Այս գիշեր եւս ոստիկանության Էրեբունիում գտնվող պետական պահպանության գնդի տարածքում, որը կիրակի գիշերը գրավել էին Սասնա ծռեր խմբավորման անդամները, խաղաղ է անցել:

Մեր թղթակիցներին, սակայն, չի հաջողվում կապ հաստատել ապստամբների հետ: Նրանց բոլորի հեռախոսներն արգելափակված են: «Նոր Հայաստան» շարժման անդամ Կարո Եղնուկյանը քիչ առաջ մեզ հետ զրույցում հայտնեց, որ իրեն եւս չի հաջողվում կապ հաստատել ՊՊԾ գնդի տարածքում գտնվող իր ընկերների հետ:

Ավելին, ըստ նրա, այսօր առավոտյան երկու ավտոբուս լիքը զինվորներ կամ ոստիկաններ են մտել ՊՊԾ գնդի տարածք: «Սա պայմանավորվածության խախտում է»,- նշեց Եղնուկյանը: Հարցին, թե արդյո՞ք եղել է նման պայմանավորվածություն ոստիկանների հետ՝ Եղնուկյանը պատասխանեց.

«Պայմանավորվածությունը հետեւյալն է եղել. ԱԱԾ-ն առաջարկներ է արել. հանդիպումը եղել է Ժիրայր Սեֆիլյանի եւ Ալեք Ենիգոմշյանի միջեւ: Ենիգոմշյանը ԱԱԾ-ի միջոցով հանդիպել է Ժիրայր Սեֆիլյանին, հետո հանդիպել է ապստամբներին, փոխանցել է բանակցային տարբեր բաներ, որոշ առաջարկներ են եղել, որոնք ես չգիտեմ ինչ առաջարկներ են, ապստամբները ասել են, որ այս գիշեր իրենք կպատասխանեն այդ առաջարկներին, հետեւաբար այս գիշեր որեւէ շարժ, տեխնիկայի կուտակում չպետք է լիներ: Երեկ որոշակի շարժ արեցին, հետո, երբ մենք ահազանգեցինք՝ կասեցրին շարժը, հիմա էլ հեռախոսները անջատել են, որ էլ չահազանգենք այդ շարժի մասին: Եթե մենք կապ ունենայինք ներսում, այնտեղից իրենք կհաղորդեին շարժի մասին, դրա համար հեռախոսներն արգելափակել են, որպեսզի տեղեկություններ չստանանք»:

Վերջին անգամ երբ եք խոսել ներսում գտնվող անձանց հետ. «Երեկ ուշ գիշերը:

armtimes.com

«Վերջին օրերին Ազատության հրապարակում շրջանառվող լուրերից մեկն այն է, որ ԼՂ խնդրի շուրջ բանակցություններում քննարկվում է ազատագրված տարածքներից 30 կմ խորությամբ տարածքներ զիջելու տարբերակը: ԼՂՀ ԱԺ «Հայրենիք» խմբակցության պատգամավոր  Ռուդիկ Հյուսնունցից «Ժողովուրդ»-ը փորձեց պարզել, թե արդյոք Արցախը պատրաստ է նման զիջումների, կա՞ նման խոսակցություն Արցախում: «Նմանատիպ խոսակցություններ չկան: ՀՀ նախագահը այցելել է Արցախ, հանդիպել է մեզ հետ, եւ որեւէ նմանատիպ խնդիր այսօր օրակարգում, սեղանի վրա որեւէ փաստաթուղթ ներկայացված չէ: Բանակցային գործընթացներ են՝ տարբեր ձեւաչափերով, տարբեր հանդիպումներ, խոսակցություններ, հարցի լուծման միտված աշխատանքներ, բայց նմանատիպ խնդիր ՀՀ նախագահը մեր առջեւ չի դրել»,- պատասխանեց ԼՂՀ ԱԺ պատգամավորը: Մեր այն հարցին, որ եթե, այնուամենայնիվ, պարզվի, որ նման տարբերակ է պարտադրվում, իսկ այլընտրանքն էլ պատերազմի վերսկսումն է, ինչպես կվարվի Արցախը, Հյուսնունցը պատասխանեց. «Լեռնային Ղարաբաղի հիմնահարցի լուծումը գտնվում է Ստեփանակերտում»»:

Եվ այսպես՝ հուլիսի 17-ի վաղ առավոտյան Հայաստանում տեղի ունեցավ վերջին տարիների ամենամեծ ահաբեկչական գործողությունը. «Սասնա ծռեր» զինված խմբավորման անդամները գրավեցին ՊՊԾ գունդը և պահանջեցին ազատ արձակելԺիրայր Սեֆիլյանին ու մյուս քաղբանտարկյալներին։

Դասական իմաս­տով, սա, իհար­կե, ահաբեկչություն է, իրա­վական առումով՝ նույնպես։ Բայց արդյո՞ք սա նշանակում է, որ այդ գործողությունն իրականացրածներն ահա­բեկիչներ են։ Համաձայնվեք՝ հեչ ահաբեկիչների նման չէ­ին։ Չէին գնացել «ուղղաթիռ ու 3 միլիոն դոլար» պահան­ջելու, այլ գիտակցաբար խաչ էին քաշել իրենց ճակա­տագրերի վրա՝ հույս ունենալով, որ հաջողության դեպքում երկրում ինչ-որ բան կփոխեն։ Ճիշտ է, մեթոդ­ներն ահաբեկչական էին, բայց ոստիկանությունը նույնպես շատ արագ սկսեց գործել նույն մեթոդներով ու պատանդներ վերցնել (ահա­բեկիչների ընտանիքների անդամների ձերբակալու­թյուններն այլ կերպ չես ան­վանի)։

Հետո սկսվեց ամենատհաճը։ Ինչքան «ճ» կլասի քաղաքական գործիչ ու ժան­գոտ մտավորական կար՝ առիթից օգտվելով հայտա­րարեց, թե «անթույլատրելի է համարում…», «խստորեն դատապարտում է…» և այլն։ Այո, քաղաքական պայքա­րում ուժի կիրառումն իսկա­պես անթույլատրելի է, բայց այդ մարդկանց լսելով՝ կա­րելի էր կարծել, թե Սերժ Սարգսյանը քաղաքականու­թյան մեջ երբեք ուժ չի կիրա­ռել, «տոկոս չի խփել», նա­խագահ է դարձել բացառա­պես ընտրողների քվեներով, իսկ մարտի 1-ի ուժայինները ոչ թե զենք են կիրառել ցուցարարների նկատմամբ, այլ մանուշակներ են բաժանել։

Ժողովուրդն, ի դեպ, նույնպես խստորեն դատապարտեց այդ ահաբեկչա­կան գործողությունը։ Բայց, ուշադրություն դարձրեք, դատապարտեց ոչ թե առաջ քաշված պահանջները (քաղբանտարկյալների ազատ արձակում և Սերժ Սարգսյանի հրաժարական), այլ դրանց հասնելու մեթոդնե­րը։ Այսինքն՝ Սերժ Սարգսյանի հրաժարականի հար­ցում ժողովրդի մեջ համարյա տարաձայնություն չկար։ Պարզապես մարդիկ բար­կացել էին, որ մի խումբ ան­ձինք այդքան «հիմար ձևով» էին փորձել հասնել դրան։

Հիմա՝ ահաբեկչության պատճառների մասին։ Հաս­կանալի է, որ հիմնական նպատակը Ժիրայր Սեֆիլյանին ազատ արձակելը չէր, այլ այն, որ այդ մարդիկ հա­մոզված էին «սրանցից պրծ­նելու» ուրիշ ձև չկա։ Իսկ ո՞վ էր նրանց ուղեղներում ար­մատավորել այդ համոզ­մունքը, ո՞վ էր տեսախցիկ­ների առաջ հայտարարում, թե «ինչքան տոկոս պետք լինի՝ կխփենք», կամ «տե­սանելի ապագայում Հայաս­տանում դեպի իշխանու­թյուն տանող ճանապարհն անցնելու է Մելիք-Ադամյանով»։ Այդ հայտարարու­թյունների հեղինակները (տվյալ դեպքում՝ Սերժ Սարգսյանն ու Էդուարդ Շարմազանովը) չէի՞ն մտա­ծել, որ եթե սահմանադրա­կան ճանապարհով իշխանափոխություն իրականաց­նելու բոլոր ճանապարհնե­րը «չորով» փակվեն՝ միշտ էլ կարող են գտնվել մի խումբ մարդիկ, ովքեր կփորձեն դա իրականացնել հակասահ­մանադրական ճանապար­հով։

Այո, կոնկրետ այս դեպքում այն մարդիկ, ովքեր փորձել են իրականացնել դա, ժողովրդի աջակցությունը չեն վայելում, այդ մարդ­կանց թիկունքում չկա քա­ղաքական այնպիսի ուժ, որի հետևից ժողովուրդը կգնա, դրա համար էլ այս «օպերա­ցիան» ի սկզբանե դատա­պարտված էր ձախողման, բայց մի՞թե դա փոխում է երկրում ստեղծված ընդհա­նուր վիճակը (կամ Սերժ Սարգսյանի ասած «գաղջ մթնոլորտը»)։

«ՉԻ»

Ամբողջական տեքստը` թերթի այսօրվա համարում:

Երեւանում արձանագրվող իրադարձությունները մտահոգում են բոլորիս: Համահայկական լուսարձակների տակ են առնված ոստիկանության պարեկապահակային ծառայության գնդի տարածքը, գրավողները, պատանդները, զոհի պարագան, վիրավորները, պահանջները, պաշտոնական հաղորդագրությունները, ընթացող-չընթացող բանակցությունները: Մի կողմից կան իրավապահ եւ անվտանգության համապատասխան մարմինների պաշտոնական հաղորդագրություններն ու նրանց ընկերակցող կոչերը` օգտվելու միայն պաշտոնական լրահոսից, անուղղակիորեն ապատեղեկատվությամբ չնպաստելու համար վտանգավոր կացությունների ստեղծմանը: Մյուս կողմից` ժողովուրդը փողոց դուրս հանելու կոչեր, կայքերի եւ այլընտրանքային լրատվությունների ճանապարհով շրջանառության մեջ դրվող ստուգված-չստուգված լուրեր, այլազան մեկնաբանություններ: Գիտակցելի է անշուշտ, որ նման իրավիճակների պարագայում շատ բարդ է լրատվություն ուղղորդելը կամ այն վերահսկելը: Այս առաջադրանքը ներկա բաց համակարգի պայմաններում իր բացասական ընկալումը ունի. նույնիսկ ամենաթեժ իրավիճակների մեջ հայկական տեղեկատվությունը չփակվեց կամ չսահմանափակվեց, ի տարբերություն անմիջականորեն «հարեւան» մեր երկրների: Պահի լրջությունն ու ծայրահեղ նրբությունը շեշտում են հայկական լրատվամիջոցների պատասխանատուների ինքնավերահսկողության խիստ անհրաժեշտությունը: Այս դաշտը, այո՛, տվյալ պահին պետք է նկատի ունենա բազմակողմ հանգամանքներ եւ կենտրոնանա առաջնային անմիջական մարտահրավերների վրա: Ի վերջո, չի կարելի, երբ դեռևս հստակ չէ մարդկանց ճակատագիրը ու չի երևում կյանքի սպառնալիքների տակ գտնվող երկկողմանորեն ձեւավորվելիք ավարտը – անցնել արդեն պատճառահետեւանքային վերլուծումների, ենթադրական մեկնաբանումների, փոխադարձ ամբաստանությունների միջազգային ընդհանուր ընթացող գործողությունների շարքին դասելու Երեւանը:

«Մեղավորները կան եւ նրանք հայտնի են, նրանք զբաղեցնում են իշխանական աթոռները»:

Գնահատելով ստեղծված վիճակը՝ ԳԱԼԱ-ի հետ զրույցում ասաց դերասանուհի Թամար Հովհաննիսյանը:

«Ինչ են համարում մարդիկ Սպարտակին, ինքը ստրուկ էր եւ ապստամբություն արեց:

Մի վայրկան  եթե փորձեն հիշել, ինչի միջով անցավ այս տարածքը, ՀՀ-ը  եւ ժողովուրդը, պարզ կդառնա ինչի համար եղավ սա: Հասցնել մարդ արարածին այս վիճակին, որ դիմի ամենահուսահատ քայլին, պետք է նախ հասցնողին հարցնել, թե ինչի համար ես անում, որն է  քո ուզածը:

Շատ կհարգեի, որ գար ասեր, ի՞նչ եք ուզում, իմ հրաժարակա՞նն եք ուզում, ես տալիս եմ…»:

Մանրամասները՝ տեսանյութում:

Էրեբունի վարչական շրջանում տեղակայված ՊՊԾ գնդի տարածքում իրավիճակը լարված է: Armtimes.com-ի թղթակիցը փոխանցում է, որ Խորենացի փողոցում՝ ՊՊԾ գնդի հարակից հատվածներում ոստիկանական մեքենանների ինտենսիվ շարժ կա, որը չի դադարում:

Ազատության հրապարակում ոստիկանների հետ քաշքշուկից հետո ակցիայի մասնակիցները որոշել են ոչ թե երթ անել դեպի Էրեբունի, այլ երթն անցկացնել Հյուսիսային պողոտայով, Ամիրյան փողոցով եւ Մաշտոցի պողոտայով վերադառնալ Ազատության հրապարակ։

Ակցիայի մասնակիցները վանկարկում են «Միացում», նաեւ բարձրախոսով անցորդներին եւ հարակից շենքերի բնակիչներին հայտնում, թե զինված խմբի անդամները ահաբեկիչներ չեն, այլ ապստամբներ։ Նրանք նաեւ պահանջում են ազատ արձակել բերման ենթարկվածներին եւ նրանց նկատմամբ բռնություններ չկիրառել։

Քիչ առաջ Ազատութան հրապարակից  բերման ենթարկեցին Դավիթ Սանասարյանին, Սիփան Փաշինյանին  եւ մի խումբ քաղաքացիների, ովքեր հավաքվել էին հանրային քննարկման: Քննարկում էին իրենց հետագա եւ ներկա քայլերը։ Դավիթ Սանասարյանն առաջարկեց քայլերթով հասնել Էրեբունի:

Նրան մոտեցավ Երևանի ոստիկանապետ Աշոտ Կարապետյանը և Դավիթ Սանասարյանին հորդորեց քայլերթ չանել, ասելով` այսօր այդ օրը չէ: Սակայն րոպեներ անց ոստիկանները հարձակվեցին Սանասարյանի վրա եւ բռնի ուժով նստեցրին ոստիկանական մեքենան։ Քաղաքացիների եւ ոստիկանների միջեւ բախումներ տեղի ունեցան: Ոստիկանները քաղաքացիներին թույլ չեն տալիս առաջ շարժվել:

Ազատության հրապարակ ժամանեց նաև ոստիկանության պետի առաջին տեղակալ Հունան Պողոսյանը: Վերջինս հորդորեց քաղաքացիներին չգնալ Էրեբունի ոստիկանության ՊՊԾ գնդի տարածք, քանի որ դա զուր լարվածություն կհաղորդի իրավիճակին: Հունան Պողոսյանը նշեց, որ այս պահին նորմալ և բնականոն բանակցություններ են ընթանում ՊՊԾ գնդի տարածքը զավթած քաղաքացիների հետ: Նա նաև նշեց, որ գնդի տարածքում գտնվող մարդկանց հետ որևէ հատուկ միջոցառում այս պահի դրությամբ նախատեսված չէ իրականացնել:

Հունան Պողոսյանը քաղաքացիներին հորդորում է վերադառնալ Ազատության հրապարակ:

Այս պահին շարունակվում է քաղաքացիների երթը Ազատության հրապարակից դեպի Էրեբունի։

Հիսուս ասում է.

— Մի՛ կարծեք, թե ես եկա Մովսեսի Օրենքը կամ մարգարեների ուսուցումները ջնջելու. չեկա ջնջելու, այլ լրացնելու։ Հաստա՛տ իմացեք, որ ամբողջ Օրենքն ու բոլոր մարգարեությունները կետ առ կետ պիտի իրականանան առանց դրանցից մի բառ իսկ դուրս մնալու, մինչև որ գա այն օրը, երբ կանցնեն այս երկինքն ու երկիրը։
Ով որ ամենափոքր պատվիրանն իսկ զանց անի և ուրիշներին էլ այդպես սովորեցնի, երկնքի արքայության մեջ նա հետինը պիտի համարվի։ Իսկ ով որ գործադրի պատվիրանները և ուսուցանի դրանք, երկնքի արքայության մեջ նա մեծ պիտի լինի։ Ասում եմ ձեզ, եթե Աստծու պատվիրանների նկատմամբ ձեր հավատարմությունը փարիսեցիների և Օրենքի ուսուցիչների ունեցած հավատարմությունից ավելին չլինի, երկնքի արքայությունը չեք մտնի։
(Մատթեոսի ավետարան 5:17-20)

Ռուբեն աբեղա Զարգարյան

ՀՀ ԱԻՆ–ը զգուշացնում է Հայաստանի մի շարք մարզերում կանխատեսվող բարձր ջերմային ֆոնի մասին։

Հայպետհիդրոմետի տվյալներով` Արարատյան դաշտավայրում և Սյունիքի հովիտներում հուլիսի 18–22–ը կանխատեսվում է +38…+39 աստիճան։

Երևանում երկուշաբթի կանխատեսվում է +35…+37 աստիճան, իսկ հետագա չորս օրերի ընթացքում օդի ջերմաստիճանը կբարձրանա `հասնելով +39 աստիճանի։

Հուլիսի 18–22–ը հանրապետության ողջ տարածքում տեղումներ չեն կանխատեսվում։

Քամին կլինի հյուսիս–արևմատյան` 2–7 մ/վ արագությամբ։