Զենքի արտահանման մասին տեղեկությունները համապատասխանում են իրականությանը: ՀՀ-ը օրինական կարգով Կոնգոյի դեմոկրատական հանրապետություն է արտահանել ՀՀ ԶՈւ-երում կիրառությունից դուրս եկած զենք և զինամթերք:

Այս մասին Արծրուն Հովհհանիսյանը գրառում է կատարել ֆեսյբուքյան իր էջում:

Ավելի վաղ PanArmenian.net-ը տեղեկություն էր տարածել, որ 2014 թվականին Հայաստանից արտահանվել է արտաքին տնտեսական գործունեության ապրանքային անվանակարգի 9301 ապրանքախմբի՝ մոտ 1.5 մլն դոլարի ապրանք:

Միակ երկիրը, որտեղ ՀՀ-ից զենք է արտահանվել, Կոնգոն է: Ընդամենը արտահանվել է 1500 միավոր զինատեսակ՝ $1 մլն 468 հազար մաքսային արժեքով:

«Իմ հայրենասիրության համար իմ հանդեպ միշտ պատժամիջոցներ են կիրառվում ու այդ պատճառով ես մի անգամ հայրենիքը լքեցի՝ հետ չվերադառնալու մտածումով: Ապրիլի 2-ին պատերազմի մասին լուրը ստանալով՝ հետ եկա: Հասկացա, որ չեմ կարող մնալ հեռվում: Ես գնացի Թալիշ, բայց այստեղ փորձեցին իմ գլխին սարքել ու մեղադրեցին գողության մեջ, որովհետև շատերի արածներն էի բացահայտել և գիտեի ոնց է թալանվել Թալիշը»,-Henaran.am-ի թղթակցի հետ զրույցում ասաց «Տիգրան Մեծ» բարեգործական ընկերության նախագահ, ազատամարտիկ  Սրապիոն Գևորգյանը:

Գևորգյանը ընդգծեց, որ սահմանին շատ բաների է ականատես եղել և շատ ասելիք ունի: Նա նշեց, որ իր առաջ փակվել են հայրենիք բերող բոլոր դռները և նորից հեռանում է:

Նշենք, որ Սրապիոն Գևորգյանը արդեն Վարշավայում է, որտեղ հայ  համայնքը մեծ ոգևորությամբ է ընդունել նրան: Սրապիոն Գևորգյանը բոլորին հայտնի է իր 100 մետրանոց եռագույն դրոշով, որը ծածանել է ինչպես Մասիս լեռան լանջին և Վանա ծովի շուրջը, այնպես էլ աշխարհի շատ  երկրներում:

Մանրամասները՝ տեսանյութում:

https://www.youtube.com/watch?v=ottc2Apy3EA

henaran.am

Հունիսի 17-ին` ժամը 10:45-ի սահմաններում, հարավարևելյան ուղղությամբ տեղակայված զորամասերից մեկի մարզումների անցկացման վայրում, դեռևս չպարզված հանգամանքներում, մահացու հրազենային գնդակային վիրավորում է ստացել զինծառայող, 1997թ. ծնված Հրանտ Գարուշի Գրիգորյանը: Այս մասին տեղեկացնում է Արցախի Պաշտպանության բանակի մամուլի ծառայությունը:

Դեպքի մանրամասները պարզելու համար կատարվում է քննություն:

Արցախի Պաշտպանության բանակը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին:

Ով իրեն չի հարգում, դժբախտ է, բայց նա, ով չափից դուրս գոհ է իրենից, հիմար է:

Էրիխ Մարիա Ռեմարկ

Rentv-ն գրում է, որ մահացել է Ստամբուլի կլինիկաներից մեկում գերի վերցված ռուսազգի աղջիկը:

Հիշեցնենք, որ Օլյա Ավերկիևան թուրքական կլինիկայում ասես «ստրուկ» էր դարձել: Նա օր ու գիշեր աղոթում էր թուրք բժիշկների համար: Այժմ, նա աղոթում էր նույն բժիշկներից իրեն հեռու պահել: Ստամբուլում խոստացել էին, որ 160.000 դոլարի դիմաց կբուժեն Գալինայի քաղցկեղով հիվանդ դստերը: Վստահելով բժիշկներին Գալինան և նրա դուստրը այդ կլինիկայում գերի են կարծես: Բժիշկները թույլ չեն տվել երեխային ինչ-որ տեղ տեղափոխել, նրանք ամեն օր ավելի ու ավելի շատ գումար էին պահանջում: Տեղական բուժման մեթոդի պատճառով Օլյան վերակենդանցման բաժին էր ընկել:

hayacq.com

Ադրբեջանում հունիսի 19-24-ը անցկացվելու են օպարետիվ-մարտավարական զորավարժություններ ,- հաղորդում է Ադրբեջանի ՊՆ-ն։

Տեղեկատվության համաձայն, զորավարժություններում, որը ղեկավարում է այդ երկրի պաշտպանության նախարար Զաքիր Հասանովը, ներառվելու են անձնական կազմի 25 000 զինծառայող, 300 միավոր տանկ եւ զրահամեքենա, 100 միավոր հրթիռային եւ հրետանային համակարգ, մինչեւ 40 միավոր  ռազմական ավիացիա եւ ավելի քան 30 ՀՕՊ համակարգ, հատուկ նշանակության եւ ռազմածովային նավերի միավորում։

Զորավարժություններն անցկացնելու համար ընտրվել են ռազմաճակատային եւ Նախիջեւանի ինքնավար Հանրապետության պոլիգոնները, ինչպես նաեւ Կասպից ծովի ադրբեջանական հատվածը։

Զորավարժությունների ընթացքում ստուգվելու  զորքերի ռազմական պատրաստվածության  աստիճանը, ինչպես նաեւ ռազմական եւ թիկունքային աջակցության խնդիրները, լինելու են նաեւ ռազմական կրակոցներ։

Նավթի գների՝ արդեն պատմության գիրկն անցած բումի տարիներին Ադրբեջանի իշխանություններին հաջողվեց ոչ միայն կուտակել անձական մեծ հարստություն և զինել ոստիկանությունը և բանակը՝ ռեժիմի պահպանման նպատակով, այլև երկրում անցկացնել մի քանի միջազգային մրցաշարեր՝ բարձր հարկերի և բռնաճնշումների տակ ճգնող ժողովրդի համար ապահովելով քիչ հաց և շատ հետաքրքիր կրկես: Շուրջ $4.8մլրդ ռազմական բյուջեի մասին ամեն ամբիոնում հայտարարող ադրբեջանական բանակը՝ անհամարժեք մեծ զոհերի գնով քառօրյա պատերազմի ընթացքում կարողացավ գրավել մեկ բլուր և ապա խնդրել հրադադար:

Նավթային բարձր եկամուտների տարիներին Ադրբեջանը ոչ միայն հեշտությամբ գնում էր սեփական օգտագործման ԵԽԽՎ պատգամավորների, այլև հյուրընկալում էր միջազգային իրադարձություններ՝ հույս ունենալով, որ դա կնպաստի երկրի և իշխանությունները ներքին և արտաքին իմիջի բարելավմանը:

Ինչպես երևում է Ազատություն ռադիոկայանի պատրաստած գրաֆիկից, 2012-ին Եվրատեսիլի համար Ադրբեջանը ծախսել էր $721մլն, 2015-ի Եվրոպական խաղերի համար՝ $1.2մլրդ, իսկ այժմ Ֆորմուլա 1-ի անցկացման համար՝ արդեն ծախսվել է $230մլն, ընդ որում գալիք երեք տարիներին մրցաշարի անցկացումից հրաժարվելու համար Բաքուն ստիպված կլինի վճարել գրեթե նույնքան տուգանքներ:

Այդ իրադարձությունների ընթացքում հաջողվում էր գրեթե ամեն ինչ՝ բացի դիկտատորի գավառամտությունը կոծկելուց:

2015-ի Եվրոպական խաղերի ընթացքում ադրբեջանական պետական պրոպագանդան անհաջող փորձ էր արել տեղաբնակներից գտնել անգլիացի և գերմանացի տուրիստ, որպեսզի նրանք պատմեին իրենց վառ տպավորությունների մասին: Երկու դեպքում էլ մի քանի ժամ անց համացանցում սկսվել էր մեծ խինդ ու ուրախություն:

Նավթային ռեժիմները ունեն մի շարք ընդհանրություններ՝ բացի մարդու իրավունքների նկատմամբ տարրական հարգանքի բացակայությունից և ընդդիմախոսներին բանտարկելու սովորությունից:

Նավթի արտահանումից կախված երկրները երբեք չեն հրապարակում ստացված եկամուտների ծավալը, նավթային հիմնադրամը գտնվում է դիկտատորի ուղղակի կամ անուղղակի վերահսկողության ներքո, և նա միշտ փնտրում և գտնում է արտաքին թշնամիներ` իր ռեժիմի լեգիտիմության հարցը լուծելու համար:

«Ուզում ես շեղել բոլորի ուշադրությունը քո բռնաճնշումներից, հյուրընկալիր Ֆորմուլա 1-ի մրցաշար» — գրել է Human Rights Watch կազմակերպության գործադիր տնօրեն Քենեթ Ռոթը:

Բայց ինչպես տեսանք Լիբիայի պարագայում, նույնիսկ անսահման իշխանությամբ օժտված և Եվրոպայում ու Միացյալ Նահանգներում ազդեցիկ բարեկամներ ունեցող դիկտատորներն են արագ զրկվում թե՛ բարեկամներից, թե՛ կյանքից: Ադրբեջանում մարդու իրավունքների հետ կապված իրավիճակի և մի շարք այլ պատճառներով Ալիևը և նրա ընտանիքը գտնվում են Եվրոպայից և ԱՄՆ-ից կախյալ վիճակում:

Եթե Ալիևը օգտագործում է մեծ միջազգային միջոցառումները սեփական իմիջի բարելավման նպատակով, Արևմուտնքն էլ բաց չի թողնում պատեհ առիթը՝ նրան իր իսկական տեղը հիշեցնելու համար: Բոլորս ենք հիշում, թե ինչպես էր 2012-ին Բաքվում անցկացվող Եվրատեսիլի ժամանակ գերմանական, ամերիկյան, բրիտանական, ֆրանսիական և նույնիսկ սկանդինավյան երկրների մամուլը հեղեղված Ադրբեջանում մարդու իրավունքների, ոստիկանական բռնությունների, բանտարկված ակտիվիստների և իշխանությունների գավառամտության մասին այն լրագրողների տպավորություններով, ովքեր ի սկզբանե Բաքու էին ժամանել միայն երաժշտական միջոցառումը լուսաբանելու համար:

Կասկածից վեր է, որ Ֆորմուլա 1-ի մրցաշարը կդառնա հերթական խոշորացույցը, որով կրկին անգամ կերևա Իլհամ Ալիևի և նրա ընտանիքի միահեծան իշխանության տակ գտնվող երկրի պերճանքն ու թշվառությունը:

Շարունակությունը՝ .panorama.am-ում

Wnews.am-ն առաջարկում է միասին շրջել ՀՀ նախագահի նստավայրով եւ ծանոթանալ դրա պատմությանը։

Հայաստանի Հանրապետության նախագահի նստավայրը նախագծվել է 1951թ., որպես ՀՍՍՀ Մինիստրների Խորհրդի տուն, որը հետագայում ծառայել է որպես ՀՍՍՀ Գերագույն Խորհրդի նախագահության շենք:

Նախագծի հեղինակը Հայկական ՍՍՀ արվեստի գործիչ, հայկական ՍՍՀ վաստակավոր ճարտարապետ, ՍՍՀՄ պետական մրցանակի դափնեկիր, Լենինի շքանշանակիր Մարկ Գրիգորյանն է:

1951 թվականին նախագծված շենքը եղել է երկհարկանի, ենթարկվել է վերակառուցման, և մակերեսը կազմել է 2720 քմ:

Առաջին հարկի 338 քմ մակերեսով 10մ բարձրությամբ տարածքը նախատեսված է ընդունելությունների համար՝ առանձին սրահներով:

1960 թվականին Մարկ Գրիգորյանը, որպես շենքի նախագծի հեղինակ, պարգևատրվել է ՀՍՍՀ Գերագույն Խորհրդի պատվոգրով:

1987 թվականին շենքը վերակառուցվել է «Հայարդնախագիծ» ինստիտուտի նախագծի հիման վրա: Շենքի երկու կողմերում ավելացվել է 10մ լայնությամբ և 6մ երկարությամբ երկու եռահարկ շենք: Վերակառուցման արդյունքում շենքի ընդհանուր մակերեսը կազմել է 4470 քմ: Շենքի արտաքին պատերը կառուցված են դեղնավուն տուֆով:
Հայաստանի Երրորդ Հանրապետության հռչակումից հետո շենքը 1992 թվականից ծառայում է որպես Հայաստանի Հանրապետության նախագահի նստավայր:

Բաղրամյան հ.26 վարչական շենքը ՀՀ կառավարության որոշմամբ 2004թ. ընդգրկվել է Երևան քաղաքի պատմության և մշակույթի անշարժ հուշարձանների պետական ցուցակում՝ որպես հանրապետական նշանակության հուշարձան:
2009-2010թթ. Հայաստանի Հանրապետության վաստակավոր ճարտարապետ Նարեկ Սարգսյանի նախագծով շենքի առանցքով ետնամասում կառուցվել է քառահարկ շինություն, որպես վարչական մասնաշենք 3150.0 քմ ընդհանուր մակերեսով: Շենքի արտաքին պատերը երեսապատված են բաց դեղնավուն ֆելզիտով և տրավերտինով:
Առաջին հարկը և երրորդ հարկի մի հատվածը նախատեսված են ընդունելությունների համար՝ առանձին սրահներով: Շենքի մնացած հատվածը ծառայում է որպես վարչական մաս:

Կանաչ դահլիճ. Այս հատվածում նախագահն ընդունում է օտարերկրյա բարձրաստիճան պաշտոնյաների՝ խորհրդարանների նախագահների, վարչապետների, արտաքին գործերի նախարարների, դեսպանների:

Կլոր դահլիճ. Այստեղ տեղի է ունենում ՀՀ-ում հավատարմագրված այլ պետությունների դեսպանների՝ ՀՀ նախագահին հավատարմագրերի հանձնման արարողությունը: Այս դահլիճում է կազմակերպվում նաև այլ պետությունների ղեկավարների այցերի ընթացքում երկկողմ փաստաթղթերի ստորագրման արարողությունը:

Ոսկեզօծ դահլիճ. Այս դահլիճում տեղի են ունենում Հայաստանի նախագահի և այլ պետությունների նախագահների հանդիպումները՝ երկկողմ ձևաչափով: Այստեղ նախագահն ընդունում է նաև հոգևոր առաջնորդների:

Մեծ դահլիճ. այստեղ կազմակերպվում են նախագահի անունից տրվող պաշտոնական և տոնական ընդունելությունները, պետական և պաշտոնական ճաշերը, ինչպես նաև կազմակերպվում են պարգևատրման արարողություններ ու մամուլի ասուլիսներ:

Փոքր սրահ.Այստեղ տեղի են ունենում հանդիպումներ այլ պետությունների բարձրաստիճան պաշտոնյաների հետ:

Կապույտ /բրիֆինգների/ դահլիճ
Այս դահլիճում նախագահն անցկացնում է խորհրդակցություններ և նիստեր: Այստեղ կազմակերպվում են նաև ՀՀ նախագահի և այլ պետությունների ղեկավարների համատեղ մամուլի ասուլիսներ: Այս դահլիճում նախագահն ընդունում է օտարերկրյա պատվիրակությունների:

Հանդիպումների դահլիճ
Այս դահլիճում կազմակերպվում են այլ պետությունների ղեկավարների պաշտոնական և պետական այցերի ընթացքում տեղի ունեցող ընդլայնված կազմով բանակցությունները:

Բուխարու սրահ
Այս սրահում կազմակերպվում են արտերկրյա բարձրաստիճան պաշտոնայների հետ հանդիպումներ:

Սպիտակ դահլիճ
Այս դահլիճում նախագահն ընդունում է օտարեկրյա պատվիրակությունների: Այստեղ կազմակերպվում են խորհրդակցություններ:

ՀՀ Նախագահի նստավայրի նոր վարչական մասնաշենքը

Խորհրդակցությունների դահլիճ
Այս դահլիճում նախագահն անցկացնում է խորհրդակցություններ: Այլ պետությունների ղեկավարների աշխատանքային այցերի ընթացքում այս դահլիճում կազմակերպվում են նաև ընդլայնված կազմով բանակցություններ:

Հանդիպումների սրահ
Այս սրահում նախագահն ընդունում է օտարերկրյա բարձրաստիճան պաշտոնյաների և պատվիրակությունների:

Խորհրդակցությունների սրահ
Այս սրահում Հայաստանի Հանրապետության նախագահն անցկացնում է խորհրդակցություններ:

Նախագահի աշխատասենյակը

Նախագահի աշխատասենյակի, Հանդիպումների սրահի և Խորհրդակցությունների դահլիճի նախասրահը

ՀՀ Նախագահի աշխատասենյակի, Հանդիպումների սրահի և Խորհրդակցությունների դահլիճի նախասրահը

Նախագահի նստավայրի նոր վարչական մասնաշենքի նախասրահը

Նախագահի նստավայրի հին և նոր մասնաշենքերը միացնող նախասրահը, որտեղ ցուցադրված են տարբեր երկրների նախագահներից և այլ բարձրաստիճան պաշտոնյաներից ՀՀ նախագահի ստացած նվերները

wnews.am