տոննա, իսկ հայ ժողովուրդն ուտում է տարեկան 34 հագար տոննա, որից 25 հագար տոննան ներմուծովի է։ Կարող է 34 հազարն էլ լիներ ներմուծովի, ու 9 հազար տոննա էլ չարտադրվեր։ Այ, սա շա՜տ մեծ հարց է, որ կարող եք բարձրացնել։ Մեր հարևան պետությունների մեջ ամենաթշվառ վիճակում մենք ենք, որ տեղական թռչնամսի ընդամենը 30 տոկոս էլ չենք ապահովում»,–հայտարարեց մեր զրուցակիցը։ Նա նաև սրտնեղեց, թե մեր անդրադարձը հակագովազդի էֆեկտ Է ունեցել»,–գրում է թերթը։

Հրապարակ

Մանրամասները՝ թերթի այսօրվա համարում։

Հարավկովկասյան երկաթուղում ճգնաժամը գնալով խորանում է, մեկը մյուսի հետևից դատարանում հայցեր են ներկայացվում երբեմնի հարուստ ընկերության դեմ, դրանից բացի՝ յուրացումների, պաշտոնական դիրքը չարաշահելու ահազանգերով էլ զբաղվում են իրավապահները։

Օրինակ՝ այժմ իրավապահները քննում են «ԱՄԳրուպ» կազմակերպության բողոքը՝ կապված վագոնների առքուվաճառքի, վերանորոգման հարցերում մոտ 40-50 մլն դրամ յուրացումների մասին։ «ՉԻ» լավատեղյակ աղբյուրներից հայտնի է դարձել, որ գործով մի շարք անձինք են հարցաքննվել. կողմերից բազմաթիվ փաստաթղթեր են պահանջել և այժմ դրանք մանրազնին քննում են։ Ի դեպ, չի բացառվում, որ այս գործով առաջիկայում հետաքրքիր զարգացումներ լինեն։

Իսկ մինչ այդ ՀԿԵ-ում սկսված թալանը շարունակվում է հաշվի առնելով նախորդ անգամ մեր հրապարակումների բուռն արձագանքը և զարգացումները՝ աշխատակիցների խոսքերով, իրենց ոչինչ չի մնում անել, քան դիմել մամուլի օգնությանը։ ՀԿԵ աշխատակիցը, ով հասկանալի պատճառներով չի ցանկանում բացահայտել իր անձը, ներկայացնում է ընդամենը մի քանի դրվագ երկաթուղում ձևավորված կլանների և իրականացվող ալան-թալանի մասին։

«ՉԻ»

Ամբողջական տեքստը՝ թերթի այսօրվա համարում:

««Ժողովուրդ»-ի տեղեկություններով՝ Արցախի զինվորական ղեկավարության հանձնարարականով արդեն մի քանի օր է՝ զինվորական մասնագետները ԼՂՀ պաշտպանության նախկին նախարար Սամվել Բաբայանին պատասխան են նախապատրաստում: Ինչպես հայտնի է՝ վերջինս Հայաստան վերադառնալուց հետո Հայաստանի եւ Արցախի իշխանություններին քննադատել էր եւ նրանց մեղադրել էր հայկական զինված ուժերի զարգացումը ճիշտ չկազմակերպելու մեջ: Բաբայանի կարծիքով հայկական զինուժը անհրաժեշտ պաշտպանական համակարգերով ապահովված չէ, եւ հայկական երկու երկրների իշխանություններն առաջին հերթին հենց պաշտպանական համակարգերը զարգացնելու մասին պետք է մտածեն: «Ժողովուրդ»-ի տեղեկություններով՝ Արցախի զինվորական ղեկավարությունը պատրաստվում է Սամվել Բաբայանին ապացուցել, որ հայկական զինուժի պաշտպանական համակարգի վիճակի եւ հնարավորությունների մասին նա, մեղմ ասած, իրազեկված չէ, եւ իր պատկերացումները հիմնված են իր պաշտոնավարման տարիների` 1995-1999 թվականների տվյալների վրա»:

«Ժողովուրդ»

Ավելի մանրամասն՝ թերթի այսօրվա համարում:

«Հետաքրքիր է, թե ինչպես է փոխվում մարդկանց վերաբերմունքը որևէ երևույթի կամ անձի հանդեպ։ Երբ հանրապետականներն ասում են, որ նրանք նժդեհական են, տարոնական են և ցեղակրոն, դա, ուզենք թե չուզենք, ստվեր է գցում մեր ազգային հերոսի վրա։ Երբ երիտասարդ փիլիսոփաները «նժդեհագիտությունից» ատենախոսություններ են պաշտպանում, որտեղ փորձ է արվում ապացուցել, որ Նժդեհը Կանտից կամ Հեգելից ավելի ուժեղ փիլիսոփա էր, շատ բնական արձագանք է առաջանում՝ «տո լա՛վ է»։ Դա մոտավորապես նույնն է, որ դպրոցում ստիպում են անգիր սովորել հատվածներ Թամանյանի երկերից՝ համեմելով այդ պարտադրանքը ինչ-որ անհամ, «քառակուսի» մեկնաբանությաններով, և դպրոցականների՝ գրականություն հասկանալու ունակությունները դրանով սահմանափակվում են։ Թումանյանն այստեղ մեղավոր չէ, նա այնպես էր գրում, որ իսկապես շատ հեշտ է հիշել, բայց «պաշտոնական» բառերն ի վիճակի են փչացնել  ամեն  ինչ։ Նժդեհն էլ, իհարկե, մեղավոր չէ։ Պարզապես, նրբ «նժդեհագիտությունը» դառնում է ՍՄԿԿ պատմության նման մի բան՝ վերջ, մարդկանց ուղեղում ինչ-որ բան արգելակվում է։ Բայց այս դեպքում տեղի ունեցավ նաև հակառակ պրոցեսը, երբ ռուսաստանյան պաշտոնական քարոզչությունը սկսեց առանց որևէ հիմքի Նժդեհին կպցնել «Ֆաշիստ», «նացիստ», «կոլաբորացիոնիստ», «էսէսական» պիտակները, նույնքան բնական ցանկություն է առաջանում նրան պաշտպանելու։ Եվ վերջին օրերին, որքան տեսնում եմ, շատացել են այն երիտասարդները, որոնք «սելֆի» են անում Նժդեհի՝ գեղարվեստական տեսանկյունից բավականին վիճելի արձանի մոտ»:

«Առավոտ»

Ավելի մանրամասն՝ թերթի այսօրվա համարում։

Ժամանակս բավական չի լինի, որ պատմեմ մյուս մարգարեների մասին, որոնք իրենց հավատով պարտության մատնեցին թագավորներին, արդարություն գործեցին և տիրացան Աստծու խոստումներին։ Նրանք փակեցին առյուծների բերանները, հանգցրին կրակի զորությունը և ազատվեցին սրի բերանից։ Իրենց տկարության մեջ զորացան Աստծով, անպարտելի դարձան պատերազմում և ընկճեցին օտարների բանակները։

Կանայք հավատո՛վ տեսան իրենց մեռելների հարությունը։ Շատերը տանջանքի մեջ մեռան՝ մերժելով ազատությունը, որպեսզի հարություն առնեն լավագույն մի կյանքի համար։ Ուրիշները ենթարկվեցին նախատինքների ու ծեծի, շղթաների ու բանտերի համն առան։ Քարկոծվեցին, սղոցվեցին, փորձությունների մատնվեցին, սպանվեցին սրով, շրջեցին ոչխարի կամ այծի մորթիներով՝ զրկանք, հալածանք ու չարչարանք կրելով, թափառական կյանքով ապրելով անապատում կամ լեռների վրա, քարայրերում կամ խոռոչներում։ Արդարև, աշխարհը արժանի չէր այդ մարդկանց։
Սրանք ամենքը, իրենց հավատով վկայված լինելով հանդերձ, չստացան Աստծու խոստումը, որովհետև Աստված, մեզ համար մի ավելի լավ բան նախատեսած լինելով, չուզեց, որ նրանք առանց մեզ հասնեն խոստումի իրականացմանը։
(Պողոս առաքյալի նամակը եբրայեցիներին 11:32-40)

Ռուբեն աբեղա Զարգարյան

Նախորդ շաբաթվա վերջին լիբանանահայ երիտասարդ Արա Արսլանյանը մասնակցեց Գերմանիայում տեղի ունեցած «GNBF»վարկածով մարմնամարզության միջազգային մրցաշարքին: Համազգայինի Մելանքթոն և Հայկ Արսլանյան ճեմարանից Արա Արսլանյանը «GNBF» վարկածով մրցամարտում երիտասարդների մգջ ապահովեց 75 քգ քաշայինների լավագույն դիրքը և նվաճեց ոսկե մեդալը:

Բաքվի Սաբունչիի շրջանում հայտնաբերված վարորդական վկայականըպատկանում է ապրիլյան պատերազմում զոհված 34-ամյա գյումրեցի փոխգնդապետ Ալեքսան Առաքելյանին: Այդ մասին մեզ հետ զրույցում հայտնեց Առաքելյանի հայրը՝ Գեւորգը:

Նշենք, որ ադրբեջանական լրատվամիջոցներից մեկն այսօր տեղեկատվություն էր տարածել այն մասին, որ Բաքվի Սաբունչիի շրջանում հայտնաբերվել է Հայաստանի քաղաքացուն պատկանող վարորդական իրավունքի վկայական: Ըստ Oxu.Az կայքի, վարորդական վկայականն իր տան բակում գտել է Բաքիխանով ավանի բնակիչ Իլկին Մամեդովը: Գտնված փաստաթուղթը (BC տեսակի վկայականը՝ տրված 2014 թվականի օգոստոսի 27-ին, վկայականի համար՝ RG 052597) նա հանձնել Սաբունչիի շրջանի ոստիկանության 13-րդ բաժանմունք: Նշվում է նաեւ, որ Ադրբեջանի ԱԱԾ-ն հետաքննություն է սկսել, որպեսզի պարզի, թե ինչպես է փաստաթուղթը հայտնվել Ադրբեջանի տարածքում: Գեւորգ Առաքելյանին մի քանի հարց ուղղեցինք եւ ոչ միայն վկայականի վերաբերյալ.

— Պարոն Առաքելյան, ըստ ձեզ ձեր որդու վկայականը ինչպե՞ս է հայտնվել Ադրբեջանում:

— Զոհվելու օրը Ալիկի բոլոր փաստաթղթերը գրպանից հանել էին: Հեռախոսը, ժամացույցը, բանկի քարտը, անձնագիրը, վարորդական իրավունքի վկայականը, գումար՝ ամբողջը դատարկել էին:

— Ադրբեջանցինե՞րը:

— Այո, դե 10 օր իրենց մոտ է եղել դին:

— Այդ դեպքում ինչպես է հայտնվել ինչ-որ քաղաքացու տան մոտ:

— Ո՞վ գիտի, միգուցե ադրբեջանական կողմից քաղաքացիական անձ է այդ օրը կռվին մասնակից եղել: Ես չեմ կարող ասել: Միայն գիտեմ, որ դիակի զննության ժամանակ Ալիկի համազգեստի գրպանները շուռ էին տված: Նույնիսկ մի գրիչ չկար գրպանում: Վիլիսի բանալիները եւս վերցրել էին:

— Փորձե՞լ եք պարզել, թե որտեղ են փաստաղթեթրը:

— Չէ, չեմ փորձել: Նոր իմացա, որ վարորդական իրավունքի վկայականն են գտել:

— Իսկ ըստ ձեզ նրանք չգիտե՞ն, թե դա ում փաստաթուղթն է, ինչո՞ւ են հետաքննություն սկսել:

— Ո՞նց կարող է չիմանան: Էդ ի՞նչ պիտի քննեն: Ուրեմն մի բան մտածել ես, ես դա չեմ կարող ասել:

— Պարոն Առաքելյան, եթե կարելի է խոսենք նաեւ ձեր որդու ընտանիքի բնակարանի խնդրից: Դուք հրաժարվել էիք «SOS Գյումրի» ծրագրի միջոցով պատգամավոր Արման Սահակյանի կողմից ձեզ տրամադրված բնակարանից՝ նշելով, որ տեղն ու պայմանները հարմար չեն: Ձեզ հաջողվե՞ս լուծել բնակարանի խնդիրը:

— Հենց հիմա, ներկա պահին «Գազպրոմ Արմենիա» ընկերության գլխավոր տնօրեն Վարդան Հարությունյանն ու Շիրակի մասնաճյուղի տնօրեն Սերգեյ Ամիրբեկյանը փաստաթղթային հաշվառումներ են անում, զոհված հերոսին բնակարան են նվիրել: Ես իրենց ցավը տանեմ:

— Որտե՞ղ է գտնվում:

— Գյումրիում է գտնվում, մեր տան մոտ, կահավորված բնակարան է: Ամբողջ նվիրատվությունը կազմել է 50 հազար դոլար: Տան բանալիներն էլ, վկայականն էլ արդեն մեր ձեռքում են: Հերոսի ընտանիքը այդ բնակարանում է ապրում:

— Հունիսի 16-ի Գյումրիի ավագանու նիստում քննարկվելու է Գյումրիի Մուշ-2 թաղամասի փողոցներից մեկը ապրիլյան պատերազմում զոհված 7 գյումրեցի հերոսների անունով կոչելու հարցը: Ի՞նչ զգացողություն է դա ձեզ համար:

— Լավ է, նպատակ են դրել, թող անեն: Ալեքսանի համար նույն «Գազպրոմը» մի հատ լավ հուշարձան է սարքում, հենց մեր փողոցն էլ կարելի էր իր անունով դնել:

— Ո՞ւմ անունն է հիմա կրում ձեր փողոցը:

— Պուշկինի:

armtimes.com

Առաջիկա կիրակի օրը Ստամբուլի կենտրոնական Թաքսիմ հրապարակում նախատեսված է անցկացնել ԼԳԲՏԻ ((լեսբի, գեյ, բիսեքսուալ, տրանսգենդեր, ինտերսեքս) ) համայնքի ներկայացուցիչներին աջակցող երթ:

Թուրքական «Milliyet»  թերթի կայքի համաձայն՝ «Մուսուլման Անատոլիայի երիտասարդներ» (MAG) անվամբ հայտնի խումբը կոչ է արել բոյկոտել այդ երթը:

MAG -ի ներկայացուցիչները հատուկ պաստառներ են նախապատրաստել՝ կոչ անելով բոլորին միանալ այլասերվածության դեմ իրենց պայքարին: Երթինիրենց հակազդեցությունը ցուցաբերելու նպատակով խումբը նախատեսում է կիրակի օրը հավաքվել Թաքսիմում:

Աղբյուր` Ermenihaber.am

ԼՂՀ ԱԺ պատգամավոր Հայկ Խանումյանը ֆեյսբուքյան իր էջում գրառում է թողել՝ անդրադառնալով օրեր առաջ իր նկատմամբ կիրառված բռնություններին եւ այդ գործով հարուցված քրեական գործի ընթացքին:

Խանումյանը գրել է. «Երեկ իմ գործով քննչական խմբի ղեկավարին հաղորդեցի բանավոր դժգոհությունս քննության պասիվության վերաբերյալ: Չնայած մեծաքանակ փաստական նյութին` կասկածյալների լայն շրջանակ չի հայտնաբերվել: Ընդամենը 2 ինքնաներկայացած, որոնք կալանավորված են»:

Հիշեցնենք, որ ԼՂՀ ԱԺ պատգամավորին առեւանգել եւ այնուհետ ծեծի էին ենթարկել, որից հետո մեքենայով բերել էին փողոց, որտեղ ապրում է Խանումյանը եւ թողնելով ավտոտնակի հարեւանությամբ հեռացել էին:

Երեկ Արցախի ոստիկանությունն արդեն հաղորդագրություն տարածեց՝ հայտարարելով, որ Հայկ Խանումյանին առեւանգելու դեպքի առթիվ հարուցված քրեական գործի շրջանակներում չորս օր առաջ ձերբակալված Միքայել Միքայելի Սահակյանին եւ Սերգեյ Գեորգիի Ավանեսյանին մեղադրանք է առաջադրվել ԼՂՀ քրեական օրենսգքրի 129-րդ հոդվածի 2-րդ մասի 1-ին և 2-րդ կետով նախատեսված հանցագործության կատարման համար:

Ոստիկանությունը տեղեկացրեց, որ վերջիններս կալանավորվել են: