Դիակ Կապսի ջրամբարի թունելի մոտ

Հուլիսի 19-ին ժամը 19.10-ին տեղեկատվություն է ստացվել, որ Շիրակի մարզի Արեգնադեմ գյուղի մոտ` “Աջափնյակ” ոռոգման ջրանցքն է ընկել Արեգնադեմ գյուղի բնակիչ 1968թ. ծնված Նորայր Պետրոսյանը:

Ժամը 18.25-ի սահմաններում, Կապսի ջրամբարի թունելի մոտ, համագյուղացիների կողմից հայտնաբերվել և ջրից դուրս է բերվել Ն.Պետրոսյանի դին:

Դիակ ավտոմեքենայում

Հուլիսի 20-ին, ժամը 05.15-ին, ոստիկանության  Ապարանի բաժին ահազանգ է ստացվել, որ Արա լեռան ամառանոցների ճանապարհին կանգնած «ՎԱԶ 21011» մակնիշի ավտոմեքենայում դիակ կա:

Դեպքի վայր մեկնած օպերատիվ-քննչական խումբը հայտնաբերել է Երեւանի բնակիչ, 1942 թ. ծնված Սերգեյ Հովսեփյանի դիակը՝ հրազենային վնասվածքով:

Դեպքի առթիվ հարուցվել է քրեական գործ` ՀՀ քրեական օրենսգրքի 104 հոդվածի 1-ին մասի եւ 235 հոդվածի 1-ին մասի հատկանիշներով:

Կատարվում է նախաքննություն:

Դիակ Նար‑Դոս փողոցում

Այսօր վաղ առավոտյան Նար-Դոսի փողոցի 75 շենքի բակում երիտասարդ տղայի դիակ է հայտնաբերվել, ով փորձել է գողություն անել շենքի բնակարաններից մեկից, սակայն պատշգամբից ցած է ընկել:

07.30-ին, քաղաքացիների կողմից ոստիկանության կենտրոնականի բաժին ահազանգ է ստացվել, որ նշված շենքի բակում 25-30 տարեկան երիտասարդի դիակ կա։ Մեկնած խումբը պարզել է, որ Նար-Դոսի փողոցի 75 շենքի 88 բնակարանի պատշգամբից նույն բնակարան գաղտնի մուտք գործելու ժամանակ վայր է ընկել եւ մահացել 22-ամյա Արսեն Հովհաննիսյանը:

Դեպքի հանգամանքները պարզվում է, կատարվում է քննություն: