Սփիւռքի տարածքին մեծ ու բարերար դերեր ունեցած են հայրենակցական մեր  բոլոր միութիւնները:

Իրենց պապենական հողերէն եւ տուներէն վտարուած մեր ժողովուրդը, օտար երդիքի տակ հազիւ ինքզինք գտած, անմիջապէս իր հայրենակիցներուն  միանալով, մտածած է իր կարելի բոլոր միջոցներով, կենսական ապրուստի եւ ուսման կարօտեալ իր միւս հայրենակիցներուն գործնականապէս օգնութեան ձեռք երկարել:

Պատմութիւնը վկայ, յատկապէս Ամերիկայի այս ափերուն, մեր այս միութիւնները իրենց օրինակելի եւ օրհնաբեր դերը ունեցած են ամէնուրեք մեր ժողովուրդի զաւակներու կեանքին մէջ:

Մեկնելով այս կենսական պարտաւորութիւններէն ու պարտականութիւններէն , վերջերս Լոս Անճելըսի մէջ խումբ մը մտահոգ Համախարբերդցիներ հաւաքուելով գումարեցին պատմական ժողով մը, որու ընթացքին կեանքի կոչեցին հիմնադիր վարչութիւն մը, որ պիտի համակարգէ նորակազմ միութեան բոլոր աշխատանք-ները:

Սոյն միութիւնը կոչուած է Ամերիկայի Համախարբերդի Մշակութային Միութիւն, որուն պետականօրէն »տուրքէ զուրկ« միութեան մը ճանաչողութեան աշխատանքները կը տարուին:

Լիայոյս ենք, որ Միացեալ Նահանգներու տարածքին մեր բոլոր հայրենակիցները պիտի համախմբուին միութեանս հովանիին տակ եւ նեցուկ կանգնին անոր այն կոչումին, որուն ծնունդ տուած է մեր այս միութիւնը:

Հիմնադիր վարչութեան անդամներն են.-

Դոկտ. Կարպիս Տէր Եղիայեան — ատենապետ

Արա Ահարոնեան — փոխ ատենապետ

Գէորգ Պետիկեան – քարտուղար

Մարի Թիւթելեան — ատենադպիր (հայերէն)

Մարի Նաճարեան- ատենադպիր (անգլերէն)

Յասմիկ Շաքարեան-Աճեմեան — գանձապահ

Գրիգոր Գիզիրեան, Ճանիկ Գայաճեան եւ Շաքէ Սաղտճեան խորհրդականներ:

Յաւելեալ տեղեկութիւններու եւ մանրամասնութիւններու համար դիմել քարտուղար՝  Գէորգ Պետիկեանին.-

Հեռաձայն.- 818-244-5997  կամ՝  E Mail: bedig43@aol.com

Յարգանքներով,

Ամերիկայի

Խարբերդ Մշակութային Միութիւն

Կլէնտէյլ, 17 Մարտ, 2014

Հ.Գ. «Հայկական Վարկած»ն իր էջերում կանդրադառնա աշխարհասփյուռ, արմատներով խարբերտցի այն անձանց, որոնք կուզենան համախբվել վերընշված գաղափարի շուրջ: Կապահովի կապն ԱՄՆ ում գործող կառույցի հետ, կօգնի հրապարակել ու տարածել Խարբերտի ու խարբերտցիների մասին եղած նյութերը:

Սիրով սպասում ենք: