ՄԵԾ ՊԱՀՔ, օր տասնյոթերորդ

Շատ օրեր անց մեռավ եգիպտացիների թագավորը։ Իսրայելացիները, որոնք տանջվում էին տաժանակիր աշխատանքի մեջ, աղաղակ բարձրացրին. նրանց աղաղակը հասավ Աստծուն։ Եվ Աստված լսեց նրանց հեծությունը, հիշեց իր ուխտը, որ կապել էր Աբրահամի, Իսահակի ու Հակոբի հետ։ Աստված իր հայացքն ուղղեց իսրայելացիներին և հայտնվեց նրանց։

ՀՀ հատուկ քննչական ծառայությունում քննված քրեական գործի նախաքննությամբ պարզվել է, որ ՀՀ արտակարգ իրավիճակների նախարարության փրկարար ծառայության Արմավիրի հրշեջ փրկարարական ջոկատի հրամանատար Պապ Եփրեմյանը Արմավիր բժշկական կենտրոնի տնօրենի տեղակալին դրդել է կազմել և իրեն հանձնել պաշտոնական փաստաթուղթ հանդիսացող կեղծ էպիկրիզ, որը ներկայացրել է ՀՀ արտակարգ իրավիճակների նախարարություն` շարային ծառայությանը պիտանի ճանաչվելու նպատակով:

Այսպես, Պապ Եփրեմյանը, 2017 թվականի օգոստոսի 1-ից 11-ն ընկած ժամանակահատվածում ստացիոնար բուժում է ստացել Արմավիր բժշկական կենտրոնում: Բուժման ավարտից հետո հիշյալ կենտրոնի տնօրենի բուժական գծով տեղակալ Անահիտ Հայրապետյանից ստացել է իր հիվանդության էպիկրիզը, որում մասնավորապես նշված է եղել, որ այն ծանր ընթացք ունի` զուգորդված մի շարք բարդություններով: Պապ Եփրեմյանը նշված էպիկրիզը ՀՀ արտակարգ իրավիճակների նախարարություն ներկայացնելուց հետո տեղեկացել է, որ դրանում նշված ախտորոշմամբ կճանաչվի շարային ծառայությանը ոչ պիտանի և կազատվի աշխատանքից: Ուստի, ծառայությունից չազատվելու անձնական շահագրգռվածությունից ելնելով, Պապ Եփրեմյանը կրկին այցելել է Ա. Հայրապետյանին և վերջինիս խնդրել ավելի մեղմ ախտորոշմամբ կեղծ էպիկրիզ կազմել:

Ա. Հայրապետյանը, համաքաղաքացի Պապ Եփրեմյանի խնդրանքը չմերժելու և նրան օգնելու անձնական դրդումներով, կազմել է կեղծ էպիկրիզ, որում ներառել է իրականությանը չհամապատասխանող ակնհայտ կեղծ տեղեկություններ՝ ախտորոշման հատվածում նշելով, որ հիվանդությունը միջին ծանրության ընթացք ունի` առանց բարդությունների:  Այնուհետև էպիկրիզը ստորագրելով՝ այն ներկայացրել է նաև բաժանմունքի վարիչի ստորագրմանը՝ նրանից թաքցնելով էպիկրիզում կեղծ գրառումներ մտցնելու հանգամանքը: Դրանից հետո Պապ Եփրեմյանը կեղծ փաստաթուղթը ներկայացրել է ՀՀ արտակարգ իրավիճակների նախարարություն` շարային ծառայությանը պիտանի ճանաչվելու նպատակով: Սակայն մինչ այդ արդեն իսկ տեղի ունեցած ռազմաբժշկական հանձնաժողովի նիստում որոշում է կայացվել, որ Պ. Եփրեմյանը պիտանի չէ շարային ծառայության համար, և  08.09.2017 թ.-ին վերջինս ազատվել է աշխատանքից:

Հատկանշական է, որ աշխատանքից ազատվելու վերաբերյալ ՀՀ արտակարգ իրավիճակների նախարարի հրամանը ստանալուց հետո Պապ Եփրեմյանը վերը նշված կեղծ էպիկրիզը կրկին օգտագործել է` այն դիմումին կից ներկայացնելով ՀՀ բարձրաստիճան պաշտոնատար անձանց և այդ կերպ փորձելով վերականգվել աշխատանքի:

Այսպիսով, պաշտոնեական կեղծիքի դրդչություն կատարելու և պաշտոնեական իրավունք վերապահող կեղծ փաստաթուղթ օգտագործելու համար Պապ Եփրեմյանին մեղադրանքներ են առաջադրվել ՀՀ քրեական օրենսգրքի 38-314-րդ հոդվածի 1-ին մասով և 325-րդ հոդվածի 1-ին մասով: Իսկ պաշտոնեական կեղծիք կատարելու համար Անահիտ Հայրապետյանին մեղադրանք է առաջադրվել ՀՀ քրեական օրենսգրքի 314-րդ հոդվածի 1-ին մասով:

Քրեական գործի նախաքննությունն ավարտվել է: Գործը մեղադրական եզրակացությամբ ուղարկվել է դատավարական հսկողություն իրականացնող դատախազին` այն հաստատելու և դատարան ուղարկելու համար:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Մարտի 1–ից Հայաստանում ուժի մեջ կմտնի «Դեղատոմսերի ձևերը, դեղատոմսեր գրելու, դեղեր բաց թողնելու (ներառյալ՝ էլեկտրոնային եղանակով) կարգը, ինչպես նաև դեղերի և դեղանյութերի հաշվառման կարգը սահմանելու մասին» կառավարության որոշումը։

Որոշումն ուժի մեջ մտնելուց հետո երկրում գրանցված 4700 անուն դեղերից 2700–ը բաց կթողնվեն բացառապես դեղատոմսով։

Վաղվանից դեղատոմսով կվաճառվեն հակաբիոտիկներ, հորմոնալ և կոդեին պարունակ դեղերը, հուլիսի 1–ից դեղատոմսով կվաճառվի նաև ներարկումային և օնկոլոգիական դեղորայքը, իսկ հոկտեմբերի 1–ից` մնացած բոլոր դեղերը, որոնք նախատեսված են կառավարության որոշմամբ։

ՀՀ առողջապահության նախարարությունն արդեն հրապարակել է դեղորայքի ամբողջական ցանկը, որոնք բաց են թողնվելու դեդատոմսով։ Այս կապակցությամբ «Նովոստի–Արմենիա» գործակալությունն իր ընթերցողներին է ներկայացնում 20 ամենապահանջված և հաճախ վաճառվող դեղերը, որոնք այսուհետ հնարավոր չի լինի գնել առանց դեղատոմսի։

Հակավարակային դեղեր

Էրիթրոմիցին (հաբեր)

Էրիթրոմիցինը մանրէաստատիկ հակաբիոտիկ է, այն ցուցված է դիֆտերիայի, կապույտ հազի, տրախոմայի, բորցելոզի, քութեշի, գոնորեայի և այլ հիվանդությունների դեպքում։

Ամոքսիցիլին (դեղապատիճներ)

Ամոքսիցիլինը լայն սպեկտորի կիսասինթետիկ պենիցիլինների շարքին դասվող հակաբիոտիկ է։ Ունի մանրէասպան ազդեցություն։

Ֆլուկոնազոլ (հաբեր)

Ֆլուկոնազոլը դասվում է այսպես կոչված «հակասնկային դեղորայքի» շարքին։ Այն կիրառվում է սնկերից առաջացած ինֆեկցիաների բուժման ժամանակ, ինչպես նաև կարող է կիրառվել կանդիդոզային ինֆեկցիաների կանխարգելման ժամանակ։

Ֆուրադոնին (հաբեր)

Ֆուրադոնինը ցուցված է միզուղիների ոչ բարդ ինֆեկցիաների դեպքում (սուր ցիստիտ, բակտերիուրիա, ուրետրիտ և այլն) և ուռոլոգիական վիրահատությունների ու հետազոտությունների դեպքում հիվանդությունների կանխարգելման ժամանակ։

Դիֆլուկան (դեղապատիճներ)

Դիֆլուկանը հակասնկային դեղամիջոց է։

Բիսեպտոլ (հաբեր)

Բիսեպտոլը կոմբինացված հակաբակտերիալ դեղամիջոց է` մանրէասպան ազդեցությամբ։ Այն ցուցված է ինֆեկցիոն և բորբոքային հիվանդությունների դեպքում։

Տետրացիկլին (հաբեր)

Տետրացիկլինը ցուցված է ինֆեկցիոն և բորբոքային հիվանդությունների դեպքում` թոքաբորբ, բրոնխիտ, անգինա, խոլեցիստիտ, պիելոնեֆրիտ, աղիքային ինֆեկցիաներ, էնդոկարդիտ, էնդոմետրիտ, պրոստատիտ, սիֆիլիս, գոնորեա , բրուցելոզ, փափուկ հյուսվածքների թարախային ինֆեկցիաներ և այլն։

Ամպիցիլին (ներարկման համար նախատեսված փոշի)

Ամպիցիլինը լայն սպեկտորի հակաբիոտիկ է։ Կիրառվում է ինֆեկցիոն և բորբոքային հիվանդությունների դեպքում։

Ֆլյուկոստատ (դեղապատիճներ)

Ֆլյուկոստատը հակասնկային դեղորայք է։

Աուգմենտին (հաբեր)

Աուգմենտինը կոմբինացված հակաբիոտիկ է, որը պարունակում է ամոքսիցիլին և կլավուլանային թթու։

Ազիմակ (դեղապատիճներ)

Ազիմակը լայն սպեկտորի հակաբիոտիկ է։ Ցուցված է անգինայի, սինուսիտի, օտիտի, բակտերիալ բրոնխիտի դեպքում։

Հոգեմետ նյութեր պարունակող դեղեր

Պենտալգին

Պենտալգինի բաղադրության մեջ առկա է պարացետամոլ և պրոպիֆենազոն, պենտալգինն ունի ցավազրկող և ջերմիջոցնող ազդեցություն։ Պենտալգինում առկա է նաև կոֆեին, որը հոգեխթանիչ է։ Պենտալգինում առկա կոդեինն ունի ցավազրկող ազդեցություն։

Սոլպադեին (լուծվող հաբեր)

Սոլպադեինը կոմբինացված դեղորայք է, որն ունի ցավազրկող, ջերմիջեցնող և հակահազային ազդեցություն։

Վալիում (հաբեր)

Վալիումը տրանկվիլիզատոր է, ունի հանգստացնող, հակաջղաձգային և քնաբեր ազդեցություն։

Կաֆետին

Պրոպիֆենազոն և պարացետամոլ պարունակող կաֆետինն ունի ցավազրկող, ջերմիջեցնող և հակաբորբոքային ազդեցություն։

Հորմոնալ դեղամիջոցներ

Դեքսամեթազոն (լուծույթ)

Դեքսամեթազոնն ունի հակաբորբոքային, հակաալերգիկ, իմունոդեպրեսիվ ազդեցություն։

Յոդոմարին 200 (հաբեր)

Յոդոմարին 200–ը լրացնում է յոդի դեֆիցիտն օրգանիզմում` խոչընդոտելով յոդի դեֆիցիտից առաջացող հիվանդությունների զարգացումն ու նպաստելով վահանաձև գեղձի ֆունկցիայի կարգավորմանը։

Լ–Թիրօքսին (հաբեր)

Լ–Թիրօքսինի բաղադրության մեջ մտնող լևոթիրօքսինն իր ազդեցությամբ նման է մարդու էնդոգեն թիրեոիդ հորմոնին։

Օքսիտոցին (հաբեր)

Օքսիտոցին հորմոնը նպաստում է ծննդաբերության ընթացքում արգանդի կրճատմանը և կաթի արտադրմանը։ Արհեստականորեն սինթեզված օքսիտոցինը, որը ներմուծվում է օրգանիզմ ներերակային կամ ներմկանային եղանակով, կիրառվում է ծննդաբերությունը դրդելու կամ խթանելու նպատակով, ուժգնացնելով կծկանքը։

Թուրքական իշխանություններին մոտ կանգնած «Աքշամ» թերթը օրինակ է բերում Հայաստանի սահմանին գտնվող թուրքական Մուստաֆա Քոչաք սահմանային պարեկակետը: Այստեղ թուրք զինվորները շուրջօրյա հսկողություն են իրականացնում նույնիսկ -15 աստիճան ցրտի պայմաններում:

Սահմանին տեղադրված են ջերմային տեսախցիկներ, որոնք հնարավորություն են տալիս անմիջապես արձանագրել ցանկացած սահմանահատում և համապատասխան միջամտություն կատարել։

Պարեկակետի տարածքն ընդգրկում է շուրջ 10կմ լայնությամբ սահմանային հատված, որտեղ հերթափոխով խստացված հսկողություն է իրականացվում թե՛ սահմանագծից, և թե՛ դիտակետերից։

Աղբյուրը` Ermenihaber.am

Օրերս Կիևում տեղի ունեցած միջազգային մրցաշարում հայ ըմբիշները բազմաթիվ մեդալներ նվաճեցին: Կրկին անգամ փայլուն ելույթով աչքի ընկավ Օլիմպիական չեմպիոն Արթուր Ալեքսանյանը: 97 կգ քաշային կարգում, ոսկե մեդալի համար պայքարում մեր ըմբիշն առավելության հասավ ուկրաինացի Դմիտրի Տիմչենկոյի նկատմամբ: Բրոնզե մեդալի համար գոտեմարտում 77 քաշային Կարապետ Չալյանը հաղթեց ադրբեջանցի Հասան Ալիևին, իսկ 60 քաշային Արմեն Մելիքյանը՝ ուկրաինացի Դենիս Չեբանովին: Աշխարհի չեմպիոն Մաքսիմ Մանուկյանը 87 քաշային կարգում բրոնզե մեդալ նվաճեց պարտության մատնելով ուկրաինացի Սեմյոն Նովիկովին: Նույն քաշում ևս մեկ բրոնզե մեդալ Հայաստանի հավաքականի համար նվաճեց Արթուր Շահինյանը։

Գրանցած արդյունքը կարելի է գոհացնող համարել, քանզի միջազգային մրցաշարում մեր հավաքականը նվաճեց 5 մեդալ: Սպասվածի համաձայն Կիևում տեղի ունեցած մրցաշարը հարևան Ադրբեջանում որակվել է, որպես պայքար թշնամի հայերի դեմ: Ադրբեջանի երկու հավաքականները Կիևում բավական հաջող են հանդես եկել ընդհանուր առմամբ նվաճելով 19 մեդալ, որոնցից 9 ոսկե, 6 արծաթե և 4-ը բրոնզե: Հայաստանի ազատ ոճի հավաքականին չի հաջողվել մեդալ նվաճել: Մի քանի գոտեմարտերում հայաստանցի ըմբիշները զիջել են ադրբեջանցի մրցակիցներին: Մասնավորապես հունա-հռոմեական ոճում 82 քաշային կարգում բրոնզե մեդալի համար պայքարում Էդուարդ Սարգսյանը զիջել է Էլվին Մուրսալիևին: 87 քաշային կարգում կիսաեզրափակիչ գոտեմարտում Մաքսիմ Մանուկյանը պարտվել է Իսլամ Աբասովին: 60 քաշայինների պայքարում էլ եզրափակչի ուղեգրի համար պայքարում Սլավիկ Գալստյանը մարտը տանուլ է տվել Թալեհ Մամեդովին:

Ադրբեջանի ըմբշամատի ֆեդերացիայի փոխնախագահ Ֆիրդովսի Ումուդովի համար վերը նշված հաղթանակները հիմք են հանդիսացել հայտարարելու, որ իրենք վրեժխնդիր են եղել հայերից Խոջալույում տեղի ունեցած ջարդերի համար: «Գորգի վրա պետք է էմոցիաները մի կողմն դնել: Բայց երբ մրցակիցդ թշնամի երկրի ներկայացուցիչ է անկախ քեզնից ավելի մոտիվացված և եռանդով ես պայքարում: Շատ դեպքերում մեր տղաները չափից ավելի ուժեր վատնեցին հայերին հաղթելու համար: Այս մրցաշարում մենք բազմաթիվ անգամ հաղթեցինք կյանքի ու մահվան մենամարտերում: Մենք վրեժխնդիր եղանք հայերից Խոջալուի կոտորածի համար: Այս հաղթանակը նվիրվում է հայերի կողմից սպանված զոհերի հիշատակին: Մենք փորձում ենք սպորտը հեռու պահել քաղաքականությունից, բայց սա այն դեպքն է, երբ անհնար է աչքերը փակել: Կապ չունի թե ինչ մարզաձև է: Ադրբեջանից ցանկացած քաղաքացի պետք է հաղթի հայ մրցակցին և մեծ ուրախություն պարգևի իր համաերկրացիներին: Աշխատասիության և նվիրվածության շնորհիվ մենք կարողացանք ջախջախիչ հաղթանակի հասնել Հայաստանի նկատմամբ: Խոջալուի ջարդերի տարելիցի շեմին մենք բարոյական իրավունք չունեինք հայերին պարտվելու: Դա չէր ընկալվի Հայաստանում և մենք երես չէինք ունենա Ադրբեջան վերադառնալու»- հայտարարել է Ումուդովը:

Նշենք, որ ադրբեջանական լրատվամիջոցները զերծ են մնացել հիշատակելու 77 քաշային կարգում Կարապետ Չալյանի և Հասան Ալիևի գոտեմարտը, որը ավարտվել էր հայ ըմբիշի հաղթանակով: Հարևան երկրում մառազմը հասել է այն աստիճանի, որ միջազգային մրցաշարում նվաճված 19 մեդալները մղվել են երկրորդ պլան: Ըստ էության ադրբեջանցիները միջազգային մրցումներին մասնակցում են, առաջին հերթին հայերին հաղթելու տրամադրվածությամբ: Ինչ խոսք ադրեջանցի մարզիկների նկատմամբ հաղթանակները ոգևորություն են առաջացնում նաև մեր երկրում:

Ի տարբերություն ադրբեջանցիների մեր համաերկրացիների գլխավոր նպատակը հաջողություններ գրանցելն ու մեդալներ նվաճելն է: Այս տարվա սեպտեմբերին կմեկնարկի ֆուտբոլի Ազգերի լիգայի խաղարկությունը, որը լավ առիթ է ոչ այնքան ուժեղ հավաքականների համար հայտնվելու Եվրոպայի առաջնության եզրափակիչ փուլում: Ու չնայած ՈւԵՖԱ-ն միջոցներ ձեռնարկեց, որ Հայաստանն ու Ադրբեջանը միևնույն խմբում չհայտնվեն, այնուամենայնիվ հարևան երկրում սպասում են ֆուտբոլային դիմակայությանը: Ադրբեջանցիների համար հավանաբար Հայաստանի հավաքականին հաղթելը շատ ավելի կարևոր է, քան Եվրոպայի առաջնությանը մասնակցելը: Սպորտում լինում են և հաղթանակներ, և պարտություններ: Սկզբունքային մրցակցին պարտվելն ամենևին ամոթ չէ: Իրական պրոֆեսիոնալ են այն մարզիկները, որոնց համար բոլոր մրցակիցները հավասար են անկախ ազգությունից: Հերթական անգամ սպորտը քաղաքականացնելով և շարքային մրցաշարը կապելով Խոջալուի հետ՝ ադրբեջանցի չինովնիկը կրկին անգամ մարզիկների շարքում ատելություն է սերմանում հարևան երկրի ներկայացուցիչների նկատմամբ:

Ի՞նչ կապ ունեն հայ կամ ադրբեջանցի ըմբիշները Խոջալուի հետ: Նման հայտարարությունները արդեն իսկ ծիծաղելի կարելի է համարել:

armnews

Փետրվարի 26-ի երեկոյան ժամերին, ադրբեջանական զինուժը կրակ է բացել Տավուշի մարզի Նոյեմբերյանի տարածաշրջանի պաշտպանական դիրքերի ուղղությամբ: Բարեբախտաբար, մարդկային կորուստներ և լուրջ հետևանքներ չկան:

Սակայն միջադեպն ինքնին ուշագրավ է, որովհետև տեղի է ունեցել ոչ թե Արցախի և Ադրբեջանի շփման գծում, այլ վերջինիս ոտնձգության թիրախը դարձել է Հայաստանի տարածքը:

Իլհամ Ալիևը, կարծես թե, կրակոցներով հասկացնում է, որ «Յենի Ադրբեջան» կուսակցության համագումարում իր ունեցած ելույթը ոչ թե քարոզչական բնույթ ունի, այլ պետական մշակված քաղաքականության դրսևորում է: Կարևոր են երեկվա կրակոցների ոչ թե մասշտաբը, հետևանքները, այլ` փաստը: Բաքուն համարում է, որ միջազգային նորմերը կորցրել են իրենց նշանակությունը և իր գործողությունները հարմարեցում է դեռ չձևավորված, այսպես կոչված, «բազմաբևեռ աշխարհի» տրամաբանությանը, որտեղ դոմինանտ են ոչ թե հումանիտար իրավունքը, կանխատեսելիությունը, այլ` կոնկրետ շահերը:

Ադրբեջանը, մեծ հաշվով, համարժեք միջազգային գնահատականի չի արժանացել 2016-ի Քառօրյա պատերազմի համար և հիմա շարունակում է միջազգային հանրությանը հետևողականորեն «վարժեցնել» իր ագրեսիվ քաղաքականությանը:

ԵԱՀԿ Մինսկի խումբը գուցե իսկապես բացառիկ միջազգային հարթակն է, որտեղ ԱՄՆ-ը, Ռուսաստանը և Եվրամիությունը կարողանում են ձևավորել ընդհանուր օրակարգ: Ամբողջ խնդիրն այն է, որ միջազգային հարաբերություններում առաջացած ճգնաժամը թույլ չի տալիս, որ համանախագահությունը օպերատիվ և համարժեք արձագանքի առաջնագծում տեղի ունեցող զարգացումներին, առհասարակ` իրականացնել հակամարտության արդյունավետ մենեջմենթ: Բաքուն հերթական անգամ փորձարկում է ԵԱՀԿ Մինսկի խմբի համանախագահության կենսունակությունը:

Պակաս էական չէ լարվածությունը Հայաստանի և Ադրբեջանի սահմանագիծ տեղափոխելու Բաքվի մյուս մոտիվը: Հայաստանի պետական սահմանի դեմ ոտնձգությունը մարտահրավեր է ՀԱՊԿ-ի դեմ: Ադրբեջանն այս պահին չունի լայնամասշտաբ պատերազմ սանձազերծելու Մոսկվայի համաձայնությունը, այնուամենայնիվ` կրակելով Հայաստանի սահմանի ուղղությամբ, փորձում է հասկանալ Ռուսաստանի հնարավոր արձագանքը, Հայաստանին աջակցելու պատրաստակամության մակարդակը: Այլ խոսքով` Բաքվում այլ մարտավարությամբ են փորձում լեգիտիմացնել պատերազմ սկսելու իրենց ցանկությունը. ի վերջո` Մոսկվան կարող է չքաջալերել Բաքվի նկրտումները, սակայն չաջակցել նաև Հայաստանին:

Ի վերջո, խնդիրն ունի նաև քաղաքակրթական ասպեկտ: Եթե Մոսկվան իրեն բանդիտի պես է պահում Սիրիայում` քաջալերելով Բաշար Ասադի կողմից Արևելյան Ղութայում իրականացվող ցեղասպանությունը, ապա Բաքուն կարող է լեգիտիմացված համարել ռեգիոնալ բանդիտի իր կարգավիճակը:

