Այսօր  «Վարկած»  ակումբում լրագրողների հետ հանդիպման ժամանակ  փաստաբան Ռուբեն Այվազյանը տեղեկացրեց, որ իր   հայրը` Լև Այվազյանը, 3 կլինիկական  հիվանդանոցի  սրտաբանական բաժին տեղափոխվելուց 24 ժամ անց կլինիկական մահ է տարել, այնուհետ վերակենդանացել է, ապա՝ մահացել: Նա մեղադրում էր բժիշկ Տիգրան Այյանյանին, որն, ի դեպ, կամավոր ներկայացել էր այսօրվա հանդիպմանը:

Նախ նշենք,  որ այս թեմայի հետ կապված բավականին հետաքրքիր արձագանքներ եղան իրավասու կառույցների կողմից: Ի վերջո որոշեց այս ծանր բեռը թողնել  գլխավոր մեղավորի`բժիշկի  ուսին.

Այվազյանը տեղեկացրեց, որ Երևանի քաղաքապետի թիվ 10/Ա-2825 ուղեգրով հորը տրվել է անվճար բուժման հնարավորություն թիվ 3 կլինիկական հիվանդանոցի սրտաբանական բաժնում. «Պայմանավորվածության համաձայն, սրտաբանական բաժնում հորս «բուժող» բժիշկ նշանակվեց Տիգրան Կարենի /ազգանունը անհայտ/, որն առանց որևէ հետազոտության՝ որոշեց, որ իբր որովայնի շրջանում առկա է 15-20 լիտր հեղուկ: Բժիշկ Տիգրանը չունենալով ուրոլոգի կամ նեֆրոլոգի համապատասխան որակավորում՝ սկսեց հորս օրգանիզմի  ջրազրկումը: Հորս նշանակվեց մեծ քանակության ջրազրկող ֆուրասեմիդ: Այվազյանը պնդում էր, որ իր հայրը հիվանդանոց ինքնուրույն է գնացել, սակայն մեկ օրվա ընթացքում վատացել է ինքնազգացողությունը ,թուլացել են նրա ձեռքերն ու ոտքերը:

Ես բողոքեցի, որ ֆուրասեմիդի չափաբաժինը պակասեցվի, հորս նշանակվի այլ դեղորայք: Սակայն բժիշկն ասաց, որ բացի ֆուրասեմիդից՝ այլ ներերակային դեղ չի սրսկվել»,- ասում էր Ռ.Այվազյանը: Նա նաև հայտնեց, որ սխալ բուժման հետևանքով հայրը կլինիկական մահ է տարել, ապա մահացել:

Ըստ Ռուբեն Այվազյանի՝ բժիշկ Տիգրան Այանյանն ու կլինիկայի «տնօրեն» Միքայելը (հետո պարզվել է, որ Միքայելը տնօրենը չէ, այլ բաժնի վերահսկող կամ աշխատակից) աստիճանաբար սպանել են հորը:

Իսկ  հերթապահ բժիշկը այլ դեղ է ներարկել՝ հեմոդեզ, և հիվանդը վերակենդանացել է: Սակայն բժիշկն ու «տնօրենը» ժամեր շարունակ պայքարել են հեմոդեզի ներարկման դեմ: Վերջում նրանց հաջողվել է անջատել այդ դեղը:

Բացի դա Ռուբեն Այվազյանը, այլ քայլեր էլ է ձեռնարկել. զանգահարել է  «Էրեբունի» բժշկական կենտրոն, որտեղ սկզբում ասել են, որ ազատ տեղ ունեն, սակայն իմանալով, որ խոսքը թիվ 3 կլինիկայից հիվանդ ընդունելու մասին է, հայնել են,  որ տեղ չկա:

Փաստաբան  Այվազյանը դիմել է ՀՀ նախագահին, վարչապետին, առողջապահության նախարարությանը, ոստիկանությանը, դատախազությանը, ԱԽՔ-ին, ՄԻՊ-ին:

Առաջին պաշտոնական պատասխանը Ռ.Այվազյանը ստացել էր ՀՀ կառավարությունից: Ի դեպ, այս հանդիպման մասին տեղյակ էր պահվել առողջապահության նախարարությանը, որի էթիկայի հանձնաժողովում քննվելու է բժշկի հարցը:

Բժիշկ Տիգրան Այանյանն էլ իր մոտեցումներն ուներ. «Ծանր էր, շատ ծանր: Դեռ չպառկեցրած անկողնում, սկսեցինք նրան հետազոտել: Սրտային անբավարարություն էր մոտը, միակողմանի արյան հոսքը չէր ապահովվում»:

Ռուբեն Այվազյանն ասում էր, որ հոր մոտ չէր կարող 15-20 լիտր հեղուկ լինել, իսկ բժիշկն ասաց, որ ամբողջ օրգանիզմում կար մինչև 20 լիտր հեղուկ, այտուցված էր որովայնի շրջանը.«Վերջին 10 օրում հիվանդը նստած է եղել:Առաջին օրը կշռել ենք նրան:1800 մեզ տալուց հետո հիվանդի վիճակը լավացավ, կիսանստած մի քանի ժամ քնեց»,-հավելեց նա:

Բժիշկը նաև ասաց, որ հիվանդի տղայի կողմից արգելվել է հետագայում միզամուղ տալը: Այն հարցին, թե հիվանդատերերի նմանօրինակ արգելքների ժամանակ արդյոք բժիշկն այդ մասին հայտնո՞ւմ է վերադասին, մասնագետների հետ խորհրդակցո՞ւմ է, բժիշկը պատասխանեց, որ դրա անհրաժեշտությունը չի եղել.«Ես կարողացա համոզել հերթապահ բժշկին, որ նշանակվի հեմոդեզ-ներերակային: Պարզվեց, որ հիվանդանոցում, բացի ֆուրասեմիդից, այլ դեղ չկա: Շտապ 5 րոպեի ընթացքում ճարեցի նշված դեղը, որից հետո հերթապահ բժիշկը կարգադրեց, որ նշված դեղը միացվի կաթիլային համակարգով: Այս գործողություններից հետո ջրազրկումը և առատ քրտնարտադրությունը դադարեց, հայրս վերակենդանացավ»,- ասաց Ռ.Այվազյանը: Իսկ Տիգրան Այյանյանն ասաց.«Կլինիկական մահ չի եղել: Հիվանդատերն իրավացի չէ: Հարցրեք մասնագետներին, թե նման դեպքերում ինչպես կվարվեին նրանք:

Ինքը բերել է հեմոդեզ, մենք միացրել ենք, կաթիլներ չի գնացել»:

Ռուբեն Այվազյանը պնդում է, որ տեղի է ունեցել դաժան սպանություն: