Այսօր՝ հունիսի 11-ին, վրաերթ է տեղի ունեցել Կոտայքի մարզում: Ժամը 12:30-ի սահմաններում Հրազդան քաղաքի Շահումյան փողոցի բնակիչ, 28-ամյա Գևորգ Պետրոսյանը, վարելով ВАЗ 2106 մակնիշի 10 ՏԼ 183 համարանիշի ավտեմեքենան, Երևան-Սևան ավտոճանապարհի 29 կմ հատվածում՝ Չարենցավան վարչական շրջանում տեղադրված արագաչափ սարքի մոտ, նշված ավտոմեքենայով վրաերթի է ենթարկել հետիոտն՝ Չարնցավան քաղաքի բնակիչ, 53-ամյա Անգին Ջումայանին:

Ինչպես դեպքի վայրից հայտնում է ֆոտոլրագրող Գագիկ Շամշյանը, վրաերթի ենթարկվածը տեղում մահացել է: Դեպքի վայր են ժամանել Ոստիկանության Չարենցավանի բաժնի օպերատիվ-քննչական խումբը՝ Չարենցավանի ոստիկանապետ Սամվել Տոնոյանի և քննչական բաժանմունքի պետ Արման Զարգարյանի գլխավորությամբ:

Տեղում են նաև Ճանապարհային ոստիկանության 2-րդ սպայական գումարտակի 3-րդ վաշտի 1-ին դասակի աշխատակիցները՝ դասակի հրամանատար Սամվել Հովհաննիսյանի գլխավորությամբ: Փաստի առթիվ Ոստիկանության քննչական գլխավոր վարչության Կոտայքի մարզի քննչական բաժնի Չարենցավանի քննչական բաժանմունքում քննիչ Աշոտ Մելքումյանի կողմից նյութեր են նախապատրաստվում:

Դեպքի վայրում հավաքված մի քանի քաղաքացիներ հայտնում էին, որ վրաերթը կատարվել է BMW մակնիշի ավտոմեքենայի կողմից, սակայն ոստիկանները միայն «06»-ն են հայտնաբերել, իսկ մահացածն աշխատում էր Կոտայքի «Ճանշին»-ում: Նրանց տեղեկությունները իրականությանը համապատասխանում են, թե ոչ, դա պետք է պարզի քննչական բաժանմունքը՝ հարուցված քրեական գործի շրջանակներում:

shamshyan.com