Մարդուն հնարավոր չէ մինչև վերջ բացահայտել: Նույնիսկ մարդն ինքը չգիտե, թե ինչի է ընդունակ ոչ ստանդարտ իրավիճակում: Աշխարհի մեծերը փորձել են «բանաձևել» մարդուն` յուրաքանչյուրը՝ յուրովի.

1.Մարդիկ, որոնց անմիջապես հասկանում ես՝ մարդիկ առանց մնացորդի, անհետաքրքիր են: Մարդը, ըստ հնարավորին, պետք է իր մեջ պարունակի ամեն ինչ, պլյուս՝ էլի ինչ-որ բան:  Մ. Գորկի

2. Մարդուն ճանաչելու համար պետք է նրան սիրել: Լ. Ֆոյերբախ

3. Ոչ այնքան խելքը, որքան սիրտն է օգնում մարդուն մերձենալ մարդկանց հետ և հաճելի լինել նրանց:  Ժ. Լաբրյուեր

4. Մարդկանց փոխելու համար հարկավոր է սիրել նրանց: Նրանց վրա ներգործելը համամասնական է նրանց նկատմամբ սիրուն:   Ի. Պեստալոցցի

5. Որքան ավելի են մեր մերձավորները նման մեզ, այնքան շատ են նրանք մեզ դուր գալիս, որևէ մեկին հարգելը՝ դա, ըստ երևույթին, նույնն է, ինչ նրան քեզ հավասարեցնելը:

6. Մարդ ինչքան խելացի է, այնքան շատ է գտնում օրիգինալ մարդկանց: Միջակ անհատները տարբերություն չեն գտնում մարդկանց միջև:  Բ. Պասկալ

7. Ուրիշների անկատարելությունը հանդուրժել կարողանալը բարձրագույն արժանիքի նշան է: Հ. Վինքլեր

8.Այն մարդը, որին ոչ ոք դուր չի գալիս, անհամեմատ, ավելի դժբախտ է, քան նա, ով ոչ մեկին դուր չի գալիս:   Ֆ. Լարուշֆուկո

9.Նրանք, ովքեր ժլատ են գովասանքներում, աղքատ են արժանիքներով:  Պլուտարքոս

10. Եթե մարդուն անընդհատ ասեն, որ նա «խոզ է», ապա նա, ի վերջո, կխռնչա:  Մ. Գորկի