Ռամկավար ազատական կուսակցության 27-րդ ընդհանուր պատգամավորական ժողովը տեղի ունեցավ Թեքեյան կենտրոնում 2016-ի մայիսի 26 — 27 ին։ «Հայկական Վարկածը» զրուցեց մասնակիցներից մեկի՝ ԱՄՆ-ից ժամանած հասարակական — քաղաքական գործիչ Արա Ահարոնյանի ( նախկինում՝ ՌԱԿ կենտրոնական վարչության հարավային Ամերիկայի երկարամյա ատենապետ) հետ` փորձելով հասկանալ, թե ինչ խմորումներ են իրականում տեղի ունենում ՌԱԿ կուսակցության ներսում ու նրա շուրջ:
— Ներկայիս ՌԱԿ հայաստանյան կառույցից որևէ մեկը չմասնակցեց համագումարին, անգամ ողջունելու չեկան, ինչպես կմեկնաբանեք այս երևույթը:
-Մենք բոլորս միասնական ենք։ Ով որ չի ուզի միասին աշխատել ազատ է։ Մեր կուսակցության դռները բաց են։ Ասեմ, որ մեր ժողովուրդը ռամկավար ազատականի կարիքն ունի։ Դրա վրա պիտի աշխատենք։
— Ինչպես եղավ, որ որոշվեց հայրենիքի մեջ անցկացնել համագումարը։ Որքանով տեղյակ եմ, նախապես որոշված էր այլ երկրում անցկացնել համագումարը։
— Ռամկավար ազատական կուսակցությունը որպես ավանդական հայ կուսակցություն 95 տարիների ընթացքում համաշխարհային կամ ընդհանուր պատգամավորական ժողով է գումարել։ 27-րդ համագումարն ընթացավ Երևանում։ Կուսակցությունն ունի 19 տարբեր շրջանակներ, որոնք ուզեցան, որ Երևանի մեջ լինի համագումարը։ Այո, նախապես որոշված էր համագումարն անցկացնել Արգենտինայում, բայց շրջանակների համաձայնությամբ և հայրենիքի հրավերով որոշվեց այստեղ անցկացնել։
— Քանի՞ պատվիրակ էր եկել Հայաստան։
— Գրանցված էր 35 պատգամավոր՝ 19 շրջանակներից, որոնցից 17-ը ներկայացան և մասնակիցների թիվը եղավ 32։ Դրանից առաջ կար նաև խորհրդակցական համագումար, որտեղ կային ազատ ունկնդիրներ, նրանք էլ մասնակցեցին։ Տարբեր երկրներից Հայաստան ժամանած ՌԱԿ համակիրներ, որոնք իրենց արձակուրդը անցկացնում էին հայրենիքում, ևս մասնակցեցին։ Եղան երկրներ, որ չմասնակցեցին՝ Հունաստանը, Իրաքը:
— Հայաստանյան կառույցը փաստորեն անմասն մնաց համագումարից: Ստացվում է, որ ՀՌԱԿ-ը Ռամկավարների կենտրոնական կառույցին չի ենթարկվում։
— ՌԱԿ-ը առաջին երեք կուսակցություններից էր, որոնք անկախությունից անմիջապես հետո՝ 1991թ –ին, գրանցվեցին Հայաստանում պետական օրենքով։ Սակայն վերջին տարիներին տարակարծություններ եղան նախկին ատենապետների միջև։ Պետությունը Հայաստանում գործող կառույցը վերագրանցեց այս անգամ նոր կազմով որպես ՌԱԿ-Հայաստան։ 2012թ. նախկին վարչապետի օրոք այն վավերացվեց, որպես քաղաքական առանձին կառույց։ Բավականին մեծ թվով անդամներ կորցրեցինք Հայաստանի մեջ։ Սփյուռքի հետ գործակցությունը խոչընդոտվեց։
-Ո՞րն է պատճառը։
— Իրենք ուզում են ասել, որ մենք ենք կուսակցության գերագույն ղեկավարությունը: Որ այն Հայաստանի մեջ է: Հակոբ Ավետիքյանի գլխավորած վարչությունը կուզի, որ ինքը նկատվի որպես գերագույն կառույց Հայաստանի մեջ, որը ընդունելի չէ սփյուռքում։ Գերագույն օրենսդիր մարմինը կենտրոնական վարչությունն է, պարտավոր է ենթարկվելու նրա որդեգրած օրենքներին։
-Այո, բայց այդպիսով կուսակցությունը ոչ միայն աղավաղում է իր դեմքը, այլև թուլանում և անհասկանալի կարգավիճակ ստանում:Չէ որ հայաստանյան ՌԱԿ-ը օգտագործում է կուսակցության զինանշանը և դրոշը, որը պատկանում է գերագույն կենտրոնին։
— Փաստորեն այդպես է:
— Իսկ ՀՀ սփյուռքի նախարարության դիրքորոշումն ինչպիսին է:
— Սփյուռքի նախարարությունը նախագահի կողմից ուղարկված ողջույնի խոսքով ներկա եղավ ժողովի բացմանը և պաշտոնապես շնորհավորեց ՌԱԿ-ի մասնակիցներին, դժբախտաբար հաջորդ օրը ՌԱԿ հայաստանյան ատենապետ Հակոբ Ավետիքյանը քննադատորեն դա մեկնաբանեց և այն դուր չեկավ նախարարությանը։
— Անդրադարձ եղա՞վ Արցախի խնդրին, ինչ- որ բան նախատեսվո՞ւմ է այդ ուղղությամբ:
— Բոլոր երկրներից օժանդակություն կա Արցախին։ Իբրև կուսակցություն կարող ենք ավելի լայն օգնություն ցուցաբերել։ Ցավալի է այս հարձակումը, որ եղավ ապրիլին, ցույց տվեց, որ Արցախը օգնության կարիք ունի։ Դրա վրա պիտի կենտրոնանանք։ Սփյուռքը պիտի աշխատի այս ամենի համար։
Պատրաստեց Անի Գևորգյանը
- 14:10Ուժեղ մագնիսական փոթորիկ մայիսի 31-ին. վտանգավոր երկրափոթորիկ կհարվածի երկրին
- 14:10Եթե Ադրբեջանի և Հայաստանի միջև կնքվի խաղաղության վերջնական համաձայնագիր, դա դրական ազդեցություն կունենա ողջ տարածաշրջանի վրա․ Թուրքիայի ԱԳ նախարար
- 12:10Ֆիդանը 4 հայկական գյուղերի հանձնման մասին. Թուրքիան լիովին աջակցում է Ադրբեջանին
- 14:10Իրանի և Ռուսաստանի հարաբերություններում փոփոխություն չի լինի․ Լավրով
- 14:10Ուկրաինայի կապիտուլյացիայից հետո Զելենսկին պետք է ձերբակալվի և դատարանի առաջ կանգնի կամ չեզոքացվի՝ որպես ահաբեկիչ․ Մեդվեդև
- 11:10Իրանի նախագահի ուղղաթիռը վթարի է ենթարկվել տեխնիկական անսարքության պատճառով. ԻՐՆԱ
- 12:10«Ոչ ոք չի կարող պառակտում մտցնել Իրանի և Ադրբեջանի միջև»
- 11:00Իրանի նախագահն ու արտաքին գործերի նախարարը մահացել են ուղղաթիռի վթարի հետևանքով
- 13:10Պենտագոնը հրաժարվել է թույլ տալ Ուկրաինային ամերիկյան զենքով հարվածել Ռուսաստանին
- 12:10Լուկաշենկոն, այցելելով իր եղբորը՝ Ալիևին, հիշել է «ձեր ազատագրական պատերազմի» նախորդած ընթրիքն ու իր խորհուրդները