ՀՀԿ-ն հերթական ապտակը հասցրեց ԲՀԿ-ին, սա իհարկե մեծ խուճապ է առաջացրել այն կառույցներում, որոնք դեռ ունեն ԲՀԿ –ական ղեկավարներ: Սակայն Հայաստանն այն եզակի երկրներից է, որտեղ մարդիկ կուսակցություն են ընտրում ոչ թե գաղափարի, այլ առաջխաղացման, ավելի տաքուկ տեղ հանգրվանելու համար, ուստի ԲՀԿ-ից  ՀՀԿ «թռնլը» այսօր նույնիսկ տեխնիկայի հարց էլ չէ,այլ օրինաչափություն:
Ճամբարափոխների մի տեսակ կա, որի համար ոչ մի գաղափար հարգի չէ, բացի սեփական բարօրությունից. սրանց մեջ էլ կան վիրտոուզներ. հանրապետական մամուլում հաճախակի է անդրադարձ լինում Սիսիանի քաղաքապետ Աղասի Հակոբջանյանի անցած ուղղուն:

Աղասին չի անդրադառնում այդ հրապարակումներին, սակայն դա ընդամենը դե ֆակտո, իսկ դե յուրե նրա պաշտպանության գործը իր վրա է վերցրել դուստրը. Աղասու աղջիկը իր հոր սրբություններից է խոսում…Ողբամ զքեզ Սիսիան քաղաք, որ քո քաղաքապետի միակ դրական հատկանիշը մնացել է այն, որ նա…ընտանիք ու զավակներ ունի:

Աղասին չի անդրադառնում այդ հրապարակումներին, սակայն դա ընդամենը դե ֆակտո, իսկ դե յուրե նրա պաշտպանության գործը իր վրա է վերցրել դուստրը. Աղասու աղջիկը իր հոր սրբություններից է խոսում…Ողբամ զքեզ Սիսիան քաղաք, որ քո քաղաքապետի միակ դրական հատկանիշը մնացել է այն, որ նա…ընտանիք ու զավակներ ունի:

Սակայն սա այն դեպքն է, որ դա էլ չի օգնի. հետաքրքիր է, Աղասու աղջիկը, իսկապե՞ս քաջատեղյակ է հոր կյանքից ու գործերից: Իսկ նա իր մորը՝ Կարինեին հարցրե՞լ է, թե ինչո՞ւ իր մորաքրոջ ընտանիքի հետ որևէ առնչություն չունեն, հարցրե՞լ է , թե ինչու 2008թ-ին հանկարծ իր հայրն առաջադրվեց քաղաքապետի թեկնածու, երբ պատրաստվում էր իր Սամվել ձյաձյայի (Սամվել Թանգյան) նախընտրական շտաբի պետը լինել՝ խանգարելով նրան:

Հարցրե՞լ է հորը, թե՝ իրենց տան նորամուտին հրավիրված մոտ 30 մարդկանցից այսօր ինչու է միայն 2-3 հոգի գալիս — գնում իրենց մոտ, հարցրե՞լ է, թե ինչու իր հայրը, որ հայհոյում էր Աշոտ Մինասյանին, Աշոտ Հովաննիսյանին, Սամվել Թանգյանին, Հայկ Կարապետյանին, հիմա «պաչ-պռոշտի» է անում նրանց հետ:

Հարցրե՞լ է, թե մինչև քաղաքապետ ընտրվելը իր հայրը քանի անգամ է Եվրոպաներ գնացել և … ո՞ր երկրներ: Հարցրե՞լ է, թե ինչու քաղաքապետարանի Վաչիկ ձյաձյային (Վաչիկ Միրաբյան), 2 տարի անտեսելուց ու արհամարհելուց հետո՝ մտերմացավ միայն այն ժամանակ, երբ Վաչիկը Սիսիանի պոլիկլինիկայի շենքի գործով ցուցմունք տվեց իր հովանավորյալ՝ նախկին քաղաքապետ Լավրենտ Սարգսյանի դեմ, հարցրե՞լ է, թե ինչպես պատահեց, որ Նժդեհի փողոցի՝ Սերոբ Բադամյանից խլված հողը տվեց իր սանիկ Գոռին, Որոտան կինոթատրոնի շրջակայքի՝ Աշոտից (Շեյթան) խլված տարածքը ապօրինի վաճառեց նույն իր սանիկին և իր կնոջ բարեկամ Վալյա Սաֆրազյանին:
Հարցրե՞լ է, արդյո՞ք, թե ինչու Համիկ Ստեփանյանը, Վարոս Սիմոնյանը, Աշոտ Գրիգորյանն այլևս քաղաքապետարանում չեն աշխատում. միթե՞ Սիսիանում այդքան շատ որակյալ կադրեր կան, որ եղածներին սեփական ամբիցիաների համար «քոռուփուչ» արեց:
Կարելի է երկար շարունակել: Սակայն, հուսանք, որ Աղասու դուստրը՝ Եվգենյան գոնե իր համար կպարզի, որ իր հայրը որևէ սրբություն չունի:

Ավետիս Գրիգորյան