Քչերն են տեղյակ, որ 1958 եւ 1963 թվականներին կաթոլիկ եկեղեցու գահին քիչ մնաց նստեր հայ կարդինալ Գրիգոր-Պետրոս Աղաջանյանը։ Այդ մասին գրում է «Հայոց աշխարհ» թերթը։

«Դրան խոչընդոտեց միայն վատիկանյան պահպանողականների եւ իտալական հատուկ ծառայությունների դավադրությունը։

1958թ. հոկտեմբերին Պիոս XII-ի մահից հետո տեղի ունեցած կոնկլավում կարդինալ Աղաջանյանը առավել հավանական պապաբիլներից էր (պապ ընտրվելու թեկնածու)։ Դա հասատեց ինքը՝ Հռոմի պապ ընտրված Հովհաննես XXIII-ը։
Հռոմում հայկական կոլեգա այցելության ժամանակ Ռոնկալլի պապը հայտարարեց՝ դիմելով ճեմարանի ուսանողներին. «Գիտե՞ք, որ ձեր կարդինալն ու ես կարծես թե հավասար էինք, երկուսիս անունները շարժվում էին մերթ դեպի վեր մերթ դեպի վար»։
Բայց դրանք սառը պատերազմի տարիներն էին, եւ համապատասխան մարմինները Հռոմում զգոն էին։ Ինչպե՞ս թե, Սուրբ Պետրոսի գահին կարող էր նստել «ռո՞ւսը» (սովետական տարածքում ծնվածներին «ռուս» էին անվանում)։

1963թ. Ռոնկալլի պապի մահից հետո Աղաջանյանի թեկնածությունը կրկին հայտնվեց պապաբիլների ցուցակում՝ հենց «ռուսական» ծագման շնորհիվ: Այն ժամանակ Վատիկանի եւ Կրեմլի հարաբերություններում որոշակի շարժ եղավ։

Սակայն եկեղեցական եւ քաղաքական որոշ շրջանակներում վախենում էին Վատիկանի վրա խորհրդային հնարավոր ազդեցությունից։ Ակտիվացան իտալական հատուկ ծառայությունները, որոնք կազմակերպեցին «Կոնկլավ» գործողությունը։ Դրա նպատակն էր Սուրբ Պետրոսի գահին 70-ամյա Աղաջանյանի ընտրվելը կանխելը…»,- գրում է «Հայոց աշխարհը» (Մանրամասները՝ թերթի այսօրվա համարում)։

Այս տեսահոլովակը շատ աղմուկ է բարձրացնելու: Ավելի ճիշտ արդեն բարձրացրել է: Տեսահոլովակն առայժմ ամբողջությամբ չի հրապարակվել բայց համացանցում մեկ այստեղ, մեկ այնտեղ հայտնվում են կադրեր, որոնք նկարահանված են Ինգլվուդի Forum հրապարակի էկրանից, որով այն ցուցադրվել է երեկ՝ շնորհանդեսի ժամանակ:

Քանյե Ուեսթի ներկայացրած նոր տեսահոլովակում նկարահանված ենբազմաթիվ մերկ հանրահայտ մարդիկ՝ այդ թվում Քիմ Քարդաշյանը, Ռիհաննան, Քրիս Բրաունը, Դոնալդ Թրամփը, Ջորջ Բուշ կրտսերը, Ռեյ Ջին, Թեյլոր Սվիֆթը, Աննա Վինտուրը, Էմբեր Ռոուզը, Բիլ Քոսբին ու Քեյթլին Ջենները:

Ահա մի քանի մանրամասներ consequenceofsound.net կայքից, որն այս տեսահոլովակը անվանել է հանրահայտ մարդկանց օրգիա:

Նախ հրապարակում ոչ թե 8000 մարդ էր հավաքվել, ինչպես մինչ այդ էին հայտնում, այլ 17 հազար:

Եվ հետո պարզվում է, որ անկողնում մեղրամոմից պատրաստված քանդակներ են Եվ տեսահոլովակի առաջին կադրերը վերցված են ամերիկացի ժամանակակից հանրահայտ նկարիչ Վինսենթ Դեզիդերիոյի «Քուն» նկարից:

Իսկ առայժմ այստեղ դիտեք այդ տեսահոլովակից մի հատված:

NEWS.am STYLE

Արսեն Խոջոյանը 17-ամյա Աստղիկ Հանիսյանի հանդեպ անտարբեր չի եղել, սակայն Աստղիկը չի ցանկացել ամուսնանալ նրա հետ: Այս մասին SHAMSHYAN.com-ի թղթակցի հետ զրույցում պատմեց Արսենի հորաքույրը` Հեղինե Խոջոյանը: Նրա պատմելով՝ մինչեւ դանակահարությունը Արսենն ու Աստղիկը միասին են եղել. ճաշել են ճաշարաններից մեկում: Այդ ընթացքում աղջկա հարազատները զանգել են Արսենի հորաքրոջը և ասել, որ իրենց աղջկան տանի տուն, քանի որ արդեն ուշ ժամ է: Արսենի հորաքույրն էլ նրան է զանգահարել եւ պահանջել, որ նրան հետ վերադարձնի: Գիշերը, երբ հորաքույրը հերթական անգամ զանգահարել է Արսենի մորը, նա հեռախոսը փոխանցել է որդուն, եւ Արսենը ասել է, որ Աստղիկին թողել է «Ճակատի աղբյուր» կոչվող տարածքում, քանի որ Աստղիկը չի ցանկացել իր հետ վերադառնալ:

Թուրքիայի Թոքաթ նահանգի Փազարի շրջանի ՏԻՄ մարմինների որոշմամբ Բունդեսթագում Հայոց ցեղասպանությանը դեմ քվեարկած միակ պատգամավորին՝  «Քրիստոնյա-դեմոկրատ միություն» կուսակցությունը ներկայացնող  թուրքական ծագմամբ Բեթթինա Քուդլային Փազարի պատվավոր քաղաքացու տիտղոս է շնորհվել: Այս մասին հաղորդում է ermenihaber-ը՝ հղում կատարելով Hürriyet թերթի կայքին:

Հունիսի 12-ին Քուդլան, արձագանքելով Փազարի շրջանային խորհրդի այս որոշմանը, Twitter-ում գրել է. «Շատ շնորհակալ եմ պատվավոր քաղաքացու տիտղոսի համար: Սակայն, ցավոք, ստիպված եմ տեղեկացնել, որ չեմ կարող ընդունել այս տիտղոսը: Աստված պահպանի Թուրքիայի Հանրապետությանը: Աստված պահպանի Գերմանիային»:

Հայտնի է դարձել նաև, որ նույն նիստի ժամանակ խորհուրդը ծագումով թոքաթցի Ջեմ Օզդեմիրին զրկել է իրենց համերկրացին լինելուց: Օզդեմիրը Գերմանիայի «Կանաչների» կուսակցության համանախագահն է և Բունդեսթագում հաստատված Հայոց ցեղասպանության բանաձևի հեղինակներից:

Ուկրաինայի ներքին գործերի նախարար Արսեն Ավակովը Ֆեյսբուքի իր էջում գրառում է արել Հայաստանում ծավալվող վերջին իրադարձությունների կապակցությամբ, որը վերնագրել է՝ Թերմոս սառը թեյով         

  Իմ սիրելի Հայաստան,Մեզ ծեծեցին ու ցրեցին Կիևի Կրեպոստնոյ նրբանցքում, քանդեցին մեր բարիկադները, թվում էր թե սրբեցին ու տարան հույսերը: Անզորությունից կոկորդներումս կծիկ էր: Ձմեռ էր, ձյուն էր գալիս, մենք Մայդան էինք վերադառնում 8 հոգով, ուկրաինական դրոշի ներքո, սառած, ծեծված և ձնաթաթախ:

Մենք մեզ հետ էինք տանում մեծ զինվորական թերմոս՝ միակ բանը, որ հաջողվեց դուրս բերել հատուկ ջոկատայինների կողմից ջարդուփշուր արած բարիկադների առաջին գծից: Ոտքերը ցավում էին: Ձեռքերը սառել էին սառնամանիքից՝ առանց ծեծկռտուքի ժամանակ կորցրած ձեռնոցների, իսկ մենք, մենք այդ անիծյալ ծանր 20 լիտրանոց զինվորական թերմոսը, որի մեջ արդեն սառած թեյ էր, տանում էինք մերոնց՝ Մայդան: Որպես խորհրդանիշ: Ինչպես չնահաջելու և ազատ լինելու մեր ձգտումը:Ոչ մի ոսկե գեղմ չէր համեմատվի այդ թերմոսի արժեքի հետ, որը մենք այդ ժամանակ տարանք Մայդանի ճամբար: Մենք այդ ժամանակ այնտեղ տարանք այն թեյը՝ մենք մեզ հետ ճամբար տարանք ամուր կամքը դեպի ազատություն…

Հռոմի Պապը Հայաստանում շատերին զարմացրեց ու դեռ կզարմացնի տարբեր առիթներով: Սակայն մի բան կա, որ առանձնակի տպավորություն գործեց մարդկանց վրա: Դրա նրան սպասարկող ավտոմեքենան էր: Բոլորը սպասում էին, թե Երևանի փողոցներով պիտի սլանա շքեղագույն մի փոխադրամիջոց, սակայն առաջին պահին նույնիսկ մի փոքր էլ հիասթափություն ապրեցին, երբ տեսան, որ հովվապետը ուղևորվում է ոչ թե զրահապատ մեքենայով կամ վերջին մոդելի որևէ արագընթացով, այլ հասարակ «Renault»-ով:

Զարմանքն ու տարակուսանքն այնքան մեծ էր, որ լրագրողները չհամբերեցին և առաջին իսկ հնարավորության դեպքում այդ մասին հարցրեցին Հռոմի Պապի խոսնակ Ֆեդերիկո Լոմբարդիից: Վերջինս պատասխանեց, որ Հռոմի պապն է որոշել շատ հասարակ մեքենա օգտագործել, քանի որ ցանկանում է ապրել հասարակ մարդկանց կյանքով, իսկ շքեղ մեքենան խորհրդանշում է հարստություն, հզորություն, իշխանություն: «Նա փորձում է մեզ ուրիշ ուղերձ հղել: Ուստի, ընտրում է պարզունակ եւ փոքր տրանսպորտային միջոցներ: Ինձ թվում է՝ շատ սքանչելի է»,- ասաց խոսնակը:
Նման պատասխանը որոշակի մտորումների տեղիք է տալիս: Ինչու՞ Ֆրանցիսկոս Պապը հատկապես Հայաստանում որոշեց իր արարքով նմանատիպ մեսիջ հղել: Գուցե նա՞ էլ է տեղեկացված, թե ինչպիսի բարքեր են տիրում Հայաստանում և ինչ է նշանակում լավ մեքենան հայ հարուստի կամ իշխանավորի համար: Սակայն ինչու՞ միայն նրանք: Հայ հոգևոր դասը շատ դեպքերում արդեն գերազանցում է օլիգարխիային իր շքեղ կենցաղով և ազատ ապրելակերպով: Ու եթե Հռոմի Պապն էլ արդեն տեղեկացված է Արարատյան Հայրապետական թեմի առաջնորդ Նավասարդ Կճոյանի «Բենթլիի» մասին, կնշանակի Պապը որոշել է իր համեստ մեքենայով շառաչուն ապտակ հասցնել նախ Նավասարդին և հետո միայն նրա նմաններին:

shame.am

Պապի այցը դրական էմոցիաներով լցրեց երկիրը, չնչին բացառությամբ ազգս ուրախ է հայրենի հողում տեսնելու այդ խարիզմատիկ ու դրական աուրայով մարդուն։ Սակայն չպետք է մոռանալ, որ նա նախևառաջ կաթոլիկ համայնքի առաջնորդն է և նրա քայլերը համապատասխանում են իր կոչմանը։ Հռոմի 266-րդ պապը պարզապես բարի պապիկ չէ, որ եկել է քնելու ծերանոցում ու մերոնց մարդասիրության դասեր տալու, նա քաղաքականություն է վարում էլ ավելի ամրացնելով իր դրական իմիջն աշխարհում։

Արդեն մի քանի օր է, հնարավոր բոլոր ձևերով շնորհակալություն ենք հայտնում, որ նա եկել է Հայաստան։ Ոչ ոք չի ժխտի, որ դա պետք է մեզ, սակայն ի վերջո պետք է գիտակեցել, որ ինչքան էլ կաթոլիկ եկեղեցու առաջնորդի այցը նպաստավոր լինի մեր երկրի համար, Հայաստան այցելելու Հռոմի պապի որոշումը իրեն ևս անհրաժեշտ է. (իմ կարծիքով բոլոր քրիստոնյա երկրների հոգևոր առաջնորդները պետք է տեսնեն Հայաստանը. խմբ.)։ Նա եկել է բիբլիական դրախտավայր մի երկիր, որն առաջինն է ընդունել քրիստոնեությունը: Ուրիշ ո՞ր երկիրն ունի սրբազան լեռ, այսքան գողտրիկ եկեղեցիներ ու քրիստոնեական մասունքներ: Ուստի կարելի է մի փոքր ավելի արժանապատիվ դիրք ընդունել և Պապի քայլը չորակել մեզ արված լավություն՝ գիտակցելով հպարտ տանտիրոջ մեր դիրքը, որը հյուրին ցույց տալու գանձեր ունի իր տանը։

Այո, ներկայիս պապին նախորդի հետ համեմատել չի կարելի, առաջինը լոկ սիմվոլ էր, ֆրանչիսկոսը դրական աուրայով ու շատ խելացի անձ է, և աշխարհի առաջնային հեղինակության դեմքերից։ Չմոռանանք նաև, որ կաթոլիկ եկեղեցու հավատացյալների մի ստվար զանգված այսօր ապրում է մեր երկրի երկրորդ քաղաքում:

Պապն այցի է գնում Գյումրի, որտեղ կաթոլիկական հոծ համայնք կա և որի հնարավորություններին ու հեղինակությանն ու գործունեությանը առաքելական եկեղեցին միշտ էլ նախանձով է նայում։ Իսկ տեղի առաջնորդն իր համայնքի հեղինակությունը բարձրացնելու փոխարեն կես դրույքով Գարեգին Բ –ի խոսնակ է աշխատում՝ փորձելով արդարացնել Աթեշյանին, իր հագի կրակե շապիկը թողած, նրա կրակե շապկի մասին մտահոգվելով: Պապը կաթոլիկ եկեղեցու գլուխն է, որին հարգանքով ու խոնարհումով է վերաբերվում կաթոլիկ աշխարհը։ Մենք ևս Պապին առանձնահատուկ վերաբերմունքի արժանացնելու հետ մեկտեղ, ճիշտ կլիներ անդրադառնայինք, որ վատ, շատ վատ է այն իրողությունը, երբ Հայ առաքելական եկեղեցու վեհափառին և առաջնորդներին մեր ժողովուրդը վերապահումով է վերաբերվում, էլ չենք խոսում սիրելու մասին:

Գաղտնիք չէ, որ նրանք (չնչին բացառությամբ ) ժողովրդի մոտ բացասական զգացողություն են առաջացնում։ Պապը գնալու է ու մենք տխրելու ենք, մեզ ավելի խեղճ ու թալանված ենք զգալու մեկ անգամ ևս անդրադառնալով , որ Չարենց, Արարատ ու բիբլիական երկիր ունենալով հանդերձ այս վիճակում ենք։ Տեսնես հռոմի խորագետ Պապը, իրականում ինչ տպավորություններով կհեռանա Հայաստանից, ու այդ մասին խոսելիս կլինի՞ այնքան անկեղծ ու բաց, որքան որ մեր պատկերացումներում է նա։

Ռուզան Ավոյան

Այսօր՝ հունիսի 25-ին, գիշերը Շամշադինի բժշկական կենտրոնում մահացել է Լոռու մարզի Շնող գյուղում ծնված, սակայն Տավուշի մարզի Վերին Կարմիրաղբյուր գյուղում ժամանակավորապես բնակվող, 17-ամյա Աստղիկ Հանիսյանը:

Ինչպես հայտնում է shamshyan.com-ը, վերջիննս հիվանդանոց էր տեղափոխվել երեկ՝ հունիսի 24-ին՝ ծայրահեղ ծանր վիճակում: Բժիշկները նրա մարմնի վրա հայտնաբերել էին սուր կտրող-ծակող առարկայից ստացած հարվածի 7-ից ավելի հետքեր, այդ թվում՝ կրծքավանդակի ու որովայնի մասում:

Երեկ՝ հունիսի 24-ին, ոստիկանության Տավուշի մարզային վարչության պետ Արշալույս Գևորգյանը, ոստիկանության Շամշադինի բաժնի աշխատակիցները՝ բաժնի պետ Գարիկ Դալաքյանի գլխավորությամբ նշված հանցագործությունը կատարելու կասկածանքով ոստիկանության Շամշադինի բաժին են բերման ենթարկել Վերին Կարմիրաղբյուր գյուղի բնակիչ, 25-ամյա Արսեն Անանիայի Խոջոյանին:

Shamshyan.com-ի տեղեկություններով՝ վերջինս խոստովանել է, որ գյուղի «Ճակատի աղբյուր» կոչվող հատվածում Ա. Հանիսյանին դանակի հարվածներ հասցրել է ինքը, ով Հայաստանի քննչական կոմիտեի Տավուշի մարզային քննչական վարչության հատկապես կարևոր գործերով քննիչ Մերուժան Գալստյանի որոշմամբ ձերբակալվել է:

SHAMSHYAN.com-ը հայտնում է, որ Ա. Խոջոյանը այն անձնավորությունն է, ով ադրբեջանական կողմում էր հայտնվել 2014 թվականի մարտի 7-ին և Հայաստան էր վերադարձվել ապրիլի սկզբին: Նա Մամիկոն Խոջոյանի ազգականն էր, ով կրկին նախորդ տարի հունվարի 28-ին ադրբեջանական կողմում էր հայտնվել և Հայաստան էր վերադարձել մարտի 4-ին՝ խոշտանգված վիճակում և մահացել: Վերին Կարմիրաղբյուր գյուղի բնակիչները ֆոտոլրագրողի հետ զրույցում ասում էին, որ ՝ նկատի ունենալով, որ մահացածի վրա կան դանակի բազմաթիվ հետքեր:

Վերին Կարմիրաղբյուրի գյուղապետ Կամո Չոբանյանն էլ այսպես արտահայտվեց.«Մոր հետ էին մեր գյուղում ապրում, իրանք մեր գյուղից չէին, եսիմ որտեղից էին եկել, երևի` Գորիսից կամ Ստեփանավանից: Չեմ խորշի ասել, որ էդ աղջիկը բարոյականության հետ կապված խնդիրներ ուներ, անբարոյականի մեկն էր, դրա վերջը դա պիտի լիներ»։

Այսօր՝ հունիսի 25-ին, ողբերգական ավտովթար է տեղի ունեցել Շիրակի մարզում: Ժամը 05:10-ի սահմաններում Շիրակի մարզի Հոռոմ գյուղի բնակիչ, 35-ամյա Արտակ Մկրտչյանը իր վարած «Բելառուս 82» տրակտորով Արթիկ-Գյումրի ավտոճանապարհի 7-րդ կմ հատվածում՝ Հոռոմ գյուղի վարչական տարածքում, դուրս է եկել երթևեկելի գոտուց և մոտ 50 մետր գլորվել ձորը: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով ավտոմեքենայի ուղևոր՝ համագյուղացի, 31-ամյա Գրիգոր Փարվանյանը տեղում մահացել է, իսկ վարորդ Ա. Մկրտչյանն ու ուղևոր՝ համագյուղացի, 31-ամյա Մնացական Սահակյանը մարմնական վնասվածքներով տեղափոխվել են Գյումրիի բժշկական կենտրոն: Ֆոտոլրագրողը հայտնում է, որ մահացածին և վիրավորներին առաջինը օգնության են հասել Գոռոմ գյուղի բնակիչները՝ գյուղապետ Աշոտ Պասկևիչյանի գլխավորությամբ:

Մահացածն ու վիրավորները ողջ գիշեր Արթիկում հսկայական աշխատանքներ էին կատարում տեղի ունեցած արտակարգ դեպքի պատճառով, ինչի հետևանքով Արթիկում հայտարարվել էր արտակարգ իրավիճակ: Մահացածն ամուսնացած էր, խնամքին ուներ 2 երեխա: Ինչպես ավելի վաղ Արթիկից հայտնել էր ֆոտոլրագրողը, երեկ՝ հունիսի 24-ին, 4 ժամից ավելի էր` Արթիկ քաղաքում արտակարգ իրավիճակ էր ստեղծվել: Սելավատարի փլուզման պատաճառով գետը տակնուվրա էր արել մի ամբողջ թաղամասի տներ, գոմեր, ինչի հետևանքով էլ մեծ թվով խոշոր եղջերավոր անասուններ, խոզեր, տնային կենդանիներ էին սատկել: Գետը ավերել էր բազմաթիվ տներ: Մարդաբոյ ապառաժ քարերը վնասել էին նաև մարդկանց ավտոմեքենաները: Դեպքի վայր էին ժամանել Շիրակի մարզի փրկարարները` մարզային փրկարարական վարչության պետ, գնդապետ Արթուր Կարապետյանի գլխավորությամբ: Այդ պահին քաղաքացիները Շիրակի մարզի փրկարարների հետ աշխատանքներ էին կատարում` պարզելու համար, թե արդյո՞ք մարդկային կորուստներ կան, թե՞ ոչ:

shamshyan.com

Դավիթ Սանասարյանը մանրամասնեց, որ փողոցում քայլելու ժամանակ են մոտեցել ու բերման ենթարկել Շահեն Հարությունյանին: «Որևիցե գործողություն չէր իրականացնում Շահենը, ձեռքում որևիցե պաստառ չկար, մոտեցել են ու միանգամից բերման ենթարկել»,- ասաց նա: Ըստ Դավիթ Սանասարյանի՝ ոստիկանները նախօրոք իմացել են ֆլեշմոբի մասին. «Ըստ երևույթին՝ գաղտնալսել են նրան, քանի որ Շահենն ընդամենը մի քանի մարդու էր ասել այդ մասին: Իր իրավունքն էր այդ գործողությունն անելու և որևիցե քայլ չէր անելու, որով կվիրավորեր որևիցե մեկին: Եթե մարդիկ գնալու էին ողջունելու, օրհնություն ստանալու Պապից, Շահենն էլ իր ձևով էր ողջունելու՝ տեղեկացնելով, թե ինչ վիճակ է Հայաստանում: Շահենն ուղղակի իր պաստառը բռնելու էր և երկու խոսք էր ասելու Պապին և այդ ամենն անելու էր հարգանքով հանդերձ»:

Դավիթ Սանասարյանի  ֆեյսբուքյան էջից