Հանրապետության տարածքում` 

Մարտի 1-4-ը սպասվում է առանց տեղումների եղանակ, 5-ին առանձին շրջաններում սպասվում է անձրև:

Քամին՝ արևմտյան` 2-7 մ/վրկ արագությամբ:

Օդի ջերմաստիճանը 1-3-ը աստիճանաբար կբարձրանա 4-6 աստիճանով:

Երևանում՝

Մարտի 1-4-ը սպասվում է առանց տեղումների եղանակ, 5-ին հնարավոր է անձրև:

Երևանի մարտի 1-ի բազմամյա կլիմայական տվյալներ.

• Օդի առավելագույն ջերմաստիճան`  15.9<sup>0</sup>C (1986 թ.)
• Օդի նվազագույն ջերմաստիճան`     -24.6⁰C (1972 թ.)
• Օդի միջին օրական ջերմաստիճան` 1.3⁰C

«Գոհ եղիր, որ դու ողջ ես մնացել». մանկաբարձ-գինեկոլոգը` ծննդկանին»  «Փաստինֆո» կայքում այս վերտառությամբ 02/07/2016 թվականին հրապարակված հոդվածի հիման վրա նախապատրաստված նյութերով քրեական գործի հարուցումը մերժվել է՝ քրեական պատասխանատվության ենթարկելու վաղեմության ժամկետներն անցնելու հիմքով:

Հիշեցնենք,  որ 2010թ. նոյեմբերի 16-ին «Շենգավիթ» բժշկական կենտրոնում ծնվել է տղա երեխա, ում ծնունդն ընդունել է տվյալ ԲԿ-ի մանկաբարձ-գինեկոլոգ Շուշանիկ Բախշյանը:

Կնոջ առաջին հղիությունն է եղել, և հղիության ողջ ընթացքը հսկել է մանկաբարձ-գինեկոլոգ Շուշանիկ Բախշյանը:

Վերջինս 38 շաբաթականում որոշել է կնոջը ծննդալուծել  բնական ճանապարհով, երեխան ծնվել է ծայրահեղ ծանր վիճակում և քանի որ երեխայի քաշը եղել է 5 կիլոգրամ, ստիպված են եղել կիրառել բոլոր հնարավոր ու անհնար հնարքները՝ երեխային դուրս բերելու համար:

Բազմակի քաշքշոցների ու սեղմումների հետևանքով երեխան ստացել է աջ բազկային բոլոր հյուսվածքների վնասվածք (тотальный акушерский парез правого плечевого сплетения), բոլոր 5 նյարդերը պոկվել էին, որից երկուսը՝ ողնուղեղից:

Երեխայի մայրը մեզ հետ զրույցում նշել էր, որ իր երեխան ծնվելուց շատ ծանր վիճակում է եղել,  չի կարողացել դուրս գալ, խեղդվել է, և հաշվել են, որ նորածինը ծնվել է մահացած: Աբգարի սանդղակով գնահատել են նորածին որդու -1, բացի այդ երեխայի ամբողջ մարմնի վրա եղել են եղունգների ճանկռած հետքեր, կապտուկներ:

Երբ երեխայի մայրը հարցրել է, թե ինչու՞ իր երեխան ձեռքը ընդհանրապես չի շարժում, Շուշանիկ Բախշյանը ասել է, որ ուսի շրջանում կապտուկի գեմատոմա է առաջացել, ցավի պատճառով երեխան չի կարողանում շարժել ձեռքը, ավելացնելով՝ «հիմա դա է կարևոր, գոհ եղիր, որ դու ողջ ես մնացել»:

Երեխայի հայրն էլ նշել էր, որ ծննդատան բաժանմունքի վարիչը խոստովանել է, որ ծնվելու ժամանակ երեխային տրավմայի են ենթարկել, և որ դա իրենց մեղավորությունն է` հավելելով, որ այս պահին դա չէ կարևորը, կարևորը՝ երեխան ողջ մնա»:

5 ամսական Էմիլը Գերմանիայում ենթարկվել է բարդագույն վիրահատության, երեխայի բուժումը շարունակվում է, և դեռ առջևում սպասվում են բազմակի ծանր վիրահատություններ:

«Փաստինֆո»-ում հրապարակված այս հոդվածը Շենգավիթ վարչական շրջանի դատախազությունից  նյութեր նախապատրաստվելու ցուցումով  ոստիկանության Շենգավիթի բաժին էր ուղարկել:

Պարզվել է, որ նյութերի նախապատրաստման ընթացքում «Շենգավիթ» ԲԿ-ի մանկաբարձ-գինեկոլոգ Շուշանիկ Բախշյանը հրաժարվել է ներկայանալ ոստիականության Շենգավիթ բաժին և տալ բացատրություն, Բախշյանը դիմումով հայտնել է, որ օգտվում է իր և իր աշխատանքի վերաբերյալ տեղեկություններ չտրամադրելու իրավունքից:

Իսկ 5-ամյա Էմիլի մայրը հայտնել է, որ որդու հետ կապված տեղեկություններ մանրամասն ներկայացրել է լրատվամիջոցին՝ հավելելով, որ որպես հանցագործության մասին հաղորդում՝ հիմք ընդունվի նշված կայքի հրապարակումը:

Բացի այդ, 5-ամյա Էմիլի մայրը նաև նշել է, որ թեև իր որդու ձեռքի հետ կապված խնդրի մեղավորը Շուշանիկ Բախշյանն է, սակայն նրա դեմ, որևէ բողոք չի ներկայացնում:

ՀՀ քննչական կոմիտեի Երևան քաղաքի  քննչական վարչության Շենգավիթի քննչական բաժնում «Փաստինֆո»-ի այս հրապարակման հիման վրա նախապատրաստված նյութերով քրեական գործի հարուցումը մերժվել է՝ հիմք ընդունելով ՀՀ քրեական դատավարության օրենսգրքի 35-րդ հոդվածի 1-ին մասի 6-րդ կետով, 181-րդ և185-րդ հոդվածներով և վճռաբեկ դատարանի՝ 2011թ. փետրվարի 24-ի ԵԿԴ/0176/01/09 որոշման պահանջներով:

pastinfo.am

Թվով 6 քաղաքական ուժեր այսօր Մարտի 1-ի արյունալի իրադարձությունների 8-րդ տարելիցի կապակցությամբ հանդես են եկել հայտարարությամբ:Դրանում, մասնավոարպես, նշվում է.

2008 թվականի մարտի 1-ին իշխանության կողմից խաղաղ ցուցարարների գնդակոծումը, որին զոհ գնացին առնվազն տասը անձ, հրազենային վիրավորում ստացածների թիվը հասավ շուրջ հիսունի եւ ավելի քան հարյուր հոգի ենթարկվեցին բանտարկության ու ապօրինի քաղաքական դատավճիռների, աննախադեպ էին հայ ժողովրդի պատմության մեջ: Դեպքերից ութ տարի անց էլ, չնայած Հայաստանի հասարակության եւ միջազգային կազմակերպությունների հետեւողական պահանջներին, որեւէ մեկը չի կրել պատասխանատվություն եւ չի պատժվել այդ ոճրագործության համար: Այդ կապակցությամբ հայտարարում ենք.

1. Համոզված լինելով, որ հանցագործության պարտակումը անխուսափելիորեն հանգեցնում է դրա կրկնությանը, մենք հետեւողականորեն տանելու ենք մեր Դատը, որպեսզի Մարտի 1-ի ոճրագործության բոլոր հրաման տվողները, կազմակերպիչներն ու կատարողները պատասխան տան Հայաստանի Հանրապետության արդարադատության առջեւ: Այդ նպատակով օգտագործելու ենք պայքարի բոլոր օրինական միջոցները, ներառյալ՝ զանգվածային հանրային միջոցառումները, խորհրդարանում հարցի բարձրացումը, միջազգային կառույցներում եւ դատական ատյաններում խնդրի արծարծումը:

2. Մարտի 1-ի հանցագործությունների պարտակումը պարարտ հող ստեղծեց պետական բռնաճնշումների եւ ահաբեկչության ծավալման համար: 2008 թվականից մինչ օրս գրեթե չի եղել մի ժամանակահատված, երբ Հայաստանն ապրեր առանց քաղբանտարկյալների: Դրա ցայտուն դրսեւորումն է «Նոր Հայաստան» հանրային փրկության ճակատի ներկայացուցիչ Գեւորգ Սաֆարյանի հետ կատարվածը: Հայաստանում պետք է բացառվի քաղաքական հայացքների համար մարդուն դատապարտելու կամ հալածելու երեւույթը: Հանրահավաքի անունից պահանջում ենք անհապաղ ազատ արձակել Գեւորգ Սաֆարյանին եւ մյուս բոլոր քաղբանտարկյալներին:

3. Մարտի 1-ի ոճրագործությունն առաջին հերթին հետեւանք է Հայաստանում իշխանությունը յուրացրած բռնապետական ռեժիմի կողմից ընտրությունների կեղծմամբ ժողովրդի կամարտահայտությունն անտեսելու եւ այդ կեղծիքի դեմ ելնող ժողովրդի խաղաղ ցույցերը ուժի անօրինական գործադրմամբ ճնշելու: Ոստիկանական ուժի զանգվածային ներգրավման ու դրա կիրառման սպառնալիքի եւ համակարգված ընտրախախտումների ու բռնությունների միջոցով 2015 թվականի դեկտեմբերի 6-ի սահմանադրական հանրաքվեի արդյունքների կեղծումը, ինչպես նաև կեղծարարության դեմ բողոքի ակցիաների մասնակիցների նկատմամբ հետագա բռնություններն եւս մեկ անգամ հաստատեցին, որ ռեժիմը շարունակում է Մարտի 1-ի տրամաբանության զարգացմամբ մերժել ժողովրդի քվեն եւ յուրացնել իշխանությունը: Մարտիմեկյան ոճրագործության կրկնությունը հնարավոր է բացառել եւ բռնապետության դեմ պայքարը հաջողել միայն ռեժիմի հեռացմանն ուղղված` սահմանադրականության եւ օրինականության շրջանակներում ժողովրդական լայն դիմադրության ձեւավորմամբ, որը կապահովի ընտրակեղծարարության մեքենայի կազմաքանդումը, օրինական ընտրությունների անցկացումը եւ օրինակարգ իշխանության ձեւավորումը:

4. Ութ տարի շարունակ մարտի 1-ը համաժողովրդական ընդգրկմամբ նշվում է որպես 2008 թվականի մարտի 1-ի զոհերի հիշատակի եւ պետական ահաբեկչության ու բռնաճնշումների դեմ համազգային բողոքի օր: Մենք սատարում ենք ժողովրդի կողմից արդեն իսկ նշվող այդ օրը պետական հիշատակի օրերի մեջ ներառելու վերաբերյալ Հայ ազգային կոնգրես խորհրդարանական խմբակցության նախաձեռնությանը:

Ազգային ինքնորոշում միավորում

Հայ ազգային կոնգրես

Հայաստանի ժողովրդական կուսակցություն

«Հայաստան» ժողովրդական նախաձեռնություն

«Նոր Հայաստան» հանրային փրկության ճակատ

«Քաղաքացիական պայմանագիր» կուսակցություն

«Օսկար»-ի մրցանակաբաշխությունը աչքի է ընկնում նաև աստղերի կողմից աշխարհի լավագույն դիզայներների զգեստների ցուցադրությամբ:

Կա մի հետաքրքիր պատմական ավանդություն, թե ինչու է փետրվարի 29, 30-ը դուրս եկել օրացույցից։ Երբ Հայաստանի թագավորն էր Հռոմի դրածո Սոհեմոսը, մ․թ․161թ․-ին պարթև գահակալ Խոսրով 3-րդը ներխուժում է Հայաստան, իրեն համակրող Հայոց վերնախավի որոշ հատվածի օգնությամբ գահընկեց անում Սոհեմոսին և Հայոց գահին նստեցնում Բակուրին։

Եկեղյաց գավառի տարածքում 161թ․-ին տեղի է ունենում ճակատամարտ հայ-պարթևական զորքերի և հռոմեական բանակի միջև, որն ավարտվում է հայ-պարթևական ուժերի փայլուն հաղթանակով և հռոմեական բանակի ջախջախմամբ։ Այնքան մեծ է լինում այդ ճակատամարտի արձագանքը հռոմեական պատմության վրա, որ, հետագայում, հռոմեացիները ճակատամարտի օրերը՝ փետրվարի 29,30-ը, հանում են հռոմեական տոմարից։

