«Անակնկալ բան եք ասում, ես առաջին անգամ եմ լսում այդ մասին, Ջուլիետա Կարապետյանը առկա համակարգում էր սովորել և պետական քննությունն անբավարար էր ստացել: Բողոքարկեց քննության արդյունքները, սակայն ոչինչ չփոխվեց»: Այս մասին Shabat.am-ի հետ զրույցում Խաչատուր Աբովյանի անվան հայկական պետական մանկավարժական համալսարանի բանասիրության ֆակուլտետի դեկան Յուրի Դավթյանը՝ անդրադառնալով ինքնասպանություն գործած Ջուլիետայի Կարապետյանին, ով սովորում էր բանասիրության ֆակուլտետի չորրորդ կուրսում: Իսկ համաձայն տարածված տեղեկությունների, թե ուսանողուհին դասախոսներից մեկի հետ կոնֆլիկտ է ունեցել, դեկանը նշեց. «Ես խոսել եմ իմ տեղակալի, կուրսի ավագի հետ, բայց ուսանողուհին որևէ կոնֆլիկտ չի ունեցել: Միջին որակի սովորող երեխա էր, և եթե խնդիրներ ունենար դասախոսներից որևէ մեկի հետ, ավագը ինձ կասեր կամ նա անձամբ կտեղեկացներ և դա ես չէի հանդուրժի»:

Դեկան Յուրի Դավթյանի խոսքով՝ տարբեր կարծիքներ են հնչել ուսանողուհու մահվան վերաբերյալ. «Ասում են, որ 8-րդ հարկից լվացք փռելու ժամանակ է ընկել: Չգիտեմ, ինձ համար շատ ցավալի է, բայց չեմ կարծում, որ որևէ դասախոսի դրդմամբ է եղել, քանի որ պետական քննություններից արդեն մի քանի ամիս է անցել»:

Բանասիրության ֆակուլտետի չորրորդ կուրսի ուսանողները հունիսի 7-ին պետք է դիպլոմ ստանային, սակայն Ջուլիետա Կարապետյանը չէր ստանալու, քանի որ քննությունն անբավարար էր ստացել:

Հիշեցնենք, որ Shamshyan.com լրատվական կայքը գրել էր, որ ոստիկաններն ու քննիչները պարզել են, որ մահացածը նույն շենքի 8-րդ հարկում բնակվող, 21-ամյա Ջուլիետա Կարապետյանն էր, ով, ըստ նախնական տեղեկությունների, ինքնասպանություն գործելով իրեն ցած է նետել:

Հանրապետության տարածքում հուլիսի 6-ին շրջանների մեծ մասում գիշերը եւ օրվա երկրորդ կեսին սպասվում է կարճատեւ անձրեւ եւ ամպրոպ, առանձին հատվածներում հնարավոր է կարկուտ:

Քամին՝ հարավ-արեւմտյան 2-7 մ/վրկ արագությամբ, ամպրոպի ժամանակ հնարավոր է քամու ուժգնացում‵ 20-25 մ/վրկ:

Օդի ջերմաստիճանն էապես չի փոխվի:

Ինչպես NEWS.am-ին հայտնել են «Հայպետհիդրոմետից», Երեւանում հուլիսի 6-ին երեկոյան ժամերին առանձին հատվածներում սպասվում է կարճատեւ անձրեւ եւ ամպրոպ:

Ամպրոպի ժամանակ սպասվում է քամու ուժգնացում‵ 15-20 մ/վրկ արագությամբ:

Առաջիկա գիշերը մայրաքաղաքում կդիտվի +18+20, իսկ վաղը ցերեկը՝ +30+32 աստիճան տաքություն։

Ջերմաստիճանը մարզերում՝

Շիրակում՝ գիշերը` +8+13, ցերեկը` +20+24,

Կոտայքում՝ գիշերը` +8+13, ցերեկը` +20+24,

Գեղարքունիքում՝ գիշերը` +8+13, ցերեկը` +20+24,

Լոռիում՝ գիշերը` +10+13, ցերեկը` +22+25,

Տավուշում՝ գիշերը` +16+20, ցերեկը` +24+28,

Արագածոտնի լեռներում՝ գիշերը` +8+13, ցերեկը` +20+24,

Արագածոտնի նախալեռներում՝ գիշերը` +16+18, ցերեկը` +30+32,

Արարատում՝ գիշերը` +17+20, ցերեկը` +31+33,

Արմավիրում՝ գիշերը` +17+20, ցերեկը` +31+33,

Վայոց ձորի լեռներում՝ գիշերը` +8+13, ցերեկը` +20+24,

Վայոց ձորի նախալեռներում՝ գիշերը` +17+20, ցերեկը` +31+33,

Սյունիքի հովիտներում՝ գիշերը` +17+20, ցերեկը` +30+32,

Սյունիքի նախալեռներում՝ գիշերը` +12+15, ցերեկը` +20+23,

Լեռնային Ղարաբաղում՝ գիշերը` +16+19, ցերեկը` +26+29։

«Նուբարաշեն» քրեակատարողական հիմնարկի վերաբերյալ ահազանգերը մեր խմբագրություն չեն դադարում: Այս անգամ մեզ դիմել է ոստիիկանության նախկին աշխատակից, ոստիկանության մայոր, այժմ դատապարտյալ Վարդան Ղուկասյանի (Դոգ) մայրը՝ տիկին Սուսաննան: Հիշեցնենք, որ Վարդան Ղուկասյանը դատապարտվել  է 4 տարի ազատազրկման՝ շորթման եղանակով ուրիշի գույքի հափշտակություն կազմակերպելու համար։

Վերին Լարսը չի բացվել. մարդատար ու բեռնատար մեքենաների վարորդները շարունակում են մնալ այնտեղ:

Տրանսպորտի եւ կապի նախարարությունը երեկ տեղեկացրել էր, որ ժամը 17:00-ին ճանապարհը փորձնական կբացվի՝ մարդատար մեքենաների համար: Ավելի ուշ տեղեկատվություն տարածվեց, որ հորդառատ անձրեւների պատճառով, ելնելով մարդկանց անվտանգությունից՝ Լարսի ավտոճանապարհը ժամը 17.00-ին չի բացվել: Այնուհետեւ հայտարարվեց, որ ճանապարհի փորձնական բացումը հետաձգվել է այսօր առավոտյան՝ 10:00-ին:

Այս պահին Լարսում շարունակում են մնալ 5 տասնյակից ավելի մարդիկ, որոնք կամ հնարավորություն չեն ունեցել իրենց մեքենաները որեւէ վստահելի վայրում կայանել ու ԱԻՆ ինքնաթիռով Հայաստան գալ կամ նրանց հերթ չի հասել: ԱԻՆ-ից նրանց հայտնել են, որ օգնությունը չի կարող անվերջ լինել:

Երեկ՝ հուլիսի 4-ին, ողբերգական դեպք է տեղի ունեցել Երևանում: Ժամը 21:00-ի սահմաններում ոստիկանության Մալաթիա-Սեբաստիայի բաժին ահազանգ է ստացվել, որ Անդրանիկի փողոցի 89 շենքի բակում երիտասարդ աղջկա դի կա: Ինչպես հայտնում է ֆոտոլրագրող Գագիկ Շամշյանը, նշված հասցե են ժամանել ոստիկանության Մալաթիա-Սեբաստիայի բաժնի օպերատիվ խումբը՝ բաժնի պետ Արթուր Զոհրաբյանի գլխավորությամբ: Ժամանել են նաև Հայաստանի քննչական կոմիտեի Երևանի քննչական վարչության Մալաթիա-Սեբաստիայի բաժնի քննչական խումբը:

Ոստիկաններն ու քննիչները պարզել են, որ մահացածը նույն շենքի 8-րդ հարկում բնակվող, 21-ամյա Ջուլիետա Կարապետյանն էր, ով, ըստ նախնական տեղեկությունների, ինքնասպանություն գործելով իրեն ցած է նետել:

Գ. Շամշյանի տեղեկություններով՝ Ջ. Կարապետյանը սովորում էր Խաչատուր Աբովյանի անվան պետական մանկավարժական համալսարանի բանասիրության ֆակուլտետում և վաղը պետք է դիպլոմ ստանար: Կան տեղեկություններ նաև, որ պատճառը եղել է ԲՈՒՀ-ի դասախոսներից մեկի հետ ծագած ինչ-որ խնդիրները: Այդ տեղեկությունը քննչական բաժինը քննության ընթացքում ստուգելու է:

Զարմանալի է, թե Ազգային ժողովում որքան օպերատիվ, արագ ու առանց քննարկելու են ընդունվում որոշումներ արտաքին քաղաքական խնդիրների վերաբերյալ:

Սահմանադրությունը սովորական իրավական ակտ չէ. բացի նրանից, որ այն ունի բարձրագույն իրավաբանական ուժ, դոմինանտ օրենք է, իր մեջ պարունակվող յուրաքանչյուր դրույթ պետք է լինի հասարակական համաձայնության արդյունք: Այս մասին Zham.am-ի հետ զրույցում ասաց իրավաբան Տիգրան Աթանեսյանը:

Նա կարծում է, որ Սահմանադրությունը երբևէ չի համաձայնեցվել հասարակության հետ, այդ իսկ պատճառով չի կարելի համարել, որ ՀՀ քաղաքացին Սահմանադրության կրողն է: Նոր Սահմանադրության ստեղծման միակ նպատակն էլ՝ իշխանության վերարտադրվելն ապահովելն էր:

«Սահմանադրությունը դարձել է ընդամենը գործիք իշխող վերնախավի համար՝ վերարտադրվելու կամ իր քաղաքականությունը ապահովելու համար: Հետևաբար, որևէ խոսք նրա մասին, որ մարդը կարող է իրեն զգալ սահմանադրության կրող կամ սահմանադրության ինչ որ մի մասնիկ, չի կարող լինել»,-նշեց Աթանեսյանը:

Իրավաբանը նկատում է, որ Սահմանադրությունը ընդամենը փաստաթուղթ է և ավելի կարևոր է այն հարցը՝ կոչվում է այն կյանքի, թե ոչ: Այդ իմաստով մենք «Սահմանադրութուն չունենք ու երբեք էլ չենք ունեցել»:

«Ի դեպ ասեմ, որ սովետական սահմանադրությունը, միգուցե ավելի ժողովրդավար էր, քան ինչ որ հիմա ունենք: Այսինքն` դրանք խոսքեր են, դեկլարատիվ բնույթ կրող, կյանքում չիրականացող բաներ են: Հետևաբար անունը ինչ էլ դնեն՝ էությունը նույնն է: Մեզ մոտ չի եղել նախագահական, մեզ մոտ չի եղել կիսանախագահական հանրապետություն, մեզ մոտ չի եղել նաև խորհրդարանական : Մենք այլ վիճակով ենք ապրում: Ասել դա լավ է , թե վատ՝ այլ հարց է»:

Նրա կարծիքով այսօրվա վիճակի համար մեղավորը իշխանությունը չէ, մեղավոր ենք մենք բոլորս: Ստեղծված իրավիճակում Տիգրան Աթանեսյանը կարծում է, որ նոր Սահմանադրությամբ չի կարող որևէ փոփոխություն լինել:

«Ոչ մի փոփոխություն չի լինի, եթե կտրուկ իշխանական փոփոխություններ չլինեն. Կապրենք ոնց որ ապրում էինք՝ տեսնելով լավը և վատը, ինչպես միշտ»,-ընդգծեց նա:

zham.am

Այսօր՝ հուլիսի 5-ին, Ոստիկանության քրեական հետախուզության գլխավոր վարչության, Ոստիկանության Արմավիրի մարզային վարչության և Ոստիկանության Վաղարշապատի բաժնի ծառայողներն օպերատիվ տվյալներն իրացնելով՝ Ոստիկանության Վաղարշապատի բաժին են բերման ենթարկել Արմավիրի մարզի Արշալույս գյուղի բնակիչ, 46-ամյա Անդրանիկ Մարտիրոսյանին:

Ինչպես հայտնում է ֆոտոլրագրող Գագիկ Շամշյանը, վերջինս Ռուսաստանի Դաշնության քր.օր-ի 105 հոդվածի 1-ին մասի (սպանություն) հատկանիշներով Ռուսաստանի Դաշնության Ներքին Գործերի Նախարարության Սանկտ Պետերբուրգի և Լենինգրադյան մարզի Տոսնենսկի շրջանի ներքին գործերի բաժնի կողմից գտնվում էր հետախուզման մեջ:

Գ. Շամշյանի տեղեկություններով՝ Ա. Մարտիրոսյանը Ազգային Ժողովի պատգամավոր Հրանտ Գրիգորյանի վարորդն է:

Ֆոտոլրագրողը հայտնում է, որ նրան հայտնաբերելու ուղղությամբ օպերատիվ-հետախուզական աշխատանքները ղեկավարել են Ոստիկանության քրեական հետախուզության գլխավոր վարչության պետի առաջին տեղակալ Սամվել Ասատրյանը, Ոստիկանության Արմավիրի մարզային վարչության պետ Արսեն Այվազյանը և Ոստիկանության Վաղարշապատի բաժնի պետ Արթուր Մկրտչյանը: Օպերատիվ խմբերը բաժանված են եղել մի քանի մասի և դարանակալումները եղել են մի քանի հասցեներում, քանի որ ոստիկանները տեղեկություններ էին ստացել նաև, որ պատգամավորի վարորդը շրջում է տարբեր տեսակի ավտոմեքենաներով և դրանց ապակիներն ամբողջովին մգեցված են եղել, սակայն մութ ապակիներն էլ չփրկեց «մեծն» պատգամավոր Հ. Գրիգորյանի վարորդին:

Ֆոտոլրագրողի հետ զրույցում սպանության կասկածանքով հայտնաբերված Ա. Մարտիրոսյանն ասում էր, որ դեպքը տեղի է ունեցել 2015 թվականի հոկտեմբերին, և այդ մարդիկ 2 հոգով փորձել են իրեն սպանել և ինքն ինքնապաշտպանվել է:

Ա. Մարտիրոսյանը կալանավորված է:

Հուլիսի 4-ին ՀԱՊԿ արտգործնախարարների խորհրդի նիստի շրջանակում Երևան ժամանած ՌԴ ԱԳՆ ղեկավար Սերգեյ Լավրովը Լեռնային Ղարաբաղի հակամարտության շուրջ ոչ պաշտոնական բանակցություններ է վարել հայկական կողմի հետ` գրում է «Իզվեստիա» պարբերականը:

Հղում անելով ՌԴ ԱԳՆ-ում իր աղբյուրներին` թերթը շարունակում է, որ Հայաստանի և Ադրբեջանի միջև հակամարտության կարգավորումը Ռուսաստանի միջնորդությամբ ակտիվ ընթացքի մեջ է, սակայն առանց ավելորդ շտապողականության:

«Ռուսաստանը գիտակցում է ճգնաժամի հաղթահարման անհրաժեշտությունը, որպեսզի բոլոր կողմերը, ներառյալ` Լեռնային Ղարաբաղը, դրանից առավելագույնս առանց ցավի դուրս գան: Ռուսական նախագիծը, մասնավորապես, ենթադրում է Հայաստանի ապաշրջափակում ոչ միայն ադրբեջանական, այլև թուրքական կողմից: Բացի այդ, նախագիծը ենթադրում է բոլոր հաղորդակցային ուղիների ապաշրջափակում Լեռնային Ղարաբաղի շուրջ»,- հայտնել է «Իզվեստիայի» դիվանագիտական աղբյուրը:

Պարբերականի աղբյուրի խոսքով` Ռուսաստանի և Թուրքիայի հարաբերությունների կարգավորումը կարող է բարենպաստ ազդեցություն ունենալ Լեռնային Ղարաբաղի հակամարտության կարգավորման վրա: