Այսօր Սևանի մերձակա գյուղերի բնակիչների անգույն ու ձմեռող կենցաղում նորություն կար։ Բանն այն է, որ այս պահին դեռևս Գեղարքունիքում է գտնվում նախագահ Սերժ Սարգսյանը, որի այցն էլ դարձել է գյուղացիների քննարկման թեման։
Սևանի Ծաղկունք գյուղում (Գյուղը գտնվում է Սևան-Զովաբեր- Հրազդան –ճանապարհահատվածում) հյուրատուն կա, այդպես էլ կոչվում է «Ծաղկունք» հյուրատուն:Այն աչքի է ընկնում սպասարկման բարձր կուլտուրայով: Հիմնադրվել է տարիներ առաջ ծաղկունքցի գործարար Աղաջանյան եղբայրների կողմից: Այստեղ հաճախակի են լինում բարձրաստիճան պաշտոնյաներ:
Այսօր հյուրատուն խաշի էր գնացել Սերժ Սարգսյանը: Վաղ առավոտյան Հրազդան – Զովաբեր – Դդմաշեն — Ծաղկունք ճանապարհահատվածը, որ ավելի քան 15 կմ է, մաքրվել է ձյունից: Բանից անտեղյակ գյուղերի բնակիչները ուղղակի զարմանքից քար էին կտրել. ինչո՞ւ են այսպես խնամքով մաքրում ճանապարհը: Միայն այն ժամանակ, երբ ճանապարհը լցվեց ոստիկաններով և ճանապարհային ոստիկանության մեքենաներով ու փակեցին ճանապարհահատվածը, պարզ դարձավ, որ ինչ- որ բան է տեղի ունենալու: Հետո գյուղացիները պատմում են, որ եկավ նախագահական շարասյունը:
Առավոտից մինչ այս պահը ոստիկանները հսկում են ճանապարհահատվածը: Նախագահը իր շքախումբով դեռ այնտեղ է, իսկ Սևանի ցուրտը հաղթահարել փորձող առավոտից սառած ոստիկանները սպասում են նախագահի հեռանալուն…
Ի դեպ գյուղացիներն ասում են, որ նախագահն այստեղ հաճախ է գալիս.Ասում են, որ նախորդ ձմռանն էլ է նա այցի եկել իրենց: Ի դեպ նրան մարզային ղեկավարությունից որևէ մեկը չի ընկերակցել, ոչ նժդեհական մարզպետը, ոչ էլ նրա հակառակորդ Սևանի քաղաքապետը:
- 18:29Այսօր մահացել է դերասանուհի Թամար Հովհաննիսյանի եղբայրը` բանաստեղծ Դավիթ Հովհաննեսը
- 18:05«Խնդրում ենք անհապաղ վերադարձնել 8 դավաճաններին, ովքեր ուղղաթիռով փախել են Հունաստան». Թուրքիայի ԱԳ նախարար
- 13:46Աղասը կրկին հաղթեց Լիսկային
- 11:061in.am-ը դադարեցնում է աշխատանքը
- 10:45«Զգոն եղեք,Ադրբեջանը ձեռք է բերել պահեստատուփի նմանվող պայթուցիկ սարքեր»
- 18:30Առաջիկա 5 օրվա եղանակի կանխատեսում
- 17:50Երևան քաղաքի նոր դատախազը
- 17:44Թուրքիան, Ադրբեջանը, Իրանը, Ղրղզստանը և Ղազախստանը հայտ են ներկայացրել ՅՈՒՆԵՍԿՕ՝ լավաշը ոչ նյութական մշակութային ժառանգության ցանկում ներառելու համար
- 18:27Մոտ կես ժամ դադարներով կրակեցին. հակառակորդը հրաձգային զենքերից կրակ է բացել Ոսկեպար-Բաղանիս ճանապարհի վրա
- 14:58Արդյո՞ք որևէ բան կտա Երևան-Սևան ճանապարհին շտապօգնության հերթապահություն սահմանելը