«Եթե մինչ այսօր օդի ջերմաստիճանը նորմայից ցածր էր մոտ 3-4 աստիճանով, ապա հուլիսի 12-ից մեր տարածաշրջան կներթափանցեն հարավային տաք օդային հոսանքներ: Տեղումները կդադարեն եւ օդի ջերմաստիճանը մինչեւ հուլիսի 15-ը աստիճանաբար կբարձրանա 6-8 աստիճանով: Օր օրի կզգաք ջերմաստիճանի բարձրացումը»,- շարունակեց օդերեւութաբանը:

Նշենք, որ եթե հուլսի 9-11-ին մայրաքաղաքում ցերեկը առավելագույն ջերմաստիճանը +26…+28 աստիճան էր, ապա արդեն հուլիսի 15-ին Երեւանում սպասվում է +35…+37 աստիճան տաքություն: Հայաստանի ամենացուրտ մարզերից մեկը համարվող Շիրակում էլ այսօր սպասվում է +16…+22 աստիճան տաքություն: Արդեն հուլիսի 14-ին այնտեղ ջերմաստիճանը կհասնի +20…+25 աստիճանի:

Ըստ Գագիկ Սուրենյանի, շոգ եղանակն առավել շատ իրեն զգացնել կտա հուլիսի 15-16-ին:

Երեւան

Հ.Գ. Այս պահին Հանրապետության որոշ շրջաններում կարկուտի հավանականությունը դեռ պահպանվում է: Այսօր առավոտյան ՀՀ արտակարգ իրավիճակների նախարարությունում տեղի ունեցած աշխատանքային խորհրդակցության ժամանակ «Հիդրոմետ» ծառայության տնօրեն Լեւոն Վարդանյանը նշել է, որ նախորդ շաբաթվա ընթացքում հակակարկտային կայանքներից արձակվել է մոտ 69.000 կրակոց, սակայն հուլիսի 10-ին տեղացած առատ անձրևն ու կարկուտը բազմաթիվ վնասներ են հասցրել հատկապես Արագածոտնի և Արմավիրի մարզերում: Գրանցվել է չորրորդ (ամենաբարձր) կարգի կարկտային պրոցես: Արմավիրի մարզում տուժել է 21 համայնք, որոնցից 15-ը չպաշտպանվող գոտում է եղել: Տնօրենի փոխանցմամբ՝ բազմաթիվ շենք-շինություններ տուժել են նաև ուժգին քամիներից, որոնց հասցրած վնասի չափը ճշտվում է: