Մահմեդականները Բրյուսելում գրոհել են Սեն-Ժան-Մոլենբեկ շրջանի ոստիկանական բաժանմունքը:

De Standaard-ի տեղեկություններով, մահմեդական կինը նստած է եղել ավտոկանգառում: Նրան երկու ոստիկաններ են մոտեցել եւ խնդրել անձը հաստատող փաստաթուղթ ներկայացնել, նաև ինքնությունը հաստատելու համար`  հանել նիկաբը: Երբ կինը հրաժարվել է,  նրան տեղափոխել են ոստիկանական բաժանմունք, որտեղ գործին կին-տեսուչի են կցել: Սակայն մահմեդական կինը արհամարհել է նաև նրան: Ավելին, երբ ոստիկանը փորձել է ուժով հանել նիկաբը, կինը կապված ձեռքերով այնպես է հարվածել նրան, որ կոտրել է քիթն ու ատամները:

Մահմեդական կինն ուղեղի թեթև ցնցում է ստացել եւ տեղափոխվել հիվանդանոց:

Ավելի ուշ ոստիկանական բաժանմունք է ներկայացել ձերբակալվածի ամուսինը` մոտ երկու տասնյակ ուղեկիցներով, զինված փայտերով եւ մահակներով: Նրանք փորձել են ուժով ներխուժել բաժին, բայց ոստիկանությունը hետ է մղել, եւ բանակցությունների արդյունքում ցրել է նրանց:

Հանրային վայրերում նիկաբի կրումն արգելող օրենքն ընդունվել է անցած տարվա հունիսին: Այդ օրենքը խախտողներին մեկ տարվա ազատազրկում եւ 137 եվրո տուգանք է հասնում: