Ընդհանրապես յուրաքանչյուր հանճարեղ մարդու անգամ բնական մահվան մեջ մարդիկ առեղծված կամ խորհրդավորություն են փնտրում, եթե չասենք, որ երբեմն էլ ընկնում են ծայրահեղությունների գիրկն ու այնտեղ քաշելու հետևողական փորձեր անում մյուսներին:
Պարույր Սևակի մահը սովորականներից չէր: Անգամ ընկերների, գրչակիցների և ժամանակակիցների հուշերում շատ զգուշորեն, ենթատեքստով պտտվում է պատահական ոչինչ չլինելու վարկածը: Ամեն դեպքում տարբեր լսարաններում դեռ կվիճեն նրա մեքենա քշել իմանալ- չիմանալու շուրջ, տաք քննարկումներ կլինեն զոքանչի հոգեհանգստի արարողությանը շտապելու, անգամ տաղանդավոր ու ստեղծագործող մարդկանց վարորդական իրավունք տալը պետականորեն արգելելու մասին:
Պարույր Սևակը մեծ մտածող էր, առաջ նայող մարդ, ով անգամ անկարևոր պաշտոնն օգտագործում էր այլոց համար: Նա Գրողների միության մինչ այդ եղած ղեկավար կազմից առաջինն էր, ում հաջողվեց գրելու համար նպաստավոր մթնոլորտ, հավաքատեղի ստեղծել, ընդամենը Միության տարածքում սրճարան բացելով՝ առանց պաթոսի, առանց ճոռոմաբանության և սովետահայ ընդհատակյա ինքնամաքառումների…
Ի՞նչ կլիներ, եթե նա շարունակեր ստեղծագործել ևս 20 տարի, ԺՈՂՈՎՐԴԱԿԱՆՈՒԹՅՈՒՆԸ թերևս կմեծանար… Իսկ ինչպես լինում է սովորաբար, ՍԵՐԸ երբեք չի ներվում: Գուցե վերջին հանգրվան այնուամենայնիվ կգտներ Կոմիտասի պանթեոնում, ի վերջո սիրտն էլ քննարկման առարկա չէր դառնա, հայրենի գյուղի հսկա քարն էլ ուխտատեղի, մեր լեզուն կհարստանար, մեր գրականությունը կշահեր… Հաստատ հեղափոխություն չէր անելու… Ծնունդդ շնորհավոր Պոետ!
- 13:10Հայտնի է ջերմաստիճանը, որի ժամանակ ակտիվանում է կորոնավիրուսը. MedRxiv
- 13:10Հայաստանը քո ձեռքում դարձել է ժողովրդավարության պոչամբար՝ սրանից բխող բոլոր տոքսիկ հետեւանքներով. Աշոտյանը՝ Փաշինյանին
- 14:10Վլադիմիր Պուտինն ու Դմիտրի Մեդվեդևը շնորհավորական ուղերձներ ու ծաղկեփնջեր են ուղարկել Աննա Հակոբյանին
- 14:10Ինչ ընդհանրություն կա պատգամավորների թվի և Գարեգին Բ կաթողիկոսի միջև
- 17:28ՍՈՒՐԲ ԳԻՐՔՆ ԱՄԵՆ ՕՐ (31 մարտ 2018թ.)
- 16:48Նիկոլ Փաշինյանի հեղինակած երգը (տեսանյութ)
- 16:02Ֆիլիպ Կիրկորովը իր երեխաների համար տնային դիսնեյլենդ է կառուցել
- 14:25Սուրբ Զատիկի տոնին բազմաթիվ միջոցառումներ կկազմակերպվեն. Ժամանակացույց
- 17:30ՍՈՒՐԲ ԳԻՐՔՆ ԱՄԵՆ ՕՐ (30 մարտ 2018թ.)
- 15:27Այդ դեպքում, ինձ պետք է վաղուց բանտ նստեցրած լինեին իմ խենթ սանրվածնքների համար. Ջուս