Ֆրանսահայ երգահան, աշխարհահռչակ շանսոնյե Շառլ Ազնավուրի ընտանիքը Թուրքիայում Հայոց ցեղասպանությունից փրկվելուց հետո խոստացել էր օգնել բոլոր նրանց, որոնք կտուժեին ճնշումներից:
Երկրորդ համաշխարհային պատերազմի տարիներին նրանք Փարիզում փրկել են տասնյակ հրեաների, ինչպես նաև տասնյակ հայերի, ռուսների և լեհերի:
Իսրայելում պարգևատրվելով Ռաուլ Վալենբերգի անվան մեդալով, Ազնավուրը հայտարարեց. «Եթե աշխարհը ճանաչեր Հայոց ցեղասպանությունը, Հոլոքոստը կարող էր չլիներ»:
Ոչ, նա հրեա չէ: Հրեաների պատմության մեջ հայտնվել է միայն այն պատճառով, որ Փարիզում նացիստական օկուպացիայի տարիներին Ազնավուրի ընտանիքը, իրենց բնակարանում թաքցրել և փրկել են ֆաշիստների կողմից հետապնդվող հրեաների և ոչ միայն:
Ազնավուրները Ֆրանսիա են տեղափոխվել 1922 թվականին՝ երկար և դրամատիտական փախուստից հետո, երբ Թալեաթ փաշան և իր ընկերները 1915 թ-ին Թուրքիայում ղեկավարում էին հայերի կոտորածը: Ինչպես գրում է jewish.ru կայքը, իրադարձությունները, որոնք կոչվում են Հայոց ցեղասպանություն, դեռևս միանշան գնահատական չեն ստացել տարբեր երկրների քաղաքական գործիչների և քաղաքացիների կողմից: Բայց հենց այս ողբերգական իրադարձությունն էր պատճառը, որը Ազնավուրի ընտանիքը ապաստան տվեց նացիստների կողմից հետապնդվող հրեաներին և հայերին, լեհերին և ռուսներին:
Պատերազմի տարիներին Ազնավուրյանները Փարիզում աջակցում էին հայտնի պարտիզան, հետմահու Ֆրանսիայի Ազգային հերոս հռչակված Միսաք Մանուշյանին ու նրա խմբին և ապաստան էին տրամադրում թե՛ հայերին և թե՛ հրեաներին՝ վտանգելով սեփական կյանքը:
Ըստ jewish.ru կայքի, հնարավոր է, որ Ազնավուրի հիշողությունները մնային հուշերի էջերում, եթե չլիներ Ռաուլ Վալենբերգի անվան մեդալը, որով այս տարվա հոկտեմբերին պարգևատրվեցին մեծ շանսոնյեն և նրա քույր Աիդան Իսրայելում:
«Այս հեղինակավոր մրցանակը հանդիսանում է Ազնավուր ընտանիքի ջանքերի ճանաչման խորհրդանիշ: Ազնավուր ընտանիքը՝ մայրը՝ Քնարը, հայրը՝ Միշան, ինչպես նաև Շառլն ու Աիդան, այդ դժվարին շրջանում իրենց բնակարանում թաքցրել և փրկել են ֆաշիստների կողմից հետապնդվող մարդկանց»,- նշվում է «Ռաուլ Վալենբերգ» հիմնադրամի հաղորդագրությունում:
Ստանալով մրցանակը՝ Ազնավուրը շնորհակալություն է հայտնել Իսրայելի նախագահ Ռեուվեն Ռիվլինին, որն անձամբ է պարգև հանձնել նրան:
Panorama.am-ի փոխանցմամբ՝ աշխարհահռչակ շանսոնյեն նաև հետաքրքրվել է. «Ե՞րբ է ի վերջո Իսրայելը ճանաչելու Հայոց ցեղասպանությունն այն դեպքում, երբ ինքներդ եք տառապել նացիստական ռեժիմից»:
Ի պատասխան՝ Ռեուվեն Ռիվլինն ասել է, որ դա քաղաքական հարց է, և չնայած նրան, որ ինքը ճանաչում է հայ ժողովրդի ողբերգությունը, ապա որպես Իսրայելի նախագահ, պարտավոր է հարգել Իսրայելի կառավարության որոշումները:
- 12:54Ադրբեջանական մտահոգությունները և վախերը խոսում են այն մասին, որ մենք ճշտագույն ճանապարհի վրա ենք. Բագրատ սրբազան
- 12:10Շարժման ելքը. առանց «եթե»-ների. Վահե Հովհաննիսյան
- 15:42Ցավով անդրադառնում և դատապարտում ենք նման կեցվածքը Վեհափառ Հայրապետի և հոգևոր դասի նկատմամբ.Առաքել արքեպիսկոպոս Քարամյան
- 11:17Անվտանգության այն կոնցեպտը, որ Հայաստանը մինչև այժմ իրականացրել է, անվտանգություն չի ապահովում, վտանգներ է գեներացնում
- 10:372 պատճառ կա, որ չի եկել՝ նա այլևս կապ չունի մեր երկրի հետ կամ դրսից են թելադրել․ Բագրատ Սրբազանը՝ Փաշինյանի Սարդարապատ չգնալու մասին
- 14:10Նոր վարչապետի թեկնածուի անվան հրապարակումը միանգամից ստեղծելու է նոր իրավիճակ
- 13:10Ադրբեջանցի սահմանապահներն արդեն վերահսկողության տակ են վերցրել Տավուշի մարզի չորս գյուղերը
- 12:17Ինչպես են «Զվարթնոց» օդանավակայանի աշատակիցները բռնության ենթարկում ֆրանսիահայ լրագրող Լեո Նիկոլյանին (տեսանյութ)
- 15:10Ադրբեջանի հետ խաղաղության գնալն անհրաժեշտություն է, բայց՝ վաղաժամկետ. Ադրբեջանը հավակնությունի ունի 114. Հազ. Քկմ տարածքի նկատմամբ
- 13:10Հայաստանի իշխանությունը մտել է պետականության ամրության համար խիստ վտանգավոր թեմաների մեջ. Արման Թաթոյան