Համացանցում հայտնված Զուրաբյան-Օսկանյան զրույցի վերաբերյալ «Բարգավաճ Հայաստան» խմբակցության պատգամավոր Վարդան Օսկանյանը չի ցանկանում մեկնաբանություն տալ:
ՀԱԿ համակարգող Լևոն Զուրաբյանը հրապարակման կապակցությամբ հայտարարություն է տարածել, որում ասվում է.
«Հայաստանի ազգային անվտանգության ծառայությունը, կատարելով քաղաքական հակառակորդներին լրտեսելու և վարկաբեկելու Սերժ Սարգսյանի հակասահմանադրական հրամանը, ապօրինաբար գաղտնալսել է երկու ԱԺ պատգամավորներ` Վարդան Օսկանյանի և իմ մասնավոր զրույցը և Ինտերնետում տեղադրել այդ զրույցի ձայնագրությունից կցմցած մի նյութ, որն անմիջապես տարածվել է ռեժիմի շահերը անթաքույց սպասարկող լրատվամիջոցների կողմից:Այս կապակցությամբ հայտարարում եմ.
1. Ռեժիմի կողմից քաղաքական հակառակորդներին լրտեսելու այս ճղճիմ արարքը հակասում է Հայաստանի Սահմանադրությամբ և օրենքներով ամրագրված ժողովրդավարական տարրական նորմերին ու ռեժիմին հերթական անգամ դնում է օրենքից դուրս: և թող չփորձեն խուսափել այս հանցանքի համար պատասխանատվությունից: Եթե հանցագործները անմիջապես չեն բացահայտվում, ուրեմն դա արել են հատուկ ծառայությունները: Այս օրինախախտման պատասխանատուները վաղ թե ուժ ամբողջ խստությամբ պատասխան են կրելու օրենքի առջև: Իշխանություններին պատասխանատվությունից խուսափելու հնարավորություն չտալու նկատառումով առաջարկում եմ դատախազությանը ընդունել սույն հայտարարությունը որպես հաղորդագրություն հանցագործության մասին և պահանջում եմ քրեական պատասխանատվության կանչել գաղտնալսման և դրա հիման վրա պատրաստված նյութի հրապարակման հեղինակներին։
2. Այս փաստը հաստատում է վաղուց արձանագրված այն իրողությունը, որ երկրի հատուկ ծառայությունները, փոխանակ զբաղվեն արտաքին վտանգներից երկրի անվտանգության ապահովման համար խիստ անհրաժեշտ հետախուզական և հակահետախուզական գործունեությամբ, հարկատուների միջոցները և սեփական ջանքերը հիմնականում ապօրինաբար ծառայեցնում են գործող իշխանությունների դիրքերի ամրապնդմանն ու ընդդիմությանը լրտեսելու, վարկաբեկելու և վնասազերծելու նպատակներին:
3. Ռեժիմի կողմից նման բացահայտ ստոր մեթոդներին դիմելու և ներքաղաքական լրտեսությամբ զբաղվելու իրողության հրապարակայնացումը ցույց է տալիս, որ իշխանությունները այնքան վախեցած են նախագահական ընտրություններում հնարավոր մարտահրավերներից, որ դրանք չեզոքացնելու նպատակով պատրաստ են բռնվել անգամ փրփուրներից:
4. ԱԱԾի կողմից պատրաստած և հրապարակված նյութի բովանդակության որևէ քննարկում կամ մեկնաբանություն համարում եմ բարոյապես և քաղաքականապես անընդունելի: Ավելին, դա կլինի ուղղիղ այն, ինչ որ պետք է հատուկ ծառայություններին այս ճղճիմ սադրանքը հաջողելու համար: Ուստի, ռեժիմի հատուկ ծառայությունների կողմից վատագույն գեբիստական ավանդույթներով պատրաստված և հրապարակված այս նյութի բովանդակության որևէ քննարկում, մեկնաբանություն կամ հաստատում քաղաքական և հասարակական գործիչների կամ լրատվամիջոցների կողմից ուղղակի հավասարազոր է լինելու համագործակցության հատուկ ծառայությունների հետ այս ապօրինի գործունեության մեջ»:
Նիկոլ Փաշինյանը հետևյալ կերպ է մեկնաբանել.
ԱԺ պատգամավորներ Վարդան Օսկանյանի և Լևոն Զուրաբյանի խոսակցության՝ համացանցում հայտնված ձայնագրության կապակցությամբ լրագրողների բազմաթիվ հարցումներին ի պատասխան հարկ եմ համարում հայտարարել.
ա) խստորեն դատապարտում եմ երկու պատգամավորների խոսակցության ապօրինի ձայնագրումը և տեղադրումը youtub-ում, որը խորհրդային ԿԳԲ-ի գործելակերպի արատավոր դրսեւորում է, ինչը չպետք է տեղ ունենա մեր իրականության մեջ:
բ) ՀՀ իրավապահ մարմինները պարտավոր են անհապաղ քրեական գործ հարուցել ՀՀ Քրեական օրենսգրքի 146 հոդվածի հատկանիշներով՝ ձայնագրությունը իրականացրած և youtub-ում տեղադրած անձանց բացահայտելու և քրեական պատասխանատվության ենթարկելու համար
գ) մենք՝ Հայ ազգային կոնգրեսի, ընդդիմության ներկայացուցիչներս ընթացիկ ցավոտ հարցերը քննարկելիս պետք է պահպանենք զսպվածություն, տուրք չտալով էմոցիաներին՝ հանրության առաջ մեր ունեցած պարտավորությունները պատվով կատարելու համար
դ) ընթացիկ քաղաքական իրավիճակը թելադրում և պահանջում է Հայ ազգային կոնգրեսի առաջնորդ, ՀՀ առաջին նախագահ Լևոն Տեր-Պետրոսյանի առաջադրումը ՀՀ նախագահի թեկնածու, և սերժանտական կործանարար իշխանության հեռացման նպատակ ունեցող բոլոր քաղաքական ուժերի համախմբումը նրա թեկնածության շուրջ:
ԿԳ նախարար Արմեն Աշոտյանն, ինչպես միշտ, իր մտքերն արտահայտել է ֆեյսբուքում.
ՔԱՂԱՔԱԿԱՆ ՓԱՐԻՍԵՈՒԹՅԱՆ ՎԱԽՃԱՆԸ:
Հրապարակային քաղաքական գործունեությունը տեղեկատվական դարաշրջանում ստանում է իր յուրահատկությունները: Տեղեկատվական միջոցները և հնարավորւթյուն են, և մարտահրավեր:
Անձնականության (privacy) կտրուկ նվազել է:
“Ժպտացեք. Ձեզ հետևում են, կամ նկարահանում, կամ ձայնագրում են, կամ…” — արտահայտությունը ստանում է լրացուցիչ շոշափելի իմաստ:
Տեխնիկական միջոցները թույլ են տալիս յուրաքանչյուրին փորձել ներխուժել այլոց անձնական կյանք:
Դա այլևս հատուկ ծառայությունների մենաշնորհը չէ:
Դնում եմ մի կողմ այս երևույթի բարոյական գնահատականները, հատկապես քաղաքական գործիչների դեպքում: Արևմուտքում էլ բանավիճում են, թե որտեղ է թափանցիկ գործելաոճի և անձնականության նուրբ սահմանը:
Իվերջո, անձնականության հնարավոր ոտնահարումները կարող են լինել պատկան մարմինների ուսումնասիրության տիրույթում:
Իհարկե, խոսքը այդքան չի գնում պապարացիական գործողությունների մասին, որոնց ընթացքում քաղաքական գործիչներին սկսում են “ինտենսիվ լուսաբանել” իրենց անհաջող շարժումների, ժեստերի, հագուստի և այլն համատեքստում:
Հարց եմ տալիս, օրինակ, արդյոք անձնականության խախտում չէ, երբ լրագրողը մեջքիդ հետևից նկարահանում է քո գործողությունները Այպադով կամ Այֆոնով: Արի ու տես, նման տեսա- կամ ֆոտո նյութերը բուռն քննարկումների առարկա են դառնում:
Շատ ավելի կարևոր է դառնում քաղաքական փարիսեության բացահայտման հարցը:
Լուրջ քաղաքական գործիչները պարտավոր են իրենց քաղաքական գնահատականների մեջ ՆՈՒՅՆԸ ԱՍԵԼ և ՄՏԱԾԵԼ` լինի դա հրապարակային թե կամերային միջավայր, ազնիվ լինել հասարակության հետ, երկդիմի կեցվածք չորդեգրել, չդնել հասարակությանը երկարականջ չորքոտանիների տեղ:
Դուռդ փակ պահիր, դիմացինին էլ գող մի ասա…
….
Իհարկե, տհաճ է, երբ քեզ ձայնագրում են և դու դրա մասին տեղյակ չես:
Կարծում եմ, քաղաքական էքսհիբիցիոնիզմով Հայաստանում տառապող չկա:
Սակայն անգամ այդ դեպքում ՊԵՏՔ Է ՊԱՏՐԱՍՏ ԼԻՆԵԼ ՀԻՄՆԱՎՈՐԵԼ ՈՒ ԱՊԱՑՈԻՑԵԼ ԱՅՆ, ԻՆՉԻ ՄԱՍԻՆ ԳԱՂՏՆԻ ԱՐՏԱՀԱՅՏՎԵԼ ԵՍ: Ասես` ասել եմ` լավ եմ արել, որովհետև սա, սա և սա:
Ցավոք, այս սկանդալում կողմերից և ոչ մեկը այդ քաղաքական համարձակությունն ու ազնվությունը դեռ չի դրսևորել…
- 15:10Նիկոլ Փաշինյանը Սուրբ Գիրքն ընկալում է աղանդավորական մեկնություններով. Տիգրան քահանա Բադիրյան
- 13:10Ադրբեջանը խլացնում է Արցախի բջջային կապի և համացանցի հասանելիությունը. Արցախի ՄԻՊ
- 13:10Ես չեմ պատմելու, թե ինչպես էր Աննա Հակոբյանը բունկերում գոռում՝ «ուզում ա 5 հազար մարդ մորթվի․․․»․ Միքայել Մինասյան
- 15:102020թ. հուլիսի 1-ից կավելանա մինչև 2 տարեկան երեխաների խնամքի համար տրվող նպաստը՝ 18.000-ի փոխարեն՝ ծնողները կստանան 25.500 դրամ
- 14:106 անգամ բարձրացնելու ենք առաջին երեխայի ծննդյան միանվագ նպաստը՝ 50 հազար դրամից այն դարձնելով 300 հազար դրամ
- 14:10Թուրքիա-Նախիջևան թռիչքների համար Հայաստանի կամ Իրանի օդային տարածքն այլևս չի օգտագործվի
- 12:10Բոլոր զորամասերն 100%-ով ապահովված են ռազմական տեխնիկայով եւ զինամթերքով. ՊԲ N միավորման հրամանատար
- 11:10Հայաստանի լիակատար շրջափակման հեռանկարը. Ինչ զարգացումներ կարող են լինել
- 12:10Ադրբեջանցի գործիչների երեւակայությունը մոլեգնում է. ԼՂՀ ՊՆ
- 15:15Արցախի ՊՆ-ի կոը՝ անվերապահորեն կատարել հրադադարի պահպանման շուրջ պայմանավորվածությունը
29.09.2024 | 20:03
09.09.2024 | 12:51
26.06.2024 | 10:01
31.05.2024 | 12:54
31.05.2024 | 12:10
31.05.2024 | 11:10
29.05.2024 | 15:42
29.05.2024 | 12:10
29.05.2024 | 11:17
28.05.2024 | 13:20
28.05.2024 | 13:02
28.05.2024 | 11:17
28.05.2024 | 11:11
28.05.2024 | 10:37
24.05.2024 | 15:10
24.05.2024 | 13:10
24.05.2024 | 12:17
24.05.2024 | 11:29
23.05.2024 | 15:10
23.05.2024 | 14:10
23.05.2024 | 13:10
23.05.2024 | 11:10
22.05.2024 | 15:10
22.05.2024 | 14:10
22.05.2024 | 13:10
22.05.2024 | 12:10
22.05.2024 | 11:10
21.05.2024 | 15:10
21.05.2024 | 14:10
21.05.2024 | 13:10
21.05.2024 | 12:10
21.05.2024 | 11:10
20.05.2024 | 15:10
20.05.2024 | 14:10
20.05.2024 | 13:10
20.05.2024 | 12:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.