Գողն ինքն էլ գիտի որ գող է, մեզ գողոնն է պետք վերադարձնել

Գողին գող պետք է ասել, դավաճանին ՝ դավաճան, քաղաքավարության ժամանակը չէ

Հայոց բանակը պետք է զինել և զինել ժամանակակից զինտեխնիկայով:

Մինչ ապրիլի 1-ը ինչ-որ տեղ ներողամիտ էինք պետական բյուջեի միջոցների հանդեպ իշխանական էլիտայի անհագ ծարավին, միլիարդավոր դրամների անտեղի և անարդյունավետ ծախսերին, երբ տարիներ շարունակ պետական բյուջեն բաշխվում էր ինչպես ՛՛գողական օբչագը՛՛, քանի որ երկրի կառավարումն իրականացվում էր քրեական բարքերի օրինակով:

Մի կողմից գողանում էին, մուս կողմից ժողովրդին հավատացնում, որ ՛՛բանակը ոչ մի բանի կարիք չի ունենա՛՛:

Այսպես խաբեցին, մինչև առաջին լուրջ փորձությունը , երբ առաջին դեմքն ինքը խոստովանց , որ Լեռնային Ղարաբաղի բանակը մարտնչել է ՛՛80-ական թվականների զենքով՛՛:

Փաստորեն, բանակի համար նախատեսված միջոցներն էլ են գողացվել: Ապրիլի 1-ից հետո պարզվեց, որ ժողովուրդը ներողամիտ է եղել ոչ թե բառիս բուն իմաստով գողերի նկատմամբ, այլ՝ պետական դավաճանների:

Հիմա Լեռնային Ղարաբաղի և Հայաստանի բանակը շտապ վերազինելու կարիք ունի: Անհրաժեշտ են հարյուրավոր միլիոն դոլարններ: Արցախը դիմել է հայությանը, խնդրելով ֆինանսական աջակցություն ցուցաբերել բանակը վերազինելու համար:

ԼՂՀ վարչապետի գլխավորությամբ ստեղծված օպերատիվ շտաբը, ամփոփելով իր 7-օրյա աշխատանքը, տեղեկացրել է, որ ապրիլի 8–ի տվյալներով` ֆինանսների նախարարության բանկային հաշիվներին է փոխանցվել մոտ 1 մլրդ 139 մլն դրամ, 1 մլն դոլար, 7,700 հազար եվրո և 13 մլն ռուբլի:

Սա բավարար ակտիվություն չէ Սփյուռքի կողմից:

Արցախի փոխվարչապետ Արթուր Աղաբեկյանը երեկ կոչով դիմել էր Ռուսաստանում բնակվող հայերին և կոչը տեղադրել է Facebook-ի իր էջում. ՛՛Ռուսաստանի Դաշնությունում ապրող 2 միլիոն հայեր (Ռուսաստանի բարձրագույն ղեկավարության տվյալներով), հասկանում եմ, որ չեք ըմբոստանում, չեք խոսում (մանթրաշ եք), բայց չեմ կարծում, որ ձեզ խանգարում են, ձեր ձեռքը բռնում են ու չեն թողնում, որ դուք մասնակցեց Արցախի կառավարության նախաձեռնությանը: Արցախի կառավարության կոչին Ռուսաստանի Դաշնությունից արձագանքել է դեռ 30 մարդ: Ձեզ չեն հասկանա հայրենիքում, Ռուսաստանում ապրող արցախցիներ՝ ձեզ չեն հասկանում Արցախում՛՛:

Սփյուռքն ակտիվ դրամահավաք չի անի այնքան ժամանակ, քանի դեռ Հայաստանի ներսում գողերը չեն վերադարձրել բանակից և ժողովրդից գողացված դրամական միջոցները:

Հավանաբար Սփյուռքը սպասում է, թե երբ Հայաստանում ետ կբերեն գողոնը, որ վստահություն լինի այս դրամահավաքի նկատմամբ:

Աղբյուրը armweeklynews.am