Տերը գիտի աստվածապաշտներին փրկել իրենց փորձություններից, իսկ անիրավներին պահում է դատաստանի օրվա տանջանքներին մատնելու համար, մանավանդ նրանց, ովքեր հետևում են մարմնական պղծալի ցանկություններին և արհամարհում են Աստծու տերությունը։ Այս ինքնահավան և հանդուգն սուտ ուսուցիչները չեն վախենում հոգեղեն փառավոր էակներին անարգելուց։ Մինչդեռ հրեշտակները, զորությամբ և կարողությամբ իրենցից շատ ավելի մեծ լինելով, նրանց մասին որևէ անարգալից ամբաստանություն չեն անում Տիրոջ առաջ։ Բայց այս մարդիկ իրենց չհասկացած բաներն են անարգում։ Եվ ինչպես իրենց բնազդներին հետևող անբան անասունները, որ սահմանված են որս լինելու և սպանվելու համար, այդպես էլ սրա՛նք պիտի կորչեն անասունների նման. և այդ պատիժը ուրիշներին հասցրած նրանց չարիքների հատուցումը կլինի։ Սրանք օրը ցերեկով իրենց զեխ ցանկությունները կատարելուց հաճույք են զգում: Սրանց աչքերը շնացող կանանց են փնտրում միայն և չեն հագենում մեղք գործելուց։ Այս անիծյալները թույլ մարդկանց են փնտրում խաբելու համար, և նրանց խելքն ու միտքը դրամ դիզելու վրա է։

Այս մարդիկ իմաստից զուրկ մեծ-մեծ խոսքեր բարբառելով և մարմնական անառակ ցանկություններ գրգռելով՝ մոլորեցնում են նրանց, որոնք հազիվ էին փախել ուրիշ մոլորությունների մեջ ապրող մարդկանցից։ Նրանց ազատություն են խոստանում, մինչդեռ իրենք գերի են կորստի տանող մոլությունների։ Արդարև, մարդն ինչ բանի որ ենթարկում է ինքն իրեն, նրա գերին է լինում։ Նրանք, ովքեր մեր Տիրոջն ու Փրկչին՝ Հիսուս Քրիստոսին ճանաչելով՝ աշխարհի պղծություններից մի անգամ հեռանալուց հետո վերստին են ընկնում նույն պղծությունների մեջ, նրանց վիճակը կլինի շատ ավելի վատ, քան նախկին վիճակը։ Ավելի լավ կլիներ, որ նրանք բնա՛վ ճանաչած չլինեին արդարության ճանապարհը, քան թե ճանաչելուց հետո հեռանային իրենց ավանդված սուրբ պատվիրանից։ Որքա՜ն են նրանց պատշաճում Առակաց գրքի հետևյալ ճշմարիտ առածները. «Շունն իր փսխածին է վերադառնում», իսկ մյուսը՝ «Ինչքան էլ լվանաս խոզին, դարձյալ կթավալվի տիղմի մեջ»։

(Պետրոս առաքյալի երկրորդ նամակը 2:9-22)

Ռուբեն աբեղա Զարգարյանի ֆեյսբուքյան էջից

Մայիսի 29-ին, ժամը 02.00-ի սահմաններում, «ՎԱԶ-21099» մակնիշի ավտոմեքենան Ճամբարակ-Դրախտիկ ճանապարհի 8-րդ կմ-ին դուրս է եկել երթևեկելի գոտուց և կողաշրջվել:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

Հայաստանի Հանրապետության վարչապետ Հովիկ Աբրահամյանի գլխավորած պատվիրակությունը, Չեխիայի Հանրապետության վարչապետ Բոհուսլավ Սոբոտկայի հրավերով, պաշտոնական այցով հունիսի 1-3-ը կմեկնի Չեխիայի Հանրապետություն:
Պրահայում վարչապետ Հովիկ Աբրահամյանը հանդիպում կունենա Չեխիայի վարչապետ Բոհուսլավ Սոբոտկայի հետ: Երկու երկրների վարչապետների առանձնազրույցին կհաջորդի ընդլայնված կազմով հանդիպումը, որից հետո տեղի կունենան երկկողմ համագործակցության մասին փաստաթղթերի ստորագրման արարողությունը և Հայաստանի ու Չեխիայի վարչապետների համատեղ մամուլի ասուլիսը: Հաջորդիվ Հովիկ Աբրահամյանը և Բոհուսլավ Սոբոտկան կմասնակցեն հայ-չեխական գործարար համաժողովի բացմանը:
Պաշտոնական այցի շրջանակում ՀՀ վարչապետը Պրահայում հանդիպումներ կունենա Չեխիայի Հանրապետության Սենատի նախագահ Միլան Շտյեխի, խորհրդարանի պատգամավորների պալատի նախագահ Յան Համաչեկի, Պրահայի արքեպիսկոպոս Կարդինալ Դոմինիկ Դուկայի հետ: Նախատեսվում է նաև Հովիկ Աբրահամյանի հանդիպումը Չեխիայի հայկական համայնքի ներկայացուցիչների հետ:
ՀՀ վարչապետը կայցելի նաև Պրահայի Լիդիցե հուշահամալիր, ծաղկեպսակ կդնի Երկրորդ աշխարհամարտի ժամանակ զոհված միլիոնավոր երեխաներին նվիրված հուշարձանին և Չեխիայի մշակույթի նախարար Դանիել Հերմանի հետ կմասնակցի «Ընդհատված մանկություն. Հայոց ցեղասպանության զոհ մանուկները» ցուցահանդեսի բացմանը:

Սերը կրքերից ամենաուժեղն է, որովհետև նա միանգամից տիրանում է գլխին, սրտին և մարմնին:

Ֆ. Վոլտեր

Իսկական սերը  մաքրում, վեհացնում է ամեն մի մարդու, կատարելապես վերափոխում է նրան:

Ն. Գ. Չերնիշեսկի

Կյանքում ամենամեծ երջանկությունն այն հավատն է, որ քեզ սիրում են:

Վ. Հյուգո

Ոչ մի բան այնպես չի հնազանդեցնում, չի մեղմացնում տղամարդու սիրտը, ինչպես այն բանի գիտակցումը, որ նրան սիրում են:

Հ. Սենկևիչ
 

Սիրո դեմ կան զանազան դեղեր, բայց ոչ մեկը հուսալի չէ:

Ֆ. Լարոշֆուկո

Տղամարդը և կինը երկու նոտաներ են, առանց որոնց մարդկային հոգու լարերը չեն տալիս ճիշտ և լրիվ ակորդ:

Ջ. Մաձինի

Կուլտուրայի բարձր մակարդակը որոշվում է կնոջ նկատմամբ ունեցած վերաբերմունքից:

Մ. Գորկի

Աղջկա պատիվը նրա ամբողջ հարստությունն է, այն թանկ է ամեն մի ժառանգությունից:

Վ. Շեքսպիր

Այնտեղ, ուր կա կնոջ, աղջկա խստությունն ու պահանջկոտությունը, պատանին դառնում է իսկական տղամարդ:

Վ. Ա. Սուխոմլինսկի

Չինաստանի Հունան նահանգի հանքահորերից մեկում գազի արտահոսքից տեղի ունեցած պայթյունի հետեւանքով 2 մարդ է զոհվել, եւս 6-ը արգելափակված են  մնացել հողի տակ։ Այս մասին գրում է ՏԱՍՍ-ը՝ վկայակոչելով Չինաստանի կենտրոնական հեռուստաընկերությանը։

Իշխանությունների տվյալներով՝ վթարի պահին հանքում եղել է 11 հանքափոր, որոնցից 3-ը ինքնուրույն դուրս են եկել հանքից։

news.am

«Քաղաքացիական պայմանագիր» կուսակցության վարչության անդամ Նիկոլ Փաշինյանին զարմացնում է պնդումը, թե հայ ժողովուրդը առաջնորդների հետևից է գնում և նորաստեղծ կուսակցության համար այդքան էլ հեշտ չի լինի առանց «սուպերլիդերի» հաջողություն ունենալ:
«Կարծում եմ՝ մեր ժողովուրդը սիրում է անկեղծություն և սիրում է, երբ իր հետ ազնիվ են լինում, բաց են լինում և հնարավորություն է ունենում մասնակցելու պրոցեսների ու որոշումների կայացմանը» -լրագրողների հետ զրույցում ասաց նա:
Նշենք, որ մինչ այդ Նիկոլ Փաշինյանը հայտարարել էր,  թե կուսակցությունում սուպերլիդեր չի լինի, կուսակցությունում որոշումները կընդունվեն կոլեգիալության սկզբունքով:

Հարցին, թե «Քաղաքացիական պայմանագիր»–ը ստացվում է ոչ միայն ընդդիմություն է իշխանությանը, այլ ընդդիմություն է նաև ընդիմությանը՝ հաշվի առնելով քննադատական ելույթները ուղղված նաև ընդդիմադիր դաշտին, Փաշինյանը պատասխանեց. «Ես չգիտեմ ընդդիմություն ասելով ում նկատի ունեք: Մենք ընդդիմությունն ենք»:
Նիկոլ Փաշինյանը նաև նշեց, որ պետք է հասկանալ, որ մինչև Հայաստանում չձևավորվի ինստիտուցիոնալ ընդդիմություն, Հայաստանում տեղի չի ունենալու իշխանափոխություն. «Դրա համար ստեղծում ենք ինստիտուցիոնալ ընդդիմություն»:

Նա օրինակ բերեց, եթե ուզում ես որևէ գործ անել, պետք է ունենաս այդ գործն անելու գործիքը: «Եթե  գրողը չունի թուղթ ու գրիչ, կամ համակարգիչ, ինքը չի կարող վեպ գրել, ինքը կարող է անընդհատ խոսել վեպ գրելու մասին, բայց քանի դեռ իր սեղանին դրված չէ թուղթ ու գրիչ, կամ համակարգիչ, կամ գրամեքենա, և կամ անհրաժեշտ գործիքը, նա վեպ այդպես էլ չի գրի: Հիմա մենք, այդ թվում իմ քաղաքական գործունեության հետևությունը հետևյալն է, որ քանի դեռ չկա  գործիքը, գործը հնարավոր չէ անել: Իշխանափոխության գործիքը  ինստիտուցիոնալ ընդդիմությունն է և մենք ստեղծում ենք դա»,-ասաց նա:

Իսկ թե նոր կուսակցությունը պատրա՞ստ է համագործակցել խորհրդարանական և արտախորհրդարանական ընդդիմադիր ուժերի հետ, Փաշինյանը նշեց, որ որևէ ուժի հետ համագործակցության հարց քննարկելու համար պետք է հասկանալ, թե ինչ խնդիր է դնում իր առաջ տվյալ ուժը, ինչ միջոցներով է փորձում հասնել դրանց իրագործմանը, համագործակցող կողմերից յուրաքանչյուրն ինչի համար է պատասխանատու:

«Երբ կլինի կոնկրետ օրակարգ, որը մեր քաղաքական ծրագրերի շրջանակում լինի, իհարկե, պատրաստ ենք համագործակցել»,- ասաց նա։
Դիտարկմանը, որ «Հիմնադիր խորհրդարանն» այսօր երեկոյան կոնկրետ օրակարգով հանրահավաք է հրավիրում արդյո՞ք նոր հիմնադրված կուսակցությունը չի ցանկանում մասնակցել, Փաշինյանը պատասխանեց. «Արդեն ասել եմ իմ ելույթում՝ քանի դեռ ՀՀ-ում չկա ինտիտուցիոնալ ընդդիմություն, ռեժիմը չի հեռանալու, ռեժիմին չեն հեռացնելու»:
Նկատառմանը, թե «Քաղաքացիական պայմանագի՞րն» է միայն ինստիտուցիոնալ, Նիկոլ Փաշինյանը պատասխանեց. «Եթե լինեինք ինստիտուցիոնալ ընդդիմություն, ռեժիմը արդեն հեռացած կլիներ, մեր խնդիրն է ստեղծել նման ընդդիմություն, որը կհասցնի իշխանափոխության. ռեժիմին կարող է հեռացնել միայն ինստիտուցիոնալ ընդդիմությունը»:

tert.am

Բազմաստիճան հրամանատարաշտաբային զորավարժության ստուգատեսի մեկնարկի կապակցությամբ մայիսի 30-ին 5-րդ բանակային զորամիավորում է այցելել պաշտպանության նախարար Սեյրան Օհանյանը:

Պաշտպանական գերատեսչության ղեկավարին ուղեկցում էին ԶՈՒ ԳՇ պետի տեղակալ, գեներալ-լեյտենանտ Լյովա Մնացականյանը, ՊՆ աշխատակազմի ղեկավար Գառնիկ Հայրապետյանը և այլ բարձրաստիճան զինվորականներ:

Այցի նպատակն էր ունկնդրել ստուգատեսի մեջ ներգրավված անձնակազմի՝ մարտական պատրաստականության աստիճանների բերման, ժամանակակից համազորային մարտ իրականացնելիս զինծառայողների՝ ըստ կենտրոնացման շրջանների ծավալման, ինչպես նաև մարտական իրադրության զարգացման պայմաններում հրամանատարների, շտաբների և զորավարժությանը ներգրավված ամբողջ անձնակազմի առջև դրված խնդիրների վերաբերյալ զեկույցները:

Լսելով զինանձնակազմի՝ մարտական պատրաստականության աստիճանների բերման, հակառակորդի խոցման, պաշտպանական, հարձակողական և հակահարձակողական գործողությունների ժամանակ զորամիավորման պատրաստվածության մասին գեներալ-մայոր Իշխան Մաթևոսյանի զեկույցը՝ նախարար Սեյրան Օհանյանը առաջադրված խնդիրների վերաբերյալ կատարեց որոշակի ճշտումներ, տվեց մի շարք հանձնարարականներ:

Ընդհանուր առմամբ բազմաստիճան հրամանատարաշտաբային զորավարժության նպատակն է կատարելագործել զորամիավորումների, հրամանատարների և շտաբների գործնական ունակությունները ստորաբաժանումները մարտական պատրաստականության աստիճանի բերելիս, մարտական գործողություններ կատարելիս և համակողմանի ապահովումներ կազմակերպելիս, ինչպես նաև բարձրացնել ստորաբաժանումների միջև ներդաշնակումը, փոխգործակցության մակարդակը, անձնակազմի բարոյահոգեբանական հատկանիշներն ու դաշտային վարժվածության մակարդակը:

2003 թվականի հուլիսի 25-ին` Նուբարաշենի խճուղու վրա, մի խումբ անձինք կրակահերթ էին արձակել տաքսի ավտոմեքենայի վրա, որի հետևանքով սպանվել էր ավտոմեքենայի վարորդը՝ Սաշիկ Սուրենի Հակոբյանը, ՀՀ ՊՆ բուժվարչության պետի տեղակալ Գարեգին Խաչատուրի Հարությունյանը և Ռուգեն Գևորգյանի (Ծաղիկ Ռուբո) եղբոր որդի Արկադի  Գևորգյանը: Նրա մյուս եղբայրը՝ Արտյոմ Գևորգյանը հրազենային  վնասվածքներով  տեղափոխվել էր հիվանդանոց,  որտեղ նրա կյանքը բժշկական միջամտության շնորհիվ փրկվել էր։

Փաստի առթիվ հարուցվել էր քրեական գործ, որի նախաքննությունը տևեց ավելի քան 10 տարի՝ նոր սպանությունների առիթ դառնալով:

Սակայն, մինչ այդ պարզվեց, որ այս սպանություններին շուրջ 1 տարի առաջ մեկ այլ սպանություն է նախորդել:

Գևորգյաններն ու Մանուկյանները 10 տարվա հարևաններ էին: «Փաստինֆո»-ի տեղեկություններով` նրանց հարաբերությունները լարվել էին այն բանից հետո, երբ 2002թ-ին Արտյոմ Գևորգյանն ապտակել ու հայհոյել էր Գևորգ Մանուկյանի հորեղբոր անչափահաս որդուն:

Այս դեպքից հետո Գևորգ Մանուկյանն ու իր հորեղբայրը՝ Գրիգոր Մանուկյանը, գնացել են Գևորգյանների տուն ու տան դիմաց, բակում, հանդիպելով Գևորգյան եղբայրներին ու նրանց ընկերներին՝  «ԱԿՍ» տեսակի ինքնաձիգից կրակ են բացել նրանց ուղղությամբ: Արտյոմ և Արկադի  Գևորգյանները կրակոցներից խուսափելու նպատակով տարբեր ուղղություններով դիմել են փախուստի, իսկ Գևորգ Մանուկյանը «Բերետտա» տեսակի ատրճանակից  դիտավորյալ մի քանի անգամ կրակել է դեպքի վայրից  փախչող Հարություն  Տերտերյանի վրա և սպանել նրան։ Իսկ Համլետ Մկրտչյանն ստացել է ծանր մարմնական վնասվածքներ:

Մանուկյանները դիմել են փախուստի և թաքնվել քննությունից, նրանց նկատմամբ հայտարարվել է հետախուզում:

Մեկ տարի անց՝ 2003թ-ին, Երևանի 16-րդ  թաղամասի 14 շենքի մոտ՝ փողոցում, հայտնաբերվել է հետախուզման մեջ գտնվող Գրիգոր Գևորգի  Մանուկյանի  դիակը, իսկ Գևորգ  Մանուկյանի նկատմամբ քրեական գործը՝ մեղադրական եզրակացությամբ ուղարկվել է դատարան։

Բայց, մինչև Գևորգ Մանուկյանի հայտնաբերվելը և կալանավորվելը «Երկու ընկեր» ՍՊԸ տնօրեն «Ֆառ» մականունով Արթուր Սարգսյանը,  իմանալով Գևորգյանների ու Մանուկյանների թշնամական հարաբերությունների մասին, և այն մասին, որ իրենց ընկերոջը սպանելու համար Մանուկյաններից վրեժ լուծելու նպատակով Գևորգյան եղբայրները որոշել են սպանել Մանուկյանների ընկերներին, այդ թվում նաև իրեն,  որոշել է կազմակերպել Գևորգյանների սպանությունը։

Սպանության կատարումն Արթուր Սարգսյանը որոշակի գումարի դիմաց պատվիրել է  Արմավիրի մարզի  բնակիչներ՝ «Կայծ» մականունով Կամսար Վոլոդյայի Հակոբյանին, Անդրանիկ Աշոտի Երեմյանին և Առաքել Անդրանիկի Սարգսյանին: Բացի այդ, նա հանցավոր խմբին է տրամադրել կեղծ տվյալներով գնված ու գրանցված ավտոմեքենա: Իսկ Գևորգյան եղբայրների տեղաշարժերի և գտնվելու վայրի մասին տեղեկություններ ստանալու նպատակով, Արթուր Սարգսյանը ծանոթացել է նրանց մտերիմ ընկեր և սանիկ  Համլետ Ռաֆիկի Մկրտչյանի  հետ, որից պարբերաբար տեղեկություններ է իմացել Գևորգյան եղբայրների գտնվելու վայրի մասին, որպեսզի հարմար առիթի դեպքում կազմակերպի և իրականացնի  նրանց սպանությունը։

Հենց այսպես էլ, իմանալով, որ Արտյոմ և Արկադի Գևորգյանները 2003 թվականի հունիսի 25-ին իրենց բարեկամների հետ տաքսի ավտոմեքենայով պետք է գնան Նուբարաշեն, կազմակերպել և իրականացրել են զինված հարձակումը:

2004թ. քրեական գործից Համլետ Մկրտչյանի վերաբերյալ  մասն անջատվել է և մեղադրական եզրակացությամբ ուղարկվել է դատարան: Իսկ փախուստի մեջ գտնվող Կամսար Հակոբյանի, Անդրանիկ Երեմյանի և Առաքել Սարգսյանի նկատմամբ քրեական գործի վարույթը կասեցվել է` մինչև նրանց հայտնաբերումը:

Միայն տարիներ անց, 2014թ-ին ՌԴ-ում հայտնաբերվել ու Հայաստան է բերվել Անդրանիկ Երեմյանը, իսկ 2015թ.-ին՝ Կամսար Հակոբյանը: Առաքել Սարգսյանի մասով քրեական գործի վարույթը կասեցվել է:

Կամսար Վոլոդյայի Հակոբյանին մեղադրանք է առաջադրվել ՀՀ քրեական օրենսգրքի 104-րդ հոդվածի 2-րդ մասի 1-ին, 8-րդ կետերով և 235-րդ հոդվածի 1-ին մասով:

Անդրանիկ Աշոտի Երեմյանին մեղադրանք է առաջադրվել ՀՀ քրեական օրենսգրքի 104-րդ հոդվածի 2-րդ մասի 1-ինև 8-րդ կետերով:

pastinfo.am

ՊԲ օպերատիվ տվյալների համաձայն, մայիսի 24-ից 30-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 200 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 2000 կրակոց: Այս մասին տեղեկացնում է ԼՂՀ ՊՆ մամուլի ծառայությունը:

ՊԲ առաջապահ զորամասերը հավատարիմ են մնացել հրադադարի պահպանման ռեժիմին և շարունակել վստահորեն իրականացնել մարտական հերթապահություն: