Լրատվամիջոցներում լուր տարածվեց, որ «Մարտի մեկի» գործով մեղադրյալ, ՀԱՊԿ նախկին գլխավոր քարտուղար Յուրի Խաչատուրովին հունիսի 8-ին արգելել են հատել հայ-վրացական սահմանը և դուրս գալ երկրից։
Լուրը news.am-ի հետ զրույցում հաստատել էր Յուրի Խաչատուրովի փաստաբան Միհրան Պողոսյանը` նշելով, որ Յուրի Խաչատուրովը անձնական պատճառներով պետք է մեկներ իր ծննդավայր՝ Վրաստանի Տետրիցկարո (Թեթրի Ծղարոն) բնակավայր, սակայն ժամը 17։00-ի սահմաններում Բագրատաշենի սահմանակետում առանց հիմնավոր պատճառաբանության արգելել են նրան դուրս գալ երկրից։
168.am-ը Միհրան Պողոսյանին խնդրեց որոշակի մանրամասներ հայտնել միջադեպից ու մեկնաբանել իրավիճակը:
Վերջինս ասաց, որ Բագրատաշենի սահմանային անցակետում սահմանապահները, վկայակոչելով Յուրի Խաչատուրովի նկատմամբ սահմանն անցնելու` ինչ-որ գերատեսչության կողմից դրված արգելքը, թույլ չեն տվել, որ վերջինս հատի հայ-վրացական սահմանը:
«Յուրի Խաչատուրովն անձնապես իր մոտ ունեցել է դատարանի հանձնարարականը այն մասին, որ առաջին հերթին նրան թույլատրվում է որոշակի ժամանակահատվածով մեկնել ՀՀ-ից, և երկրորդը, որ եթե առկա է սահմանահատումների արգելք, ապա դա ենթակա է վերացման, սակայն այդ փաստաթղթի ներկայացումն էլ ոչինչ չի փոխել. կարճ քննարկումներ են եղել, բայց իրավիճակը որևէ կերպ չի փոխվել: Սահմանապահները չեն թույլատրել նրան հատել սահմանը»,- նշեց Միհրան Պողոսյանը:
ՀԱՊԿ նախկին գլխավոր քարտուղարի փաստաբանն ասաց, որ դրանից հետո իրենք իրավիճակի մասին տեղեկացրել են Հայաստանի Մարդու իրավունքների պաշտպնին (ՄԻՊ), և ՄԻՊ աշխատակիցները գործողություն են իրականացրել, որպեսզի ճշտեն արգելքի հիմքը, բայց մինչ այս պահը որևէ արձագանք համապատասխան իրավասու մարմիններից չկա:
«Պետք է նշել, որ ընդհանրապես արգելք կիրառելն էլ է հակաօրինական եղել, որովհետև գաղտնիք չէ, որ Յուրի Խաչատուրովի նկատմամբ որպես խափանման միջոց` գրավ է սահմանված, և գրավի պայմաններում որևէ պաշտոնատար անձ իրավունք չունի սահմանահատումների արգելք կիրառել: Այսինքն` հերիք չէ, որ ի սկզբանե անօրինականություն է տեղի ունեցել, երբ սահմանահատումների արգելք է կիրառվել իմ պաշտպանյալի նկատմամաբ, նաև անօրինականություն է իրականացվել այն պարագայում, երբ դատարանի հստակ հանձնարարական է առկա եղել` կիրառված սահմանահատումների արգելքը վերացնելու հետ կապված, ու պաշտոնատար անձինք չեն կատարել իրենց պաշտոնեական պարտականությունները և չեն վերացրել այդ արգելքը»,- շեշտեց Միհրան Պողոսյանը:
Մեր այն հարցին, թե կա արդյոք արձագանք Հատուկ քննչական ծառայությունից, և ինչպես են իրենք մեկնաբանում ստեղծված իրավիճակը, փաստաբանն ասաց, որ բացի ՄԻՊ-ից և նրանց կատարած գործողություններից, որևէ արձագանք ոչ ոստիկանությունից, ոչ ԱԱԾ-ից և ոչ էլ ՀՔԾ-ից չի եղել:
Մեր ճշտող հարցին ի պատասխան` Միհրան Պողոսյանն ասաց, որ սահմանապահներն իրենք էլ չեն պարզաբանել, թե կոնկրետ որ մարմինն է արգելք դրել Յուրի Խաչատուրի սահմանանցման վրա, և պաշտպանական կողմը կարծում է, որ դա կամ ԱԱԾ-ն է, կամ ՀՔԾ-ն: Ուղղակի խնդիրն այն է, որ որ մարմինն էլ որ այդ արգելքը դրած լինի, դա անօրինական է: Բացի դրանից, հստակ է եղել դատարանի հանձնարարականը սահմանահատումները վերացնելու մասին, և փաստ է այն, որ կա մակագրություն, որ այդ հանձնարարականը հանձնվել է ոստիկանությանը, և իրենք դա ստացել են:
«Երկուշաբթի օրը ՄԻՊ-ին տրված իմ հաղորդման հետ կապված ողջ փաստաթղթաշրջանառությունն եմ ստանալու, հարցումներ եմ կատարելու նաև Ազգային անվտանգության և Հատուկ քննչական ծառայություններ և ոստիկանություն, որպեսզի պարզաբանեն, և ի վերջո, Հայաստանի Հանրապետության պաշտոնատար անձինք պետք է սովորեն գործել օրենքի հիման վրա, այլ ոչ թե անձանց քմահաճույքներով, որովհետև եթե որոշ մարդկանց քմահաճույքով մարդուն արգելել են օրինական կարգով սահման անցնել, ապա դրա համար պիտի պատասխանատվության ենթարկվեն»,-ասաց Միհրան Պողոսյանը:
168.am-ի հարցին, թե ինչ պատասխանատվություն է ենթադրվում դրա համար, Յուրի Խաչատուրովն ասաց, որ առկա է կոնկրետ դեպք, որ որևէ իրավասու մարմին լիազորություն չի ունեցել սահմանն անցնելը արգելել, բայց փակել են, այսինքն` անցել են իրենց պաշտոնական լիազորությունները:
«Երկորդ դրվագով իրավախախտում է այն, որ պարտավոր էին վերացնել եղած արգելքը, սակայն իրենց պաշտոնական պարտականությունները չեն կատարել, որով վնաս է պատճառվել Յուրի Խաչատուրովին: Սա էլ արդեն քրեական օրենսգրքի 308-րդ հոդվածն է: Այսինքն` միանշանակորեն այս դեպքը քրեական օրենսգրքով նախատեսված պատասխանատվություն է ենթադրում: Անձը փաստացի զրկվել է ազատ տեղաշարժվելու իրավունքից, սահմանափակվել է այդ իրավունքը, ինչը էական վնաս է պատճառել վերջինիս, և այս առումով առնվազն պետք է քրեական գործ հարուցվի, ու բոլոր մեղավորները ենթարկվեն քրեական պատասխանատվության»,- եզրափակեց Միհրան Պողոսյանը:
- 15:10Առեղծվածային դեպք՝ Երևանում. տան հյուրասենյակում 17-ամյա աշակերտի մարմին է հայտնաբերվել
- 11:10Ոստիկանությունն ուժ գործադրելու լեգիտիմ իրավունք պետք է ունենա․ Նիկոլ Փաշինյան
- 14:10«Ես գողական կյանքով ապրող եմ, պարտքի մնացած գումարը ինձ պետք է տաք». Գեղարքունիքի բնակիչը սպառնացել է ընտանիքին
- 13:06Արարատի մարզում հայտնաբերվել է 36 կգ ոսկի գողություն կատարող կասկածյալներից մեկը․ գտնվել է գողոնի մի մասը
- 13:56Ավազակություն՝ հոր և որդու կողմից. հոր գործը ուղարկվել է դատարան, իսկ որդին ինքնասպան է եղել՝ նռնակ պայթեցնելով
- 13:10Մարտական հենակետում երեք զինծառայողի սպանության գործով դիրքի ավագի պաշտպանը դիմել է ՄԻԵԴ
- 12:10Հայկազ Բարսեղյանի սպանության գործով ամբաստանյալները դատապարտվեցին 18 տարի ազատազրկման
- 14:108,800 դոլարի և 5 մլն դրամի կաշառք ստանալու համար մեղադրվող պաշտոնյաների վարույթի նյութերն ուղարկվել են դատարան
- 13:10Թուրքիայում 2 հայի են բռնել, որոնց կոշիկներում 109 հազար դոլարի ոսկու ձուլակտորներ են թաքցված եղել
- 11:10Չնայած ռեպրեսիաներին Մարտական Եղբայրության անդամների մի խումբ հասել է Ոսկեպար. բերման ենթարկվածների թիվը 3 տասնյակ է
04.05.2024 | 15:10
04.05.2024 | 14:10
04.05.2024 | 13:10
04.05.2024 | 12:10
04.05.2024 | 11:10
03.05.2024 | 14:10
03.05.2024 | 13:10
03.05.2024 | 12:10
02.05.2024 | 15:10
02.05.2024 | 14:10
02.05.2024 | 13:10
02.05.2024 | 12:10
02.05.2024 | 11:10
01.05.2024 | 15:10
01.05.2024 | 14:10
01.05.2024 | 13:10
01.05.2024 | 11:10
23.04.2024 | 11:42
23.04.2024 | 11:06
13.04.2024 | 13:57
13.04.2024 | 13:26
13.04.2024 | 13:06
13.04.2024 | 12:59
13.04.2024 | 12:28
13.04.2024 | 11:29
12.04.2024 | 14:08
12.04.2024 | 13:56
12.04.2024 | 2:20
10.04.2024 | 15:10
10.04.2024 | 14:10
10.04.2024 | 13:10
10.04.2024 | 12:10
10.04.2024 | 11:10
09.04.2024 | 15:10
09.04.2024 | 14:10
09.04.2024 | 13:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.