«Գուցե կան մարդիկ, որոնք պատկերացում ունեն, թե ՌԴ նախագահ Վլադիմիր Պուտինն ինչու էր Մոսկվա հրավիրել Հայաստանի և Ադրբեջանի նախագահներին: Եթե նույնիսկ դատարկ ցուցամոլությունից այն կողմ Պուտինը որևէ լուրջ հավակնություն ուներ, ապա, միևնույն է, երեկ ԼՂՀ խնդրում իր առաքելությունը ՌԴ նախագահն ավարտեց կատարելապես ձեռնունայն:

Ինչպես հայտնի է, Սարգսյանը և Ալիևը, Մինսկի խմբի եռանախագահների միջնորդությամբ և ԱՄՆ-ի որոշիչ դերակատարմամբ, մայիսին հանդիպեցին Վիեննայում, հայտարարություն ընդունեցին, որից հետո նրանք պետք է որոշ միջանկյալ քայլեր կատարեին վստահության ամրապնդման ուղղությամբ, իսկ ամենաէականը` հունիսին նախատեսվում էր Ալիև-Սարգսյան երկկողմ հանդիպում` մադրիդյան սկզբունքների հիման վրա ԼՂ խնդրի լուծման շուրջ համաձայնության հասնելու համար: Մադրիդյան սկզբունքների որոշիչ կետերը հայտնի են դեռ 2009-ին եռանախագահների կողմից Լ’Աքվիլայում տարածված հայտարարությունից, ինչը նրանք հետագայում վերահաստատել են ևս մի քանի անգամ, այնպես որ, ոչ մի հեծանիվ չէր հայտնագործվելու, ոչ էլ դրա վրա ժամանակ էր վատնվելու:

Այժմ՝ հունիսին, Ալիևը և Սարգսյանը, փոխարեն ի կատարումն Վիեննայում ձեռք բերված համաձայնությունների, միմյանց հանդիպեն, աշխատեն, բանակցեն, հանդիպեցին Պուտինին: Մոսկվայում Պուտինին հանդիպելը, բանջարեղենի արտահանման թեմայով ճամարտակելը, Վիեննայի հայտարարությունից մի քանի ֆրազի արտագրությամբ տեքստ տարածելը, վերջում էլ անելանելիությունից հայտարարելը, թե նորից Պուտինին կհանդիպեն, գուցե Սարգսյանի և Ալիևի առողջությանը վնաս չէր: Բայց դրանից ԼՂ խնդրի կարգավորումը թեկուզ մի միլիմետր առաջ շարժվեց: Ընդամենը Պուտինը փորձեց իրենով Մինսկի խմբին փոխարինել և տապալվեց»:

«Հրապարակ»

Մանրամասները՝ թերթի այսօրվա համարում

Ուրեմն մենք էլ, որ այսքան բազմաթիվ վկաներով ենք շրջապատված, դե՛ն գցենք ամեն խոչընդոտ և մի կողմ թողնենք մեղքը, որ հեշտությամբ է պաշարում մեզ, և համբերությամբ պայքարենք մեզ ներկայացող փորձությունների դեմ։ Մեր աչքերն ուղղենք Հիսուսին՝ մեր հավատի հիմնադրին, այն կատարելագործողին, որը իմանալով, թե ինչ ուրախություն է սպասում իրեն, արհամարհեց ամոթը, հանձն առավ խաչի վրա մեռնել և նստեց Աստծու աթոռի աջ կողմում։ Եվ որպեսզի երբեք չհուսալքվեք ու չտկարանաք, մտաբերե՛ք, թե Հիսուսն ինչպիսի՛ համբերությամբ կրեց մեղավորների հակառակությունները։ Դուք դեռ ձեր արյունը թափելու չափ դիմադրություն ցույց չտվեցիք մեղքի դեմ պայքարում։

Այսօր Սանկտ Պետերբուրգում կայացել է ՌԴ նախագահ Վլադիմիր Պուտին-Սերժ Սարգսյան հանդիպումը։ Այս մասին հայտնում է Կրեմլին. ռուն։

Քննարկվել են երկկողմ հարաբերությունների զարգացման հեռանկարները, ինչպես նաև իրավիճակը Լեռնային Ղարաբաղում։

«Հնարավորություն և անհրաժեշտություն կա քննարկել՝ ինչպես պետք է առաջ շարժվենք։ Հիմա Հայաստանը գլխավորում է ՀԱՊԿ-ը, և աշնանը կկայանա բարձր մակարդակով հանդիպում»,- ասել է Պուտինը։

Սերժ Սարգսյանը նշել է, որ այդ հանդիպումը նախատեսված է հոկտեմբերին։

Հիշեցնենք, այսօր Սանկտ Պետերբուրգում նախատեսվում է նաև եռակողմ հանդիպում ՌԴ, ՀՀ և Ադրբեջանի նախագահների մասնակցությամբ։

«Սանկտ Պետերբուրգում կայանալիք հանդիպման ժամանակ Ադրբեջանը միանշանակ քայլեր կձեռնարկի հետաքննող մեխանիզմների ներդրման ծրագրերը խափանելու շուրջ: Ճիշտ է, Ադրբեջանը հետաքննող մեխանիզմների ներդրման շուրջ աղավաղված, մշուշոտ համաձայնություն տվել է, բայց քանի որ ինքն է խախտում այդ ռեժիմը, ինքն էլ ամեն ինչ անելու է, որպեսզի այդ մեխանիզմների մշակման գործընթացը երկարաձգվի և տապալվի»:

Լեռնային Ղարաբաղի նախագահ Բակո Սահակյանի մամուլի խոսնակ Դավիթ Բաբայանը, ԳԱԼԱ-ի հետ զրույցում անդրադառնալով Սարգսյան-Պուտին-Ալիև եռակողմ հանդիպմանը, նշեց, որ քննարկման հիմնական թեման հետաքննության մեխանիզմների ներդրման հետ կապված հարցերն են համարվելու:

Ապրիլյան պատերազմից անմիջապես հետո Վիեննայում տեղի ունեցած հանդիպման ժամանակ ԵԱՀԿ ՄԽ համանախագահները և հակամարտող կողմերն ընդհանուր համաձայնության էին եկել հետաքննության մեխանիզմների ներդրման շուրջ, սակայն ինչպես հայտնի է, այդ հանդիպումից հետո գործնական որևէ քայլ չի կատարվել պայմանավորվածությունները կյանքի կոչելու ուղղությամբ:

«Հետաքննության մեխանիզմների ներդրումն իրենից ներկայացնում է չափազանց երկարատև գործընթաց, անհրաժեշտ է առանձին ուղղություններ մշակել, ինչ-որ տեխնիկական սարքավորումներ տեղադրել սահմանի երկայնքով, ԵԱՀԿ գործող նախագահի անձնական ներկայացուցչի գրասենյակի համալրում մասնագետներով, այդ մասնագետների կապերը ՀՀ և Ադրբեջանի պաշտպանության նախարարությունների հետ և այլ բազմաթիվ հարցեր, սակայն սա մեկ այլ ուղղություն է: Առաջին ուղղությունը հետաքննության մեխանիզմների մշակումն է, երկրորդը ներդրումն է, իսկ երրորդ ուղղությունն այն է, որ պետք է գրանցվի հրադադարի ռեժիմի խախտումները, և գրանցելուց հետո պատասխանատվության պետք է կարգեն այն կողմին, ով մեղավոր է հրադադարի ռեժիմի խախտման համար»:

Անդրադառնալով այն հարցին, թե հնարավո՞ր է այսօր կայանալիք հանդիպմանը հաջորդեն ռազմական գործողություններ, Բաբայանը նշեց, որ միշտ պետք է պատրաստ լինենք ռազմական գործողությունների վերսկսմանը, բայց քանի որ Ադրբեջանը հիմա գտնվում է վերականգնման փուլում, դժվար այս պահին սպասելի լինի լայնամասշտաբ ռազմական գործողությունների վերսկսում:

«Պատերազմական գործողությունների վերհսկումն ընդհանուր առմամբ կապված չէ այս կամ այն հանդիպման հետ: Այնուամենայնիվ, մենք միշտ պատրաստ ենք լինելու պաշտպանելու մեր արժանապատվությունն, անկախությունը և անվտանգությունը»:

Բաբայանը նշում է, որ Ադրբեջանը պետք է լավ հասկանա, որ եթե լայնածավալ պատերազմ լինի, ապա այն չի լինելու սահմանամերձ կամ միակողմանի, Ադրբեջանի բոլոր քաղաքները, բնակավայրերը, ռազմավարական օբյեկտները թիրախավորվելու են: Լավ պետք է մտածել նման ագրեսիվ գործողությունների դիմելուց առաջ:

«Մենք պաշտպանում ենք մեր տունը, մեր հայրենիքը, մեր ժողովրդին, իսկ Ադրբեջանը չգիտենք ում է պաշտպանում: Հասկանալի է, որ ադրբեջանցի վարձկանները գումարի դիմաց են կատարում զինված գործողություններ, հարձակումներ, բայց ինչի պետք է նրանք տուժեն Ադրբեջանի վարած ստոր քաղաքականության հետևանքով»:

galatv.am

Թալիշում ծանր վիրավորում ստացած 19-ամյա զինծառայող Արման Լազգիյանի բուժման համար շտապ 60.000 եվրո է անհրաժեշտ, քանի որ  վերականգնողական կուրսը 10 օր է՝ դադարեցված է.

«Նախնական մեզանից ուզել էին 20.000 եվրո, դեսպանատան հետ խնդիրների հետևանքով ևս 39.000 եվրո առաջացավ, իսկ սա այն պատճառով, որ վիզա չէին տրամադրում՝ հիմնավորելով, թե գումարի ծախսը մեծ է լինելու ու  երաշխիք չկա, որ չենք մնա Գերմանիայի կառավարության ֆինանսավորման հույսին, ուստի 100.000 եվրոյի երաշխիք է անհրաժեշտ: Ժողովրդի կողմից հավաքած գումարը վճարեցինք ու հնարավոր դարձավ Արմանին Գերմանիա տեղափոխել:

Առաջին փուլի համար նախատեսված էր առողջական խնդիրները կարգի բերել, դա կերակրափողն էր, շնչափողը, թոքերը, ստամոքսը, աղիքները, դեռ առկա է պառկելախոցի ու շնչափողի խնդիրը:

Մոտ 10 օր առաջ պետք է տեղափոխված լիներ վերականգնողական կլինիկա, որտեղից էլ իրենց գումարն են պահանջում: Այստեղ ներառված էին ողնաշարի, պառկելախոցի վիրահատությունները: Արդյունքում մի ահռելի գումար է պահանջվում՝ 160.000 եվրո: Նրանք այս վիրահատություններն անելու են, եթե անհրաժեշտություն տեսնեն: Հիմա շտապ 60.000 եվրո է անհրաժեշտ: Վերականգնողական կուրսը 10 օր է՝ դադարեցված է:

Պետությունից վիրավորված եմ: Կարող էր դիմել կլինիկային ու ասեր՝ քեզ ամիսը որքա՞ն գումար է անհրաժեշտ, 30-40.00 եվրո, հավաքված է կուղարկենք, սկսե՛ք բուժումը: Ես որպես անհատ դիմել եմ, կլինիկայում մերժել են: Հիմա ես ընկնեմ ժողովրդից փո՞ղ հավաքեմ: 75 օր է՝ մեղավորներին եմ փնտրում ու հասկանում եմ, որ հայրենասիրությունս ինձ գցել է քացու տակ: Այդ հայրենասիրությունն ընտանիքիս վերցրելու ինչքան կարողանում է՝ ջարդում է: Դպրոցն ավարտել եմ 16 տարեկանում ու առ այսօր աշխատում եմ, չի եղել գեթ մեկ օր, որ անգործ մնամ, որևէ մեկից կախվածություն չեմ ունեցել: Ընտանիքիս շատ հնավարորություն է ունեցել ապրել այլ երկրում, բայց չեն հեռացել մեր հայրենիքից: Միշտ պետականորեն եմ մտածել ու հավատացել եմ, որ Աստված կօգնի մեզ, այդպես էլ եղավ, որդիս ողջ է…Նա կռվել է նամուսով, թասիբով…Նրանց արածի հիման վրա ֆիլմեր կարելի է նկարել: Չեն փախչել, գլուխ չեն պահել: Նրանց լոզունգը եղել է՝ ոչ մի վիրավոր ռազմի դաշտում: Ինչ գնով ուզում է լինի՝ վիրավորին հանի՛ր ռազմի դաշտից, հայրենիքը քեզ կպահի: Երեխաս էլ է այդպես վարվել, վիրավոր հրամանատարին է հանել… Այսօր այնտեղ պառկած ասում է՝ հել արի, տեսնենք ինչ ենք անում: Որ չգժվենք էլ՝ հետ ենք գալու Հայաստան…Գալու ա, որ ինք  էլ թքի ու ասի՝ դուք նամուս, թասիբ ունե՞ք, գետինը չե՞ք մտնում, ես ո՞ւմ եմ վատություն արել: Ախր, ես պետությունից գումար էլ չեմ ուզում..կարող էր ընդամենը հրահանգ տալ, որ չխանգարեին դրամահավաքին»,-լրագրողների հետ հանդիպման ժամանակ ասաց զինվորի հայրը՝ Միքայել Լազգիյանը՝ կոչ անելով նաև Արցախի իշխանությանը՝ մասնակցություն ունենալ ոչ միայն Արմանի, այլև մյուս զինվորների բուժման գործում, չէ՞ որ նրանց անուններով գումարներ են հավաքվել:

Նշենք, որ հուլիսի 1-ին Մաշտոցի պուրակում նախատեսված է դրամահավաք՝ Արմանին աջակցելու համար:

Անի Կարապետյան

Այսօր ձերբակալված Ժիրայր Սեֆիլյանի եղբայրը` Թորոս Սեֆիլյանը, քիչ առաջ ֆեյսբուքյան իր էջի միջոցով հայտարարել է

Ժիրայր Սէֆիլեանի այսօրուայ Ձերբակալութեան Պատճառը մէկն է՛, «Իշխանությունները Պատրաստվում Են «ՀՈՂ» Հանձնել» Ոտքի ժողովուրդ, Ոտքի՛…

Ադրբեջանը չի ծանուցել ԵԱՀԿ երկրներին հունիսի 17-ից 24-ը Նախիջևանում զորամասերի կառավարման մարմինների մասնակցությամբ անցկացվելիք օպերատիվ-մարտավարական զորավարժության վերաբերյալ: Այդ մասին ասված է ՀՀ ՊՆ տարածած հայտարարության մեջ:

«Համաձայն Վիեննայի 2011թ. Փաստաթղթի 5-րդ գլխի 40.1.1 ենթակետի զորավարժությունները ենթակա են հայտարարման եթե ընդգրկված են`
1. ամենաքիչը 9000 մարդ, ներառյալ աջակցող զորքերը, կամ,
2. ամենաքիչը 250 մարտական տանկեր, կամ,
3. ամենաքիչը 500 մարտական զրահապատ մեքենաներ, կամ,
4. ամենաքիչը 250 ինքնագնաց և հետագլոր (քարշարկվող) հրետանային միջոցներ, ականանետեր և ռեակտիվ համազարկային միջոցներ (100 մմ և ավել):
Վիեննայի 2011թ. Փաստաթղթի արդիականացման վերաբերյալ քննարկումների ժամանակ երկրները համաձայնության են եկել հայտարարել այն զորավարժությունը, որը ոչ թե առաստաղներով է սահմանված, այլ համարվում է խոշորագույնը (առաստաղներն այստեղ չեն գործում), որովհետև ներկայումս խոշորագույն զորավարժություն իրականացնող երկրները հազվագյուտ են:
Միաժամանակ, համաձայն Վիեննայի 2011թ. փաստաթղթի VII մասի 66-րդ կետի պահանջների, եթե հաշվետու տարում նախապես հայտարարված զորավարժությունից բացի մասնակից երկիրը պլանավորել է իրականացնել ծավալներով ավելի մեծ զորավարժություն, ապա պարտավոր է հնարավորինս սեղմ ժամկետներում և սահմանված կարգով այդ մասին ծանուցել մասնակից բոլոր երկրներին:
Տեղեկացնում եմ, որ ԱՀ-ն ՎՓ-11-ի շրջանակներում տրվող տարեկան տեղեկատվությաբ ս.թ. հունիսի 17-ից 24-ը Նախիջևանում զորամասերի կառավարման մարմինների մասնակցությամբ անցկացվելիք օպերատիվ-մարտավարական զորավարժության վերաբերյալ չի ծանուցել մասնակից երկրներին:
Նման դեպքերում, համաձայն վերը նշված կետի, պետությունը պարտավոր է այդ մասին ծանուցել հնարավորինս անհապաղ, սակայն ԵԱՀԿ տեղեկատվական ցանցով զորավարժության անցկացման մասին ԱՀ կողմից մինչ այժմ ծանուցում չի կատարվել»,- հայտնում է ՀՀ ՊՆ-ն:

Քիչ առաջ Քննչական կոմիտեն հաղորդագրություն տարածեց, որ ձերբակալված է Ժիրայր Սեֆիլյանը։ «Մի խումբ անձանց կողմից ապօրինի կերպով զենք և ռազմամթերք ձեռք բերելը, փոխադրելը և պահելը կազմակերպելու կասկածանքով 2016թ. հունիսի 20-ին Ժիրայր Սեֆիլյանը ձերբակալվել է», — հաղորդում է Քննչական կոմիտեն։ Ըստ «Հիմնադիր խորհրդարանի» անդամ Վարուժան Ավետիսյանի, այս պահին կազմակերպության Սարդարապատում գտնվող գրասենյակում խուզարկություն է ընթանում։ Տեսագրության մեջ, որը «Հիմնադիր խորհրդարանի» անդամները տարածում են ԶԼՄ-ներով, Ժիրայր Սեֆիլյանին ներկայացվում է խուզարկության թույլտվությունը։ Նա հանգիստ նստած է իր աշխատասեղանի մոտ։ ՀԿԳ քննության գլխավոր վարչության աշխատակիցը արգելում է նկարահանումը՝ պատճառաբանելով, որ չունի այն թույլատրելու համապատասխան որոշում։ Գրասենյակում սև դիմակավորներ են։ Քննչական կոմիտեի հաղորդագրությունից ակնհայտ է դառնում, որ կատարվեցին  դեռ անցյալ տարվա կանխատեսումները, որ Ժիրայր Սեֆիլյանին կապելու են հանցավոր խմբի ու Արթուր Վարդանյանի գործի հետ և կալանավորեն։ «Հիմնադիր խորհրդարանի» անդամները չեն հավատում նման կապի առկայությանը։ «Նման բան չի կարող լինել», — ասաց «ՀԽ» անդամ Սյուզան Սիմոնյանը։

Սեֆիլյանին ձերբակալում են քրեական գործի շրջանակներում, որը հարուցվել է մեկ ամիս առաջ՝ մայիսի 20-ին Ծիծեռնակաբերդի խճուղում տեղի ունեցած ավտովթարի դեպքով։ ՀԿԳ քննիչները պարզել են, որ «Ժիրայր Սեֆիլյանը մի խումբ անձանց հետ ծրագրել էր զինված խմբավորումների միջոցով, զենքի գործադրմամբ, զավթել շենքեր, շինություններ, հաղորդակցության և կապի միջոցներ, այդ թվում՝ Երևանի հեռուստաաշտարակը, ինչի ընթացքում էլ վերջինս կազմակերպել է մի խումբ անձանց կողմից ապօրինի կերպով զենք և ռազմամթերք ձեռք բերելը, փոխադրելը և տարբեր վայրերում դրանք ապօրինի կերպով պահելը: Ընդ որում, խմբի անդամները որոշ հանցավոր գործողություններ ծրագրել էին իրականացնել ապրիլյան պատերազմին հաջորդող ժամանակահատվածում: 2016թ. մայիսի 20-ին տեղի ունեցած վերը նկարագրված ճանապարհատրանսպորտային պատահարի վայրում էլ հայտնաբերվել են Ժիրայր Սեֆիլյանի կազմակերպմամբ խմբի կողմից ապօրինի կերպով շրջանառվող երկու միավոր զենքն ու ռազմամթերքը»: Ինչպես տեսնում ենք, առայժմ Արթուր Վարդանյանի գործի մասին ոչինչ չի ասվում, բայց պարզ է, որ շուտով այս վարույէը փոխանցելու են ԱԱԾ, որը և երկու գործերը կմիացնի իրար և կքննի նույն վարույթում։ Կարելի է եզրակացնել, որ Ժիրայր Սեֆիլյանի դեմ ցուցմունքներ են գրել Ծիծեռնակաբերդի մոտակայքում տեղի ունեցած ՃՈ պատահարի մասնակցիները։

Նրանց մոտ հայտնաբերել են ապօրինի զենք՝ ԱԿ-74 տեսակի երկու ինքնաձիգ, 120 փամփուշտներով: Հիշյալ ավտոմեքենայի վարորդն ու ուղևորին մեղադրել են ապօրինի կերպով զենք և ռազմամթերք պահելու և փոխադևելու մ եջ /Քր․օր-ի 235 հոդված/։

https://www.youtube.com/watch?time_continue=2&v=azi6p2BjFE4

Սյուզան Սիմոնյան

Նյութի աղբյուրը ` hraparak.am