29.09.2024 | 20:03

09.09.2024 | 12:51

26.06.2024 | 10:01
«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է ...31.05.2024 | 12:54

31.05.2024 | 12:10

31.05.2024 | 11:10

29.05.2024 | 15:42

29.05.2024 | 12:10

29.05.2024 | 11:17

28.05.2024 | 13:20

28.05.2024 | 13:02

28.05.2024 | 11:17

28.05.2024 | 11:11

28.05.2024 | 10:37

24.05.2024 | 15:10

24.05.2024 | 13:10

24.05.2024 | 12:17

24.05.2024 | 11:29

23.05.2024 | 15:10

23.05.2024 | 14:10

23.05.2024 | 13:10

23.05.2024 | 12:10

23.05.2024 | 11:10

22.05.2024 | 15:10

22.05.2024 | 14:10

22.05.2024 | 13:10

22.05.2024 | 12:10

22.05.2024 | 11:10

21.05.2024 | 15:10

21.05.2024 | 14:10

21.05.2024 | 13:10

21.05.2024 | 12:10

21.05.2024 | 11:10

20.05.2024 | 15:10

20.05.2024 | 14:10

20.05.2024 | 13:10

20.05.2024 | 12:10

20.05.2024 | 11:00

«Լիդիան Արմենիա» ընկերության կողմից տեղի է ունեցել Ամուլսարի ծրագրի տարածքի պահանորդային ծառայություն իրականացնող ընկերության փոփոխություն: Այս մասին հայտարարություն է տարածել «Լիդիան» ընկերությունը:
Հայտարարությունում նաեւ ասվում է. «Լիդիան Արմենիան արդեն երկու տարի շարունակում է ապօրինաբար զրկված լինել իր օրինական տարածք մուտք գործելու հնարավորությունից։ Սակայն Ամուլսարի տարածքում առկա է միլիոնավոր դոլարների գույք և տեխնիկա, և Ընկերությունը հայտնում է իր մտահոգությունը տարածքում գողությունների հիմնավոր կասկածների վերաբերյալ։
Ըստ այդմ՝ Լիդիան Արմենիան սեփական տարածքի և իր գույքի անվտանգության խնդիրը լուծելու համար նպատակահարմար է գտել փոխել պահանորդային ծառայություն իրականացնող ընկերությունը։ Վերջինս լիազորված է ՀՀ օրենսդրությամբ սահմանված կարգով և օրենքի շրջանակներում իրականացնել Ամուլսարի տարածքի պահպանությունը»:
«Հանուն կայուն մարդկային զարգացման» ասոցիացիայի նախագահ, բնապահպան Կարինե Դանիելյանի խոսքով՝ դժվար է ասել, թե Հայաստանում հրդեհների պատճառն ավելի շատ մարդկային գործոնի՞ հետևանք է, թե՞ բնածին։ Նրա կարծիքով՝ թերևս, երկուսն էլ միմյանց ակնհայտորեն լրացնում են։
«Արդեն պարզ է, որ հրդեհների պատճառը մի կողմից բարձր ջերմաստիճանն է, չնայած այս առումով անձրևները մեզ օգնում են, բայց, իհարկե, մարդկային գործոնն էլ է մեծ։ Մենք իսկապես չենք մտածում մեր գործունեության արդյունքների, հետևանքների մասին, օրինակ՝ ապակյա տարբեր շշեր, նյութեր կարող են գցել անտառում, առանց մտածելու, որ, եթե արևի տակ այն երկար ժամանակ մնա, կարող է դառնալ հրդեհի պատճառ։ Մենք միշտ խոսել ենք այն մասին, որ մեր բնակչության մոտ շատ թույլ է էկոլոգիական մշակույթը։ Հետևաբար՝ ակնհայտ է, որ պետք է բարձրացնել էկոլոգիական կրթության դերը»,- 168.am-ի հետ զրույցում ասաց բնապահպանը՝ անդրադառնալով օրերս Խոսրովի արգելոցում և երեկ Ծիծեռնակաբերդում տեղի ունեցած խոշոր հրդեհների պատճառներին։
