Մայիսի 19-ից 21-ը ՀՀ ՊՆ Վազգեն Սարգսյանի անվան ռազմական ինստիտուտում կայացել է «Նախնական զինվորական պատրաստություն և անվտանգ կենսագործունեություն» առարկայի շրջանակներում անցկացվող հանրակրթական ուսումնական հաստատությունների օլիմպիադայի եզրափակիչ փուլը:
Մայիսի 19-ից Վազգեն Սարգսյանի անվան ռազմական ինստիտուտում էին մեկտեղվել հանրապետության մարզերի, ինչպես նաև Երևանի ու Արցախի դպրոցներում «Նախնական զինվորական պատրաստություն և անվտանգ կենսագործունեություն» առարկայի շրջանակում անցկացված օլիմպիադաների եզրափակիչ փուլ անցած սաներն ու նրանց զինղեկները:
Օլիմպիադայի եզրափակիչ փուլի` մայիսի 19-ին տեղի ունեցած բացման արարողությանը ներկա էին ՀՀ ՊՆ Տ և ՀԿ վարչության պետ Վարդան Ավետիսյանը, Ռազմական ինստիտուտի պետ, գեներալ-մայոր Արմեն Ղահրամանյանը, ՀՀ պաշտպանության նախարարի խորհրդական, գեներալ-լեյտենանտ Մուրազ Սարգսյանը, բարձրաստիճան այլ զինվորականներ, ՀՀ կրթության և գիտության նախարարության պաշտոնյաներ: Ողջունելով դպրոցականներին` ՊՆ Տ և ՀԿ վաչության պետ Վարդան Ավետիսյանը նկատեց, որ պաշտպանության և գիտության ու կրթության նախարարությունների համատեղ ջանքերով անցկացվող օլիմպիադան արդեն ավանդույթ դարձած իրողություն է, որը վկայում է երկու գերատեսչությունների կողմից հանրապետության բոլոր՝ 1430 դպրոցներում հավուր պատշաճի իրականացվող հայրենասիրական դաստիրակության մասին:
Օլիմպիադայի եզրափակիչ փուլ անցած թիմերի սաները երեք օր շարունակ մրցել են ռազմականացված էստաֆետ (արգելագոտիների հաղթահարում, զենքի քանդում և հավաքում, հրաձգություն) շարային պատրաստության անվանակարգերում, հանձնել են «Նախնական զինվորական պատրաստություն և անվտանգ կենսագործունեություն» առարկայի թեսթային նորմատիվներ, ապրել են զինվորական կենցաղով ու կանոնակարգով: Օլիմպիադայի մասնակիցների համար կազմակերպվել են էքսկուրսիաներ ՀՀ ՊՆ «Մայր Հայաստան» զինվորական թանգարան, «Եռաբլուր» պանթեոն և Հայոց ցեղասպանության զոհերի հուշահամալիր: Կազմակերպվել է նաև համերգ ՊՆ «Զորական» համույթի մասնակցությամբ:
Մայիսի 21-ին օլիմպիադայի փակման և արդյունքների ամփոփման հանդիսավոր միջոցառմանը ներկա էին ՀՀ պաշտպանության նախարարի առաջին տեղակալ Դավիթ Տոնոյանը, Վ. Սարգսյանի անվան ռազմական ինստիտուտի հրամկազմը, բարձրաստիճան զինվորականներ, ՀՀ կրթության և գիտության նախարարության ներկայացուցիչներ: Ողջունելով օլիմպիադայի մասնակիցներին` պաշտպանության նախարարի առաջին տեղակալ Դավիթ Տոնոյանն իր խոսքում կարևորել է նմանօրինակ միջոցառումները երիտասարդության հայրենասիրական դաստիարակության, փողոցային արատավոր բարքերի դեմ պայքարի, ինչպես նաև պատասխանատու ու արժանավոր քաղաքացի կրթելու գործում:
Օլիմպիադայի արդյունքներով` թիմային ընդհանուր հաշվարկով Լոռիի և Տավուշի մարզերի թիմերն արժանացան մրցանակների` զբաղեցնելով համապատասխանաբար երկրորդ և երրորդ տեղերը: Օլիմպիադայի հաղթող է ճանաչվել Արցախի Հանրապետության թիմը, որը, ի դեպ, արդեն երրորդ տարին անընդմեջ զբաղեցնում է առաջին հորիզոնականը:
ՀՀ պաշտպանության, կրթության և գիտության նախարարների, ինչպես նաև Վ. Սարգսյանի անվան ռազմական ինստիտուտի պետի հրամաններով պատվոգրերով, հուշանվերներով ու արժեքավոր նվերներով պարգևատրվել են մի շարք զինղեկներ և աշակերտներ, ովքեր օլիմպիադայի ընթացքում անհատական և թիմային հաշվարկով արձանագրել են բարձր արդյունքներ:
Օլիմպիադայի փակման արարողության ընթացքում ցուցադրական ելույթներով հանդես են եկել Հայաստանի ռազմական թեքվանդոյի ֆեդերացիայի սաները և ռազմական ինստիտուտի կուրսանտները:
- 12:13Ողբերգական դեպք՝ Երևանում․ թիվ 90 դպրոցի 11-ամյա աշակերտուհու սիրտը կանգ է առել
- 11:42Ադրբեջանում պահանջել են նաև չորս «անկլավային գյուղերը»
- 11:23Վաղը ուշադիր եղեք հատկապես Ոսկեվանի և Բաղանիսի մոտակա դիրքերին․ Նաիրի Հոխիկյան
- 13:26Վթարի հետեւանքով մահացած բոլոր չորս զինծառայողները ժամկետայիններ էին.
- 11:29Գեղարքունիքում զինվորական «ԿամԱԶ» է վթարի ենթարկվել
- 14:08Ոսկեպարցի Սամվելի խոհանոցի և հողամասի մի մասը մնալու է ՀՀ-ում, իսկ տունը և տնամերձի մյուս մասը՝ Ադրբեջանում. Թաթոյան
- 13:00Դպրոցներից տարհանման կարիք չկա. ԿԳՄՍ նախարարը` ահաբեկչության կեղծ լուրերի մասին
- 15:10Ահազանգ ենք ստացել զինվորական ծառայությունից հրաժարվելու հիմքով ՀՀ-ում ապաստանած ՌԴ քաղաքացուն առևանգելու և Գյումրու ռազմաբազայում ապօրինի պահելու մասին
- 11:10Եթե շատ լինեք, մենք կշրջափակենք կառավարությունը․ Հրանտ Բագրատյան
- 14:10Անիմաստ կրակում են, ոչ մի բան չեն թիրախավորում, երևի վախից է․ Արավուսի նախկին գյուղապետ
02.05.2024 | 15:10
02.05.2024 | 14:10
02.05.2024 | 13:10
02.05.2024 | 12:10
02.05.2024 | 11:10
01.05.2024 | 15:10
01.05.2024 | 14:10
01.05.2024 | 13:10
01.05.2024 | 11:10
23.04.2024 | 11:42
23.04.2024 | 11:06
13.04.2024 | 13:57
13.04.2024 | 13:26
13.04.2024 | 13:06
13.04.2024 | 12:59
13.04.2024 | 12:28
13.04.2024 | 11:29
12.04.2024 | 14:08
12.04.2024 | 13:56
12.04.2024 | 2:20
10.04.2024 | 15:10
10.04.2024 | 14:10
10.04.2024 | 13:10
10.04.2024 | 12:10
10.04.2024 | 11:10
09.04.2024 | 15:10
09.04.2024 | 14:10
09.04.2024 | 13:10
09.04.2024 | 12:10
09.04.2024 | 11:10
08.04.2024 | 15:10
08.04.2024 | 14:10
08.04.2024 | 13:10
08.04.2024 | 12:10
08.04.2024 | 11:10
06.04.2024 | 14:10
06.04.2024 | 13:10
-
Հասցե` Հայաստան, 0023, Երևան, Արշակունյաց 2
Հեռ: +374 (10) 06 06 23 (413, 414), +374 (99) 53 58 26
Էլ. փոստ` armv12@mail.ru -
2010-2011 © Բոլոր իրավունքները պաշտպանված են:
Մեջբերումներ անելիս հղումը armversion.com-ին
պարտադիր է: Կայքի հոդվածների մասնակի կամ
ամբողջական հեռուստառադիոընթերցումն
առանց armversion.com-ին հղման արգելվում է: -
Կայքում արտահայտված կարծիքների համընկնումը
խմբագրության տեսակետի հետ պարտադիր չէ:
Գովազդների բովանդակության համար
կայքը պատասխանատվություն չի կրում:
Բոլոր իրավունքները պաշտպանված են: Copyright “Armversion.com” 2010.