Այս ընտրություններն ահավոր ոչ ստանդարտ ստացվեցին: Ու դեռ դժվար է ասել` որքան, որովհետև յոթ-ութ օր դեռ կա մինչև քարոզարշավի ավարտն արձանագրելը:

Այս ընտրություններում, ինչպես ընդունված  ասել` ամենքը խելագարվել են յուրովի:

Սերժ Սարգսյանն իրեն ոչ հատուկ լեքսիկոն է դրել շրջանառության մեջ, ինչն էլ նրա ներքին, այսբեգային տրամադրությունների ենթագիտակցական արտացոլանքն է: Հասկանալի է, երկար ժամանակ հայտնի կառույցներում աշխատած պրոֆեսիոնալը մի հայացքով էր հասկանալու, թե ինչ է կատարվում իր «շուրջն», ինչպես նաև բոլոր մնացածյալների «այսբերգներում», և հենց այդ «իմացումն» է, որ նրան մասամբ հունից հանում է, և ամեն անգամ քարոզարշավի օրերին, նա այս կամ այն կերպ, նաև` ակամա, դուրս է նետում այդ «իմացումի» ենթագիտակցական պալարները:

Հասկանալի է նաև, որ նրան զեկուցում են որոշակի դիվերսիաների, ֆորս-մաժորների հնարավոր վտանգի մասին: Սակայն ճշգրիտ ուղղությունը, հաստատ անհայտ է մնում` ոչ թե կազմակերպիչ-հեղինակների, այլ` կոնկրետ քայլերի մասով, ինչն էլ դառնում է ակամա տագնապային եզրույթ, որն էլ դուրս է թռչում Սերժ Սարգսյանի խորքից:

Նա, անշուշտ, լավ գիտի` էս երկրում ով` ով է, և  ով ինչի է ընդունակ:  Պարույր Հայրիկյանի վրա կատարված մահափորձի հետքը տարել, կանգնեցրել են հայաստանյան բավականին հետաքրքիր ֆիգուրներից, նախագահական թեկնածուներից մեկի դռանը:

Իր հերթին հայաստանյան հայտնի փորձագետներից մեկը դուրս է նետում նույնքան այսբերգային ինֆորմացիա, այն է «վաղուց ցանկություն կար թափել Հայրիկյանի արյունը, որպես սատանիստի, այն ժամանակ, երբ նա նոր էր վերադարձել ԱՄՆ-ից»` իննսունականների սկզբին, և բացատրում է, որ այդ կարգի ռիտուալները հայաստանյան էզոտերիկների մոտ նշանային են այն առումով, որ շուտ են  բերում հանգուցալուծումը:

Գուցե, իրոք, Նիցշե դասանվանդող, կասկածելի կապերով, կասկածելի ունեցվածքով, կասկածելի սպառնալիքներով, կասկածելի գործերով` հոկտեմբերի քսանյոթ, Տիգրան Նաղդալյանի սպանություն «անցնող» նախագահի թեկնածուն, որ նաև տիրապետում է «նշանային» համակարգի լեզվին, որոշակի բացատրություններ կունենա այս առնչությամբ, այնուհանդերձ մեր տեղեկություններով, այս պահին իշխանություններն էլ իերենց հերթին են նրան զգուշական «կրակոց» հղել` ձերբակալվածմների անունները կապելով նրա հետ, վերջինիս զգուշացնելով, խաղի որոշակի մասին իրենք տեղյակ են:

Ավելին` ուժային կառույցներից մեկի ներկայացուցչի հետ զրույցում վերջինս ասաց, որ ընտրություններից հետո շատ բան է հայտնի դառնալու:

Այնպես որ, կողմերը նյարդերի ու «կրակոցների» փուլում են գտնվում: Վիտուալ և` ոչ միայն:

Ընթացքը ցույց կտա, ում հաշվարկն էր ավելի կենսունակ, և ում քայլերը էին վնասում այս երկրին, այս պետությանը, որովհետև մահափորձը Հայրիկյանի վրա առավել հեռուն գնացող նպատակներ էր հետպանդում:

Բայց քանի որ, խորհուրդ մարդկանց կամք Աստծու, պլան «ա»-ն չաշխատեց:

Կլինի՞ պլան «բ», թե իշխանությունները այսբերգային իրենց քայլերով կասերցեցին այն, կերևա առաջիկայում:

Վահե Հովսեփյան