Meganews.am-ի հետ զրույցում Մհեր Երզնկյանի հայրը՝ Արամայիս Երզնկյանը նշեց, որ իրենց օրինակով կարող են պայքարել նաև պաշտոնական վարակծին չվստահող այլ որդեկորույս ծնողները։ Ըստ նրա՝ հետևողականությունը կստիպի, որ ամեն զինվորի կյանքի, պատվի համար բարձր պատասխանտվություն ունենան։  «Ստիպեցի, որ փորձաքննություն լինի, հայտնաբերվեց, որ հրազենային հետքեր են։ Իմ երեխայի փամփշտակալից պակասում է 5 հատ գնդակ, որից 4-ը ինքը կրակոցներ է արձակել, մեկը առանց կրակոցի փամփուշտ է եղել, լիցքավորման ընթացքում ընկել է։ Փաստորեն, դուրս է գալիս՝ երեխան 4 հատ փամփուշտ է արձակել, երեքն էլ պատի վրա, եղավ՝ 7, եթե երեխան զենքի հետ անզգուշաբար է վարվել, ապա 3 կրակոցը որտեղի՞ց է: 2 մուտք է եղել մի ելք, եթե ինքն իրեն վնասեր, երկու չէր կարող լինել, մանավանդ, երբ զենքը կրակոցի վրա է դրված եղել, տեղում կմահանար, չէր կարող այլ կրակոց արձակել»,-նշեց զոհված զինծառայողի հայրը: Նա պատմեց, որ գործում ձեռք են բերվել փաստեր, որ դեպքից 10-15 րոպե հետո զորամասում արտակարգ դրություն է եղել: Արամայիս Երզնկյանի խոսքով՝իր որդին արաժանի էր ոչ միայն Մարտական ծառայության մեդալի, այլ «Մարտական խաչ»-ի․զորմասի պատիվն է փրկել։