Պաշտպանության նախարարությունը արձագանքել է Երեւանի Կայազորի Ռազմական ոստիկանության օպերատիվ բաժանմունքի նախկին պետ Հարություն Ոփանյանի՝ «Առավոտի» հետ զրույցում ՊՆ բարձրաստիճան պաշտոնյաների չարաշահումների մասին հրապարակմանը:

ՊՆ մամուլի խոսնակ Արծրուն Հովհաննիսյանը պարզաբանումներ տվեց Ոփանյանի հայտնած տեղեկությունների հետ կապված:

Հարություն Ոփանյանը 2007-2012-ին ծառայել է ՀՀ ՊՆ Ռազմական ոստիկանությունում եւ զբաղեցրել տարբեր պաշտոններ: 2005-2007-ին եղել է Իջեւանի ՌՈ բաժնի օպերատիվ բաժանմունքի սպա, 2009-2010-ին եղել է ՌՈ վարչության օպերատիվ բաժնի ավագ սպա, 2010-2012-ին՝ Արմավիրի ՌՈ բաժնի օպերատիվ բաժանմունքի պետ, 2012-ին՝ Երեւանի ՌՈ բաժնի օպերատիվ բաժանմունքի պետ:

Ոփանյանը հայտնել էր, որ համակարգից իրեն հանելու համար Երեւանի կայազորի զինվորական դատախազության դատախազ Վարազդատ Բադալյանը ճնշումների միջոցով ստիպել է սպաներից մեկին, որ իր դեմ ցուցմունք գրի, թե ինքը կաշառք է վերցրել ու Էջմիածնի մի դեպքով գործ է թաքցրել:

Արծրուն Հովհաննիսյանի պարզաբանմամբ՝ «Կապիտան Ոփանյանը, լինելով Արմավիրի ՌՈ օպերատիվ բաժանմունքի պետ, 17.12.2011-ին ՀՀ ՊՆ 40359 զորամասում տեղի ունեցած դանակահարության փաստը թաքցնելու նպատակով նույն զորամասի 1-ին ռադիոտեղորոշումային հանգույցի հրամանատար, մայոր Հայկ Վաղինակի Եդիգարյանից նույն ամսին պահանջել եւ ստացել է 3800 ԱՄՆ դոլարի կաշառք: Ուստի 23.07.2012-ին Երեւանի կայազորի զինվորական դատախազության կողմից ՀՀ քրՕրի 311 հոդվածի 4-րդ մասի 2-րդ կետի հատկանիշներով, այն է՝ առանձնապես խոշոր չափերի կաշառք ստանալը, հարուցվել է քրեական գործ: 30.08.2012-ին որոշում է կայացվել այդ գործով մեղադրյալ ներգրավել եւ նույն օրը հետախուզում է հայտարարվել»: Ինչ վերաբերում է Ոփանյանին վախեցնելու համար նրա «Մերսեդեսի» վրա կրակելուն՝ ՊՆ-ից հայտնեցին, որ օպերատիվ տեղեկություն է ստացվել, որ Հ. Ոփանյանի եղբայրը՝ Կարեն Սիմոնյանը, ինքնությունը չպարզված անձից գնել է Մերսեդես մակնիշի մեքենա, որը եղել է վթարված վիճակում եւ որեւէ փաստաթուղթ չի ունեցել:

Ըստ օպերատիվ տվյալների եւ քննության, այդ մեքենայի վրա կրակոցի հետեւանքով առաջացած վնասներ չեն եղել:

Արծրուն Հովհաննիսյանը նաեւ հայտնեց, որ Հարություն Ոփանյանի եղբայրն էլ 2015-ի փետրվարի 17-ից հետախուզման մեջ է գտնվում: Նրա նկատմամբ էլ քրեական գործ է հարուցվել դասալքության համար՝ ՀՀ Քրեական օրենսգրքի 362 հոդվածի 1-ին մասի հատկանիշներով:

Ինչ վերաբերում է Ոփանյանի կողմից նշված այն հանգամանքին, որ իր աշխատասենյակից DVD է ընկել ու կոտրվել, որի վերականգնման համար 48 հազար դրա փոխհատուցում է պահանջվել՝ ՊՆ-ից հերքում են՝ ասելով. «Ըստ փաստաթղթային տվյալների, Երեւանի կայազորի ՌՈ բաժնում 2011-ին մուտք է եղել թվով 3 DV PLAYER, որից երկուսը մինչ օրս գտնվում են Երեւանի կայազորի ՌՈ բաժնում, իսկ մեկը՝ ՌՈ-ում: Երեւանի կայազորում երբեւէ DVD չի կոտրվել եւ փոխհատուցում չի պահանջվել»:

Ոփանյանը նաեւ պատմել էր, թե ինչպես է Ռազմական ինստիտուտի գեներալ Մարտին Նազարիչը սեփական բիզնեսը՝ իր «չայնին» դրել ինստիտուտի տարածքում ու դարպասները փակելով՝ կուրսանտների վրա 80 դրամանոց ատամի մածուկը ծախել 300 դրամով՝ ստանալով գերշահույթներ: Այս առնչությամբ էլ ՊՆ-ից հայտնեցին. «Կատարված հարցումների արդյունքում պարզվել է, որ ՀՀ ՊՆ Երեւանի կայազորի ՌՈ բաժնի աշխատակիցների կողմից 02.02.2012-ին  ՀՀ ՊՆ 24236 զորամասի «Զինառ» ՓԲԸ-ի թեյարանում կատարված ստուգայցի ժամանակ հայտնաբերվել է, որ այդ ՓԲԸ-ի հետ կնքված պայմանագրի խախտումներ են եղել եւ սանիտարահիգիենիկ մի շարք նորմերի խախտումներ, որի պատճառով ժամանակավորապես դադարեցվել է թեյարանի աշխատանքը:

Փաստի առթիվ Երեւանի ՌՈ-ում նախապատրաստված նյութերը 13.02.2012-ին ուղարկվել է ԵԿԶԴ: Իսկ նույն տարվա փետրվարի 15-ին 4-րդ կայազորի քննչական բաժնում Քրեական օրենսգրքի 205 հոդվածի 1-ին մասի հատկանիշներով, այն  է՝ հարկերը, տուրքերը կամ պարտադիր այլ վճարները վճարելուց չարամտորեն խուսափելը, հարուցվել է քրեական գործ, որը հետագայում կարճվել է՝ հանցակազմի բացակայության հիմքով»:

Արծրուն Հովհաննիսյանի խոսքերով՝ «Սեփական օրինազանցությունները կոծկելու, արդարամիտ երևալու համար անհիմն մեղադրանքներ հնչեցնելը առնվազն անբարոյական է»:

Ամբողջական հոդվածը կարող եք կարդալ aravot.am

Ռուս-թուրքական հարաբերությունների հերթական ջերմացումն, իհարկե, միայն փոխադարձ առևտրի կամ զբոսաշրջության ոլորտների վրա չի տարածվելու։ Կարելի է չկասկա­ծել, որ «բարիշ­ողները» պայմանավորվա­ծություններ են ձեռք բերելու (եթե արդեն ձեռք չեն բերել) նաև ավելի լուրջ հարցերի վերաբերյալ. Սիրիա, Ղարաբաղ և այլն։ Ու այս իրավի­ճակում հայ հասարակու­թյունը շունչը պահած սպա­սում է, թե «վերևներում» ինչ են որոշելու Ղարաբաղի հարցով։ Ընդ որում՝ «վերևներ» ասելով Մոսկվան նկա­տի ունեն, որովհետև Հա­յաստանի իշխանություննե­րը, Սերժ Սարգսյանի գլխա­վորությամբ, այդ ուղղու­թյամբ որևէ քաղաքակա­նություն չեն իրականաց­նում։ Կամ իրականացնում են մի քաղաքականություն, որը պայմանականորեն կա­րելի է անվանել «զորիբալայանիզմ»։

Իսկ ինչու «զորիբալայանիզմ»՝ որովհետև այդ քա­ղաքականության ամենա­վառ օրինակը հենց նա է տվել։ Էությունն էլ մոտավո­րապես հետևյալն է. պետք է նամակ գրեք «ռուսաց թա­գավորին», որ գա ու տիրու­թյուն անի մեզ, իսկ ինքներս վայելենք կյանքը՝ շուր­ջերկրյա ճամփորդություն­ներով, աշխարհի տարբեր մայրաքաղաքներում վիլլա­ներ գնելով և այլն։ Ընդ որում՝ իշխանությունների տնտեսական քաղաքակա­նության մեջ էլ է իշխում «զո­րիբալայանիզմը»։ Այն է՝ ոչինչ արտադրել պետք չէ, ինչքան հնարավոր է՝ պետք է վարկեր վերցնել կամ Սփ­յուռքից փող պոկել ու վայե­լել կյանքը, իսկ փողը խոպանչիները կուղարկեն։ Սերժ Սարգսյանն էլ, ահա, սրբորեն հետևում է «զորիբալայանիզմի» գաղափա­րախոսությանը ու հենց այդ­պես էլ անում է։ Ինչևէ։

Տարածված տեսակետ կա, թե Սերժ Սարգսյանն ու­զենա էլ՝ կոնկրետ Ղարաբա­ղի հարցում ոչինչ անել չի կարող, այսինքն՝ «զորիբալայանիզմն» այլընտրանք չունի։ Եվ իսկապես էլ՝ ի՞նչ կարող է անել Սերժ Սարգսյանը։ Մարդը արդեն հինգ տարի է կազանյան փաս­տաթղթի շուրջ է բանակցում, իսկ այդ փաստաթղ­թով նախատեսված է հինգ շրջանների վերադարձ, բայց նա նույնիսկ համարձակու­թյուն չունի խոստովանելու, որ այդ փաստաթղթի շուրջ է բանակցում, էլ ուր մնաց՝ ստորագրի համաձայնագի­րը։ Բայց համարձակություն չունի նաև հրաժարվել բա­նակցություններից (պահան­ջելով, որ դրանց մասնակցի նաև ղարաբաղյան կողմը)։

Ինչպե՞ս պիտի համարձակվի նման բան անել, եթե ուր կանչում են՝ գնում է (ընդ որում՝ լրատվամիջոցներից է տեղեկանում, որ գնում է), և ով բարև է տալիս՝ ինքը ութ անգամ շնորհակալություն է հայտնում։ Հասկանալի է, չէ՞, որ անձամբ ինքը Ալիևին զի­ջումներ պարտադրել չի կա­րող, չի կարող ստիպել, որ Ռուսաստանը կամ Արևմուտքը զիջումներ պար­տադրեն (ինչու պիտի Ադրբեջանին զիջումներ պար­տադրեն, եթե բազմաթիվ օբյեկտիվ պատճառներով Հայաստանին զիջումներ պարտադրելն ավելի հեշտ է), ոչ էլ կարող է ձևացնել, թե բանակցությունների սե­ղանին դրված փաստաթուղ­թը հայանպաստ է (առավել ևս՝ համոզել հասարակու­թյանը)։ Մնում է միայն զբաղվել «զորիբալայանիզմով», այսինքն՝ ոչինչ չանել, հայրենասիրական ճառեր արտասանել և վայելել կյանքը (հույս ունենալով, որ ռուսներն, իրենց իսկ շահերից ելնելով, մի քիչ «մեղմ կմոտենան» մեզ)։

Եվ այնուամենայնիվ կա մի քայլ, որը Սերժ Սարգսյանը (կամ ցանկացած այլ իշխանություն) կարող էր անել՝ անկախ արտաքին ագդակներից, միջազգային օրենքներից ու միջնորդնե­րի՝ «հայերին չսիրելու» հանգամանքից։ Դա Հայաս­տանը նորմալ երկիր դարձնելն է:

«ՉԻ»

Ամբողջական տեքստը՝ թերթի այսօրվա համարում:

«Մեր տեղեկություններով, Սամվել Բաբայանը կրկին Ղարաբաղում է: Ըստ որոշ աղբյուրների, նրա իրական ծրագիրը եղել է այնտեղ բնակություն հաստատելը: Ելնելով այն բանից, որ միայն իր նկարը «ցուցադրելով»՝ 2015-ին ԼՂՀ պառլամենտում ընդդիմություն ունեցավ՝ թեկուզ 1 պատգամավորով՝ Հայկ Խանումյանով, ինչը նշանակում է, որ ԼՂՀ_ում նա պահպանում է իր հեղինակությունն ու թափը, ուստի կարող է հասնել նրան, որ արցախյան բոլոր ուժերը՝ թե ռազմական, թե քաղաքական իստեբլիշմենտում, իրեն «աչյոտ տան»:

Արդյունքում՝ գարնանը Ղարաբաղում մեկնարկելիք ընտրություններում կփորձի դառնալ նախագահ և իրականացնել այն ծրագրերը, որոնց մասին գրել էր 2013-ին՝ Սերժ Սարգսյանին հղած նամակում և որոնց մասին խոսել էր իր վերջին հարցազրույցում: Սակայն «ՀՀ ու ԼՂՀ իշխանություներն այդ ծրագրերը թաղեցին՝ ԼՂՀ սահմանադրական փաթեթով անցումային շրջան ապահովելով Բակո Սահակյանի համար՝ մինչև 2020 թվականը»:

«Հրապարակ»

Iravaban.net-ը գրում է. Եկող շաբաթ՝ հուլիսի 5-ին նշվում է Սահմանադրության օրը: Հայաստանի Հանրապետության տոների և հիշատակի օրերի մասին ՀՀ օրենքի համաձայն հուլիսի 5-ը ոչ աշխատանքային է: Հուլիսի 3-ը եկեղեցական ծիսակարգի համաձայն մեռելոց է: Սպասվում էր, որ կառավարությունը ամսի 3-ի երկուշաբթի օրը կտեղափոխի շաբաթ օր, այսինքն՝ աշխատողները հնարավորություն կունենան հանգստանալ 4 օր անընդմեջ, սակայն կառավարության այսօրվա նիստին նման որոշում չկար: Չի բացառվում, որ կառավարությունը արտահերթ նիստ կնշանակի շաբաթ օրը և կլուծի այս հարցը, ինչպես նախկինում, թեև ավելի հավանական է, որ մեռելոցը լինի աշխատանքային, քանի որ նմանաբնույթ որոշումները մշտապես քննադատության առարկա են դարձել:
Ինչևէ, աշխատողներին տեղեկացնում ենք, որ եկող շաբաթ ամսի 5-ը՝ երեքշաբթի օր, ոչ աշխատանքային է, այսինքն՝ աշխատողները կհանգստանան շաբաթ և կիրակի օրերին, այնուհետև՝ երկուշաբթի օրը կաշխատեն, իսկ երեքշաբթի օրը կլինի ոչ աշխատանքային:

«Ժամանակի» զրուցակիցն է Ֆրանսիայի Ռազմավարական հետազոտությունների կենտ­րոնի փորձագետ Կայծ Մինասյանը։

Հռոմի Պապ Ֆրանցիսկոսի այ­ցը Հայաստան և հայտարարու­թյունը Հայոց ցեղասպանու­թյան մասին քաղաքական և դիվանագիտական մեծ քայլ է՝ ուղղված Հայաստանի ճանաչ­մանն ու զարգացմանը, կար­ծում է Կայծ Մինասյանը։ Պապն իր գործողություններով կար­ծես վերադարձնում է հայերին միջազգային հանրության ըն­տանիք, միջազգային համա­կարգ։

«Հայերը Առաջին աշխարհա­մարտից հետո որբի պես դուրս մնացին միջազգային կարգա­վիճակից։ Մեզ սպանեցին երեք անգամ 1915-ից մինչև 1923 թվականը։ Հայ ժողովուրդը դուրս մնաց միջազգային կար­գավիճակից և պատմությու­նից։ Այսօր պատմությունն իր վրեժն է լուծում և ծառայում է մեր հարցերին՝ ճանաչելով Ցե­ղասպանությունը»,- այսպիսի ուշագրավ կարծիք հայտնեց Կայծ Մինասյանը թերթի հետ զրույցում։

Կայծ, Հռոմի պապն ի՞նչ ուղերձներ էր իր հետ բերել Հայաստան։ Ո՞րն է ընդհան­րապես Պապի այցելության նշանակությունը և խոր­հուրդը։

Հռոմի Պապը, կաթոլիկ եկե­ղեցին հայտարարեցին, որ քրիստոնյաների ներկայությու­նը Արևելքում վտանգի մեջ է։ Դա հստակ է։ Բայց Ֆրանցիսկոս պապը կարծեմ հայտարա­րեց, որ այդ հարցը պիտի լուծվի արմատապես։ Այսօրվա ճգնա­ժամի արմատը Միջին Արևել­քում Օսմանյան կայսրության փլուզումն էր, և Օսմանյան կայսրության փլուզման գլխա­վոր առանցքը կամ դեպքը Ցե­ղասպանությունն էր, և ուրեմն ճանաչելով Հայոց ցեղասպա­նությունը՝ սկսում ես կամաց-կամաց սրբագրել սխալները, տեղ տալ Ցեղասպանությանը և հայերին այսօրվա աշխարհում, որովհետև հայերն ընդհանրա­պես, լինեն կովկասահայեր, թե սփյուռքահայեր, Առաջին աշ­խարհամարտից հետո որբի պես դուրս մնացին միջազգա­յին կարգավիճակից, միջազ­գային քաղաքական համա­կարգից։ Եթե կա ազգ, որ որբ է միջազգային կարգավիճակից, հայ ժողովուրդն է։ Բոլորն այնպես արեցին, որպեսզի հայերը դուրս մնան։

Ամբողջական տեքստը՝ թերթի այսօրվա համարում:

Հիսուսն իր մոտ կանչեց իր աշակերտներին և ասաց նրանց.
— Խղճում եմ այս բազմությանը, որովհետև ահա երեք օր է, որ ինձ մոտ են և այլևս ոչինչ չունեն ուտելու։ Չեմ ուզում տուն ուղարկել նրանց, որպեսզի չլինի թե ճանապարհին ուշագնաց լինեն։
Աշակերտներն ասացին.
— Հիմա այս ամայի վայրում որտեղի՞ց գտնենք այսքան բազմությանը կշտացնելու հաց։
Հիսուսը պատասխանեց նրանց.
— Քանի՞ հաց ունեք։
Նրանք պատասխանեցին.
— Յոթ հաց և մի քիչ էլ մանր ձկներ։
Հիսուսը ժողովրդին հրամայեց, որ նստեն գետնին։ Ապա վերցրեց յոթ հացը և ձկները, շնորհակալություն հայտնեց Աստծուն, կտրեց և տվեց աշակերտներին, սրանք էլ բաժանեցին ժողովրդին։ Բոլորն էլ կերան ու կշտացան, և աշակերտները, կտորտանքները հավաքելով, յոթ զամբյուղ լցրին։ Իսկ ուտողները շուրջ չորս հազար հոգի էին՝ չհաշված կանանց ու երեխաներին։
(Մատթեոսի ավետարան 15:32-38)

Ռուբեն աբեղա Զարգարյան

ՀՀ արտակարգ իրավիճակների նախարարությունը տեղեկացնում է, որ հանրապետությանը նոր ցիկլոն է մոտենում: Հունիսի 30-ին Հայաստանի հյուսիսային շրջաններում, իսկ հուլիսի 1-4-ին շրջանների մեծ մասում գիշերը և օրվա երկրորդ կեսին սպասվում է կարճատև անձրև և ամպրոպ, առանձին հատվածներում հնարավոր է կարկուտ:

Քամին՝ հարավ-արևմտյան 2-7 մ/վրկ արագությամբ, ամպրոպի ժամանակ հնարավոր է քամու ուժգնացում‵ 20-25 մ/վրկ: Օդի ջերմաստիճանը հունիսի 30-ին կբարձրանա 1-2 աստիճանով, իսկ հուլիսի 1-3-ին կնվազի 3-4 աստիճանով:

