Հիսուսն իսկույն ստիպեց իր աշակերտներին, որ նավակ մտնեն և իրենից առաջ գնան Բեթսայիդա, լճի հանդիպակաց կողմը, մինչև որ ինքն արձակի ժողովրդին։ Ժողովրդին հրաժեշտ տալուց հետո Հիսուսը լեռը բարձրացավ՝ աղոթելու։ Երբ երեկո եղավ, նավակը լճի մեջտեղում էր, իսկ Հիսուսն առանձին՝ ցամաքի վրա։ Նա տեսավ, որ աշակերտները նավակը վարելու մեծ դժվարություն էին կրում, որովհետև քամին նրանց դիմացից էր փչում։ Առավոտյան ժամը չորսի մոտ էր, երբ նա, քայլելով ջրի վրայով, եկավ նրանց մոտ և ուզում էր նրանցից առաջ անցնել։ Աշակերտները երբ տեսան, որ նա քայլում է ջրի վրայով, կարծեցին, թե մի ուրվական է, և սկսեցին գոռալ։ Արդարև, բոլորն էլ նրան տեսան և շատ վախեցան։

Հիսուսն իսկույն խոսեց նրանց հետ և ասաց.
-Քաջալերվե՛ք, ԵՍ ԵՄ, մի՛ վախեցեք։
Ապա նա նավակ բարձրացավ՝ նրանց մոտ, և քամին դադարեց։ Աշակերտները առավել ևս ապշեցին և շատ զարմացան։ Նրանք արդեն իսկ չէին հասկացել հացի բազմացման հրաշքի իմաստը, իսկ այժմ էլ նրանց միտքը փակված էր։

Այս տարի 302 երեխա դպրոց չի հաճախի եւ ուսումը կիսատ կթողնի: Այս երեխաներից 191-ը կրթությունից դուրս է մնացել սոցիալական պայմաններից ելնելով: Սա Կրթական տեխնոլոգիաների ազգային կենտրոնի` ԿՏԱԿ-ի տվյալներն են: Համեմատության համար նշենք, որ անցյալ տարի ավելի քիչ թվով երեխաներ են կրթությունից դուրս մնացել` 250 երեխա, որից 143-ը սոցիալական պատճառներով:
Այսօր «Հայելի» ակումբում ՀՀԿ-ական պատգամավոր Ռուզան Մուրադյանը մեկնաբանելով այս փաստն՝ ասաց, որ նախկինում կար հանրակրթությունից դուրս մնացած երեխաների հետ հատուկ աշխատանքային ընթացակարգ, որոնք բացահայտում էին պատճառները, նրանց հետ աշխատանքներ էր տանում` դպրոց վերադարձնելու. «Ես կարծում եմ այսօր ե’ւ սոցիալական ծրագրերն են բավարար, ե’ ւ շատ շատ են այն մարդիկ, որոնք պատրաստ են օգնելու, պարզապես խնդիրն այն է, որ պետք է սրանք բոլորն ի մի բերել եւ մի հարթության վրա դնել: Եթե նման թվեր կան, իրոք մտահոգիչ է, ինձ էլ, որպես մանկավարժ, մտահոգում է»:

Ասուլիսին ներկա «Բարեւ Երեւան» ավագանու անդամ Անահիտ Բախշյանը նկատեց, որ օրենքով, երեխաների` կրթության մեջ լինելու պարտականությունը վերապահված է տեղական ինքնակառավարման մարմիններին եւ առաջին հերթին դպրոցի տնօրենին. «Պետք է նա գնա, իմանա` ի՞նչն է պատճառը»:

Մանրամասները` տեսանյութում

.aravot.am

Այսօր Ադրբեջանի ԱԳՆ պաշտոնական ներկայացուցիչ Հիփմեթ Գաջիևը լրագրողներին տեղեկացրել է, որ իրենց ջանքերի շնորհիվ Երևանում չեղյալ է հայտարարվել Արցախի անկախության 25-ամյակին նվիրված միջազգային մի գիտաժողով: Ըստ նույն Գաջիևի` գիտաժողովը կազմակերպիչներից մեկը Քաղաքականության և միջազգային հարցերի ֆրանսիական մի կենտրոն է, որի ղեկավարը Ֆաբիան Բաուսարտն է: Բացի այդ, պարզվում է, որ սեպտեմբերի 2-3-ը Երևանում կայանալիք գիտաժողովի մասնակիցները, ովքեր նախկին պաշտոնյաներ, հասարակական ու քաղաքական գործիչներ պետք է լինեին, գիտաժողովից հետո պետք է այցելեին նաև Լեռնային Ղարաբաղ: Բայց անսալով ադրբեջանական ԱԳՆ-ի բացատրություններին և հորդորներին առ այն, որ պետք է հարգել միջազգային օրենքները և զերծ մնալ «բռնագրաված տարածքներ ապօրինի մուտքից», գիտաժողովի մասնակիցները, այդ թվում` Ֆաբիան Բաուսարտը հրաժարվել են իրենց մասնակցությունից:

Ու Գաջիևը մեծ ցնծությամբ պարծեցել է, որ ահա, իրենք հզոր են, կարողացել են «հայկական հերթական սադրանքը չեզոքացնել»:

Բայց պարզվում է, որ նման գիտաժողովի գոյության մասին ոչ Հայաստանում, ոչ էլ Ղարաբաղում տեղյակ չեն: ՀՀ ԱԳՆ մամուլի խոսնակ Տիգրան Բալայանը մեզ տեղեկացրեց, որ նման գիտաժողով Հայաստանի Հանրապետությունը, ի դեմս ԱԳՆ-ի չի կազմակերպում: ԼՂՀ ԱԳՆ-ից էլ մեզ ասացին, որ Արցախի անկախության 25-ամյակի միջոցառումները համակարգող պետական հանձնաժողովը նման միջոցառում չի նախատեսել: Ու ընդհանրապես նման գիտաժողովի մասին չեն էլ լսել:

Իսկ համացանցում երկար փնտրելուց հետո գտանք «Քաղաքականության և միջազգային հարցերի կենտրոն» ճոռոմ անվանումով ՀԿ-ն: Պարզվեց, որ նրա ղեկավարը Բաուսարտը աչքի է ընկել միայն նրանով, որ անցած տարվա հոկտեմբերին Չեչնիայի նախագահ Կադիրովին պարգևատրել է «Ահաբեկչության դեմ պայքարի և արիության համար» պատվոգրով:

Որ ադրբեջանական կողմը սեփական ուժն ու խոսքի կարևորությունը ցուցադրելու համար չի վարանում դիմել ստի, հայտնի բան է: Բայց դե ախր, սուտն էլ պետք է մի քիչ ճշմարտանման լինի:

Աղբյուրը nyut.am

Երբ Հայաստանում Քիմ Քարդաշյանին են նվիրում «Պռեգոմեշի» վզնոցը, որի վրա կախված էր սիրիահայ արծաթագործ Գևորգ (Ջորջ) Դոշողլանյանի պատրաստած յուրօրինակ կախազարդը՝ հայերեն «Քե» տառի փորագրությամբ, աշխարհահռչակ աստղը չի կարողանում զսպել հիացմունքն ու բացականչում է. «Աստվա՜ծ իմ, ինչ գեղեցիկ է»:

Արծաթագործը հպարտ է, որ իր աշխատանքը կրում է աշխարհի ամենահայտնի հայուհին: Իսկ System of a down խմբի տղաների համար պատրաստած ապարանջանները, որոնց վրա փորագրված էր «1915», նրա համար ոչ միայն հպարտություն է, այլև երախտիքի խոսք խմբի տղաներին՝ Հայոց Ցեղասպանության միջազգային ճանաչման գործում կատարած անգնահատելի աշխատանքի համար:

2012 թ. սիրիական ճգնաժամի հետևանքով տեղափոխվելով Հայաստան` հալեպցի հայտնի արծաթագործ Ջորջը մի բան է ուզում` հայրենիքում էլ ամրապնդել ու տարածել իր՝ որպես արծաթի յուրօրինակ վարպետի համբավը: Սիրիայում նա առաջինն էր, որ ստեղծեց ավտոմեքենաների ֆիրմային նշանների արծաթյա հավաքածու, որը վարորդները փակցնում էին ավտոմեքենաների բանալիներին: Այդ աշխատանքները Սիրիայում մեծ պահանջարկ ու սեր էին վայելում: Մի ծրագիր էլ ուներ` ստեղծել ավտոմեքենաների արծաթյա մինի մոդելների հավաքածու: Ցավոք, չհասցրեց. նախ մեծ գումար պիտի ներդներ, հետո էլ սկսվեց սիրիական պատերազմը` փոշիացնելով բոլոր երազանքներն ու ծրագրերը: Սակայն Ջորջը հույս ունի, որ այդ հավաքածուն մի օր ստեղծելու է Հայաստանում:

«Ես իմ մատնահետքերը Սիրիայում թողել եմ և մինչ օրս էլ դրանով հպարտ եմ: Ինձ համար մեծ հպարտություն է, երբ մարդիկ ասում են` Ջորջի աշխատանքներն ուրիշ են: Ինձ դա է երջանկություն պարգևում, իսկ մնացածը երկրորդական է»,- ասում է Ջորջը:

Սիրիայում արծաթագործությամբ մեծ գումարներ վաստակող և այդ գումարները շռայլորեն ծախսող երիտասարդ արծաթագործը չէր էլ կարող պատկերացնել, որ մի օր սկսելու է հաշվել աշխատած գումարն ու ապրել խնայողություններով: Այո, սա արդեն Հայաստանն է, որտեղ դրամ աշխատելն այնքան էլ հեշտ գործ չէ, մանավանդ երբ սկսում ես զրոյից: Եթե իմանար, որ կյանքը 180 աստիճանով փոխվելու է, գոնե ժամանակին գումար կխնայեր, որպեսզի այսօր ավելի հեշտ լիներ ամեն ինչ նորից սկսելը: Բայց Ջորջը նեղսրտում է ոչ թե դրանից, այլ շուրջը տիրող անարդարություններից, որոնց առնչվում է գրեթե ամեն օր:

Հիշում է՝ երբ 2006 թ. առաջին անգամ ոտք դրեց Հայաստան, պարզապես սիրահարվեց այս երկրին: Ասում է, որ սփյուռքում ապրողների համար հայրենիքն ու Մասիս սարը երազանք են, և դա տեսնելն ու զգալը` անբացատրելի զգացողություն, հրաշք: Սակայն այդ ժամանակ նա Հայաստանը լրիվ այլ աչքերով էր տեսնում: Հիմա, երբ արդեն ապրում ու աշխատում է այստեղ, սեփական մաշկի վրա է զգում նաև երկրի խնդիրները: Ցավ է ապրում, երբ տեսնում է, որ իշխանավորները մի բան են հայտարարում, բայց լրիվ այլ բան անում:

Օրինակ, հենց իրենց` սիրիահայերի օգնության ծրագրերը: Ասում է` ամեն տեղ իր անունը գրված է, բայց դեռ ոչ մի անգամ օժանդակություն չի ստացել: Բիզնեսի զարգացման ծրագրեր կան, բավականին լավ պայմաններով վարկեր են տալիս, որպեսզի սիրիահայ ձեռներեցները կարողանան գործ սկսել, բայց հանկարծ պարզում է, որ այդ գումարները տրամադրվել են մարդկանց, որոնք ամենևին էլ այդ վարկի կարիքը չունեն, իսկ փոխարենը ինքը մնացել է ձեռնունայն: Ջորջն ուզում է բարձրաձայնել այս խնդիրների մասին, որպեսզի գոնե մյուսների դեպքում դրանք չկրկնվեն: «Չգիտեմ, երևի մարդկային նախանձ է, ինձ ոչ ոք չի ուզեցել օգնել, իսկ ես Սիրիայից դատարկաձեռն գալով` ինչով որ կարողացել եմ, բոլորին օգնել եմ: Բայց ես մուրացկան չեմ, ես արվեստագետ մարդ եմ, հպարտ մարդ եմ ու իմ եղունգներովս իմ արյունը քամելով, բոլորի աչքը հանելով` պիտի մնամ էս երկրում ու փոխեմ: Ես փոխող մարդ եմ»:

Ոսկու շուկայի ձեղնահարկում գտնվող փոքրիկ, ոչ բարենպաստ պայմաններով արհեստանոցում սիրիահայ արծաթագործը ստեղծում է ուրույն զարդեր. մի մասը` մասնավոր պատվերներով, մյուս մասը` վերնիսաժում վաճառվելու համար: Դրանցից յուրաքանչյուրի վրա նա մեծ ջանք է թափում, որպեսզի թողնի, ինչպես ինքն է ասում, Ջորջի մատնահետքը: Այո, անարդարություն շատ կա, բայց ինչպես տեսնում ենք, Ջորջը հանձնվողներից չէ, նա շարունակելու է անքուն գիշերներ անցկացնել, որ ոտքի կանգնի ու իր արժանի տեղը զբաղեցնի այս երկրում: Չնայած դժվարություններին, մտածելակերպի տարբերություններին ու ամեն քայլի հանդիպող անարդարություններին` սիրիահայ արծաթագործը սիրում է իր հայրենիքն ու ամեն առավոտ լուսանկարում իր պատշգամբից երևացող Արարատը: «Ինձ շատ բան է ասում իմ հողը: Ես Հայաստան գալուց հետո շատ եմ փոխվել: Կյանքին լրիվ նորովի եմ սկսել նայել: Էս հողն ինձ շատ բան է ասել, ու հիմա ես արար աշխարհին կարող եմ հայտարարել, որ Հայաստանի հողն արվեստի հող է: Փշաքաղվելով ես դա զգում եմ: Իսկ դժվարություններից ուժեղ մարդն ավելի է ուժեղանում, ոչ թե փախչում է երկրից»:

Կարդացեք ամբողջությամբ ankakh.com-ում։

Սիրիայի Ջերաբլուսի շրջանում թուրքական հատուկ ուժերը հարձակման են ենթարկվել «Իսլամական պետություն» խմբավորման ահաբեկիչների կողմից:

Այս մասին գրում է թուրքական «Անադոլու» գործակալությունը:

«Անադոլու»-ի փոխանցմամբ` «Սիրիական ազատ բանակ» ընդդիմադիր խմբավորման զինյալների շրջանում իրենց ունեցած աղբյուրները հաղորդել են, որ թուրքական ԶՈՒ-ն հարձակմանը դիմագրավելու պահին ԱՄՆ-ի օդուժի օգնությունն է խնդրել, սակայն ամերիկյան կործանիչներն այդպես էլ չեն մոտեցել:

«Սիրիական ազատ բանակ»-ի անդամներից մեկի փոխանցմամբ՝ ԱՄՆ-ն խախտել է իր խոստումը, ըստ որի ճգնաժամային իրավիճակներում պետք է օդից աջակցություն ցույց տար թուրքական ԶՈՒ-ին:

«ԱՄՆ-ի կործանիչների մասնակցությունը գործողությանը մեր ծրագրի մի մասն էր: Խոստացել էին: Սակայն չեկան09 մեզ կես ճամփին թողեցին: Ունենք վիրավորներ, կորուստները կարող էին շատ ավելի մեծ լինել»,- նշել է «Սիրիական ազատ բանակ» խմբավորման գրոհայինը:

Հիշեցնենք, որ թուրքական հատուկ նշանակության ուժերն օգոստոսի 24-ի առավոտյան մտել են Սիրիայի տարածք՝ «Իսլամական պետություն» խմբավորման գրոհայիններից հյուսիսային Ջերաբլուս քաղաքի ազատագրման գործողության շրջանակներում:

«Աստղիկ» բժշկական կենտրոնը սրտի ստենտավորման գները մոտ երկու անգամ նվազեցրել է: Կլինիկայում նոր գները կսկսեն գործել սեպտեմբերի 1-ից, NEWS.am Medicine-ի թղթակցի հետ զրույցում ասաց «Աստղիկ» ԲԿ տնօրեն Ասատուր Ասատրյանը:

Նրա խոսքով՝ բնակչության համար այդ միջամտությունն առավել մատչելի դարձնելու ցանկութուն վաղուց կար. Հարցը քննարկվել է Առողջապահության նախարարությունում, բանակցություններ են վարվել ստենտներ եւ օգտագործվող այլ նյութեր եւ պարագաներ մատակարարողների հետ: Արդյունքում՝ հաջողվեց գները նվազեցնել, մասնավորապես մատակարարների հետ նոր պայմանավորվածությունների եւ ստենտավորման ծավալի մեծացման հաշվին:

Ասատուր Ասատրյանի պարզաբանմամբ՝ «Նատալի ֆարմ» ընկերությունը «Աստղիկ» ԲԿ համար նախկինում էլ էր ներմուծում ստենտներ եւ օժանդակ այլ պարագաներ («Նատալի ֆարմ»-ը եւ «Աստղիկ» ԲԿ-ն մտնում են «Նատալի գրուպ»-ի մեջ), սակայն վերջին բանակցությունների շնորհիվ հաջողվել է համաձայնության գալ ստենտավորման համար անհրաժեշտ արտադրանքի եւ դեղամիջոցների զգալիորեն մեծ տեսականիի ուղիղ արտադրողներից մատակարարումների շուրջ, ըստ որում՝ շատ ավելի էժան գներով, ինչը նշանակալիորեն նպաստել է սրտի ստենտավորման ինքնարժեքի նվազմանը:

NEWS.am Medicine-ն ավելի վաղ հայտնել է, որ Հայաստանում եւ հարեւան Վրաստանում ստենտավորման գների մեծ տարբերությունը հանգեցրել էր ստենտավորման նպատակով հայ հիվանդների Թբիլիսի մեկնելուն: Մեր հաշվարկներով՝ Թբիլիսիում, ի տարբերություն Երեւանի, գները երկու, երբեմն երեք անգամ ավելի էժան էին: Այնպես որ, ստենտավորման էժանացումը Հայաստանի համար անչափ հրատապ է:

«Առաջին լրատվական»-ի տեղեկություններով՝ սեպտեմբերի 2-ին գրավի դիմաց ազատ կարձակվի Նուբարաշեն քրեակատարողական հիմնարկում արդեն 30 օր հացադուլի մեջ գտնվող՝ «Նոր Հայաստան» հանրային փրկության ճակատի անդամ Անդրիաս Ղուկասյանը:

Անդրիաս Ղուկասյանի փաստաբանի պնդմամբ՝ ինչպես ազատ արձակվեցին «Ժառանգություն» կուսակցության խոսնակ Դավիթ Սանասարյանը և «Ժառանգություն» կուսակցության փոխնախագահ Արմեն Մարտիրոսյանը, նույնը պետք է կայացվեր Անդրիաս Ղուկասյանի համար: Մեր ունեցած տեղեկություններով՝ նրան ազատ արձակելու պայմանը եղել է հացադուլի դադարեցումը, քանի որ մտավախություն է եղել, որ նա ազատ արձակվելուց հետո կշարունակի հացադուլը, ինչպես վերջին նախագահական ընտրությունների ժամանակ: Եվ եթե հիմա Անդրիաս Ղուկասյանը դադարեցնի հացադուլը, նրա՝ ազատ արձակման հարցը գրեթե լուծված է:
Նույն օրը Անդրիաս Ղուկասյանին պատկանող երկու ռադիոկայանները՝ «Ռադիո հայը» և «Հայ FM»-ը բոյկոտելու են ու չեն աշխատելու:

Հիշեցնենք, որ Անդրիաս Ղուկասյանը մեղադրվում է զանգվածային անկարգություններ կազմակերպելու համար՝ ՀՀ Քրեական օրենսգրքի 225-րդ հոդվածի 1-ին մասով:

ինձ համար դժվար է անել այն, ինչ հիմա պիտի անեմ / կան երևույթներ ու հարցեր, որոնց մասին խոսքը էժանացնում, իմաստազրկում է այն / բայց , ստիպված եմ գնալ այս քայլին .. կարծում եմ, կհասկանաք ինձ ….
այն , որ Արցախի ու արցախցիների դեմ ատելություն առաջացնելու , ԱԶԳԸ պառակտելու համար հատուկ քաղաքականություն է վարվում կոնկրետ այստեղ` հանրային կարծիք ձևավորելու հարթակում, արդեն պարզ է շատերին պարզ է ու կարիք չկա երկար արծարծելու, թե ինչ աղետ կլինի, եթե այդ տականքները հասնեն իրենց նպատակին, պարզապես , եկեք ուշադիր լինենք:

Ի դեպ, իրենց բացահայտողներին սրանք կատաղի կերպով շուտափույթ փորձում են ոչնչացնել /իսկ մարդկանց տրամադրություններին ազդելու մեթոդներին տիրապետում են/ : Երբ տարիներ առաջ բացահայտել եմ այս տականքին , ով ազատություն ռադիոկայանի թղթակիցն է Չեխիայում, ոհմակով հարձակվել են ինձ վրա ` հնարավոր ու անհնար կեղտոտ արարքներ վերագրելով ինձ..

Գիտեմ, որ այս գրառումս նոր ալիք է բարձարցնելու իմ դեմ այդ վհուկի վայրահաչելու հարթակում, բայց չեմ կարող ահավոր ցավոտ այս թեման շրջանցել , ինչպես նաև , թքած ունեմ ցանակացած հաչոցի վրա:  Այնպես, որ ուշադիր կարդացեք լրագրող կոչվող այդ խառնակչի, բանսարկուի գրառումը.

Իսկ որպես պատասխան տեղադրում եմ ապրիլյան պատերազմում զոհվածների ցուցակը, որտեղ կարմիրով նշել եմ արցախցիներին /երբ կարդաք այդ բանսարկուի գրառումը, կհասկանք, թե ինչու/

Հիմա, այս ամենի մեջ ամենախորշելի բանը որ պիտի անեմ , բայց էլի ստիպված եմ

Հայաստանում ապրում է մոտ 3 մլն մարդ 
Արցախում ապրում է մոտ 150 000 մարդ 
երկու դեպքում էլ բերել եմ ԱՎԾ թվերը

Հիմա կարող եք նայել ցուցակները ու տոկոսային հարաբերությամբ գտնել բոլոր հարցերի պատասխանները..
լիահույս եմ , որ չակերտները բացելու կարիք չի լինի

ՀԳ այս գրառումն նաև մնացած վայրահաչողներին է ուղղված, տականքներ…
ուշադիր կարդացեք, որպեսզի չոռնաք աշխարհով մեկ, որ արցախցիները չեն պահում իրենց հողերը` մենք ենք պահում…

 

 

Թուրքական «Sözcü» պարբերականի սյունակագիր Ջան Աթաքլըն այսօր հրապարակած իր հոդվածում անդրադարձել է Ռուսաստանի Սանկտ Պետերբուրգ քաղաքում վերջերս տեղի ունեցած Պուտին-Էրդողան հանդիպմանը՝ ներկայացնելով ուշագրավ մանրամասներ, գրում է Ermenihaber-ը:

Պուտինը 7 նակապայման է ներկայացրել Էրդողանին, որոնց լուծման դեպքում կողմերի միջև հարաբերությունները կկարգավորվեն:

Հոդվածում, ըստ լրագրողի, Պուտինի ներկայացրած նախապայմանները հետևյալն են.