Ուղիղ մեկ տարի առաջ այս օրը՝ փետրվարի 28-ին, ադրբեջանական բանակը սահմանային լարված ու դժվարին իրավիճակից դուրս գալու համար գործի դրեց Սփայք տեսակի զինատեսակը:

Այս զինատեսակի 1 արկի արժեքն է մոտ 250.000$: Այս զինատեսակի ճշգրտությունը 95% է: Այս զինատեսակով կարելի է աչքերը փակ տանկ խոցել, եթե կրակես մոտավոր տանկի ուղղությամբ:

Ադրբեջանական բանակի զինծառայողները 250.000$-ի վնաս էին հասցրել իրենց բանակին, քանի որ նշված զենքից կրակել էին ու ոչինչ չէին խոցել: Այդ զինատեսակից նրանք կրակել են նաև 2016 թվականի ապրիլին ու պատկերացրեք, որ նույնիսկ այդ ժամանակ է կրակոցն անիմաստ եղել:

Ու այդքանից հետո Ադրբեջանի նախագահը խոսում է Երևանը գրավելու մասին: Սրա հիմարություններից էլ ոգևորված օգնականը խոստանում է հաշված օրերի ընթացքում Արցախը գրավել, եթե խանգարողներ չլինեն: Երևի խանգարողն էլ իրենց զինվորների մտավոր զարգացվածության աստիճանն է:

Աշոտ Ասատրյանի ֆեյսբուքյան էջից

Օրերս ՌԴ Պրիորովի անվան Օրթոպեդիայի և Վնասվածքաբանության կենտրոնական ինստիտուտի և ՀՀ Վնասվածքաբանության և Օրթոպեդիայի գիտական կենտրոնի առաջատար օրթոպեդ-վնասվածքաբանները համատեղ 2 օր շարունակ բարեգործական վիրահատություններ են կատարել ԼՂՀ Հանրապետական Բժշկական Կենտրոնում:

Նշենք, որ ՌԴ-ում Հայ բժիշկների ասոցացիայի անդամ, ՌԴ Պրիորովի անվան Օրթոպեդիայի և Վնասվածքաբանության կենտրոնական ինստիտուտի ավագ գիտաշխատող բ.գ.թ. Գրիգորի Կարապետյանը ու օրթոպեդ-վնասվածքաբան Էդգար Հովհաննիսյանը և ՀՀ Վնասվածքաբանության և Օրթոպեդիայի գիտական կենտրոնի Մանկական վնասվածքաբանության բաժանմունքի վարիչ բ.գ.դ Արա Այվազյանը ու ավագ գիտաշխատող Խորեն Հովհաննիսյանը մեկնել են Արցախ երկու կենտրոնների միջև համագործակցության շրջանակում:

Մասնագետները ԼՂՀ Հանրապետական Բժշկական Կենտրոնի Վնասվածքաբանության ծառայության ղեկավար Կարեն Դավթյանի հետ  իրականացրել են հետվնասվածքային բարդություններով, վերջույթների տարբեր դեֆորմացիաներով և չսերտաճած կոտրվածքներով հիվանդների վիրահատություններ ամենաժամանակակից մեթոդներով: Պետք է նշել, որ ԼՂՀ Հանրապետական Բժշկական Կենտրոնում նման վիրահատությունների համար  ստեղծված են բոլոր պայմանները և հագեցվածությունը համապատասխանում է նորագույն միջազգային չափանիշներին:

Անդրադառնանք դեպքերից մի քանիսին.

• ՀՀ Օրթոպեդիայի կենտրոնի (ՎՕԳԿ) մանկական բաժանմունքի օրթոպեդ- վնասվածքաբաների կողմից իրականացվել են միջամտություններ հետևյալ խնդիրներով՝
• ազդրի ստորին երրորդականի փակ վերկոճային ոչ ճիշտ սերտաճող կոտրվածք (օսթեոէպիֆիզիոլիզ), կեղծ հոդ, նյարդային ցողունի հնացած վնասվածք: Կատարվել է ոսկրաբեկորների բաց համադրում, ախտաբանական ոսկրակոշտուկի և կեղծ հոդի էլեմենտների հեռացում և օստեոսինթեզ նորագույն LCP  հարթակով:
• Սրունքի ոսկրերի Ս/3-ի հետվնասվածքային վարուսային դեֆորմացիա, մեծ ոլոքի դիստալ աճի զոնայի վաղաժամ փակումով (ասիմետրիկ էպիֆիզիոդեզ): Կատարվել է մեծ ոլոքի շտկող վալգիզացնող օստեոտոմիա և օստեոսինթեզ LCP հարթակով:
• ՌԴ Պրիորովի անվան Օրթոպեդիայի և Վնասվածքաբանության կենտրոնական ինստիտուտի բժիշկների կողմից կատարվել են՝
• սրունքի և բազոսկրի միջին երրորդականի շրջանի կեղծ հոդով (վիճակ բազմակի վիրահատական միջամտություններից հետո) 2 հիվանդների վիրահատական բուժում՝ կեղծ հոդերի ռեզեկցիա, ոսկրաբեկորների ծայրերի թարմացում և MOS և LCP  հարթակովներով
• անրակի ակրոմիալ ծայրի հնացած հոդախախտով հիվանդի վիրահատական բուժում ՝ հոդամակերեսների թարմացում, հոդախախտի ուղղում և MOS կարթաձև հարթակով:

Հետագայում համագործակցությունը կրելու է շարունակական բնույթ. հաջորդ այցը նախատեսվում է 2018թ․ հուլիս ամսին։

Հայաստանի տարածքում փետրվարի 28-ի ցերեկը, մարտի 3-ին սպասվում է առանց տեղումների եղանակ: Մարտի 1-ին՝ ուշ երեկոյան, 2-ի գիշերը և առավոտյան ժամերին, 4-5-ին ժամանակ առ ժամանակ շրջանների զգալի մասում, 2-ի ցերեկը Վայոց Ձորում, Սյունիքում և Արցախում սպասվում են տեղումներ:

Քամին՝ հարավ-արևմտյան՝ 3-8մ/վ արագությամբ, մարտի 1-2-ին, 4-5-ին առանձին վայրերում սպասվում է քամու ուժգնացում՝ 15-20մ/վ արագությամբ:

Օդի ջերմաստիճանը մարտի 2-ին, 3-ի գիշերը կնվազի 4-5 աստիճանով, 3-ի ցերեկը, 4-5-ին նույնքան կբարձրանա: Այս մասին «Արմենպրես»-ին տեղեկացրին ՀՀ արտակարգ իրավիճակների նախարարությունից:

Երևան քաղաքում `

Փետրվարի 28-ի ցերեկը, մարտի 2-ի ցերեկը, 3-ին սպասվում է առանց տեղումների եղանակ: Մարտի 1-ին՝ ուշ երեկոյան, 2-ի գիշերը և առավոտյան ժամերին սպասվում են տեղումներ՝ քաղաքի բարձրադիր հատվածներում՝ գիշերը թաց ձյան և ձնախառն անձրևի տեսքով: 4-5-ին ժամանակ առ ժամանակ սպասվում է անձրև: Մարտի 1-2-ին, 4-5-ին սպասվում է քամու ուժգնացում՝ 15-20մ/վ արագությամբ:

Երևան քաղաքի մարտի 1-ի բազմամյա կլիմայական տվյալներ.

• Օդի առավելագույն ջերմաստիճան`           19.00C  ( 2001 թ.)
  • Օդի նվազագույն ջերմաստիճան`              -12.30C  (1985 թ.)
  • Օդի միջին օրական ջերմաստիճան`            2.40C

ՀՀ ԳԵՏԵՐԻ, ԼՃԵՐԻ ԵՎ ՋՐԱՄԲԱՐՆԵՐԻ ՎԻՃԱԿԸ: ՏՎՅԱԼՆԵՐ ՍԵՎԱՆԱ ԼՃԻ ՎԵՐԱԲԵՐՅԱԼ.

Գետերը գտնվում են ձմեռային սակավաջուր փուլում: