ՌԴ պետդումայի պատգամավորներ, Ռուսաստանի հանրային պալատի անդամներ, փորձագետներ և իրավաբաններ միավորվել են աշխատանքային խմբում, որը ՄԱԿ-ի միջազգային դատարան դիմելու համար հայց է պատրաստում: Դրանով համաշխարհային հանրությանը կոչ են անելու իրավական և իրավաբանական գնահատական տալ այն երկրներին, որոնք հերոսացնում են ազգայնականներին ու նրանց աջակիցներին, հայտարարել է աշխատանքային խմբի ղեկավար Սերգեյ Մարկովը, գրում են ադրբեջանական լրատվամիջոցները:

«Այն երկրների թվում, որոնց դեմ հայց է ներկայացվելու, նաև Հայաստանն է: Հայաստանում ավելի հաճախ են հարցնում, թե Գարեգին Նժդեհի և Դրաստամարտ Կանայանի հիշատակը հավերժացնելն արդյոք ֆաշիզմի հովանավորներին հերոսացնել չէ», հայտարարել է Մարկովը:

Նա Հայաստանի իշխանություններին բացահայտ զգուշացրել է, որ նման դիրքորոշմանը պետք է վերջ դնել:

«Մենք կոչ ենք անում հայ գործընկերներին հեռացնել Նժդեհի հուշարձանը, հակառակ դեպքում պետք չէ Ռուսաստանին դիմել օգնության խնդրանքով, ցեղասպանությունից պաշտպանության համար, եթե նման մարդկանց արձանները հայտնվում են Հայաստանում», ասել է Մարկովը:

Նա հայտարարել է, որ աշխատանքային խումբը մտադիր է կազմել այն մարդկանց ցանկը, որոնք միջազգային դատարանում պետք է մեղադրվեն մարդկության դեմ հանցագործությունների մեջ, ինչպես նաև այն աղբյուրների ցանկը, որտեղ փաստական հիշատակումներ կան նման հանցագործություններին նրանց մասնակցության մասին:

armtimes.com