Ըստ նրա, շատ կարևոր է պահպանվող տարածքներին մեծ ուշադրություն դարձնելը, որոնց դեպքում կրկին քիչ է դրանց կարևորության գիտակցումը, քանի որ այսօր դրանց հետ կապված պատասխանատու են ոչ միայն սերունդների, այլև համաշխարհային հանրության առջև։
«Պահպանվող տարածքներում պահպանվում են նաև էնդեմիկ տեսակներ, որոնք միայն Հայաստանում կան, և վերանալու պարագայում, ամբողջ աշխարհում վերանում են։ Դե, հիմա մեկը կարող է ասել՝ եթե վերանում է, թող վերանա, բայց այստեղ խնդիրն այն է, որ մարդկության մտածելակերպը պետք է փոխվի։ Ինքս անընդհատ գիտական հոդվածներով եմ հանդես գալիս, որ այս կորոնավիրուսը պատահականություն չէ, սա բնության հերթական պատասխանն է մարդկությանը, կարծես մոլորակն արդեն հրաժարվում է մարդկությունից։ Եթե գլոբալ էկոլոգիական մշակույթի վերաբերյալ մարդկության մոտեցումը չփոխվի, ապա հետևանքն աղետալի կլինի։ Հետաքրքրական է, որ այս առումով մենք դիմումներ ու հոդվածներ ենք գրում։ Այնպես որ, այս ամենը գլոբալ խնդիրների փոքրիկ արտացոլումներն են մեզ մոտ»,- հավելեց նա։
Կարինե Դանիելյանը նաև ընդգծեց, որ գիտական ուսումնասիրությունները ցույց են տվել, որ այն տարածքները, որտեղ տոկոսային հարաբերությամբ բնական էկոհամակարգը պահպանվել է, այդ տարածքներն ավելի քիչ են ենթարկվում բնական աղետների, և՝ հակառակը։ Այս առումով պահպանվող տարածքները պետք է ընկալվեն՝ որպես աղետներից խուսափելու, ազգային անվտանգության հիմք։
Բնապահպանի կարծիքով, եթե մարդկությունն այս համատեքստում փոխի իր մոտեցումները, ապա հրդեհները կկրճատվեն։
«Ժամանակն է, որպեսզի սկսենք էկոլոգիական կրթությունից։ Այստեղ ինձ զարմացնում է մեր Կրթության, գիտության, մշակույթի և սպորտի նախարարության ուղղակի հակաէկոլոգիական մոտեցումը։ Մենք անընդհատ հարց ենք բարձրացրել, որ գոնե ավագ դպրոցում էկոլոգիայի և կայուն զարգացման հիմունքներ դասավանդվի։ Այդ ծրագիրը մեր կողմից մշակվել է, այն հաստատվել է, սակայն թողնվել է դպրոցների հայեցողությանը՝ ցանկության դեպքում կարող են ընտրել, և՝ հակառակը։ Ես մանկավարժական համալսարանում էկոլոգիայի և կայուն զարգացման ամբիոնի վարիչ եմ, կրթում ենք մեր ուսանողներին, պատրաստում ենք լավ մասնագետներ, սակայն նրանք դպրոց մտնելու իրավունք չունեն, որովհետև այդ անվանումով առարկա դպրոցում չկա։ Այս ամենը չտեսնված անհեթեթություն է։ Մեզանում էկոլոգիական սկզբունքներն ընդգրկված են կենսաբանություն, աշխարհագրություն առարկաներում»,- եզրափակեց նա։
Զվարթ Խաչատրյան
Պարզ է, որ այդ ամենը Ղարաբաղի հետ մի փաթեթի մեջ է. ու պարզ է, որ մեզանից գաղտնի բանակցություններ են ընթանում Ադրբեջանի ու Թուրքիայի հետ: Այս մասին ֆեյսբուքյան իր էջում գրել է քաղաքագետ Ստեփան Դանիելյանը։
Նա, մասնավորապես, ասվում է.
«Բա…., մի քանի օր առաջ գրել էի, որ հայ-թուրքական ֆուտբոլային դիվանագիտության երկրորդ մրցաշրջանն է սկսվում:
Թուրքերը Արաքսի վրա կամուրջ են սարքում, Ցեղասպանության հանձնաժողով են ստեղծել: Նիկոլը Արցախի ղեկավարներին ընտրված ներկայացուցիչ է կոչում, Արցախի դրոշը չեն օգտագործում Արցախի ընտրված ներկայացուցիչ հետ հանդիպումների ժամանակ, դեպի Թուրքիա ճանապարհ են սարքում, պետական ինստիտուտներն են քայքայում տնտեսության հետ միասին, հասարակությանը պառակտում են, որ X պահին մենք թշնամացած մասերի բաժանված լինենք, տնտեսական ճգնաժամն էլ մեզ ստիպի «հացն» ընտրել։ Արցախի ընտրված ներկայացուցիչին էլ առաջարկում են վերադառնալ «Պատերազմ եւ Խաղաղության» հոդվածին ….
Պարզ է, որ այդ ամենը Ղարաբաղի հետ մի փաթեթի մեջ է: Ու պարզ է, որ մեզանից գաղտնի բանակցություններ են ընթանում Ադրբեջանի ու Թուրքիայի հետ:
Նաեւ սկսվում է բացահայտվել «Հեղափոխության» ողջ սպիտակեղենը»։
ՀՀ գլխավոր հարկադիր կատարողի կողմից ՀՀ հատուկ քննչական ծառայության պետին հասցեագրված գրության հիման վրա 2016թ. ապրիլի 7-ին հարուցված քրեական գործի նախաքննությամբ ձեռք բերված ապացույցներով հաստատվել է, որ ՀՀ ԱՆ ԴԱՀԿ ապահովող ծառայության Շիրակի մարզային բաժնի հաշվապահի պաշտոնն նախկինում զբաղեցրած Ա․Խաչատրյանը, պաշտոնեական դիրքն օգտագործելով, կատարել է խոշոր չափերով գույքի հափշտակություն։ Այս մասին հայտնում են ՀՀ դատախազությունից։
Մասնավորապես, 2015թ. հունվարի 22-ից մինչեւ 2016թ. փետրվարի 17-ն ընկած ժամանակահատվածում խախտելով ՀՀ կառավարության 08.10.2003թ-ի թիվ 1408-Ն որոշմամբ հաստատված «Դրամարկղային գործառնությունների իրականացման կարգ»-ի պահանջները՝ նախքան մուտքի եւ ելքի օրդերները գանձապահին հանձնելը, դրանք չի գրանցել դրամարկղային մուտքի եւ ելքի օրդերների գրանցման մատյանում, իսկ կանխիկ դրամի մուտքագրումներն ու ելքագրումները մուտքի եւ ելքի օրդերների հիման վրա չի գրանցել դրամարկղային գրքում: Փոխարենը՝ պարբերաբար, երկու տարբեր անձանցից, տարբեր հիմքերով ու չափերով՝ բռնագանձված, իրեն վստահված գումարների վերաբերյալ կազմել է նույն համարով` թվով երկու մուտքի օրդերներ, որոնցից հաշվետվության ծրագրում եւ դրամարկղային շարժի վերաբերյալ հաշվետվությունում գրանցել է միայն մեկ անձի կողմից վճարված գումարի վերաբերյալ կազմված մուտքի օրդերը, իսկ մյուս անձից բռնագրավված՝ նույն համարով կազմված երկրորդ մուտքի օրդերում նշված գումարը չի մուտքագրել եւ յուրացրել է:
Բացի այդ, իր կողմից կազմած մուտքի օրդերներում նշած՝ տարբեր քաղաքացիներից փաստացի բռնագանձված, իր վստահությանը հանձնված գումարները, պարբերաբար, իրականից պակաս չափով է արտացոլել դրամարկղում, դրամարկղային շարժի վերաբերյալ հաշվետվությունում, իսկ տարբերությունը կազմող, մնացած՝ չմուտքագրված գումարները յուրացրել է: Դրանից բացի, դրամարկղի ելքի օրդերով փաստացի վճարման ենթակա գումարը հաշվետվության ծրագրով ելքագրել է սահմանվածից ավել չափով, իսկ տարբերությունը կազմող՝ ելքագրված ավել գումարը յուրացրել է:
Բռնագանձված գումարները դրամարկղ եւ հաշվետվության ծրագիր չմուտքագրելու, հաշվետվության ծրագրով ավել ելքագրելու, դրամարկղից վերցնելու եղանակներով Ա․ Խաչատրյանը յուրացման եղանակով հափշտակել է իրեն վստահված առանձնապես խոշոր չափերով՝ 18.575.344 ՀՀ դրամ գումար:
Վերը նշված արարքի կատարման համար Ա․Խաչատրյանին 2017թ. մարտի 23-ին մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով: Վերջինիս դատի տալու համար հավաքված ապացույցները բավարար համարելով` 2017թ․ մայիսի 6-ին դատախազի կողմից քրեական գործը մեղադրական եզրակացությամբ ուղարկվել է Շիրակի մարզի առաջին ատյանի ընդհանուր իրավասության դատարան։
2020թ. հունիսի 17-ին դատարանը Ա․ Խաչատրյանին մեղավոր է ճանաչել առաջադրված մեղադրանքում եւ դատախազի պահանջած պատժաչափով դատապարտել ազատազրկման՝ 5 տարի ժամկետով: Միաժամանակ, նույն դատական ակտով դատարանը ամբողջությամբ բավարարել է պատճառված վնասի չափով դատախազի ներկայացրած քաղաքացիական հայցը։
Նշված գործով դատական քննության ողջամիտ ժամկետների խնդրով ՀՀ գլխավոր դատախազությունը դիմել էր նաեւ ՀՀ բարձրագույն դատական խորհրդին։
Հայաստանում հունիսի 30-ին՝ ժամը 11:00-ի դրությամբ նոր կորոնավիրուսով վարակվելու 415 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:
Ընդհանուր առմամբ՝ հունիսի 30-ին հաստատվել է կորոնավիրուսի 25542 դեպք:
Ընդհանուր թեստերի թիվը կազմում է 111 844 վերջին մեկ օրում 1273 նոր թեստավորում :
Փաստացի այս պահին բուժվում է 10904 պացիենտ, նվազել է` 350-ով:
Վերջին տվյալներով ապաքինվել է 14048 անձ` վերջին մեկ օրում 751 անձ:
Ընդհանուր առմամբ, 443 պացիենտ մահացել է (ավելացել է 10-ով):
Նախորդ օրն արձանագրվել է մահվան 4 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 147 է:
Պացիենտները եղել են 59 (կին), 74 (տղամարդ), 82 (կին), 43 (տղամարդ), 65 (կին), 80 (կին), 74 (կին), 87 (կին), 73 (կին) և 46 (տղամարդ) տարեկան։ Բոլորն ունեցել են ուղեկցող քրոնիկական հիվանդություններ։
Շատ ցավում եմ, որ Աբրահամ Մանուկյանի նկատմամբ որպես խափանման միջոց ընտրվեց կալանավորումը, որովհետև նա շատ լուրջ առողջական խնդիրներ ունի։ Այս մասին լրագրողների հետ զրույցում ասաց ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը։ Բացի այդ՝ Զոհրաբյանն ասաց, որ կա հստակ հանձնարարական, որ կորոնավիրուսի պայմաններում ռիսկային խմբում գտնվող մարդկանց դեպքում պետք է ձեռնպահ մնալ կալանքը՝ որպես խափանման միջոց կիրառելուց։
Զոհրաբյանը վստահ է, որ Մանուկյանի նկատմամբ որպես խափանման միջոց կալանավորումն է կիրառվել, որպեսզի փորձեն Մանուկյանի վրա ճնշումներ գործադրելով՝ ցուցմունքներ կորզեն Գագիկ Ծառուկյանի դեմ, ինչը Զոհրաբյանի պնդմամբ, չի ստացվելու, քանի որ Գագիկ Ծառուկյանի դեպքում ասել, որ նա գումար է տվել և ասել է՝ ձայն կգնեք, չի կարող լինել։
«124 քննիչներ հանված են իրենց հիմնական գործերից և կցված են միայն Գագիկ Ծառուկյանի հետ կապված գործը քննելուն։ Ես կարծում եմ՝ քննությունը կգնա։ Նորից եմ կրկնում՝ Գագիկ Ծառուկյանին ներկայացված մեղադրանքն անհեթեթ է »,- ասաց Զոհրաբյանը՝ ընդգծելով, որ սա քաղաքական հետապնդում է քաղաքական գործիչ Գագիկ Ծառուկյանի և «Բարգավաճ Հայաստանի» նկատմամբ։
«Քայլում եմ, իրանք հետևս են, մտնում եմ գեղեցկության սրահ, իրանք ինձ ուղեկցում են, էն օրը խանութում կանացի պարագա էի առնում, ուզում էի մի հատ էլ հարցնեի՝ լա՞վ ա, հավանո՞ւմ եք։ Անլրջացրել են ամեն ինչ»,- ընդգծեց Զոհրաբյանը։
ԱԺ ԲՀԿ խմբակցության պատգամավոր Նաիրա Զոհրաբյանը իր ֆեյսբուքյան էջում գրում է.
«124 քննիչ Ծառուկյանի վրա կենտրոնացնելու փոխարեն մի քանիսին «սամավոլկա» տվեք, որ զբաղվեն կորոնավիրուսից մահացած մարդկանց մեղավորներով։
Հայաստանը կորոնավիրուսի վարակակիրների թվով աշխարհի չեմպիոններից է, յուրաքանչյուր օր հարյուրավոր մարդիկ դառնում են վարակակիր ու էդ էլ էն դեպքում, երբ օրական արվում է մոտ 2000 թեսթ: Կարծում եմ ՝ հասկացաք, որ եթե օրական 3000 կամ 4000 թեսթ արվի` վարակակիրների ինչ դաժան թվեր ենք ունենելու: 553 մահ կորոնավիրուսից, բայց դա չի խանգարում, որ առողջապահության նախարարը հպարտ լինի: Փաստորեն, ունենալով կորոնավիրուսային խայտառակ իրավիճակ, տնտեսության ջախջախիչ անկում, Հայաստանի իշխանությունը շարունակում է աննախադեպ հպարտ և վճռական լինել: Բայց, ոչ թե կորոնավիրուսի դեմ պայքարում, այլ քաղաքական այլախոհների և իրենց չծափահարողների դեմ պայքարում: 124 քննիչ միանգամից լծված է Գագիկ Ծառուկյանի դեմ գործ կարկատելու պրոցեսին:
Պետական բյուջեից հսկայական գումարներ են ծախսվում տարբեր ռեյդերի, մեր և մեր հարյուրավոր թիմակիցների վրա 24 ժամ «սլեժկա» կազմակերպելու վրա, պեղելու մադկանց ու նրանցից խուճուճ հարցադրումներով փորձելու իրենց ուզած բառը պոկել: Բայց, դա էլ կապ չունի. կարևորը, իշխանությունը շարունակում է հպարտ լինել, որ մինչ այս պահը կորոնավիրուսից մահացել է ընդամենը 553, այլ ոչ թե մի քանի հազար մարդ: Բայց կարո՞ղ էինք չէ բոլորս մեռնել ու մնային միայն նրանք, ովքեր ընդունում են հեղափոխության արժեքները: Իհարկե կարող էինք: Էդպիսի մի կրոնական աղանդ կար, որի հետևորդները վստահ էին, որ հենց եկավ աշխարհի վերջը, բոլորը նահատակվելու են, իրենցից բացի:
Էնպես որ, սա անվճար PR գաղափար` իրենց բացառիկ ու ընտրյալ լինելու թեզը, օվերտոնի պատուհանի սկզբունքով ծամելու համար:
Իտալիայի վարչապետը շարունակում է կանչվել հարցաքննության` այդ երկրում կորոնավիրուսի դեմ պայքարը տապալելու և ճիշտ ժամանակին անհրաժեշտ քայլեր չանելու համար։ Բազմաթիվ փորձագետներ կանխատեսում են, որ նա կենթարկվի քրեական պատասխանատվության:
Իսկ որ նաև Հայաստանում իր բաժին պատասխանատվությունից որևէ մեկը չի խուսափելու ու դա ընդամենը ժամանակի հարց է, կարծում եմ, անգամ ամենաանհույս ինֆանտիլները ևս չեն կասկածում:
Ու «անպատասխանատու» ժողովրդի վրա մեղքը գցելու շոուները չեն անցնելու: Չկա մարդ, որ դիմակ չկրի և անգամ էս ամենադաժան շոգին ինձ չի հանդիպել անդիմակ քաղաքացի, ինչի համար խոնարհումս մեր հայրենակիցներին:
Առաջարկս շատ պարզ է` էն 124 քննիչին, որ տնից, տեղից, բասեյինից կտրել ու Ծառուկյանի վրա ընտրակաշառքի գործ պեղելու պրոյեկտին եք կցել, մի քանիսին «սամավոլկա» տվեք ու թող էդ քննիչները զբաղվեն, օրինակ, թե իրականում քանի՞ դեպք է եղել, որ հիվանդին շտապօգնության մեքենաները հրաժարվել են տեղափոխել հիվանդանոց ու մարդիկ մահացել են, թող զբաղվեն, թե ինչու՞, երբ մարդիկ էին մեռնում, իշխանությունը հրաժարվում էր օգտագործել կոնկրետ հիվանդանոցների ռեսուրսը, թող զբաղվեն, թե հենց հիմա ի՞նչ է կատարվում տնային պայմաններում բուժվող հիվանդների հետ, որոնց բացի պարետատան մեկ զանգից, որը ֆիքսում է հիվանդների վարակված լինելու փաստը, էդ մարդկանցով որևէ մեկը հետո ընդհանրապես հետաքրքրվու՞մ է, թե` ոչ:
Թող զբաղվեն, թե ինչի՞ վրա են ծախսվում COVID-19 հիմնադրամի գումարները, երբ տնային պայմաններում բուժվող մեր հարյուրավոր հայրենակիցներ բավականին թանկարժեք դեղերի գումարների խնդիր ունեն: Սրանք հարցեր են, որոնց պատասխանները մի օր պիտի տրվեն, ու որևէ մեկդ էդ հարցերի պատասխաններից ու իր բաժին պատասխանատվությունից չի խուսափելու, եթե անգամ մինչև դեկտեմբեր, ինչպես սպառնում են, երկարաձգեն արտակարգ դրությունը:
Հա, էսօր մի թեթև էլ անդրադառնամ պոնչիկ թխող, զոնտիկ պահող ու նրանց ընկեր խոշոր գործարարների, ովքեր իշխանության հրահանգով իրենց աշխատողներին, ըստ օդում կախված հավաստի լուրերի, աշխատանքից հեռացնելու սպառնալիքով ստիպում են մեր դեմ անբարո գրառումներ անել:
Ուրեմն իմացեք պոնչիկ թխողներ ու զոնտիկ պահողներ, որ բոլոր իշխանությունների ստրկահպատակն եք եղել, ձեր հավաքական համույթին չի փրկելու անգամ մեզ մոտ գործուղված ձեր եվնուխների լացը, թե այլ տարբերակ չունեք ու պարզապես այս իշխանության պատանդն եք: Դուք վաղուց արդեն տառապում եք պատանդներին բնորոշ ստոկհոլմյան սինդրոմով ու ձեր արած այլանդակություններին կանդրադառնամ առանձին: Էսօր էսքանը ձեր մասին»:
Երեւանի ընդհանուր իրավասության դատարանի Կենտրոնի նստավայրում հունիսի 26-ին, Գյանջիրով Հովհանյանի մահվան հանգամանքները որպես սպանություն որակելու գործով դատական նիստին ամբաստանյալ Նարեկ Ավետիսյանը չի ներկայացել պատճառաբանելով, որ վարակվել է կորոնավիրուսով: Այս մասին 4 հայտնեց տուժող կողմի ներկայացուցիչ, մահացածի դուստրը` Գայանե Հովհանյանը:
«Դատական նիստը կայացավ, բայց նիստին չներկայացավ ամբաստանյալ Նարեկ Ավետիսյանը, նախորդ նիստին կրկին չներկայացված իբրև թե հիվանդ է, վարակված կորոնավիրուսով: Բայց նա անամոթաբար ստում է, քանի որ նիստի օրն էլ, նրա նախորդ օրն էլ իմ տան շրջակայքում առանց դիմակ տեսել եմ «Իմ քայլը» խմբակցության պատգամավոր Սեդրակ Թեւանյանի հետ անցնելուց»,- ասաց նա:
Նշենք, որ 6 տարի առաջ ծառից կախված հայտնաբերված Արարատ քաղաքի բնակիչ 65-ամյա Գյանջիրով Հովհանյանի գործով մինչ այժմ դատաքննություն է ընթանում: Չնայած որ Արարատի բնակիչ 65-ամյա Գյանջիրով Հովհանյանին ծառից պարանով կախված են հայտնաբերել, դուստրը`Գայանեն, վստահ է՝ կատարվածը սպանություն է: Գյանջիրով Հովհանյանին ինքնասպանության հասցնելու մեղադրանք է առաջադրվել Նարեկ Ավետիսյանին:
- Տեսանյութ
- Օրվա միտք
- Խմբագրի վարկած
- Ֆոտո
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.
Հանրահավաք Գլենդելի քաղաքապետարանի դիմաց՝ ի աջակցություն ՀՀ վարչապետ Նիկոլ Փաշինյանի միջոցով Հայաստանում իրականացվող «բարեփոխումների» և ներքաղաքական այլ գործընթացների, հունիս 28, 2020 թվական:
Ռոբերտ Մակարյանի ֆեյսբուքյան էջից