Ռեհանը հնագույն ժամանակներից հայտնի է եղել Արևելքի ժողովուրդներին: Հնդկաստանում ռեհանն անվանում են «սրբազան բույս» («տուլսի»), լատիներեն անվանումն է՝ O.basiliqum – «արքաներին արժանի բուրմունք»:
Սերբերը և ուկրաինացիները համարում են, որ ռեհանն օժտված է մոգական հատկություններով: Տարիներ առաջ ինձ նվեր էին բերել նախշազարդված և ռեհանի տերևներով լցված մի պարկիկ: Բացատրեցին, որ Մոնտենեգրոյում նման պարկիկները համարվում են լավագույն հուռութ, որը մարդուց, բնակարանից, այգուց, տնային կենդանիներից հեռացնում է զանազան չարակամությունները: Սերբերը ռեհանի ճյուղ էին դնում ծննդաբերող կնոջ կողքին և նորածին երեխայի բարուրի մեջ, որպեսզի հանգիստ քնի և «չար աչքից» զերծ մնա: Սերբ բուժարարները խորհուրդ են տալիս ռեհանն օգտագործել ցանկացած տեսակի ինֆեկցիաների դեպքում՝ ուղղակի պետք է սեղանի վրա միշտ թարմ ռեհան լինի:
Ուկրաինայում ռեհանը կախել են առաստաղներից: Աբխազները կարծում էին, որ «ով ռեհան է ծամում՝ նա երկար է ապրում»:
Արևմտյան Եվրոպայում ռեհանը հայտնի է 16-րդ դարի սկզբից, ներկայումս շատ մեծ կիրառում ունի Իտալիայում: Մշակվում է ոչ միայն սննդի մեջ օգտագործելու նպատակով, այլև կամֆորա և էվգենոլ ստանալու համար: Ռեհանից ստացվող եթերային յուղը վաճառվում է դեղատներում: Խորհուրդ է տրվում կիրառել բրոնխիտի, գրիպի, մրսածության և սարսուռի, գլխապտույտի, գլխացավի, միգրենի, դեպրեսիայի, նյարդային հոգնածության, տագնապի, ուշագնացության, պարոդոնտոզի, ստոմատիտի, դիսբակտերիոզի, դիսպեպսիայի, կոլիտի, մետեորիզմի, նախադաշտանային սինդրոմի և դաշտանի խանգարումների, մազաթափության դեպքում:
Ժողովրդական բժշկության մեջ օգտագործվում են թարմ և չորացրած տերևները, ծաղիկը, սերմը: Տերևը հավաքեք ծաղկման շրջանում, չորացրեք օդափոխվող ծածկի տակ, ցանկալի է՝ ոչ լուսավոր տարածքում, որպեսզի պահպանվի գույնը:
Ժողովրդական դեղատոմսեր
Միզապարկի բորբոքում. Ծաղկման շրջանի սկզբում հավաքեք տերևը և ճյուղերի վերգետնյա մասը՝ չբացված ծաղիկների հետ: Աղացեք հումքը, զտեք հյութը, քամեք թանզիֆով: Հյութը խառնեք ջրի և գոլ մեղրի հետ (1:1:1): Խմեք 3-ական թ/գ՝ նախաճաշից և ընթրիքից կես ժամ հետո: Խստորեն պահպանեք չափաբաժինները և ընդունման կարգը: Շարունակեք 10 օր, կրկնեք ևս երկու անգամ՝ տասական օր ընդմիջելուց հետո:
Բկաբորբ. 20գ չոր տերևը 7 օր թրմեք 200մլ օղու մեջ, քամեք: Պահեք սառնարանում, խառնեք գոլ ջրի հետ (1:5), կատարեք ողողումներ:
Անքնություն. 1թ/գ թարմ հյութը լուծեք 100մլ կաթի, կեֆիրի կամ մածունի մեջ: Խմեք քնելուց առաջ:
Աչքերի հոգնածություն. 1թ/գ չոր (2 ճյուղիկ թարմ) տերևը թրմեք 1լ ջրում: Քամեք, լվացեք աչքերը հով թուրմով: Պայծառացնում է տեսողությունը: Կատարեք օրը 1-2 անգամ, շարունակեք 7-10 օր, ընդմիջեք 7 օր: Կարելի է դնել թրջոցներ:
Նյարդերը հանգստացնող. 15գ շահասպրամի սերմը (կամ հավասար քանակությամբ վերցված սերմը և տերևը) 30 րոպե տաքացրեք ջրային բաղնիքի վրա 200մլ ջրի մեջ, 20 րոպե թրմեք, քամեք: Լցրեք լոգանքի ջրի մեջ (37C)՝ տևողությունը՝ 10-15 րոպե:
Յուղամզվածք. Ապակե տարան լցրեք թարմ տերևներով (ոչ խիտ), լցրեք այնքան չզտված արևածաղկի յուղ, որ ծածկի հումքը, 15 րոպե տաքացրեք ջրային բաղնիքի վրա (փակ կափարիչով): 30 օր թրմեք մութ տեղում՝ կիպ փակված տարայում, քամեք, հումքը մզեք յուղի մեջ:
Խնդրահարույց մաշկ, կորյակներ. Յուղամզվածքով մշակեք նախօրոք մաքրված մաշկը, 5 րոպեից մաքրեք բամբակե խծուծով:
Եղունգների խնամք. Յուղամզվածքը ներմերսեք եղունգների մեջ:
Ռևմատիզմ, մկանների բորբոքում. Յուղամզվածքը քսեք ցավոտ մասին, ծածկեք կալկայով, փաթաթեք շալով:
Վահանագեղձի հիվանդություններ. Յուղամզվածքը կաթեցրեք ձեռքի վրա, մերսեք կոկորդին և պարանոցին՝ ընդամենը կես թ/գ:
Ստամոքսաբորբ, ստամոքսի, 12-մատնյա աղիի խոց, լյարդի և լեղապարկի հիվանդություններ, դիսբակտերիոզ, ախորժակի անկում. Օգնում են շրջանաձև մերսումները որովայնի շրջանում: Յուղամզվածքը ներմերսում են ժամացույցի սլաքի ուղղությամբ՝ որպես կենտրոն ընդունելով պորտը և հետզհետե մեծացնելով շրջանը: Նման բուժումը ճիշտ է, որ կատարի մասնագետը:
Թարախային վերքեր. Եռացրեք 250 մլ ջուր, 5 րոպե անց լցրեք 20 գ սերմ, 15 րոպե թրմեք, քամեք: Լվացեք վերքերը, թողեք չորանա:
Սրտխառնոց. Թարմ կամ չոր տերևները դրեք լեզվի տակ, լավ միջոց է, եթե դժվար եք տանում մեքենայով ուղևորությունը:
Մրսածություն. 5գ չոր (30գ թարմ) տերևը 5րոպե թրմեք 250մլ ջրում, քամեք: Խմեք կիտրոնի և մեղրի հետ:
Ռեհանը լայնորեն օգտագործվում է շատ ժողովուրդների ազգային խոհանոցներում: Չորացրած տերևի փոշին փոխարինում է բուրավետ պղպեղին և վանիլինին: Մարդիկ հնագույն ժամանակներից նկատել են, որ թարմ բույսի բուրմունքը խթանում է մտավոր ակտիվությունը, ամրացնում է նյարդային համակարգը, լավ աֆրոդիզիակ է: Թարմ տերևն ավելացնում է կերակրող մայրերի կաթը, օգտակար է վիրուսային համաճարակների, մալարիայի դեպքում: Լավացնում է շնչառությունը, ախորժակը և մարսողությունը, մեղմացնում է ատամի ցավը: Ռեհանն օգտակար է ասթենիայի (անուժականություն) դեպքում:
Զգուշացում. Խորհուրդ չի տրվում ուտել հղիներին, արյան բարձր մակարդելիության, ընկնավորության, ստամոքսի խոցի դեպքում:
- 13:10Հայտնի է ջերմաստիճանը, որի ժամանակ ակտիվանում է կորոնավիրուսը. MedRxiv
- 13:10Հայաստանը քո ձեռքում դարձել է ժողովրդավարության պոչամբար՝ սրանից բխող բոլոր տոքսիկ հետեւանքներով. Աշոտյանը՝ Փաշինյանին
- 14:10Վլադիմիր Պուտինն ու Դմիտրի Մեդվեդևը շնորհավորական ուղերձներ ու ծաղկեփնջեր են ուղարկել Աննա Հակոբյանին
- 14:10Ինչ ընդհանրություն կա պատգամավորների թվի և Գարեգին Բ կաթողիկոսի միջև
- 17:28ՍՈՒՐԲ ԳԻՐՔՆ ԱՄԵՆ ՕՐ (31 մարտ 2018թ.)
- 16:48Նիկոլ Փաշինյանի հեղինակած երգը (տեսանյութ)
- 16:02Ֆիլիպ Կիրկորովը իր երեխաների համար տնային դիսնեյլենդ է կառուցել
- 14:25Սուրբ Զատիկի տոնին բազմաթիվ միջոցառումներ կկազմակերպվեն. Ժամանակացույց
- 17:30ՍՈՒՐԲ ԳԻՐՔՆ ԱՄԵՆ ՕՐ (30 մարտ 2018թ.)
- 15:27Այդ դեպքում, ինձ պետք է վաղուց բանտ նստեցրած լինեին իմ խենթ սանրվածնքների համար. Ջուս
29.09.2024 | 20:03
09.09.2024 | 12:51
26.06.2024 | 10:01
31.05.2024 | 12:54
31.05.2024 | 12:10
31.05.2024 | 11:10
29.05.2024 | 15:42
29.05.2024 | 12:10
29.05.2024 | 11:17
28.05.2024 | 13:20
28.05.2024 | 13:02
28.05.2024 | 11:17
28.05.2024 | 11:11
28.05.2024 | 10:37
24.05.2024 | 15:10
24.05.2024 | 13:10
24.05.2024 | 12:17
24.05.2024 | 11:29
23.05.2024 | 15:10
23.05.2024 | 14:10
23.05.2024 | 13:10
23.05.2024 | 11:10
22.05.2024 | 15:10
22.05.2024 | 14:10
22.05.2024 | 13:10
22.05.2024 | 12:10
22.05.2024 | 11:10
21.05.2024 | 15:10
21.05.2024 | 14:10
21.05.2024 | 13:10
21.05.2024 | 12:10
21.05.2024 | 11:10
20.05.2024 | 15:10
20.05.2024 | 14:10
20.05.2024 | 13:10
20.05.2024 | 12:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.