1.«Սիրիայի  նկատմամբ ձեր քաղաքականաթյունն ի սկսզբանե սխալ է ընթացել: Ձեր հաշվարկն արեցիք՝ մտածելով, որ արդյունքում Ասադը կհեռանա, սակայն բացահայտվեց, որ սխալմունք էր դա: Մենք Ասադին ենք աջակցում, դուք էլ այլևս համառությունից հրաժարվեք և ճանաչեք Ասադի գոյությունը: Ընդունեք, որ Սիրիայի խնդիրն անցնում է Ասադով:

2. Ղարաբաղը մեզ համար շատ կարևոր է: Գիտենք նաև, որ այն ձեզ համար էլ Ադրբեջանի պատճառով է կարևոր , սակայն այս հարցում այլևս զսպվածություն ցուցաբերեք: Այս խնդիրն էլ պետք է լուծում ստանա: Մեզ հակառակվելով՝խնդիրը լուծելու փոխարեն, ավելի եք բարդացնում»:

3. Ղրիմի հարցում դուք աջակցում եք մեր դեմ իրականացվող քայլերը՝ օգտագործելով պատմական կապերը:  Եվ այդ նույնն անում եք Կովկասի որոշ երկրներում նույնպես, մենք ուշադիր հետևում ենք: Սխալ եք անում: Դա խոչընդոտում է հարաբերությունների կարգավորմանը, այլ ոչ՝ բարելավմանը:

4. Ղազախստանը, Թուրքմենստանն ու Ուզբեկստանը մեր ֆեդերացիայի անդամ երկրներ են: Մենք գիտենք և հետևում ենք, որ ձեր գործակալները այդ երկրներում հետախուզական աշխատանքներ են իրականացնում և փորձում են տարածաշրջանի ժողովուրդներին մեր դեմ տրամադրել: Վերջ տվեք: Մենք դրա վառ ականատեսը լինելով՝ դա թույլ չենք տա:

5. Այն դեպքում, երբ Սիրիայում բուն վտանգը «Իսլամական պետություն» ահաբեկչական և նմանատիպ այլ խմբավորումն է, դուք ձեր ուշադրությունը հրավիրում եք Սիրիայի քրդական «Ժողովրդավարական միություն կուսակցության» (PYD) վրա: PYD-նմեզ համար էլ է կարևոր: Որևէ քայլ անելիս՝ այդ մասին մի մոռացեք: Հակառակ դեպքում տարածաշրջանը ոչ ցանկալի իրադարձությունների թատերաբեմ կարող է դառնալ:

6. Վերջ տվեք Սիրիա զենքի և զինամթերք ուղարկելուն: Ձեր սահմանները բաց են պահվում ահաբեկչական կառույցների և Ռուսաստանի շահերին դեմ հանդես եկողների համար: Վերահսկեք ձեր սահմաններն ու  հանդուրժողականություն մի ցուցաբերեք ահաբեկչական կազմակերպություններին:

7. Երկու երկիների միջև փոհադարձ վստահությունն ու անկեղծությունը շատ կարևոր է: Ներքին քաղաքականության դեպքում հասկանելի է, սակայն մի շարք թուրք նախարարների և պաշտոնյաների հակառուսական հայտարարությունները մեզ չափազանց անհանգստացնում են: Հատկապես մեր ինքնաթիռի խուցումից հետո արված որոշ հայտարարություններ չեն կարող մոռացվել: Այսուհետ, կխնդրեմ, ավելի զգույշ լինեն»:

Ի դեպ, սյունակագիրը նշել է, որ այս 7 կետերին «նախազգուշացում» ասելը կարող է մի փոքր «շատ լինել»: Դրա փոխարեն նա առաջարկել է դրան ընկալել որպես «պայման»: