Նախաճաշ

Բլինչիկ սնկով և հավի մսով

Բաղադրությունը

Բլինչիկի լիստեր
աղացած հավի միս — 300 գր.
շամպինիոն — 300 գր.
խաշած ձու — 1 հատ
մայոնեզ կամ թթվասեր
սոխ,ձեթ,աղ,պղպեղ
Պատրաստման եղանակը

Շամպինիոնը և սոխը խորանարդաձև կտրատել, ավելացնել հավի աղացած միսը, համեմել աղով, սև պղպեղով և տապակել ձեթի մեջ, այնքան մինչև պատրաստ կլինի: Այնուհետև վերցնել կրակից և թողնել սառչի: Ավելացնել մանր կտրատված ձուն, մայոնեզ կամ թթվասեր և լավ խառնել:
Վերցնել բլինչիկի լիստերը, 1 ճգ. խառնուրդ դնել մեջ և փաթաթել: Տապակել երկու կողմից ձեթի մեջ, այնուհետև մատուցել:

Ճաշ

Բաղադրություն

շամպինյոն — 300գր
մակարոն – 100 գ
գազար — 1հատ
կարագ — 2 ճգ
տավարի բուլյոն — 1լ
տավարի եփած միս – 300 գ
կարտոֆիլ – 2 հատ
թթվասեր – 4 ճգ
աղ, պղպեղ

Պատրաստման եղանակները

Շամպինյոնները լվանալ, մակարոնները եփել աղաջրում, քամել: Գազարն ու շամպինյոնները խորանարդիկներով ու շերտիկներով կտրատել, նախորոք տաքացրած թավայի մեջ տապակել, ավելացնել միսը, խառնել և տապակել ևս 2-3 ր:
Կաթսայի մեջ բուլյոնը եռացնել, լցնել խորանարդիկներով կտրատած կարտոֆիլը, եփել 5 րոպե:
Ավելացնել սունկն ու միսը, եփել ևս 10 ր, ավելացնել մակարոնը, տաքացնել: Համեմել աղով ու պղպեղով: Մատուցել թթվասերի հետ:

Ընթրիք

Մակարոնը սնկով

Բաղադրությունը

Մակարոն — 500 գր
լորի ձու — 2 հատ
պահածոյացված սունկ — 1 տուփ
քերած պանիր – 100գր
լոլիկ — 2 հատ
սոխ — 1 գլուխ
սխտոր — 2 պճ
կետչուպ — 2 ճգ.
ձեթ, աղ:

Պատրաստման եղանակները

Մակարոնը խաշել, դնել թավայի մեջ` նախորոք տակը ձեթ անելով:
Լոլիկը կեղևազրկել, մանրացնել, վրան ավելացնել մնարացված սոխն ու սխտորը, կետչուպը, համեմել աղով:
Մակարոնի վրա ավելացնել վերը նշված սոուսը, սունկը, կլոր- կլոր կտրատված ձուն և քերած պանիրը:
Եփել ջեռոցում 180 աստիճան ջերմաստիճանում, մինչև պանիրը կհալչի: