Հոկտեմբերի 25-ին, ժամը 13.10-ին ահազանգ է ստացվել, որ Երևանի Խանջյան փողոցի թիվ 20 շենքի մոտակայքում տեղի է ունեցել կիսակառույց շենքի փլուզում, կան տուժածներ. անհրաժեշտ է հրշեջ-փրկարարների օգնությունը:

ԱԻՆ լրատվական ծառայությունից հայտնում են, որ դեպքի վայր են մեկնել ՃԿԿ ԱԻ արձագանքման, հատուկ փրկարարական ջոկատի հերթապահ խմբերը և մեկ մարտական հաշվարկ:

Փրկարարները փլատակների տակից դուրս են բերել 6 տուժածի: Հավանական է, որ 2 տուժած դեռ կա փլատակների տակ: Շտապօգնության աշխատակիցները երեք տուժածի տեղափոխել են «Սբ. Գրիգոր Լուսավորիչ» բժշկական կենտրոն: Պարզվել է ինը տուժածի ինքնությունը` Կամո Կագրամանով (50տ.), Արման (40տ), Արման Գրիգորյան (25տ.), Արսեն Հայրապետյան (30տ.),Նահապետ Բադալյան, Վոլոդյա Մաթևոսյան և Սիրակ Թովմասյան, Էդիկ Սուքիասյան 30տ, Ռոբերտ Առաքելյան 53տ:

Կտրվի լրացուցիչ տեղեկություն:

Դեպքի առթիվ ոստիկանության կենտրոնի քննչական բաժնում հարուցվել է քրեական գործ ՀՀ քրեական օրենսգրքի 157-րդ հոդվածի հատկանիշներով: Կատարվում է դեպքի վայրի զննություն, ստուգվում են շինարարական փաստաթղթերը: