Ադրբեջանը վավերագրական ֆիլմ է նկարահանել, որտեղ ասվում է, թե Երևանն իրենց մշակութային տարածքն է, իսկ հայերը փորձում են թաքցնել ճշմարտությունը: Ոչ մի հիմնավորում չունեցող ապատեղեկատվությանը հայաստանյան փորձագետները հորդորում են լուրջ չվերաբերվել՝ «եթե բանավեճի մեջ ես մտնում հիմարի հետ, իջնում ես նրա մակարդակին» պատճառաբանությամբ:
Ադրբեջանական ախորժակը միայն Լեռնային Ղարաբաղով չի սահմանափակվում. հիմա էլ երևակայական ճամփորդություն են սկսել դեպի Երևան:
«Էրիվան. թաքցրած ճշմարտություններ». Խոսքն այս ֆիլմի մասին է, որի պրեմիերան օրերս կայացել է Ադրբեջանում: Սրա մասին առաջինն ընթերցել է «Ազգ» օրաթերթի իմ գործընկերը՝ Բեռլինում Ադրբեջանի դեսպանատան պաշտոնական կայքում:
Բավական է այցելես այդ կայքէջ ու քեզ կթվա, թե ադրբեջանական կյանքն անհետաքրքիր կլիներ առանց Հայաստանի գոյության: Դեսպանատան պաշտոնական կայքում կա խորագիր` «Ադրբեջանի մասին» անվամբ, երբ փորձում ես մտնել այդ խորագրով, բացվում է Ադրբեջանի արտգործնախարարության կայքը, որտեղ ենթավերնագիր կա՝ «Հայաստանի ագրեսիան Ադրբեջանի դեմ»: Այդտեղ էլ ընթերցողի առջև բացվում է ամբողջ ապատեղեկատվությունը:
Տեղեկատվական անվտանգության փորձագետ Սամվել Մարտիրոսյանը կարծում է, որ եվրոպացիներին բնավ դուր չի գա դեսպանատան կայքում նմանօրինակ նյութեր կարդալը: «Եվրոպացիներին խրտնացնում է, երբ ինչ-որ դեսպանատան կայքում ագրեսիվ նյութեր է գտնում: Այսօրվա քաղաքակիրթ աշխարհը չի ընդունում էթնիկ բնույթի մեղադրանքները, դա ընկալվում է որպես ֆաշիզմ»,-ասաց նա: Ինչ վերաբերում է տեղեկատվական պատերազմում հայկական դերակատարությանը, ապա Մարտիրոսյանը կարծում է՝ հակառակորդի քարոզչական գործողություններին առհասարակ ճիշտ է պատասխան տալը, բայց ոչ բոլոր դեպքերում: «Դեպքեր կան, երբ սիմետրիկ պատասխանը ավելի վնասակար է, որովհետև եթե դու մտնում ես բանավեճի մեջ հիմարի հետ, դու նրա մակարդակին ես իջնում, իսկ կողքից նայողի մոտ տպավորություն է ստեղծվում, որ նա այնքան հիմար չէ, ինչքան տպավորություն է գործում: Մենք այդ հարցերում չպետք է ուղիղ առճակատման մտնենք»,-ասաց Սամվել Մարտիրոսյանը: Չնայած տեղեկատվական պատերազմում Ադրբեջանն ավելի շատ է աշխատում քանակի վրա, բայց մի պարզ ճշմարտություն կա՝ եթե Հայաստանով հետարքրվողը սկսի իտերնետային նյութեր փորփրել, ամբողջ իրականությունը նրա համար պարզ կդառնա: Իսկ Հայաստանի մասին հետաքրքրվելու առիթներ լինում են: Օրինակ՝ հայաստանյան ինտերնետային պատմության մեջ ամենաշատը «Արմենիա» բառը փնտրեցին հանրահայտ Դեն Բրաունի «Ինֆերնո» վեպի հիման վրա նկարահանված ֆիլմը դիտելուց հետո:
«Այնտեղ պահ կա, որտեղ պատին Հայաստանի քարտեզն է, իսկ հետևում գաղտնի դուռ է: «Google»-ում երբեք այդքան շատ «Արմենիա» բառը չեն փնտրել, որքան այդ ֆիլմի պատճառով»,-ասաց Մարտիրոսյանը:
Քաղաքագետ Հրանտ Մելիք-Շահնազարյանն էլ վերը նշյալ ադրբեջնական քարոզչության ու ապատեղեկատվության վերաբերյալ ասաց՝ նման բաներին լուրջ չի վերաբերվում: «Ինչպես ռուսներն են ասում՝ կարիք չկա ապացուցել, որ ոչ թե ուղտ ենք այլ մարդ: Ադրբեջանի դեսպանատների կայքերում կա ամեն ինչ բացի դիվանագիտական աշխատանքից: Ամեն տեղ դեսպանատները վերածում են պրոպագանդայի գործիքի, որ դրանով ինչ-որ բան ապացուցեն: Այն երկրներում, որտեղ Ադրբեջանի դեսպանատունն այդպես է վարվում, Ադրբեջանը դառնում է ծաղրանքի առարկա»,-ասաց նա:
Նա ևս այն կարծիքն ունի, որ տեղեկատվական պատերազմում հայկական կողմը լավ է գործում, պարզապես ծավալների խնդիր կա:
Ի դեպ, այս ուսումնասիրության ֆոնին դիտեցինք նաև հայաստանյան դեսպանատների կայքէջերը: Ամեն ինչ ակնհայտորեն այլ է: Տարբեր երկրներում հայկական դեսպանատների կայքերում կարելի է տեսնել տվյալ երկրի հետ գործընկերային հարաբերությունների մասին պատմող նորություններ, տեղեկատվություն, թե ինչպես կարելի է դեսպանատան հետ աշխատանքում այս կամ այն գործողությունը կատարել, իսկ 1915 թվականի ցեղասպանության կամ ԼՂՀ հիմնախնդրի մասին միայն փաստարկված էջեր են՝ առանց ավելորդությունների:
- 15:10Փաշինյանի ձեռքերը կթաթախվեն արյան մեջ, եթե ֆրանսահայը մահանա Երևանի օդանավակայանում
- 13:10ՀՀ կառավարության ղեկավարը թշնամուն է հանձնել ՀՀ ինքնիշխան տարածքը` ՀՀ քր. օրենսգրքի 421 և 418 հոդվածների հատկանիշներով
- 15:10Տավուշում դրվող սյուները անվտանգության երաշխիքի սյուներն են․ Փաշինյան
- 14:10Պուտինի օգնականն ասել է, որ Պուտինը մայիսի 8-ին Փաշինյանի հետ բանակցությունների ժամանակ բոլոր հարցերը կպարզաբանի
- 12:10Այս «պինգ-պոնգ» դիվանագիտության շրջանակում արդեն հաջողվել է Ադրբեջանի հետ համաձայնության գալ բազմաթիվ հարցերի շուրջ
- 11:10Փաշինյանը և Ալիևը չեն մասնակցի մայիսի 9-ին Մոսկվայում կայանալիք Հաղթանակի շքերթին. Պուտինի օգնական
- 15:10Մեկ է՝ վերջում Մանուկյանին, Քոչարյանին, Սարգսյանին, բանանի Միհրանին, Վանեցյանին են բերելու ցույց տան
- 11:10Սահմանազատման գործընթացը գաղտնի է և հատուկ դուրս է դրված իրավական մեխանիզմներով վերահսկողությունից
- 14:10Ցավում եմ, որ ՀՀ իշխանությունները շարունակաբար իջեցնում են նաև քաղաքական մշակույթի նշաձողը՝ խթանելով ներքին պառակտվածությունը, բևեռացվածությունն ու ատելության մթնոլորտը
- 14:10Գործող ռեժիմն ընդամենը սգո ծառայություններ է մատուցում. Ստեփան Դանիելյան
08.05.2024 | 15:10
08.05.2024 | 14:10
08.05.2024 | 13:10
08.05.2024 | 12:10
07.05.2024 | 15:10
07.05.2024 | 14:10
07.05.2024 | 13:10
07.05.2024 | 12:10
07.05.2024 | 11:10
06.05.2024 | 15:10
06.05.2024 | 14:10
06.05.2024 | 13:10
06.05.2024 | 12:10
06.05.2024 | 11:10
04.05.2024 | 15:10
04.05.2024 | 14:10
04.05.2024 | 13:10
04.05.2024 | 12:10
04.05.2024 | 11:10
03.05.2024 | 14:10
03.05.2024 | 13:10
03.05.2024 | 12:10
02.05.2024 | 15:10
02.05.2024 | 14:10
02.05.2024 | 13:10
02.05.2024 | 12:10
02.05.2024 | 11:10
01.05.2024 | 15:10
01.05.2024 | 14:10
01.05.2024 | 13:10
01.05.2024 | 11:10
23.04.2024 | 11:42
23.04.2024 | 11:06
13.04.2024 | 13:57
13.04.2024 | 13:26
13.04.2024 | 13:06
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.