«Կարգավորման գործընթացում ադրբեջանական կամ թուրք-ադրբեջանական օրակարգ այսօր լինել չի կարող»,- մեզ հետ զրույցում ասաց Կովկասի քաղաքական խնդիրներում մասնագիտացած գերմանացի վերլուծաբան Ուվե Հալբախը՝ անդրադառնալով ԼՂ հակամարտության կարգավորման շուրջ ընթացող զարգացումներին, մասնավորապես ՌԴ ԱԳ նախարար Սերգեյ Լավրովի տարածաշրջանային այցին, Պուտին-էրդողան, Պուտին-էրդողան-Ռուհանի բանակցություններին, Սարգսյան-Պուտին բանակցություններին և համանախագահների դիրքորոշումներն:

Ուվե Հալբախն արձանագրեց, որ բանակցային գործընթացում ակնհայտ ակտիվություն է նկատվում վերջին մի քանի շաբաթների ըն­թացքում, և այդ ակտիվությունը պայմանավոր­ված է թուրք-ադրբեջանական պայմանավոր­վածություններով:«Թուրքիայի նախագահն օգտագործելով ինտենսիվացած ռուս-թուրքական բանակցությունների պահը փործեց ԼՂ հակամարտության կարգավորման հարցը քննարկման թեմա դարձնել Պուտինի հետ բա­նակցությունների ընթացքում վերջին շրջանում երկու անգամ, արծարծելով 5 շրջանի վերա­դարձի թեման, այդ ընթացքում Ադրբեջանի իշխանությունները փորձում էին սպառնալի հռետորաբանություն կիրառել հայկական կողմի դեմ նշելով, որ վերադարձնելու են Ղարաբաղը, սակայն ակնհայտ էր նաև այն, որ Ռուսաստանը չզարգացրեց այդ թեման, ավելին, Լավրովն իր տարածաշրջանային այցի ընթացքում շեշտը դրեց հակամարտության երկարաձգման և կարգավորման հարցում բարդությունների վրա, որը շատերը մեկնաբանում են որպես սա­ռեցման փորձ, ինչը մասամբ համապատաս­խանում է իրականությանը, հակամարտության ստատուս-քվոյի պահպանմանն այլընտրանք չկա, երբ կողմերից մեկը ցանկանում է ստանալ ամեն ինչ չզիջելով դրա դիմաց ոչ մի հարցում, ներկայումս սա նույնիսկ համանախագահների համար է պարզ: Ռուսաստանը չի կարող զար­գացնել միակողմանի կարգավորման թեմանե­րը, քանի որ կարգավորումը չի բխում իր շահե­րից, երկրորդ՝ ներկայումս Հայաստանին «նե­ղացնելը» ևս իր շահերից չի բխում, քանի որ ՀՀ իշխանությունների ներկայիս քաղաքականությունն ամբողջությամբ Կրեմլի տրամաբանու­թյան մեջ է տեղավորվում, չնայած ՀՀ-ԵՄ համաձայնագրի ստորագրմանը, որը համաձայ­նեցված էր Մոսկվայի հետ, երրորդ՝ Ռուսաս­տանը նույնիսկ Հայաստանին չի կարող պար­տադրել հակամարտության կարգավորում լիո­վին ադրբեջանական սցենարով, չորրորդ ԱՄՆ֊ը և Ռուսաստանն ակտիվ ուղերձներ են հղում միմյանց, որ այս հարցում միակամ են գործում, հինգերորդ՝ Ռուսաստանը չի կարող թույլ տալ Թուրքիայի միջամտություն այս հար­ցին, վեցերորդ’ Ռուսաստանը հասկացել է, որ Ադրբեջանը մերժում է նաև ռուսական նախա­ձեռնությունը Սանկտ Պետերբուրգում, և այս պահին նման հանգամանքները շատ-շատ են: Կարգավորման գործընթացում ադրբեջանա­կան կամ թուրք-ադրբեջանական օրակարգ այ­սօր լինել չի կարող»,- նման տեսակետ հայտ­նեց Հալբախը:

Նրա խոսքով մեծ առաջընթաց չի սպասվում նաև կարգավորման գործընթա­ցում, քանի որ Ադրբեջանը չկարողանալով առաջ մղել իր սցենարները, պետք է փորձի ամեն կերպ տապալել ԵԱՀԿ ՍԽ խաղաղ բանակցային գործընթացը: «Սա հաշվի առնելով որևէ ակնկալիք չունեմ այս ամիս Վիեննայում սպասվող նախարարական հնարավոր հանդի­պումից: Կողմերի միջև բանակցային գործընթացում շփման կետերը վերացել են, դժվար է այս պայմաններում նույնիսկ հանդիպելը և ինչ-որ հարցեր քննարկելը: Սակայն շփման գծում կայունությունը ևս վտանգի տակ է, քանի որ մոտենում են ներքաղաքական զարգացումները, որոնք կարող են հրահրել լարվածություն շփման գծում, պետք է պատրաստ լինել անկա­յունության»,- ասաց Հալբախը:

«168 ժամ»

Ամբողջական՝ թերթի օրվա համարում։