«Շիրակ» կենտրոնը իր կայքում գրում է հերթական զազրելի դեպքի` Գյումրեցի 10-ամյա աղջնակի բռնաբարության մասին. «Մի քանի օր առաջ Գյումրիում տեղի ունեցած մանկապղծության դեպքի մասին լուրը ցնցեց բոլորիս»:

«Սկզբում չէինք ուզում հավատալ, որ նման բան կարող է տեղի ունենալ Հայաստանում և առավել ևս ավանդապաշտ Գյումրիում: ՀՀ Սոցապ նախարարության ենթակայությամբ գործող Գյումրու գիշերօթիկ հաստատություններից մեկի, երրորդ դասարանի 10-ամյա աղջնակը բռնաբարության է ենթարկվել: ՀՀ ոստիկանության հաղորդման համաձայն դեկտեմբերի 5-ին սեռական բռնության ենթարկված երեխայի ծնողի ահազանգից ընդամենը ժամեր անց բռնաբարություն կատարելու կասկածանքով հայտնաբերվել և ձերբակալվել է Գյումրու բնակիչ 25-ամյա Վարդան Աշոտի Ղազարյանը:

Անշուշտ կատարվել է ցավալի դեպք, սակայն մեզ ոչ պակաս հետաքրքրում է այն, թե արդյո՞ք այս երեխան Գյումրիում տիրող համատարած աղքատության և երեխաների հանդեպ անուշադրության հերթական զոհը չէ: Արդյո՞ք այդ դեպքը տեղի կունենար, եթե գիշերօթիկ դպրոցի տնօրինությունն ու մանկավարժները, երեխայի ծնողներն ու հարևանները, ինչպես նաև մարզային ու տեղական իշխանություններն ու համապատասխան կազմակերպությունները անհրաժեշտ ուշադրություն և գործունեություն ծավալած լինեին սոցիալապես անապահով երեխաների հանդեպ կիրառվող բռնության դեպքերը կանխարգելու ուղղությամբ», — գրում է կայքը:

«Շիրակ» կենտրոնը նաև նշում է, թե կփորձի առաջիկայում գտնել վերոհիշյալ հարցերից գոնե մի քանիսի պատասխանը և իրազեկել հանրությանը:

ՀՀ ոստիկանության «02» հաղորդման կողմից հրապարակված տեսանյութը.