Նույն օրը Հիսուսը տնից դուրս եկավ և գնաց նստեց լճի եզերքին։ Նրա շուրջը մի այնպիսի մեծ բազմություն հավաքվեց, որ նա նավակ մտավ և նստեց այնտեղ, իսկ ամբողջ բազմությունը կանգնած մնաց լճի եզերքին։ Եվ նա առակներով շատ բաներ էր սովորեցնում նրանց և ասում.
— Մի սերմնացան ելավ սերմ ցանելու։ Երբ նա սերմանում էր, հատիկների մի մասն ընկավ ճանապարհի եզերքին, և թռչունները եկան ու կերան դրանք։ Ուրիշ հատիկներ ընկան ժայռոտ մի տեղ, ուր շատ հող չկար, և որովհետև հողը խորություն չուներ, իսկույն բուսան. բայց երբ արևը ելավ, խանձվեցին, և քանի որ արմատ չունեին, չորացան։ Ուրիշ հատիկներ ընկան փշերի մեջ, և փշերը բարձրացան ու խեղդեցին դրանք։ Իսկ ուրիշներն ընկան լավ հողի մեջ և պտուղ տվեցին. մի մասը՝ մեկի տեղ հարյուր, ուրիշները՝ վաթսուն և կամ երեսուն։ Ով լսելու ականջ ունի, թող լսի։
(Մատթեոսի ավետարան 13:1-9)

Ռուբեն աբեղա Զարգարյան

Ռիա Նովոստիի փոխանցմամբ՝ ՌԴ նախագահի մամուլի քարտուղար Դմիտրի Պեսկովը հայտարարել է, որ  Մոսկվան կցանկանար կարգավորել հարաբերությունները Անկարայի հետ, սակայն ՌԴ նախագահ Վլադիմիր Պուտինը հստակ հասկացրել է, որ առանց Թուրքիայի կողմից կոնկրետ գործողությունների կատարման` դա անհնար է :

Ավելի վաղ Թուրքիայի նախագահ Ռեջեփ Էրդողանը Ռուսաստանի օրվա առթիվ շնորհավորական նամակ է հղել Վլադիմիր Պուտինին` ցանկություն հայտնելով վերականգնել ռուս-թուրքական հարաբերությունները և հասցնել դրանք «արժանի մակարդակի»:

«Իհարկե, մենք կցանկանայինք և ցանկանում ենք կարգավորել մեր հարաբերությունները և վերադառնալ փոխշահավետ համագործակցության նախկին մակարդակին: Բայց միաժամանակ նախագահ Պուտինը բավական հստակ հասկացրել է, որ առանց Անկարայի կողմից անհրաժեշտ քայլերի կատարման` հարաբերությունների կարգավորումն անհնար է: Պուտինը բազմիցս ասել է, որ Ռուսաստանը ցանկանում է լավ հարաբերություններ ունենալ Թուրքիայի հետ:

Մոսկվան շատ բարձր է գնահատում այն շրջանը, երբ Թուրքիայի հետ հարաբերությունները գործընկերային էին, զարգացած բոլոր ոլորտներում, առաջին հերթին` առևտրա-տնտեսական: Եվ մենք շատ ափսոսում ենք, որ մեկ ժամվա ընթացքում մեր հարաբերությունների այդ հարուստ փորձը ոչնչացվեց թուրքական կողմի ագրեսիվ գործողությունների արդյունքում»,- ասել է Պեսկովը:

Պետական եկամուտների կոմիտեն պարզաբանել է, թե երբ եւ ինչու է Ադրբեջան արտահանվել «9306» կոդով ապրանք:

NEWS.am-ի թղթակցին հարցին ի պատասխան տեղեկատվության եւ հասարակայնության հետ կապերի բաժնից մասնավորապես հայտնել են. «Ի պատասխան Ձեր հարցման` տեղեկացնում ենք, որ 23.06.2015թ. «ՀՀ Հրաձգության ֆեդերացիա»-ի կողմից Հայաստանից Ադրբեջան (Եվրոպայի խաղերի կազմկոմիտե) է արտահանվել «Փամփուշտներ 5.6 մմ» 400 փամփուշտ 84.55 ԱՄՆ դոլար մաքսային արժեքով»:

Նշենք, որ Հայաստանից Ադրբեջան ապրանք արտահանելու վերաբերյալ լուրերը մեծ աղմուկ էին բարձրացրել համացանցում՝ հաշվի առնելով, որ «9306» կոդը նախատեսում է ռումբ, հրթիռ եւ նման միջոց մարտական գործողության, դրանց մասեր, փամփուշտ, այլ զինամթերք:

Արցախն ակնկալում է ղարաբաղա-ադրբեջանական շփման գծում հետաքննության մեխանիզմների ներդրման կոնկրետ գործողություններ:

Այս մասին «Արմենպրես»-ի հետ զրույցում նշեց Արցախի նախագահի մամուլի քարտուղար Դավիթ Բաբայանն` անդրադառնալով Հայաստանի ու Ադրբեջանի նախագահների՝առաջիկայում սպասվող հանդիպմանը:

Ինչպես արդեն հայտնի է հունիսի 19-ին տեղի կունենա Սարգսյան-Ալիև հանդիպումը: Բնականաբար բոլորն էլ կանխատեսել էին, որ այն կանցնի ՌԴ հովանու ներքո, այդպես էլ ծրագրված է: Սակայն այդ ամենից զատ, այսինքն թե ինչ կքննարկվի, ինչ փոխզիջումների մասին համաձայնության կգան նախագահները, մի շատ ոչ պատահական «ակցիա» է իրականացվել Ադրբեջանում: Մեհրիբան Ալիևայի նախաձեռնությամբ մոտակա 4 ամիսների ընթացքում ամունիստիայի արդյուքնում 3500 հանցագործ, բանտարկյալ ազատ կարձակվի: Ինչ է սա, եթե ոչ հերթական, նախազգուշական մեսիջը Հայաստանին: Ապրիլյան մարտերի ժամանակ շատ էին խոսում այն մասին, որ ադրբեջանական բանակում բացի վարձկաններից կռվում են նաև ադրբեջանցի բանտարկյալներ, ովքեր ազատ են արձակվել հենց այդ նպատակով: Հիմա, երբ ամսի 19-ին սպասվում է Սարգսյան-Ալիև հանդիպումը, այդ ֆոնին ադրբեջանի այս քայլը ինքնին հուշում է այն մասին, որ Ալիևը զիջումների համար չէ, որ գնալու է Պետերբուրգ: Նախքան բուն թեմային անդրադառնալը հեյդարօղլին տակտիկական քայլի գնաց ցույց տալով, որ դեռ պատրաստ է «ժերտվաների» գնալ: Բանտարկյալներին ազատելով համ ժողովրդավար, հումանիստ նախագահի համբավ ձեռք բերեց, ինչը որոշ չափով կորցրել էր ապրիլյան մարտերից հետո, համ ադրբեջանական բանակը կհամալրվի 3500 բանտարկյալ-զինվորներով: Համ բանտարկյալներն են գոհ, համ նրանց հարազատները, համ էլ ալիև չելածը:
Սա Հայաստանի վրա հոգեբանական ճնշում գործադրելու միջոց է, սակայն ալֆա ոչխարը բավականաչափ հեռու լինելով բանակից, չի էլ պատկերացնում, որ այդ 3500 բանտարկյալ-զինվորները ուղղակի կենդանի թիրախներ են ՀՀ ԶՈՒ-ի համար: Նման անկազմակերպ, համապատասխան պատրաստություն չանցած «զինվորներից» կազմված վաշտը կամ գունդը պատերազմական գործողությունների ընթացքում խուճապի կմատնվի և կվերածվի խուճապահար ամբողի, իսկ բանակում կարևորագույն խնդիրներից է կարգապահությունը, ինչը բավականաչափ հեռու է հանցագործ աշխարհի ներկայացուցիչներից: Բացի դա հանցագործ զինվոր ունենալը դա վտանգավոր է նաև հենց տվյալ երկրի բանակի համար, սովետական «գողական» բարքերը բանակում վնասից բացի ոչինչ չեն տա, էլ զինվորի նվաստացումներ, էլ անհավասար պայմանների դրսևորումներ և յալն: Սա իհարկե տարբերակ է, թե ինչի հենց հիմա ազատ արձակվեցին այդ 3500 բանտարկյալները:
Հ.Գ. Նկարում առաջին ազատված ոչխարներն են, եթե սրանք զինվոր են, ուրեմ Էմին Դավիդովը Ռեմբոն ա:

Աշոտ Եսայան

Պոլսո Հայոց պատրիարքի փոխանորդը՝ թուրքական քարոզչության ամոթալի գործիք. Սասունյան

Աղբյուր`    Ermenihaber.am

Բոլոր շոուների ու առավել եւս Big Brother–ի ընդհանուր բնույթը բոլոր հնարավոր միջոցներով հանդիսատեսին էկրանին գամելն է: Եվ քանի որ սերիալների ու զանազան շոուների միջոցով բնակչության հիմարացման գործընթացը արդեն ոչ ոք չի էլ հերքում, հետեւաբար պետք է ընդունենք նաեւ, որ վարկանիշների համար մրցապայքարը արդեն բոլոր ճակատներով հարվածում է ձեր ուղեղին:

Եվ այսպես Big Brother-ը աշխարհի ամենահաջող շոուն է (հեղինակները հոլանդացիներն են) (դա ասենք երբ վեց տղա ու վեց աղջիկ ես վերցնում, նրանց տան նման մի խցի մեջ գցում, որտեղ ամենուրեք տեսախցիկներ են ու ռեալիթի շոու նկարահանում: Իսկ հետո արդեն ամեն ինչ նույն տրամաբանությամբ է ինչ Ֆուտբոլի Եվրոպայի առաջնությունում՝ խմբից առանձնանում ես, քառորդ եզրափակիչ դուրս գալիս եւ այլն։ Հանդիսատեսն էլ քվեարկում է, իսկ հետո ով ավելի շատ ձայն է ստանում՝ շարունակում է իր ընթացքը դեպի հաղթանակ: Քանի որ երիտասարդությունը առանձնապես ոչնչով զբաղված չէ, դրա համար էլ վարկանիշ բարձրացնելու համար (իսկ աշխարհով մեկ այս շոուի վարկանիշները անկում են ապրում, քանի որ ոչ մի նոր բան հեղինակները այլեւս չեն կարողանում առաջարկել)։ Ըսը սցենարի՝ պետք է անպայման որեւէ զույգի միջեւ սեքս լինի:

Եվ այսպես այս շոուի բրիտանական անալոգում ոմն Լաուրա Քարթեր (նախկինում նկարահանվել է գովազդներում ու մասնակցել շոուների) ըստ երեւույթին շատ է ձգտում հաղթանակի, քանի որ աղջիկը երկու օրում գերազանցել բոլորին իր մասնակցությամբ մերկ տեսարաններով:

Առաջին օրը աղջկան բռնացրել են սեքս տեսարանում ոմն Մարկո Պիերի հետ, իսկ մեկ օրից նա արդեն լողավազանում համբուրվում էր Օսի անունով մի աղջկա հետ, որի հետ քիչ ավելի ուշ կիսամերկ վազում էր լոգարանում:

Ինչեր ասես, որ չես անի հանուն վարկանիշի…

Աղբյուրը՝ Daily Mail

NEWS.am STYLE

ՀՀ քննչական կոմիտեի ՀԿԳ քննության գլխավոր վարչությունում ավարտվել է մանկահասակ երեխաների նկատմամբ սեքսուալ բնույթի բռնի գործողություններ կատարելու դեպքի առթիվ հարուցված քրեական գործի նախաքննությունը:

Ինչպես հայտնում է Քննչական կոմիտեի լրատվական ծառայությունը, նախնական քննությամբ ձեռք են բերվել բավարար տվյալներ առ այն, որ Արմավիրի մարզի 15-ամյա բնակիչը, օգտվելով 5-ամյա և 9-ամյա երեխաների՝ տարիքով պայմանավորված՝ կամարտահայտության և գործողությունների նշանակությունն ընկալելու ունակությունից զրկված լինելու հանգամանքից, 2015 թ. նոյեմբեր ամսին նրանց նկատմամբ կատարել է  սեքսուալ բնույթի բռնի գործողություններ։

Ձեռք բերված ապացույցների համակցությամբ՝ առերևույթ հանցագործություն կատարած անձին մեղադրանք է առաջադրվել ՀՀ քրեական օրենսգրքի 139-րդ հոդվածի 3-րդ մասի 2-րդ կետով (սեքսուալ բնույթի բռնի գործողություններ 14 տարին չլրացած անձի նկատմամբ)՝ 2 դրվագով:

Քրեական գործը՝ մեղադրական եզրակացությամբ, ուղարկվել է դատարան: