Հայաստանում ընթացող սահմանադրական փոփոխությունների հանրաքվեն տապալվելու էր, եթե իշխանությունը իր ոճին հավատարիմ միջոցներ ձեռք չառներ:

Այսօր՝ ժամը 21-ի դրությամբ, ըստ ԿԸՀ նախագահ Տիգրան Մուկուչյանի տրամադրած տեղեկության, նախնական տվյալներով ընտրողների ընդհանուր թիվը կազմել է 50.51 տոկոս՝ ամբողջ հանրապետությունում հանրաքվեին մասնակցել է 1 մլն 296 հազար 368 քաղաքացի: Երկրի խոշոր քաղաքներում, այդ թվում Երևանում, ընտրողների մեծ մասն, հանրաքվեն անտեսել են: Շենգավիթ վարչական շրջանի ընտրական տեղամասերից մեկում մեր այցի ժամին՝17:30 –ի սահմաններում 1989 ըտրողից, այստեղ քվերակության էր եկել 573 ընտրող: Մարդաշատ չէին նաև Կենտրոն համայնքի ընտրատեղամասերը.

Մետաքս թաղամասում աշխուժություն էր միայն ժամը 18:00 –ի սահմաններում, երբ թիվ 38 դպրոցի ընտրատեղամաս էր եկել Գագիկ Բեգլարյանը , չնայած որ թաղամասի բոլոր բնակարաններում առավոտից մարդիկ են շրջում՝ խնդրելով մասնակցել քվեարկությանը: Ըստ ԿԸՀ –ի Երևանում ընտրատեղամասերի փակման պահին քվեարկել են 388 506 ընտրողներ կամ ընտրողների թվի 45,93 տոկոսը: Ամենացածր մասնակցությունը գրանցվել է Գյումրիում:

Այստեղ ընտրատեղամասեր են եկել ընտրողների 33,1 տոկոսը: Հայաստանի երրորդ քաղաք Վանաձորում մասնակցությունը կազմել է 38 տոկոս: