ՊՆ նախարարի հետ հանդիպումից անհետ կորած զինվորների ծնողները դժգոհ են մնացել։ Հանդիպումից հետո ծնողները հայտնել են, որ լիարժեք պատասխաններ նախարարից չեն ստացել և ցանկանում են տեսնել գործողությունները, ոչ թե լսել դրանց մասին։ 

ՊՆ նախարարը ծնողների հետ հանդիպման ընթացքում ասել է, որ գերիների հարցով հանդիպումներ է ունենում տարբեր պետությունների դեսպանների հետ՝ ճնշումներ գործադրելու և հարցի լուծման համար։ Հանդիպման ընթացքում նաև քննարկվել է անհետ կորածների հարցը, մասնավորապես, ՊՆ-ից ծնողներին ասել են, որ լայնամասշտաբ գործողություններ են իրականացվում, սակայն անհետ կորած զինվորների հարազատները գոհ չեն հանդիպումից։

«Մենք էլ ենք ազգ, մենք էլ ունենք մեր հստակ խոսքը, կարող ենք մենք էլ մերն ասել։ Չի կարելի ժողովրդին այդքան տանջել, դուք էլ ձեր պահանջները ներկայացրեք հստակ»,- նշեց ծնողներից մեկը՝ հավելելով, որ առաջիկայում ևս հանդիպում կլինի անհետ կորած զինվորների հարազատների հետ։

Ծնողներից մեկն ասաց, որ հաջորդ հանդիպմանը պետք է մասնակցի նաև ՀՀ ԶՈՒ ԳՇ պետ Օնիկ Գասպարյանը։

Ինչ վերաբերում է ԴՆԹ փորձաքննություններին, ապա ծնողներին հայտնել են ՊՆ-ից, որ այս պահի դրությամբ մեծ քանակությամբ փորձաքննություններ են իրականացվում, որովհետև արդեն երկու ապարատ է աշխատում՝ վստահեցնելով, թե իսկ տեխնիկական անորոշությունները կլուծվեն։

Մանրամասները տեսանյութում։