Այսօր, ՀՀ մշակույթի նախարար Հասմիկ Պողոսյանն ընդունել է Իրանի Իսլամական Հանրապետության դրամատուրգների միության նախագահ Մոհամմադ Ամիր Յարահմադիի գլխավորած պատվիրակությանը, որի կազմում ընդգրկված են գրողներ, քննադատներ, դրամատուրգներ, լրագրողներ, թարգմանիչներ: Հանդիպմանը մասնակցել են նաև Հայաստանի գրողների միության նախագահ Լևոն Անանյանն ու միության անդամներ:
Ողջունելով հյուրերին, նախարար Հասմիկ Պողոսյանը նշել է, որ հայ-իրանական մշակութային հարաբերությունները գտնվում են բարձր մակարդակի վրա և անդրադարձել երկու երկրներում իրականացված համատեղ գրական-մշակութային ծրագրերին, մասնավորապես` գրական-թարգմանական նախագծերին, որոնք նպաստել են «Հայաստան-Իրան. գրական կամուրջներ» ծրագրի ստեղծանը և ապահովել ամուր հարթակ գրողների, դրամատուրգների փոխայցելությունների և գրական ծրագրերի իրականացման համար: Հայ-իրանական գրական կապերի հարուստ փորձի արդյունքում հրատարակվել են շուրջ չորս տասնյակ գրքեր, իրականացվել՝ դրամատուրգիական ստեղծագործությունների թարգմանություններ: Այս համատեքստում, հայաստանյան կողմը 2012 թ. պետական պատվերով հրատարակել է «Արդի իրանական դրամատուրգիա» գիրքը, որի մեջ տեղ են գտել իրանցի ժամանակակից տասը դրամատուրգների ստեղծագործություններ, որոնցում արծարծվում են տարբեր խնդիրներ, մշակութային բազմազան խաչաձևումներ և տարատեսակ գեղագիտական սկզբունքներ: Խոսելով հայ-իրանական գրական-թարգմանական դաշտի զարգացման մասին, նախարարն ընդգծել է, որ այս ուղղությամբ ունեցած ձեռքբերումները պետք է դնել գործնական հիմքերի վրա, որպեսզի թարգմանված դրամատուրգիական գործերն ունենան իրենց արժանի շարունակությունը թատրոնում և կինոյում:
Զրույցի ընթացքում, նախարարն առանձնակի խոսել է երկու երկրների հրատարակիչների համատեղ ձեռնարկների շուրջ, որի արդյունքում Իրանում գործող և տարածաշրջանային թարգմանական նախագծեր իրականացնող «Աֆրազ» և Հայաստանի «Ապոլլոն» հրատարակչությունները առաջիկայում կհրատարակեն «Արդի հայ պոեզիա» ժողովածուն, որում ներառված են ՀՀ նախագահի և պետական այլ մրցանակների արժանացած 12 հայ ժամանակակից գրողներ` Հրաչյա Թամրազյանի, Արտեմ Հարությունյանի, Դավիթ Հովհաննեսի, Հակոբ Մովսեսի և այլոց ստեղծագործությունները: Գիրքը կտպագրվի պետպատվերի շրջանակներում:
Հանդիպման վերջում Իրանի դրամատուրգների միության նախագահ Մոհամմադ Ամիր Յարահմադին շնորհակալություն է հայտնել նախարար Հասմիկ Պողոսյանին ջերմ ընդունելության, հայ-իրանական գրական- մշակութային ձեռնարկներին մշտապես գործուն աջակցություն ցուցաբերելու համար, ինչը նպաստում է երկու բազմադարյա հարևանների գրական- մշակութային երկխոսությանը:
- 20:03Պայքար՝ հանուն կրթության ոլորտի բարելավման, բուհի առաջընթացի ու զարգացման. Մովսես Խորենացու անվան համալսարանի ռեկտոր
- 12:51Խնդրում ենք ընթերցողների ներողամտությունը
- 10:01«Մենք պատրաստ ենք հրդեհը մարելուն». Մալաթիայի տոնավաճառում օբյեկտային վարժանք է անցկացվել
- 14:10Ուժեղ մագնիսական փոթորիկ մայիսի 31-ին. վտանգավոր երկրափոթորիկ կհարվածի երկրին
- 12:54Ադրբեջանական մտահոգությունները և վախերը խոսում են այն մասին, որ մենք ճշտագույն ճանապարհի վրա ենք. Բագրատ սրբազան
- 12:10Շարժման ելքը. առանց «եթե»-ների. Վահե Հովհաննիսյան
- 11:10Խորապես դատապարտում ենք Հայրապետի դեմ Փաշինյանի հրահանգով թիկնապահների և ոստիկանների ն գործողությունները. Սյունյաց թեմ
- 15:42Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դասի նկատմամբ.Առաքել արքեպիսկոպոս Քարամյան
- 12:10Առկա է հրավիրվածների ցուցակ․ ՆԳՆ անվտանգության վարչության պետը՝ Վեհափառի մուտքը արգելելու մասին
- 11:17Անվտանգության այն կոնցեպտը, որ Հայաստանը մինչև այժմ իրականացրել է, անվտանգություն չի ապահովում, վտանգներ է գեներացնում