«Արմենպրես»-ի հետ զրույցում Հայպետհիդրոմետ ծառայության օպերատիվ հիդրոօդերևութաբանական կանխատեսումների կենտրոնի պետ Զարուհի Պետրոսյանը հայտնել է, որ հանրապետությանը մոտեցող նոր ցիկլոնը Շիրակի մարզի Արթիկ քաղաքում նոր սելավների վտանգ չի կրում, սակայն ամբողջությամբ չբացառեց նմանատիպ երևույթների հավանականությունը:

«Հորդառատ տեղումների ռիսկայնությունը դեռևս պահպանվում է, սակայն չեմ կարծում, որ կլինեն մեծ ռիսկեր»,- մանրամասնել է Պետրոսյանը:

Հիշեցնենք, որ հունիսի 24-ին Շիրակի մարզի Արթիկ քաղաքում սելավատարերի խցանման հետևանքով ջրալցվել էին քաղաքի գլխավոր փողոցները:

Հարցին, թե ֆինանսների նախարար Գագիկ Խաչատրյանն ինչպե՞ս է իր աշխատավարձով ԱՄՆ-ում թանկարժեք թաղամասում որդու համար առանձնատուն գնել, ինչպես որ հրապարակել է «Հետք»-ը եւ այդ ունեցվածքը նույնիսկ հայտարարագրված էլ չէ, տրանսպորտի եւ կապի նախարար Գագիկ Բեգլարյանն ասաց, որ Գագիկ Խաչատրյանի աշխատատեղին մի քանի քայլ այն կողմ է եւ որ այդ հարցը ճիշտ կլինի նրան ուղղել. «Նույն բանն է, որ ես ձեզ հարցնեմ, օրինակ` որ լրագրողները ձերբակալվում են գումար վերցնելու պատճառով, դուք լրագրողներդ ի՞նչ պայքար եք տանում կոռուպցիոն լրագրողների դեմ: Կոռուպցիա, երբ որ ասվում է, ասվում է բոլոր ոլորտների համար: Եկեք բոլորս միասին ե’ւ ձեր դաշտում ե’ւ մեր դաշտում եւ հարեւանի դաշտում պայքարենք կոռուպցիայի դեմ»:

Հարցին, թե դուք ունե՞ք ունեցվածք, որը չեք հայտարարագրել, Գագիկ Բեգլարյանն ասաց. «Ես` ոչ: Իսկ Գագիկ Խաչատրյանի դեպքում, ինձ թվում է հերյուրանք է, անհնար է նա ունենա ինչ-որ մի բան եւ հայտարարագրված չլինի»:

Այն հարցին էլ, թե հնարավո՞ր է նախարարի աշխատավարձով այդքան ունեցվածք ձեռքբերել, Գագիկ Բեգլարյանը հարցին հարցով պատասխանեց` ո՞ր մի նախարարի: Օրինակ` ֆինանսների, նկատեցին լրագրողները:

«Ֆինանսների նախարարն է, տրանսպորտի նախարարն է, կամ մյուս բոլոր նախարարները կարող է ունենան այլ եկամուտներ, որն ընդհանրապես կապ չունի պետության, կառավարության եւ բյուջեի հետ կապված»:

aravot.am

Եթե Գերմանիան՝ որպես ԵԱՀԿ գործող նախագահող երկիր, կարողանա կարևոր քայլ կատարել վերահսկողական մեխանիզմների ներդրման ուղղությամբ, կլինի մեծ ներդրում: Այս կարծիքը 168.am-ի հետ զրույցում հայտնեց ԼՂՀ նախագահի մամլո խոսնակ Դավիթ Բաբայանը՝ խոսելով Գերմանիայի ԱԳ նախարար, ԵԱՀԿ գործող նախագահ Ֆրանկ Վալտեր Շտայնմայերի՝ Հարավային Կովկաս կատարած այցի մասին:

«Այսօր տեղի ունեցավ Արցախի նախագահի և Շտայնմայերի հանդիպումը Երևանում, և տարբեր հարցեր են քննարկվել ԼՂՀ հակամարտության կարգավորման ուղղությամբ: Իհարկե, հիմնական շեշտը դրվել է այդ մեխանիզմների մշակման, խաղաղության պահպանման վրա: Կստացվի՞, թե՞ չի ստացվի, ցույց կտա ժամանակը, բայց այլ տարբերակ չկա՝ հակամարտության կարգավորման գործընթացը պետք է կենտրոնանա հենց այդ մեխանիզմների մշակման և ներդրման վրա: Առանց դրա հնարավոր չի լինելու կարգավորել հակամարտությունը: Տարիներ շարունակ անտեսված է եղել այս ուղղությունը, դրա համար մենք ունեցանք տարբեր տիպի բարդութուններ, որի գագաթնակետը կարելի է համարել այս չորսօրյա ապրիլյան պատերազմը: Պետք է ամեն ինչ արվի, որ այդ մեխանիզմները մշակվեն: Այստեղ Գերմանիան՝ որպես գործող նախագահող երկիր, եթե կարողանա կարևոր քայլը կատարի՝ այս ուղղությամբ կլինի մեծ ներդրում»,- նշեց մեր զրուցակիցը:

Հարցին, թե որքանո՞վ է իրատեսական, որ Գերմանիային կհաջողվի այդ մեխանիզմների ներդրման առումով որևէ առաջընթաց գրանցել՝ հաշվի առնելով, որ Իլհամ Ալիևն արդեն իսկ հրաժարվել Վիեննայում ձեռք բերված պայմանավորվածություններից, Դ. Բաբայանը պատասխանեց, որ դժվար է լինելու: «Բայց այստեղ ԵԱՀԿ-ն պետք է համապատասխան քայլեր ձեռնարկի, և սա կարևոր է և՛ հակամարտության կարգավորման, և՛ տարածաշրջանում խաղաղության պահպանման համար: Վերջապես այդ կազմակերպությունների վարկանիշի համար է նաև կարևոր, ու Ադրբեջանը չպետք է կարողանա իր հիստերիկ պահվածքի շնորհիվ տապալել այս հավաքական գործողություններն ու ջանքերը»,- նշեց ԼՂՀ նախագահի խոսնակը:

Հիշեցնենք, որ երեկ լրագրողների հետ զրույցի ժամանակ Վ. Շտայնմայերը նշել է, որ ԵԱՀԿ-ի համար պարզ է, որ «ստատուս-քվոն» այլկերպ հնարավոր չի լինելու պահպանել, և երկու կողմերն էլ պետք է զիջումների գնան: Անդրադառնալով սրան՝ Դ. Բաբայանն ասաց, որ ամենակարևորն այն է, որ լինի փոխզիջում, իսկ միակողմանի զիջումը հնարավոր չէ. «Այո, փոխզիջման պատրաստ ենք, բայց պետք է լինեն փոխզիջումներ երկու կողմից, երկրորդը՝ փոխզիջումները պետք է լինեն համարժեք, այլ ձևով անհնար է լինելու, որովհետև ի դեմս Ադրբեջանի՝ մենք ունենք անկանխատեսելի ահաբեկչական տոտալիտար պետություն»:

168.am

Այսօր՝ հունիսի 30-ին, ողբերգական դեպք է տեղի ունեցել Երևանում: Ժամը 11:00-ի սահմաններում ոստիկանության Նոր Նորքի բաժին ահազանգ է ստացվել, որ Նոր Նորքի 9-րդ զանգվածի 50 շենքի 1-ին բնակարանում տղամարդու կախված դի կա:

Ինչպես հայտնում է ֆոտոլրագրող Գագիկ Շամշյանը, նշված հասցե են ժամանել ոստիկանության Նոր Նորքի բաժնի օպերատիվ խումբը՝ բաժնի պետ Արմեն Վաթյանի գլխավորությամբ: Ժամանել են նաև Հայաստանի քննչական կոմիտեի Երևանի քննչական վարչության Ավան և Նոր Նորք վարչական շրջանների քննչական բաժնի խումբը՝ քննիչ Օգսեն Հարությունյանի գլխավորությամբ:

Ոստիկաններն ու քննիչները նշված տան խորդանոցում հայտնաբերել են տանտիրոջ՝ 67-ամյա Ա. Ղ.-ի կախված դին: Ըստ տեղեկությունների՝ վերջինս կախվելու միջոցով ինքնասպան է եղել:

Շարունակությունն՝ այստեղ