Լևոն Ստեփանյանը ֆեյսբուքյան իր էջ

Ադրբեջանն այլեւս չի կարողացել թաքցնել Գաբալայի շրջանի Քյոթուքլու գյուղի 25 բնակիչների (ութ ընտանիքի անդամներ)` Լեռնային Ղարաբաղի Հանրապետություն անցնելու փորձը:

ՀՀ կրթության և գիտության նախարար Լևոն Մկրտչյանը շրջաբերական է ուղարկել ՀՀ մարզպետներին և Երևանի քաղաքապետին` առաջարկելով համապատասխան հանձնարարականներով բացառել ուսումնական հաստատություններում Մարտի 8-ի և Ապրիլի 7-ի տոնական միջոցառումների շրջանակում պարտադրված դրամահավաքի դրսևորումները:

ՀՀ ԿԳՆ ենթակայության դպրոցների տնօրենները ևս ստացել են համապատասխան հանձնարարականներ:

Նախքան դատապարտելը միշտ պետք է մտածել, չի՞ կարելի արդյոք արդարացում գտնել:

Լիխտենբերգ

Գիտնականների կարծիքը բախվում է, երբ խոսքը գնում է սեքսի իդեալական թվի մասին, բայց բոլորն էլ վստահ են, որ սեքսը անհրաժեշտ է բոլորին, այդ թվում նաեւ ճգնաժամային տարիներին: Ռուսաստանյան հեղինակավոր Gazeta.ru-ն բերել է մի շարք փաստարկներ, որոնք համոզում են, որ սեքսը ոչ միայն օգտակար է, այլ նաեւ անհրաժեշտություն:  

Սեքսը բարենպաստ ազդեցություն է ունենում հարաբերությունների վրա, նպաստում է առողջության պահպանմանը, եւ ընդհանրապես, դժվար է գտնել մի պատճառ, որը ձեզ հուշի, որ չպետք է զբաղվեք սեքսով, երբ նման հնարավորություն է առաջացել: Բայց իրականությունը չի ննջում: Ճգնաժամային իրավիճակներում նվազում է ոչ միայն մեր եկամուտը, այլ նաեւ լիբիդոն:

«Ճգնաժամային իրավիճակում սեքսուալ պահվածքի փոփոխության երկու միտում է նկատվում. մի կողմից մարդիկ ավելի քիչ էներգիա են ունենում, առաջանում է անտարբերություն, տագնապ, խրոնիկ հոգնածություն, որը կարող է վերաճելդեպրեսիայի, մյուս կողմից, ճգնաժամային իրավիճակում սեքսը դառնում է զվարճանալու ամենադյուրին եւ մատչելի միջոցներից մեկը,- կարծում է հոգեբան, հոգեբույժ Մարիա Դավիդովան: — Եւ մեկը եւ մյուսը ունեն թերություններ:

Երբ դադարում ենք ուշադրություն դարձնել մեր ինտիմ կյանքից, դրանք հանգեցնում են այլ խնդիրների. սկսում ենք վատ վերաբերվել մեր օրգանիզմին եւ նրա պահանջներին, սառում ենք մերզուգընկերոջ նկատմամբ կամ դադարում ենք գտնել զուգընկեր, իսկ երբ սեքսին վերաբերվում ենք որպես հակաստրեսային միջոց, դրանով վնասում ենք մտերմությանը: 

Մենք մշտապես պետք է հիշենք, որ սեքսի նկատմամբ առողջ եւ ուշադիր վերաբերմունքը մեզ նոր էներգիա է տալիս: Տալի է այնպիսի էներգիա, որը մեզ կօգնի հաղթահարել ճգնաժամային այս փուլը»:

«Մշտական ստրեսը հանգեցնում է նրան, որ շատերը հրաժարվում են սեքսից կամ զբաղվում են սովորականից ավելի քիչ,- ավելացնում է հոգեբան Աննա Սոբոլեւան:- Իրականում, դա մեծ սխալ է: Չէ որ հենց սեքսն է օգնում հաղթահարել ճգնաժամը հնարավորին չափ քիչ կորուստներով:

Բացի այն, որ սեքսը լիցքաթափման հրաշալի միջոց է, դա նաեւ շփում է, հուզական եւ ֆիզիկական մերձեցում զուգընկերոջ հետ, ինչը օգնում է հաղթահարել մենակության զգացումը:

Սեքսը նաեւ ժամանակ է, որն օգտագործում ես հենց քո համար: Կարելի է սեքսի ժամանակ մոռանալ բոլոր խնդիրների մասին եւ կենտրոնանալ զգացմունքների վրա: Դուք կարող եք դադար վերցնել եւ հիանալ կյանքով, չմտածելով ոչնչնի մասին: Սա լիցքաթափվելու, նոր էներգիա ձեռք բերելու հրաշալի միջոց է»:

Կարծում եմ այլեւս փաստեր պետք չեն, որ հասկանաք, թե ինչ կարեւոր եւ օգտակար է սեքսը, բայց եթե դրանք ձեզ ինչ-ինչ պատճառներով պետք են, ապա ահա դրանք: Ուշադրություն դարձրեք նրան, թե որքան հաճախ պետք է զբաղվենք սեքսով:

1. Եթե դուք ունեք զուգընկեր, որի հետ տարիներ շարունակ զբաղվում եք սեքսով, ապա կարող եք սեքսով զբաղվել շաբաթը մեկ անգամ: Ավելին, բրիտանացի գիտնականները պնդում են, որ այդ դեպքում ավելի հաճախակի սեքսը կարող են վնասել փոխհարաբերություններին: Սեքսով չափից դուրս շատ զբաղվելն այն վերածում է պարտականության, տհաճ պարտականության:

Այնպես որ, եթե դուք վաղուց միասին եք եւ սեքսով սկսել եք քիչ զբաղվել, ապա դա լավ է, եւ չմտածեք, թե ծերանում եք:

2. Ամերիկացի գիտնականներն էլ պարզել են, որ այն ուսանողները, որոնք շաբաթը գոնե մեկ կամ երկու անգամ սեքսով են զբաղվում, հիվանդանում են նույնքան անգամ քիչ, քան նրանք, ովքեր սեքսով պարբերաբար չեն զբաղվում:

Սեքսով պարբերաբար զբաղվելը օգնում է իմունիտետի բարձրացմանը:

3. Չիկագոյի համալսարանում էլ ապացուցել են, որ սեքսը մարմնամարզության նման է. որքան շատ ես զբաղվում, այնքան ավելի լավ է ստացվում: Բարձրանում է լիբիդոն, ավելիուժեղ եք դառնում եւ ավելի ամուր իմունիտետ եք ունենում:

Ի դեպ, սեքսը հեծանիվ քշելու նման չէ, եթե երկար ժամանակ չզբաղվեք, ապա հմտությունները կկորցնեք: Այնպես որ, սեքսով պարբերաբար զբաղվեք, ոչ քիչ, քան շաբաթը երեք անգամ:

4. Ոչ միայն սեքսն է նորմալացնում արյան ճնշումը, այլ նաեւ միտքը առաջիկա սեքսի մասին: Այս փաստը գիտականորեն ապացուցել է դոկտոր Ջոզեֆ Փինզոնը: Նա խորհուրդ է տալիս սեքսով ամեն օր զբաղվել կամ գոնե ամեն օր մտածել սեքսի մասին:

5. Հենց այդ նույն դոկտորը ապացուցել է, որ սեքսի ժամանակ րոպեում այրում եք 5 կալորիա: Եթե կարծում եք, որ դա քիչ է, ապա հեռուստացույց առաջ նստած այրում եք հինգ անգամ ավելի քիչ:  

6. Մինեապոլիսի գիտնականներն էլ համոզված են, որ առնվազն երկու անգամ սեքսը մեկ շաբաթում հրաշալի միջոց է սիրտն առողջ պահելու համար: Սեքսը օգնում է նորմալացնել տեստոստերոնի եւ էստրոգենի քանակը:

Որքան քիչ եք զբաղվում սեքսով, այնքան մեծ է հավանականությունը, որ ձեր սիրտը կհիվանդանա:

7. Նյու Ջերսիի համալսարանում եկել են այն եզրահանգման, որ սեքսը նաեւ լավ ցավազրկող է: Եթե գլխացավ ունեք, ապա ավելի լավ է սեքսով զբաղվեք: Հավատացեք, արագ կանցնի ձեր գլխացավը:

Ինչպես տեսնում եք, գիտնականները միակարծիք չեն այն հարցում, թե քանի անգամ պետք է զբաղվել սեքսով, բայց որ պետք է զբաղվեք պարբերաբար՝ ակնհայտ է:

top-news.am