Այսօր Վաղարշապատի հիմնադրման տարեդարձն էր. ներկայիս Էջմիածինը դարձավ 2697 տարեկան: Քաղաքը տոնական տրամադրության մեջ էր: Հետաքրքիր է, որ քաղաքային իշխանություններն էին նախաձեռնել Հայաստանի հոգևոր մարաքաղաքի տոնակատարությունը, մինչդեռ հոգևոր սովի այս ընթացքում շատ ավելի ճիշտ կլիներ, որ Էջիածնի տոնը վերածվեր հոգևոր միջոցառման:

Դեռևս 301 թ-ին  Վաղարշապատը դարձավ քրիստոնեական Հայաստանի հոգևոր կենտրոնը, նաև կաթողիկոսական նստավայրը: Այստեղ է բացվել Մաշտոցյան առաջին դպրոցը, այստեղ է հաստատվել (480 թվականին) առաջին հայկական պետական-պաշտոնական մատենադարանը։

Իսկ այսօրվա տոնը իսկական աշխարհիկ ծիսակատարություն էր. կառքով եկավ Վաղարշապատի թագավորը, շնորհավորեց ներկաներին և քաղաքապետ Կարեն Գրիգորյանին հանձնեց Ուրբաթագիրքը:

Քաղաքին շքերթային ողջույններ  էին բերել «Էջմիածին» համույթը, Երկրավոր կամավորների միությունը, Էջմիածնի դպրոցների և քոլեջների սաները, չեմպիոնները, «Մեր տունը» հասարակական կազմակերպությունը և այլոք: Հոգևոր դասն էլ ուներ իր ներկայացուցիչը, սակայն մի տեսակ սիմվոլիկ:

«Շնորհավորում եմ մեր ազգաբնակչությանը, մեր քաղաքին, ինչպես նաև ամբողջ հայությանը, որովհետև Էջմիածինը ոչ միայն Էջմիածին քաղաքի բնակիչների, այլ նաև ամբողջ հայության հոգևոր կենտրոնն է և քաղաքի տոնը համայն հայության հատուկ տոնն է»,- ասաց Էջմիածնի քաղաքապետ Կարեն Գրիգորյանը:

Այս տարի էջմիածինցիներին հյուրընկալել են ՅՈւՆԵՍԿՕ-ի «Ժառանգության համաշխարհային ընկերակցություն»-ը, աշխարհի 15 երկրներից  տարբեր քաղաքապետեր:

Նշենք, որ հոկտեմբերի 7-9-ը Էջմիածնում անցկացվում են 7 տնօրենների խորհրդի նիստը, որի ընթացքում քննարկվում են ՅՈՒՆԵՍԿՕ-ի  «Ժառանգության համաշխարհային ընկերակցության» մեջ մտնող քաղաքների հետ կապված անելիքներ:

Այս տարվա տոնակատարությունը` ըստ քաղաքապետ Գրիգորյանի, տարբերվելու է անցած տավա միջոցառումներից. «Ամեն տարի ինչ-որ նորամուծություն մտցվում է, ինչ-որ հետաքրքրություներ, ֆլեշ-մոբեր. բուն իմաստը, երբ որ 405 թվականին տառերը բերվեցին Էջմիածին, 1600 տարի առաջ»: