Ֆուտբոլի աշխարհի առաջնության ընտրական խաղեր են տեղի ունեցել եվրոպական մի շարք խմբերում:

Առաջին խմբի երկու առաջատարները` Բելգիայի և Խորվաթիայի հավաքականները, տարբեր տրամադրություններով են լքել մարզադաշտը:

Բելգիացիները սեփական հարկի տակ հաղթել են Սերբիայի հավաքականին` 2-1 հաշվով և ամրապնդվել են առաջին տեղում:

Դրան հակառակ` խորվաթները սեփական հարկի տակ, նվազագույն հաշվով, պարտվել են շոտլանդացիներին:

Այնուամենայնիվ, հենց այս երկու հավաքականներն են հավակնում առաջատարության այս խմբում:

Երկրորդ խմբում, որում ընդգրկված է նաև Հայաստանի հավաքականը, միանձնյա առաջատարն է Իտալիայի հավաքականը, որն, երեկ, սեփական հարկի տակ, ոչ-ոքի է ավարտել հանդիպումը Չեխիայի հավաքականի հետ:

Իտալացիներին 4 միավորով զիջում է երկրորդ տեղում ընթացող Բուլղարիայի հավաքականը: Երկրորդ տեղի համար պայքարելու իրական հնարավորություններ ունեն նաև Չեխիայի և Դանիայի ընտրանիները:

Երրորդ խմբի անվիճելի առաջատարը Գերմանիայի ֆուտբոլիստներն են, ովքեր երեկ հանգստանում էին: Երկրորդ տեղին հավակնում են Ավստրիայի, Իռլանդիայի և Շվեդիայի ֆուտբոլիստները: Առաջին երկու հավաքականներն երեկ հաղթանակներ են տարել` համապաստխանաբար շվեդների և Ֆարերյան կղզիների հավաքականների նկատմամբ:

Չորրորդ խմբում երեկ խաղեր տեղի չեն ունեցել: Այս խմբում` Հոլանդիայի հավաքականի առաջատարությունը կասկածից վեր է: Երկրորդ տեղին հավակնում են Հունգարիայի և Ռումինիայի ընտրանիները, տեսական հնարավորություններ ունեն նաև Թուրքիայի ֆուտբոլիստները, ովքեր սակայն, անկայուն խաղ են ցուցադրում:

Հինգերորդ խմբում գոլառատ է ստացվել Իսլանդիա-Սլովենիա հանդիպումը. hյուրերը հաղթել են 4-2 հաշվով: Ալբանիայի և Նորվեգիայի հավաքականները բաժանվել են հաշտությամբ: Այս խմբի առանձնահատկությունն այն է, որ այս չորս հավաքականները, ինչպես նաև` խմբի առաջատար Շվեյցարիան, պահպանում են շանսեր` առաջին կամ երկրորդ հորիզանականում խմբային մրցաշարն ավարտելու համար:

Վեցերորդ խմբում` եղանակ են ստեղծում Պորտուգալիայի, Իսրայելի և Ռուսաստանի հավաքականները, որոնք էլ կպայքարեն աշխարհի առաջնության ուղեգրերի համար: Այս համատեքստում` երեկ սկզբունքային էր հատկապես Պորտուգալիa-Ռուսաստան հանդիպումը, որն ավարտվել է տանտերերի նվազագույն հաղթանակով: Խմբի մյուս հանդիպումը` Ադրբեջանի և Լյուքսեմբուրգի հավաքականների միջև, մարզական որևէ հետաքրքրություն չէր նեկայացնում ու ավարտվել է 1-1 հաշվով:

Մյուս երեք խմբերում` երեկ հանդիպումներ չեն կայացել:

Յոթերորդ խմբում` առաջատարն է Բոսնիա-Հերցեգովինայի հավաքականը, նրան երկու միավորով զիջում է Հունաստանի ընտրանին: Մյուս հավաքականները` առաջնության եզրափակչի ուղեգիր նվաճելու իրավունք, ըստ էության, չունեն:

Ութերորդ խմբում` նախընտրելի են Չեռնոգորիայի, Անգլիայի և Ուկրաինայի հավաքականների հնարավորությունները:

Իններորդ խմբում` Ֆինլանդիայի, Վրասատանի և Բելառուաի հավաքականները, դիտորդի կարգավիճակով, հետևում են իսպանացիների և ֆրանսիացիների ինտրիգային և պատմական դիմակայությանը: