Գործող իրավակարգավորումների պայմաններում նոր կառուցվող բազմաբնակարան շենքերում դեռեւս չկառուցված եւ չառանձնացված բնակարանները եւ ոչ բնակելի տարածքները շրջանառության օբյեկտ են դառնում առանց համապատասխան ապահովվածություն ունենալու: Մասնավորապես այդ օբյեկտների նկատմամբ կնքվում են նախնական պայմանագրեր, որոնցով սահմանված ժամկետներում օբյեկտները շահագործման պատրաստ չեն լինում, որի հետեւանքով խախտվում են քաղաքացիների շահերը, որոնք նախնական պայմանագրում սահմանված ժամկետում չեն կարողանում շահագործել այդ տարածքները: Իսկ կառուցապատողներն էլ նախապես ստանալով կանխավճարները չեն շտապում ավարտին հասցնել շինարարական աշխատանքները:

Ըստ կառավարության` բացակայում են անհրաժեշտ վերահսկողական մեխանիզմները, որոնց միջոցով կապահովվի շինարարական աշխատանքների ժամանակին իրականացումը: Գործող իրավակարգավորմամբ կառուցվող անշարժ գույքի նկատմամբ հնարավոր է փոխանցել միայն կառուցապատման իրավունքը, ինչն իր հերթին ենթադրում է կառուցապատման պարտավորությունների փոխանցում: Միաժամանակ այդ օբյեկտների նկատմամբ պետական վերահսկողության բացակայության պայմաններում պրակտիկայում բազմաթիվ են չարաշահումները, երբ միեւնուն կառուցվող բնակարանի կամ ոչ բնակելի տարածքի նկատմամբ կարող է կնքվել մի քանի նախնական պայմանագրեր: Այս խնդիրները լուծելու համար կառավարությունը ԱԺ է ներկայացրել, որն էլ ընդունել է, իսկ նախագահը ստորագրել  «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» և այլ հարակից իրավական ակտերում փոփոխություններ կատարելու նախագիծը: Ներդրվել է նոր իրավունքի հասկացություն` «կառուցվող շենքից անշարժ գույք գնելու իրավունք»: Նախատեսվել են այս իրավունքի իրացման մեխանիզմները:

Այս իրավունքի սահմանումը հնարավորություն է տալիս իրականացնել այն նպատակը, ինչին քաղաքացիական իրավունքի սուբյեկտները հասնում էին նախնական պայմանագրեր կնքելով: Նախագծի ընդունման դեպքում կգործի երկու կարգավորում. Պահպանվում է կառուցապատման իրավունքի փոխանցման մեխանիզմը, եւ ներդրվում է կառուցվող անշարժ գույք գնելու իրավունքը: Կառուցվող անշարժ գույք գնելու իրավունքի պայմանագրի հիման վրա առաջացած կառուցվող շենքից անշարժ գույք գնելու իրավունքը հնարավորություն է տալիս ձեռք բերել ապագայում կառուցվող անշարժ գույքը սեփականության իրավունքով: Միաժամանակ չարաշահումներից խուսափելու համար Նախագծով ներդրվում է գույքի նկատմամբ իրավունքի վերաբերյալ նախնական նշում կատարելու իրավունքը, որով ապահովվում է գործարքներից բխող իրավունքի պետական գրանցման պահանջը: Ուսումնասիրվել է այս ինստիտուտի կիրառման փորձը տարբեր երկրներում (Գերմանիա, Վրաստան, Թուրքմենստան եւ այլն): Իրավունքի վերաբերյալ նախնական նշումը հատկապես կնպաստի նույն գույքի նկատմամբ իրավունքների պետական գրանցում ենթադրող գործարքներ կնքելը կանխելուն, երբ նույն գույքը տարբեր գործարքների միջոցով միաժամանակ օտարվում է մեկից ավելի անձանց: Այս ինստիտուտի ներդրմամբ կապահովվի նոր կառուցվող շենքերի եւ շինությունների նկատմամբ կնքվող գործարքներից ծագող իրավունքների գրանցման հստակությունը: Նախագծով ներդրվել է վերահսկողության մեխանիզմներ բանկի, գանձապետարանի, նոտարների միջոցով: Մասնավորապես վճարումները իրականացվելու են այս մարմինների միջոցով՝ հիմնվելով այն ելակետից, որ կառուցապատողներն իրավունք կունենան ստանալ դրամական միջոցներ միայն շինարարական աշխատանքների որոշակի ծավալ ապահովելու դեպքում: Ըստ նախագծի հեղինակների` այսպիսով լուծումներ կտրվեն պրակտիկայում կառուցապատման ոլորտում առաջացող խնդիրներին, կապահովվի կառուցապատողների կողմից իրեն պարտավորությունների պատշաճ կատարումը, նախնական նշման ինստիտուտի ներդրումը հնարավորություն կտա ապահովել գրանցման ենթակա իրավունքների պաշտպանվածությունը եւ կանխարգելել հնարավոր չարաշահումներից, կներդրվի կառուցվող անշարժ գույք ձեռք բերելու նոր մեխանիզմ: Օրենսդրական փաթեթին և հիմնավորումներին մանրամասն կարող եք ծանոթանալ` այստեղ:

iravaban.net

Ինչպես գրում է թուրքական «Միլլեթ» թերթը, հղում անելով թուրքական հատուկ ծառայություններին, առաջիկայում «Իսլամական պետությունը» մահապարտների մի քանի խմբեր է ուղարկելու Եվրոպա` ահաբեկչություններ իրականացնելու նպատակով: Հատուկ ծառայություններին հաջողվել է պարզել, որ նրանք Եվրոպա կհասնեն երեք ճանապարհով` Ադրբեջանով, Վրաստանով և Կիպրոսով:

Ըստ հատուկ ծառայությունների տվյալների` «Իսլամական պետությունը» ծրագրել է բազմաթիվ խոշոր ահաբեկչություններ կատարել հատկապես Ադրբեջանում: Բաքվում կատարելիք պայթեցումների ու հարձակումների համար արդեն ընտրվել են մահապարտների ու զինյալների մի քանի ջոկատներ: Նրանք հիմնականում Ադրբեջանի քաղաքացիներ են, ովքեր ԻՊ-ի շարքերում բազմաթիվ մարտերի են մասնակցել: Այս խմբերում կան նաև Հյուսիսային Կովկասի քաղաքացիներ: Ըստ ԻՊ-ի մի գաղտնի փաստաթղթի, որն անցել է Թուրքիայի հատուկ ծառայությունների ձեռքը, Ադրբեջանում ԻՊ մահապարտների ու զինյալների թիրախը լինելու են Բաքվի և այլ քաղաքների ոստիկաններն ու նրանց ընտանիքները:

Ավելի վաղ, Ստամբուլի օդանավակայանում պայթեցումներից առաջ, մեկ այլ գաղտնի փաստաթուղթ էր հայթայթել Թուրքիան, որտեղ հայտնվում էր, որ ԻՊ-ն ահաբեկչություններ է նախատեսել Թուրքիայում, որից հետո` Ադրբեջանում:

Արդեն մեկ շաբաթ է` Բաքվի օդանավակայանը գտնվում է զինվորական և հատուկ ծառայությունների ստորաբաժանումների խիստ վերահսկողության տակ:

nyut.am

Թուրքիայի նախագահ Ռեջեփ Թայիփ Էրդողանը Անգելա Մերկելին հայտնել է, թե գերմանացի պատգամավորներին թույլ կտա այցելել Թուրքիայի Ինջիրլիքի ռազմաբազա, եթե Գերմանիայի կառավարությունը հայտարարի, որ համաձայն չէ խորհրդարանի կողմից ընդունված Հայոց ցեղասպանությունը ճանաչող բանաձեւին։

Թուրքական Diken պարբերականի փոխանցմամբ՝ Ինջիրլիքի ռազմաբազա գերմանացի պատգամավորների  այցն արգելելը նոր լարվածություն է առաջացրել թուրք–գերմանական հարաբերություններում։

Թուրքիայի ԱԳ նախարարը փորձել է իրավիճակի լարվածությունը թուլացնել՝ հայտարարելով, թե գերմանացի զինվորական պատվիրակությունները կարող են այցելել Ինջիրլիքի ռազմաբազա, սակայն քաղաքացիական անձանց այցելությունը նպատակահարմար չէ։

Այս հայտարարությունը կատաղեցրել է գերմանացի պատգամավորներին ու Գերմանիայի պաշտպանության նախարարին։ Վերջինս հայտարարել է, թե իրենք անպայման գնալու են Ինջիրլիք եւ հանդիպեն գերմանացի զինվորականների հետ։

Նշվում է, որ լարվածությունը սկսվել է ՆԱՏՕ–ի համաժողովի շրջանակներում Մերկել–Էրդողան հանդիպման ժամանակ, երբ Էրդողանը հայտարարել է, թե թույլ կտա գերմանացի պատգամավորներին այցելել Ինջիրլիքի ռազմաբազա, եթե Գերմանիայի կառավարությունը հայտարարի, թե համաձայն չէ  Հայոց ցեղասպանությունը ճանաչող Բունդեսթագի ընդունած բանաձեւի հետ։ Գերմանիայի կանցլեր Անգելա Մերկելը մերժել է Էրդողանին՝ ասելով, որ Բունդեսթագի որոշման դեմ կառավարությունը հայտարարություն չի անի։

artsakhpress.am

2016թ. հուլիսի 8-9-ին Լեհաստանի մայրաքաղաք Վարշավայում տեղի ունեցած ՆԱՏՕ-ի հերթական գագաթնաժողովի երկրորդ օրը՝ հուլիսի 9-ին, Ադրբեջանի նախագահ Իլհամ Ալիևը ելույթ է ունեցել, որի ընթացքում անդրադարձել է Լեռնային Ղարաբաղի հակամարտության կարգավորմանը։ Այս մասին տեղեկացնում է cbc.az-ը։

Ադրբեջանի նախագահն ասել է, որ «հայկական ուժերի կողմից Ադրբեջանի տարածքի շուրջ 20%-ի բռնազավթումը» խախտում է Ադրբեջանի տարածքային ամբողջականությունը և վտանգում տարածաշրջանային անվտանգությունը։ Շարունակելով իր խոսքը՝ Ադրբեջանի նախագահն ասել է. «Մենք աջակցում ենք ԵԱՀԿ Մինսկի խմբի համանախագահների, ինչպես նաև ԵԱՀԿ գործող նախագահի հայտարարություններին, որոնց համաձայն հակամարտության ստատուս-քվոն անընդունելի է։ Ստատուս-քվոյի փոփոխությունը նշանակում է ադրբեջանական հողերի ազատագրում բռնազավթումից»։

Վրաստանի հարավային Ախալքալաքի շրջանի Վաչիանի գյուղի բնակիչները սպանված են գտել նույն գյուղի բնակչուհի 37-ամյա հայազգի կնոջն ու իր երեք երեխաներին։ Այս մասին տեղեկացնում է Sputnik միջազգային լրատվական գործակալության վրացական ծառայությունը։ Երեխաները 5, 16 և 18 տարեկան էին, նրանցի երկուսը՝ աղջիկ։ Լրատվամիջոցի համաձայն՝ ընտանիքի հայրը մեկնել էր Ռուսաստանի Դաշնություն` արտագնա աշխատանքի ։

Ջավախքի Վաչիանի գյուղից նոր մանրամասներ են հայտնի դարձել սպանության վերաբերյալ: Մասնավորապես՝ նշվում է, որ զոհերի մարմինները ենթարկվել են խոշտանգումների: Տանը կտրված է եղել գազատար խողովակը, ինչը կարող է նշանակել, որ ոճրագործները ցանկացել են հրդեհել տունը: Դրդապատճառների վերաբերյալ տեղեկություններ չկան: apsny.ge-ն հայտնում է, որ Վաչիանում սպանությունից հետ վախի եւ անհանգստության մթնոլորտ է տիրում:

Նշվում է, որ ընտանիքի մոր ու երկու երեխաների մահը վրա է հասել բութ գործիքով ստացված հարվածի հետևանքով, իսկ 5-ամյա տղային խեղդամահ են արել։ Սարսափելի այդ դեպքը տեղի է ունեցել երկու օր առաջ, դեռևս հայտնի չեն մարդասպանների դրդապատճառները։

Տեղեկացնենք նաև, որ Վրաստանի ներքին գործերի նախարարությունը ձեռնպահ է մնում մեկնաբանել կատարվածը և նշել, թե որ հոդվածներով է մեղադրանք առաջադրվել հանցագործությունը կատարողներին։

tert.am-ի փոխանցմամբ՝ Ջավախքի հայաբնակ Վաչիան գյուղում հայ ընտանիքի սպանության կասկածանքով բերման է ենթարկվել 23-ամյա հայ երիտասարդ, որը ոստիկանությունում խոստովանական ցուցմունք է տվել:

Այսօր Սեւ ծովից ներթափանցած ցիկլոնի գործունեության վերջին օրն է: Այն իր ազդեցությունը կպահպանի նաեւ առաջիկա ժամերին: Տեղումները կշարունակվեն մինչեւ ժամը 16:00-17:00-ն: Այդ մասին մեզ հետ զրույցում հայտնեց ԱԻՆ «Հիդրոմետ» ծառայության օդերեւութաբանության կենտրոնի պետի տեղակալ Գագիկ Սուրենյանը:

Այսօր աշխարհում նշվում է Շոկոլադի միջազգային օրը: Օրվա առթիվ լրագրողների հետ հանդիպմանը «Հայաստանի սպառողների ասոցիացիա» ՀԿ նախագահ Արմեն Պողոսյանն ասաց, որ շոկոլադի սպառման առումով առաջին տասնյակում են Ֆրանսիան, Անգլիան, Գերմանիան, Շվեյցարիան, Կանադան:

Ըստ նրա՝ շոկոլադի սպառումն ուղղակիորեն կապված է երկրի բարեկեցության և զարգացվածության հետ. «Առաջատար երկրներում տարեկան մեկ շնչին ութ-ինը կիլոգրամ շոկոլադ է բաժին ընկնում»:

Նա ցավով նշեց, որ Հայաստանում շոկոլադի սպառման ծավալները փոքր են, իսկ դրա հիմնական պատճառը վճարունակության խնդիրն ու որակն է. «Ցավոք սրտի մեզ մոտ բարձրակարգ շոկոլադ շատ քիչ կա, դա կամ ներմուծվածն է կամ էլ շատ հազվադեպ են տեղական լավ որակի շոկոլադներ արտադրում: Պակասում է գնողունակությունն ու գնողների քանակը»:

Բանախոսը հավելեց՝ «շոկոլադը պետք է ուտել, ոչ թե շոկոլադի մասին խոսել»:

Հանդիպմանը ներկա մանկաբույժ, հոգեբան  Արմեն Բեջանյանն էլ նշեց, որ չկա երկրագնդի վրա մի բան, որ միայն դրական լինի, և ինչպես մնացած բոլոր սննդամթերքներն, այնպես էլ շոկոլադը ունի դրական և բացասկան կողմեր՝ կախված դրա օգտագործման ձևից ու քանակից. «Շոկոլադը դարձնել այն միակ և եզակի սննդամթերքը, որը կփրկի մեզ ամեն ինչից՝ գերգովազդ է»:

Ըստ նրա՝շոկոլադի օգտագործումը որպես սթրեսի և դեպրեսիաների դեմ պայքար միշտ չէ որ ճիշտ է. «Օրինակ, եթե դեպրեսիան առաջացել է ավելորդ քաշ ունենալու պատճառով, ապա որքան է ճիշտ շոկոլադի օգտագործումը»:

Հոգեբանը նույնպես համաձայնվեց սպառողների իրավունքների պաշտպանի հետ՝ ընդգծելով, որ Հայաստանում շոկոլադ ասվածը դեռ շատ հեռու է շոկոլադ լինելուց. «Այստեղ մենք լուրջ խնդիր ունենք: Գիտենք, որ հաճախ սննդամթերիք մեջ օգտագործվում են կախվածություն առաջացնող նյութեր, որոնք լուրջ հոգեբանական խնդիրներ են ի հայտ բերում»:

Մասնագետի դիտարկմամբ՝ իսկական շոկոլադ իրավունք ունի կոչվելու միայն դառը շոկոլադը, իսկ այն, որն իր մեջ պարունակում է կանթնամթերք, դա կոչվում է շոկոլադային արտադրություն:

«Իսկական շոկոլադի կազմում լինում է միայն կակաոյի զանգված, շաքար և ջուր, կարող է լինել նաև լեցիտին, բարձրորակ շոկոլադի մեջ ուրիշ բաղադրիչներ  չպիտի լինեն: Քաշ կորցնելու, խոլեստերինի նվազման համար պետք է ուտել մաքուր, դառը շոկոլադ: Նման շոկոլադ չափի մեջ կարող են օգտագործել անգամ շաքարային դիաբետ ունեցողները»: