«Ուղղակի սրբում էին ժողովրդին, դա մշակված տակտիկա է»: Այս մասին Խորենացի փողոցում լրագրողների հետ զրույցում նշեց Մհեր Մկրտչյանի կինը՝ դերասանուհի Թամար Հովհաննիսյանը, անդրադառնալով երեկ Խորենացի փողոցում ոստիկանության գործողություններին: Նա նշեց, որ տեղեկություններ չունի Լեւոն Բարսեղյանից:

Թամար Հովհաննիսյանը նշեց, որ սխալ էր հավաքված ժողովրդին տուն ուղարկել: «Ես չէի սպասում, որ Պարույր Հայրիկյանը ժողովրդին տուն կուղարկեր, նման պահի այդպես չեն վարվում”,- ասաց Հովհաննիսյանը: Նա չբացառեց, որ հարթակում գտնվողներից մի քանիսը տեղյակ են եղել թե ինչ է կատարվում այդ պահին ՊՊԾ գնդում:

Այլ մանրամասներ՝ տեսանյութում:

xnews.am

Արդեն տասն օր է, որ ՊՊԾ գունդը Ժիրայր Սեֆիլյանի կողմնակիցների ձեռքում է:Արդեն տեղեկացրել ենք, որ զինված խմբի անդամներից Պավել Մանուկյանն ու նրա որդին` Արամ Մանուկյանը, վիրավորվել են եւ գտնվում են «Էրեբունի» ԲԿ-ում: «Իրավունք»-ը էքստրասենս Կարեն Ափոյանից հետաքրքրվեց` ինչպես կհանգուցալուծվի ստեղծված իրավիճակը: Ըստ նրա, վիճակն աստիճանաբար անկառավարելի է դառնալու.

«Իշխանությունը նոր ծուղակներ է մշակում, սակայն չեն հասնելու իրենց նպատակին: Ես տարեսկզբին ասել էի, որ նոր խմբավորումներ են ակտիվանալու: Ժողովուրդն էլ չի դիմանում այս վիճակին: Ցավոք, արյուն պիտի թափվի»:

Էքստրասենսի խոսքով` հեղաշրջման վտանգը մեծ է, ներքին խուճապ կա: «Վտանգ կա նաեւ ժողովրդին ջարդելու: Ելքը ժողովուրդն է որոշելու իր պահանջով»,— ասաց մեր զրուցակիցը:

Արդյոք  ստեղծված իրավիճակը կազդի Արցախի եւ Ադրբեջանի շփման գծում տիրող լարվածության վրա: «Թվում է, թե կազդի, սակայն  թշնամին գիտի, որ եթե մենք համախմբված ենք, նա անզոր է»,- եզրափակեց Կարեն Ափոյանը:

iravunk.com

https://www.youtube.com/watch?v=6lzhBE7dHSs

Արդեն տեղեկացրել ենք, ՊՊԾ-ն գրաված զինված խմբի անդամները պատանդ են վերցրել Շտապօգնության բժիշկներին: Yerkir.am-ի տեղեկություններով, Շտապօգնության խումբը ՊՊԾ գունդ է մտել վաղ առավոտյան, քանի որ կանչ են ստացել, որ երկու վիրավորի պետք է տեղափոխեն հիվանդանոց, սակայն բժիշկների հասնելուն պես զինյալները հրաժարվել են տալ վիրավորներին:

Զինված խմբավորման անդամները ներկայացրել են պահանջ, որ առողջապահության նախարարը և բժիշկների անձնակազմը ներկայանա ՊՊԾ գունդ` այնտեղ վիրահատություններ անելու համար, որի դիմաց ազատ կարձակեն շտապօգնության բժիշկներին:

Պավլիկ Մանուկյանի դուստրը՝ Ասպրամ Մանուկյանը, ֆեյսբուքյան իր էջում մանրամասներ է պատմել, թե ինչպես է իրականում տեղի ունեցել երեկվա դեպքերի զարգացման հաջորդականությունը:

Ասպրամ Մանուկյանը գրում է.

«Սասնա ծռերի հետ կապ է հաստատվել: Արմենակ Կյուրեղյանը` Կյուրեղյան եղբայրների հայրը, երեկվա դեպքերի հետ կապված հայտնում է, որ ոստիկանության կողմից գրոհ չի եղել: Իրականությունը հետևյալն է. Պայմանավորվածություն է ձեռք բերվել ոստիկանությանը հանձնել վիրավոր ապստամբին: Հանձնելու գնացել է Պավլիկը:

Ոստիկանությունը կրակ է բացել, վիրավորել նրան: Արամը` Պավլիկի տղան, վազել է դեպի հայրը, նրան էլ են վիրավորել: Երկու մյուս տղաները` Գագիկն ու, կարծես, Արամը, պատգարակներ են հանել` վիրավոր ընկերներին տանելու: Նրանց ձերբակալել են: Գնդում հիմա կա մի թեթև վիրավոր, որին գնդի տարածքում բժշկական օգնություն է ցուցաբերվում: Տղաների տրամադրությունը մարտական է»:

https://www.youtube.com/watch?v=P427wsfETWk

Ոստիկանության ՊՊԾ գունդը գրաված զինված խումբը պատանդ է վերցրել բժիշկների: Այս մասին իր ֆեյսբուքյան էջում գրել է ոստիկանության լրատվական ծառայության պետ Աշոտ Ահարոնյանը:

«Այս գիշեր հաղորդվել էր, որ, ըստ զինված խմբի, ՊՊԾ գնդի տարածքում կա ևս երկու վիրավոր: Իրավապահները նրանց բուժօգնություն տրամադրելու կոչ էին արել և մերժում ստացել: Վիրավորներին բուժհաստատություն տեղափոխելու կոչ էին արել նաև հարազատները։ Իրավապահներն ապահովել էին բոլոր անհրաժեշտ պայմանները։ Ավելի ուշ զինված խմբի անդամները բժիշկ են պահանջել՝ նշելով, որ վիրավորների վիճակը ծանր է, և բուժբրիգադի ժամանումից հետո պատանդ են վերցրել բժիշկներին:

Իրավապահները միջոցներ են ձեռնարկում պատանդված բժիշկներին բանակցությունների միջոցով ազատելու համար»,- գրել է Աշոտ Ահարոնյանը:

«Իշխանությունը գնում է երկիրը վերացնելու ճանապարհով։ Արտագաղթը շատ մեծ ծավալ կստանա», — Lragir.am-ի հետ զրույցում, անդրադառնալով գիշերը քաղաքացիներին բերման ենթարելու և ՊՊԾ գնդում տեղի ունեցած փոխհրաձգությանը, ասել է Ժառանգություն կուսակցության փոխնախագահ Արմեն Մարտիրոսյանը։Նրա խոսքով՝ ճիշտ է հնչում քննադատություն, թե ինչու հարթակում կանգնածները  չմնացին այնտեղ։ «Այսօր երեկոյան պարզ կլինի ինձ համար։ Մենք ոչ միայն պետք է մնայինք, այլ երեկ պետք է ակտիվ գործողություններ պետք է անեինք տարբեր տեսակի»,- ասել է Ժառանգություն կուսակցության փոխնախագահը։Արմեն Մարտիրոսյանը նկատել է, որ հերթական անգամ արձանագրվեց, որ իշխանությունը երբեք գործընկեր չի կարող լինել և պատանդներին ազատ արձակելուց հետո իրենց ազատ զգացին և ի տարբերություն իշխանության՝ ազատամարտիկները բարձր են արժեքային որակների կրող են։

ՀՀ ընտրական նոր օրենսգրքով սահմանված խորհրդարանական ընտրությունների կազմակերպման կարգն իշխանական շրջանակներում լուրջ վերադասավորումների առիթ է դարձել: Բանն այն է, որ իշխանական պատգամավորներին արդեն իսկ ասվել է, որ բոլորը պետք է տարածքային ցուցակներով առաջադրվեն որպես «ռեյտինգային պատգամավորության թեկնածուներ» և ՀՀԿ-ի օգտին քվեներ ապահովեն: Մանդատ կստանան նրանք, որոնք ամենաշատը ձայն կապահովեն: Այսպես ստացվում է, որ իշխանական թեկնածուները ստիպված են լինելու միմյանց հետ մրցակցել: «Ժողովուրդ»-ի հետ զրույցում գործող պատգամավորներից մեկը իշխանական շրջանակներում ստեղծված իրավիճակը գլադիատորական մենամարտերի հետ համեմատեց: Պոտենցիալ իշխանական թեկնածուներն ասում են, որ Սերժ Սարգսյանը ցանկանում է, որ իրենք գլադիատորների պես մենամարտեն, և վերջում ով ողջ կմնա, նա էլ մանդատ կստանա: Իսկ ամենահետաքրքիրն այն է, որ իշխանական թեկնածուներն իրենց արտոնյալ դիրքը պահպանելու այլ ելք չեն էլ տեսնում, ուստի արդեն իսկ սկսել են նախապատրաստվել մենամարտերին:

«Ժողովուրդ»

Ամբողջական տեքստը՝ թերթի այսօրվա համարում: